အိန္ဒိယနိုင်ငံကအများပြည်သူသုံးနိုင်သော ကွန်ပျူတာကို အောက်တိုဘာ ၅ ရက်ကစတင်ပြီး ဖြန့်ချိခဲ့ပါတယ်။ အဲဒီ တဲဘလက်ကွန်ပျူတာဈေးနှုန်းက ၄၆ ဒေါ်လာ ဖြစ်ပြီး ကျောင်းသားသန်းပေါင်းများစွာအတွက် သတင်းအချက်အလက်များ ရယူနိုင်ဖို့ အတွက် အသုံးပြုနိုင်အောင်ရေးဆွဲထုတ်လုပ်ထားတာ ဖြစ်ပါတယ်။ တက္ကသိုလ်နဲ့ ကောလိပ်ကျောင်းသားတွေကို အခမဲ့ဖြန့်ချိနိုင်ဖို့အတွက် ကွန်ပျူတာ တစ်လုံးကို ၂၂၇၆ ရူပီး (၄၆ ဒေါ်လာ )နဲ့ လုံးရေတစ်သိန်းကို အစိုးရက ဝယ်ယူခဲ့တယ်လို့ ကနေဒါ အခြေစိုက်ထုတ်လုပ်သူ ဒေတာဝင်း DataWind  က ပြောပါတယ်။ ကမ္ဘာ့ဈေးအချိုဆုံးကွန်ပျူတာလို့ အမည်တပ်နိုင်ဖို့အတွက် ဈေးနှုန်းကတစ်လုံးကို ၃၅ ဒေါ်လာ၊ တတ်နိုင်ရင် ၁၀ ဒေါ်လာအထိ ချနိုင်အောင်လုပ်ရပါမယ်လို့ နယူးဒေလီ မှာ ကျင်းပတဲ့ဖွင့်ပွဲမှာ ဒေတာဝင်းကပြောပါတယ်။ ကွန်ပျူတာမှာ ခုနှစ်လက်မ (၁၈ စင်တီမီတာ)ရှိတဲ့ Touchscreen  ဝိုင်ဖိုင်အင်တာနက်ဖန်ရှင်၊ မာလတီမီဒီယာပလေယာ နဲ့ မိနစ် ၁၈၀ ခံတဲ့ဘက်ထရီ ပါဝင်ပါတယ်။ ကွန်ပျူတာတံဆိပ်အမည်ကို Aakash  လို့အမည်ပေးထားပြီး ''ကောင်းကင်''လို့ အဓိပ္ပါယ်ရပါတယ်။ အိန္ဒိယပြည်တွင်းမှာ ထုတ်လုပ်တာဖြစ်ပြီး အန်ဒရွိုက် ၂ ဒသမ ၂ စက်လည်ပတ်မှုစနစ်ကိုသုံးပါတယ်။ External 2 GB Stroage Card နဲ့ USB နှစ်ခုပါပါတယ်။                       ပထမဆုံးအနေနဲ့ ကွန်ပျူတာတွေကို အပြင်ဆိုင်တွေမှာ မရောင်းသေးဘဲ တက္ကသိုလ်နဲ့ ကောလိပ်တွေကနေ တစ်ဆင့် ဖြန့်ချိမှာဖြစ်ပါတယ်။ ရေရှည်ဈေးကွက် မဟာဗျူဟာကို ချထားနိုင်ခြင်းမရှိသေးပါဘူး။ မိုဘိုင်းဖုန်းတွေကို လူတွေသန်းချီပြီး ဝယ်ကြသလို အိန္ဒိယစားသုံးသူတွေက တဲဘလက်ကွန်ပျူတာတွေကို အများအပြား ဝယ်ယူ လာကြလိမ့်မယ်လို့ စီးပွားဖြစ် ထုတ်လုပ်သူတွေက ခန့်မှန်းကြပါတယ်။ အပြည်ပြည်ဆိုင်ရာ နာမည်ကြီးနေတဲ့ အိုင်ပက်ကွန်ပျူတာက အိန္ဒိယမှာ ဒေါ်လာ ၆၀၀ ဈေးပေါက်ပြီး ပြိုင်ဖက်  Reliance Communication ကထုတ်တဲ့ တဲဘလက် ကွန်ပျူတာက ဒေါ်လာ ၂၉၀ ရှိပါတယ်။ Source.AFP.

အာရှဒေသတွင် ဝန်ထမ်းကိုယ်ရေးအကျဉ်းချုပ်မမှန်မကန် ဖော်ပြမှုမြင့်တက်                   အာရှဒေသများရှိ အလုပ်လျှောက်ထားသူတွေက သူတို့ရဲ့လုပ်ငန်းဆိုင်ရာ ကိုယ်ရေးအကျဉ်းချုပ် တင်ပြရာမှာ လိမ်လည်မှုများပိုမိုများပြား လာတယ်။ အထူးသဖြင့် အိုင်တီလုပ်ငန်း၊ ဘဏ်လုပ်ငန်းနဲ့ ဘဏ္ဍာရေးဝန် ဆောင်မှုလုပ်ငန်းတွေမှာ အများဆုံးဖြစ်တယ်လို့ အလုပ်အကိုင်စိစစ်ရေး အေဂျင်စီ First Advantage  ရဲ့ အစီရင်ခံစာမှာ ဖော်ပြထားပါတယ်။ အာရှပိစိဖိတ်ဒေသရှိ အလုပ်လျှောက်ထားသူတွေက သူတို့ကိုယ်ရေး အကျဉ်းချုပ်မှာပညာအရည်အချင်းကို မမှန်မကန်ဖော်ပြတဲ့ဝန်ထမ်း အချိုးအစားက ၂၀၁၀ ပြည့်နှစ်က ၃ ဒသမ ၂ ရာခိုင်နှုန်းရှိရာမှ ယခုနှစ်မှာ ၄ ဒသမ ၄ ရာခိုင်နှုန်းထိ တိုးတက်လာတယ်လို့ ဆိုပါတယ်။ အစီရင်ခံစာအရ မမှန်မကန်ဖော်ပြတဲ့အထဲမှာ အလုပ်အကိုင်ဖြစ်စဉ် သမိုင်းကို မမှန်မကန်ဖော်ပြတာက စုစုပေါင်းမှားယွင်းဖော်ပြမှုရဲ့ ၆၆ ဒသမ ၄ ရာခိုင်နှုန်းရှိပြီး ၂၀၁၀ ပြည့်နှစ်ကထက် ၂ ဒသမ ၅ ရာခိုင်နှုန်းပိုမိုများ ပြားလာပါတယ်။ ပညာရေးက ၁၅ ဒသမ ၂၅ ရာခိုင်နှုန်းရှိပြီး ယခင်နှစ်ရဲ့ အောက် သုညဒသမ ၅ ရာခိုင်နှုန်းကျ ဆင်းလာပါတယ်။ လိပ်စာမှားယွင်း တာက ၁၆ ဒသမ ၉ ရာခိုင်နှုန်းရှိပြီး ၆ ဒသမ ၈ ရာခိုင်နှုန်းမြင့်တက်လာပါတယ်။ First Advantage က ၂၀၁၀ ပြည့်နှစ် ပထမသုံးလပတ်ကနေ ယခုနှစ် ဒုတိယသုံးလပတ်အထိ လျှောက်လွှာပေါင်းတစ်သန်းကို လေ့လာ စိစစ်ခဲ့တယ်လို့ အေဂျင်စီရဲ့ အလုပ်အကိုင်စိစစ်မှု အလားအလာ အစီရင်ခံ စာမှာ ဖော်ပြထားပါတယ်။                 မမှန်မကန်ဖော်ပြမှုတွေကို စိစစ်ရာမှာ ဘဏ်လုပ်ငန်းနဲ့ ဘဏ္ဍာရေး ဝန်ဆောင်မှုလုပ်ငန်း၊ အိုင်တီလုပ်ငန်းနဲ့ အိုင်တီအခြေပြုလုပ်ငန်းတွေမှာ မမှန်မကန်ဖော်ပြမှုပုံစံတွေ တူညီနေတာတွေ့ရတယ်လို့ဆိုပါတယ်။ ဘဏ်လုပ်ငန်းနဲ့ ဘဏ္ဍာရေးဝန်ဆောင်မှုကဏ္ဍမှာ အလုပ်အကိုင်ဖြစ်စဉ်ကို မမှန်မကန်ဖော်ပြတာက ၆၃ ရာခိုင်နှုန်းရှိပြီး ယခင်နှစ်ကထက် ၂ ရာခိုင်နှုန်းမြင့်တက်ခဲ့ပါတယ်။ ပညာရေးနဲ့ ပတ်သက်ပြီး မမှန်မကန် ဖော်ပြမှုက ၂၀ ရာခိုင်နှုန်းရှိပြီး ယခင်နှစ်ကအတိုင်းဖြစ်ပါတယ်။ လိမ်စာမမှန်တာက ၁၀ ရာခိုင်နှုန်းပိုမိုပြီး ၁၆ ရာခိုင်နှုန်းရှိပါတယ်။ Source. The Business Times

အက်ပဲက i Phone သစ်ကို အောက်တိုဘာ ၄ ရက်တွင် စတင်မိတ်ဆက်မည်                      ၂၀၁၁ ခုနှစ် အောက်တိုဘာ ၄ ရက်မှာ i Phone သစ်ကို စတင်မိတ်ဆက်ပေးမယ်လို့ အက်ပဲက စက်တင် ဘာ ၂၇ ရက်က ကြေညာပါတယ်။ ယခုမိတ်ဆက်ပွဲက သြဂုတ်က စတိဂျော့ထံမှအက်ပဲစီမံခန့်ခွဲမှုကို အမှုဆောင် အရာရှိချုပ် တင်ကွတ် လက်လွှဲရယူခဲ့ပြီးနောက်ပိုင်း ထုတ်ကုန်ကြီးကြီးမားမားကိုပထမဆုံးပွဲထုတ်တဲ့ အခမ်းအနား ဖြစ်ပါတယ်။ မျိုးဆက်သစ်ဖြစ်တဲ့ i Phone 5 ကို ကယ်လီဖို နီးယားပြည်နယ်၊ ကူပါတီနိုမှာရှိတဲ့ အက်ပဲရဲ့ ဝင်းအတွင်း မှာ ပွဲထုတ်မယ်ဆိုတာကို ကြိုတင်ကြေညာထားပြီးသားဖြစ်ပါတယ်။                       i Phone 5 က စကရင် ဖန်သားပြင်ကြီးမယ်၊ ကင်မရာရဲ့ ရီဆိုလူးရှင်းမြင့်မယ်၊ A5 Dual-core  ကို အသုံးပြုမယ်လို့ အမေရိကန်ပြည်ထောင်စု မီဒီယာတွေမှာ ဖော်ပြထားခဲ့ပါတယ်။i Phone 5 ကဈေးချိုပြီး i- Cloud ဖန်ရှင်ကို ပါပူးတွဲထည့်ပေးထားတယ်လို့ ဆိုပါတယ်။ Source. xinhua 

တရုတ်ကား ထုတ်လုပ်သူတွေက ထိုင်းနိုင်ငံကို ပြောင်းရွှေ့ရန် စီစဉ်                   ထိုင်းနိုင်ငံမှ ကားကိုတင်သွင်းနေရာကနေ ထိုင်းနိုင်ငံမှာ သွားရောက်ထုတ်လုပ်ဖို့အတွက် တရုတ်နိုင်ငံ အခြေစိုက်မော်တော်ကားထုတ်လုပ်သူ အများစုကပြင်ဆင်နေ ကြသလို အချို့ကလည်းစဉ်းစားလျက် ရှိပါတယ်။ ယခုလို ပြောင်းရွှေ့ထုတ်လုပ်ခြင်းအားဖြင့် သွင်းကုန်ခွန်ကိုရှောင်ရှားနိုင်မှာ ဖြစ်သလိုယှဉ်ပြိုင်နိုင်မှု စွမ်းရည်ကိုလည်း မြှင့်တင်နိုင် မယ်။ စည်ပင်ဖွံ့ဖြိုးနေတဲ့ အရှေ့တောင်အာရှဈေးကွက် နဲ့လည်း ပိုမိုနီးကပ်သွားပါတယ်။ ထိုင်းနိုင်ငံမြို့ တော် ဗန် ကောက်အရှေ့ဘက်ကီလိုမီတာ ၁၀၀ အကွာအခွန်ကင်း လွတ်ခွင့်ဇုန်မှာ DFM  မီနီထရပ်ထိုင်းလင်းကုမ္ပဏီက စက်ရုံကိုတည်ဆောက်လျက်ရှိပါတယ်။ ထိုင်းကုမ္ပဏီနဲ့ တရုတ်မှဒေါင်ဖန်းမော်တာကုမ္ပဏီတို့ ဖက်စပ်တည်ထောင် ထားတဲ့ ဒီတပ်ဆင်ရေး စက်ရုံကို အောက်တိုဘာက စပြီးလုပ်ငန်းလည်ပတ်မယ်၊ ခြောက်လအတွင်းမှာ စွမ်း အား ပြည့်လည်ပတ်နိုင်မယ်လို့ DFM မီနီထရပ်ထိုင်းလင်း ကုမ္ပဏီ ဥက္ကဌ ချန်ရွန်းဂျူးက ပြောပါတယ်။ ထိုင်းနိုင်ငံတွင် မီနီထရပ်ကားများ ထုတ်လုပ်ရာတွင် နာမည်ရနေတဲ့ Dongfeng Xiaokang  ကုမ္ပဏီရဲ့ ထုတ်လုပ်မှုများကို တစ်စိတ်တစ်ပိုင်းထုတ်လုပ်ရာမှ အပြည့်အ၀ တပ်ဆင်ထုတ်လုပ်သွားမှာ ဖြစ်ပြီး ထုတ်လုပ်မှုလုပ်ငန်းစဉ် ရဲ့ ၄၀ ရာခိုင်နှုန်းကို ထိုင်းနိုင်ငံမှာပင် ထုတ်လုပ်သွားမှာ ဖြစ်ပါတယ်။ ထိုင်းနိုင်ငံမှာတစ်နှစ် ကို မီနီထရပ်ကားစင်းရေ ၃၀၀၀ ထုတ်လုပ်ရောင်းချနေတယ်လို့ ချန်ကပြောပါတယ်။ ထို့ကြောင့် ထိုင်းနိုင်ငံ မီနီထရပ်ဈေးကွက်ဝေစုရဲ့ ထက်ဝက်ကိုရယူထားပါတယ်။ ရောင်းချပြီးနောက်ပိုင်း ဝန်ဆောင်မှုပေးတဲ့ဌာနပေါင်း ထိုင်းနိုင်ငံတစ်ဝန်းမှာ ၃၉ ခုကို ထူထောင်ပြီးဖြစ်ပါတယ်။ ဒါကြောင့် ကုမ္ပဏီက ဒေသတွင်း ထုတ်လုပ်မှုကို အရှိန်မြှင့် ဆောင်ရွက်သွားနိုင်မဲ့ အခြေအနေရှိပါတယ်။ ထိုင်းနိုင်ငံဥပဒေအရ အပြည့်အ၀ တပ်ဆင်ထားပြီး တင်သွင်းလာတဲ့ ထရပ်ကားများအတွက် သွင်းကုန်ခွန်ကို ၄၀ ရာခိုင်နှုန်းကောက်ခံပြီး လူစီးကားများ အတွက် တင်သွင်းခွန်ကဒီထက် များပါတယ်။ သွင်းကုန် ခွန်ဝန်ထုပ်ဝန်ပိုးကြောင့် ကားဈေးနှုန်းမြင့်တက်ပြီး ဒေသ တွင်း ထုတ်လုပ်တဲ့ သို့မဟုတ်တပ်ဆင်ထားတဲ့ကားတွေနဲ့ ယှဉ်ပြိုင်တဲ့အခါ ယှဉ်ပြိုင်နိုင်မှုစွမ်းရည် ကျဆင်းစေပါတယ်။ Source.chinacartimes.com