Background
၂ဝ၅ဝ ပြည့်နှစ်တွင် ဖေါက်ထွင်းမြင်နိုင်တဲ့ လေယာဉ်များကို အဲဘတ်စ်က ထုတ်လုပ်မည် ဖေါက်ထွင်းမြင်နိုင်တဲ့အခန်းနံရံများနဲ့ တစ်ဦးချင်းအလိုက် ဝန်ဆောင်မှုပေးနိုင်မဲ့ နေရာထိုင်းခင်းတွေ ပါဝင်တဲ့ရှေ့ပြေး နမူနာပုံစံလေယာဉ်ကို ဥရောပလေယာဉ်ထုတ်လုပ်ရေး ကုမ္ပဏီ အဲဘတ်စ်က ပြသခဲ့ပါတယ်။ ဒီလေယာဉ်တွေက ၂ဝ၅ဝ ပြည့်မှာ စတင်သုံးစွဲမှာဖြစ်ပါတယ်။ ယခုရက်သတ္တပတ်အတွင်း လန်ဒန်တွင် တင်ပြချက်အရ ယခုဒီဇိုင်းတွေက လေယာဉ် ကောင်းကင်ထက်ကို ပံျသန်းသွားတဲ့အခါ ရှုခင်းစုံကို တွေ့မြင်ခံစားရမှာ ဖြစ်ပါတယ်။ ဖွဲ့စည်းတည်ဆောက်ပုံက ငှက်ရဲ့ အရိုးစုဖွဲ့စည်းပုံမျိုးဖြစ်တဲ့အတွက် အလေးချိန်ပေါ့ပါးမှုရှိပါတယ်။ လေယာဉ်ခန်းရဲ့ဖွဲ့စည်းပုံဟာ သမားရိုးကျအခန်းမျိုးမဟုတ်ဘဲ လူတစ်ဦးချင်းအလိုက် ဇုန်နယ်မြေများ သတ်မှတ်ပေးပြီး အညောင်းအညာဖြေဖျောက်မှုတေ၊ွ ဂိမ်းတွေကိုပြုလုပ်သွားနိုင်မှာ ဖြစ်တယ်လို့ ဇွန် ၁၅ ရက်ကပြုလုပ်တဲ့ သတင်းစာ ရှင်းလင်းပွဲမှာ လေယာဉ်ကုမ္ပဏီက ပြောပါတယ်။ အခန်းထဲမှာပါတဲ့ ပစ္စည်းတွေက ရာခိုင်နှုန်းပြည့်ပြန်သုံးနိုင်ပါတယ်လို့ ကုမ္ပဏီက ပြောပါတယ်။ သုံးစွဲတဲ့ ပစ္စည်းတွေက သစ်လျှော်မျှင်ကထွက်ရှိတဲ့ ပစ္စည်းတွေဖြစ်ပြီး စွန့်ပစ်ပစ္စည်းကိုလျှော့ချနိုင်ပါတယ်။ ထိုင်ခုံများ တည်ဆောက်ဖို့ အခြေခံ နည်းပညာတွေကတော့ ရှိထားပြီးဖြစ်ပါတယ်။ ဒါပေမဲ့ သစ်အခြေခံပစ္စည်းနဲ့ ထွင်းဖောက်မြင်နိုင်တဲ့ နံရံတည်ဆောက်ရေး အတွက် လိုအပ်တဲ့နည်းပညာရေးကို ဘယ်လိုရှာဖွေမယ်ဆိုတာကတော့ ပြတ်ပြတ်သားသား မရှိသေးပါဘူး။ Source: xinhua
အိန္ဒိယ အိုင်တီကုမ္ပဏီတို့က ပြည်တွင်းဈေးကွက်ကို ဦးပြန်လှည့် လုပ်ငန်းကြီးထွားဖို့နဲ့ စီးပွားရေးအခွင့်အလမ်းသစ်တွေ ရရှိဖို့အတွက် အိန္ဒိယ အိုင်တီကုမ္ပဏီတွေက ပြည်တွင်းဈေးကွက်ကို ပြန်လည် ဦးလှည့်လာပါတယ်။ အိန္ဒိယနဲ့ တရုတ်မှာ အိုင်တီအတွက် သုံးစွဲတာက လွန်ခဲ့တဲ့ လေးနှစ်လောက်က လူတစ်ဦးဟာ သူ့ဝင်ငွေရဲ့ တစ်ရာခိုင်နှုန်းပင် မပြည့်ခဲ့ပေမဲ့ ယခုအခါ ခုနစ်ရာခိုင်နှုန်း အထိ မြင့်တက်လာပါတယ်။ အစိုးရက ကျန်းမာရေး၊e- governance နဲ့ ပညာရေး ကဏ္ဍတွေမှာ သုံးစွဲလာတဲ့အတွက် လာမဲ့ငါးနှစ်အတွင်းမှာ ၁၅ ရာခိုင်နှုန်းအထိ မြင့်တက်လာမယ်လို့ ခန့်မှန်းထားကြောင်း Zensar Technologies ရဲ့ ဒုတိယ ဥက္ကဋ္ဌနဲ့ အမှုဆောင်အရာရှိချုပ် ဂါနက်နာတာရာဂျန်က ပြောပါတယ်။ ဘုံဘေစတော့ဒိုင်မှာ မှတ်ပုံတင်ထားတဲ့ Zensar ကုမ္ပဏီဟာ လွန်ခဲ့တဲ့ သုံးလပတ်က ၂၃ ရာခိုင်နှုန်း တိုးတက်မှုရှိခဲ့ပါတယ်။ ဝင်ငွေတိုးလာရတဲ့အထဲမှာ အများစုက အိန္ဒိယကုမ္ပဏီတွေက အိုင်တီအသုံးပြုတာ များလာလို့ ဖြစ်ပါတယ်။ အိန္ဒိယမှာ အိုင်တီဝန်ဆောင်မှုကို အကြီးကျယ်ပေးနေတဲ့ တာတာအတိုင်ပင်ခံ လုပ်ငန်းTCS ) က iON- a cloud ကွန်ပျူတာစနစ်တစ်ခုကို ထုတ်လုပ်ခဲ့ပါတယ်။ အဓိက ရည်ရွယ်ချက်က ပြည်တွင်းရှိ အသေးစားနဲ့ အလတ်စား စီးပွားရေးလုပ်ငန်း တွေအတွက် ဖြစ်ပါတယ်။ iON ဟာ လာမဲ့ငါးနှစ်အတွင်းမှာ ဒေါ်လာ တစ်ဘီလီယံ ဖိုးအထိ ဖြစ်ထွန်းလာမယ်လို့ TCS က ခန့်မှန်းပါတယ်။ အိန္ဒိယ ဆော့ဖ်ဝဲထုတ်လုပ်မှုက ၂ဝ၁ဝ-၁၁ ခုနှစ်မှာ ၁၄ ရာခိုင်နှုန်း တိုးတက်ပြီး ရူပီး ၁၅၇ ဘီလီယံ ဖိုးရှိမယ်လို့ ခန့်မှန်းထားပါတယ်။ လာမဲ့ သုံးနှစ်အတွင်းမှာ အစိုးရရဲ့ အိုင်တီ အသုံးပြုမှုက လက်ရှိ ဒေါ်လာ ၁ ဘီလီယံ (ရူပီး ၄၅ ဘီလီယံ) ရှိနေရာမှ နှစ်စဉ် ၃ ဒသမ ၅ ဘီလီယံ ရှိလာမယ်လို့ ခန့်မှန်းပါတယ်။ Source: businessstandard.com
ထိုင်းအဲဝေးက လေယာဉ်သစ်များ ဝယ်ယူမည် သက်တမ်းရင့်နေတဲ့ လေယာဉ်တွေကို ခေတ်မီလေယာဉ်တွေနဲ့ အစား ထိုးဖို့အတွက် ဒေါ်လာ ၃ ဒသမ ၉ ဘီလီယံဖိုးရှိ အဲဘတ်လေယာဉ် ၂၃ စီးနဲ့လူစီးနဲ့ကုန်တင်ဘိုရင်းလေယာဉ် ၁၄ စီးဝယ်ယူမယ်လို့ ထိုင်းအဲဝေးက ဇွန် ၁၃ ရက်က ကြေညာပါတယ်။သဘောတူ စာချုပ်ကိုလေကြောင်းလိုင်းရဲ့ ဒါရိုက်တာအဖွဲ့က အတည်ပြုထားပြီး ဖြစ်ပါတယ်။အကောင်အထည်ဖော်လာချိန်မှာ အရည်အသွေးနဲ့ဝန်ဆောင်မှု စွမ်းရည်အရ အာရှမှာရှိတဲ့ထိပ်တန်းလေ ကြောင်းသုံးခုထဲမှာ ပါဝင်လာမှာဖြစ်ပါတယ်။ အစီအစဉ်အရ ၂ဝ၁၄ ခုနဲ့ ၂ဝ၁၇ ခုနှစ်အတွင်းမှာ Boeing -300ER လေယာဉ် ၆ စင်း၊Airbus A 350- 900 S လေးစင်းနဲ့ A 320-200 S ဝယ်ယူမှာဖြစ်ပြီး စုစုပေါင်းကုန်ကျ ငွေ ဒေါ်လာ ၁ ဒသမ ၆ ဘီလီယံရှိပါမယ်။ ၂ဝ၁၂ ခုနှစ်နဲ့၂ဝ၁၇ ခုနှစ်အတွင်း မှာ ဘိုးရင်းလေယာဉ် ၈ စင်းအပါအဝင် လေယာဉ် ၂၂ စင်းကို ငှားရမ်းမယ်လို့ ကုမ္ပဏီရဲ့ကြေညာချက်မှာ ဖော်ပြထား ပါတယ်။ လောလောဆယ်မှာ လေကြောင်း လိုင်းက သက်တမ်းရင့်နေတဲ့ TUT ဂျမ်ဘိုလေယာဉ်များအပါအဝင် အဲဘတ်စ်နဲ့ ဘိုရင်းလေယာဉ်တွေကို အသုံးပြုပြေးဆွဲနေပါတယ်။ဘိုရင်းလေယာဉ်သစ် 787 Dreamliner တွေပြေး ဆွဲဆောင်ရွက်တဲ့အစီအစဉ်တွေကလည်း နည်းပညာဆိုင်ရာ အခက်အခဲတွေ ကြောင့် အကြိမ်ကြိမ် ရွှေ့ဆိုင်းခဲ့ရပါ တယ်။ ယခုအကြိမ်အစီအစဉ်အရ ၂ဝ၁၁ ခုနှစ် တတိယသုံးလပတ်မှာ ဒီ လေယာဉ်တွေကို စတင်အသုံးပြုနိုင် တော့မှာ ဖြစ်ပါတယ်။ Source: AFP
တရုတ်နိုင်ငံက မော်တော်ယာဉ်အတွက် ထောက်ပံ့ငွေ အစီအစဉ်ကြေညာ တရုတ်နိုင်ငံက မော်တော်ယာဉ်အတွက် ထောက်ပံ့ငွေအစီအစဉ်သစ်ကို ဇွန် ၈ ရက်က ကြေညာပါတယ်။ အစီအစဉ်ရဲ့ မော်တော်ယာဉ် ပိုင်ရှင်တွေက အသုံးမပြုတော့ကားတွေကို ယခုနှစ် အတွင်းဖျက်စီးပစ်မယ်ဆိုရင် ယွမ် ၁၈ဝဝဝ (၂၇၆၉ ဒေါ်လာ) ရရှိမှာ ဖြစ်ပါတယ်။ ၂ဝ၁၁ ခုနှစ်မှာ မော်တော်ယာဉ်ဖျက်စီးဖို့ မှတ်ပုံတင်ထားရင် အစိုးရ ထောက်ပံ့ငွေ ယွမ် ၁၁ ဝဝဝနဲ့ ၁၈ ဝဝဝ အကြားရရှိမှာဖြစ်တယ်လို့ စီးပွားရေးနှင့်ကူးသန်း ရောင်းဝယ်ရေး ဝန်ကြီးဌာနနဲ့ ဘဏ္ဍရေးဝန်ကြီး ဌာနတွေက ကြေညာချက်ထုတ်ပြန်ပါတယ်။ ဒီအစီအစဉ်ထဲမှာ ၆ နှစ်ကနေ ၁၅ နှစ် သက်တမ်းရှိ ကျေးလက်ဒေသက လူစီယာဉ်တွေ သက်တမ်း ၈နှစ်က ၁၅ နှစ်ရှိ ဘတ်စကားတွေနဲ့ သက်တမ်း ၁ဝ နှစ်က ၁၅ နှစ်ရှိ ထရပ်ကားကြီးတွေ ပါဝင်ပါတယ်။ တရုတ်နိုင်ငံရဲ့ ကားဟောင်းအသစ်လဲလှယ် ရေး အစီစဉ်က ၂ဝ၁ဝ ပြည့်နှစ်ကုန်က ပြီးဆုံးခဲ့ပါ တယ်။ ဒီအစီအစဉ်မှာတုန်းက ယာဉ်ဟောင်း အစား ယာဉ်အသစ်ဝယ်ရင် အစိုးရက ထောက်ပံ့ ကြေးတွေ ပေးခဲ့ပါတယ်။ ယာဉ်ဟောင်းအစား ယာဉ်သစ်ဝယ်ရင်အစိုးရက ထောက်ပံ့ကြေးတွေ ပေးခဲ့ပါတယ်။ ယာဉ်ဖလှယ်ရေး အစီအစဉ် တုန်း က ယခုငွေကြေးထောက်ပံ့ရေး အစီအစဉ်ထက် ယာဉ်အမျိုးအစား ပိုမိုပါဝင်ပြီး အသေးစားထရပ် ကားများနဲ့ ခရီးသည်တင်ယာဉ်တွေ ပါဝင်ပါတယ်။ ယာဉ်ဖလှယ်ရေး အစီအစဉ်ဆောင်ရွက်တဲ့ ရည် ရွယ်ချက်က မော်တော် ယာဉ်အသစ်တွေရောင်းချ ရေးနဲ့ ဓါတ်ငွေ့ထုတ်လွှတ်မှု လျှော့ချရေးတို့ အတွက် ဖြစ်ပါတယ်။ Source: xinhua
အချိန်ကုန်သက်သာဖို့အတွက် လေဆိပ်အဝင်တွေမှာ မျက်ဝန်းကိုစစ်မည် လေဆိပ်အဝင်စစ်ဆေးတာကို အချိန်ကုန်အများကြီး သက်သာစေမဲ့ လေဆိပ်လုံခြုံရေးစနစ်ကို လေဆိပ် ဆိုင်ရာလုပ်ငန်းအဖွဲ့က ဖေါ်ထုတ်ခဲ့ပါတယ်။ စနစ်သစ်အရ ခရီးသည်ရဲ့ မျက်ဝန်းအိမ်ကို ကွန်ပျူတာ စကင်နာနဲ့ ဖတ်ရှုစစ်ဆေးပြီး လုံခြုံရေးကို အန္တရာယ် ပြုနိုင်သူဟုတ်မဟုတ် စစ်ဆေးသွားမှာ ဖြစ်တယ်လို့ ဇွန် ၇ရက်က ပြုလုပ်တဲ့ အသင်းရဲ့ နှစ်ပတ်လည် အစည်းအဝေးမှာ အပြည်ပြည်ဆိုင်ရာ အချိန်ကုန်သက်သာဖို့အတွက် လေဆိပ်အဝင်တွေမှာ မျက်ဝန်းကိုစစ်မည် လေကြောင်း သယ်ယူပို့ဆောင်ရေး အသင်း(LATA)က ပြောပါတယ်။ ခရီးသည်တွေက အရှည်ပေ ၂ဝ (၆ ဒသမ ၁မီတာ) ရှိ လှိုင်ခေါင်းထဲကို ဖြတ်ကျော်ပြီး လုံခြုံရေးအန္တရာယ် အခြေအနေပေါ်မူတည်ပြီး ရှာဖွေမှု အမျိုးမျိုးကို ခံယူရမှာ ဖြစ်ပါတယ်။ ဒီ စနစ်ကို ၅နှစ်အတွင်း ထားရှိနိုင်အောင် ဆောင်ရွက်မှာ ဖြစ်ပါတယ်။ Source: straitstimes.com
အီးကိုလိုင်းရောဂါပိုး ကာကွယ်ရေးအတွက် ထိုင်းနိုင်ငံက အစီအမံချမှတ် အသက်ကို အန္တရာယ်ပေးတဲ့ အီးကိုလိုင်း ရောဂါပိုး ကြောင့် ဂျာမနီ ၂၂ ဦးနှင့် ဆွီဒင်မှာ တစ်ဦး အသက်ဆုံးရှုံးပြီးတဲ့နောက် ရောဂါပိုးပြန့်ပွားတာကို ကာကွယ်ဖို့အတွက် ထိုင်းကျန်းမာရေး ဝန်ကြီးဌာနက စီမံချက်လေးချက်ကို ချမှတ်ခဲ့ပါတယ်။ အီးကိုလိုင်းပိုး ငါးမျိုးထဲက အီးကိုလိုင်း O 104 ကအဆိုးဆုံး ဖြစ်ကြောင်း သွေးနီဥတွေကို ဖျက်ဆီးပြီး ကျောက်ကပ်ကိုထိခိုက်စေနိုင်ကြောင်း ပြည်သူ့ကျန်မာရေး ဝန်ကြီး ဂျူရင်လက် ဆာနာ ဝီဆစ်က ဇွန် ၆ ရက်မှာ ကျင်းပတဲ့ ပြည်သူ့ကျန်းမာရေး အစည်းအဝေးပြီးနောက် ပြောကြား ပါတယ်။ ဝန်ကြီးဌာနရဲ့ အစီအမံတွေအနက် လေဆိပ် ရှိ အပြည်ပြည်ဆိုင်ရာ ကူးစက်ရောဂါ ထိန်းချုပ် စစ်ဆေးရေးဌာနမှာ ဥရောပ သမဂ္ဂကလာတဲ့ နိုင်ငံခြားသား ခရီးသည်တွေကို ကျန်းမာရေးနဲ့ ပတ်သက်တဲ့ သတင်းအချက် အလက်ကို ဖြည့်သွင်းဖို့ နေမကောင်းရင် ဆရာဝန်ပြဖို့အတွက ပညာပေးလုပ်ငန်းကလည်း ပါဝင်ပါတယ်။ အများပြည်သူအတွက်ကတော့ အစားအစာ ကို လတ်လတ်ဆတ်ဆတ် ချက်စားဖို့ အစားမစားမီ လက်ဆေးဖို့နဲ့ ဇွန်းနဲ့ စားဖို့ကို တိုက်တွန်းထားပါတယ်။ ဝမ်းရောဂါဖြစ်တဲ့ လူနာတွေကို စစ်ဆေးရာ မှာ တူညီတဲ့စစ်ဆေးမှုများ ပြုလုပ်ဖို့နဲ့ ရက်သတ္တ ပတ်အတွင်း ဥရောပသမဂ္ဂက ပြန်လာသူတွေရဲ့ ဆေးမှတ်တမ်းတွေကို စစ်ဆေးဖို့ အစိုးရနဲ့ ပုဂ္ဂလိက ဆေးရုံးတွေကို ညွှန်ကြား ထားပါတယ်။ ဥရောပကတင်သွင်းလာတဲ့ အစားအစာတွေ ကို ကျဘမ်းစစ်ဆေးရေးကလည်း အစိုးရရဲ့ အစီ အမံလေးခု ထဲမှာ တစ်ခုအပါအဝင် ဖြစ်ပါတယ်။ ကာကွယ်ရေးအစီအမံတွေကို ဆောင်ရွက်ရာ မှာ ရောဂါထိန်းချုပ်ရေးဌာနက အဓိကယန္တရား တစ်ခု ဖြစ်ပါတယ်။Source: pattayamail.com
အပြည်ပြည်ဆိုင်ရာဝယ်လိုအားကြောင့် တောင်ကိုရီးယားရဲ့ ကားထုတ်လုပ်မှု မေလတွင် မြင့်တက် ပင်လယ်ရပ်ခြားက ဝယ်လိုအားမြင့်တက်တဲ့ အတွက် တောင်ကိုရီးယားနိုင်ငံရှိ ကား ကုမ္ပဏီကြီး ငါးခုရဲ့မေလမှာထုတ်လုပ်မှုဟာ ယခင်နှစ်အလားတူကာလထက် ၁ဝ ဒသမ ၅ ရာခိုင်နှုန်း ပိုမိုခဲ့တယ် လို့ ပြည်တွင်းလုပ်ငန်း အဖွဲ့တစ်ခုက ဇွန် ၇ ရက်နေ့ က ပြောပါတယ်။ ဟွန်ဒိုင်းမော်တာကုမ္ပဏီဦးဆောင်တဲ့ မော်တော်ကား ထုတ်လုပ်သူတွေက ၂ဝ၁ဝ ခု မေက စင်းရေ ၃၆၁၈၁၉ စင်းထုတ်လုပ်ခဲ့ရာ မှ မေက ကားစင်းရေ ၃၈၈၆၆၆ စင်းထုတ်လုပ်ခဲ့တယ်လို့ တောင်ကိုရီးယား မော်တော်ကား ထုတ်လုပ်သူများ အသင်း ( KAMA) က ပြောပါတယ်။ ပြည်ပတင်ပို့မှုက ၁ဝ ဒသမ ၆ ရာခိုင်နှုန်း တိုးတက်ပြီး စင်းရေ ၂၆၁ ၆ဝ၂ စင်းထိရောက်ရှိ ခဲ့တဲ့ အတွက် မော်တော်ကားထုတ်လုပ်သူ အားလုံး ရဲ့ စုစုပေါင်းအရောင်းက ယခင်နှစ်ကထက် ၈ ဒသမ ၃ ရာခိုင်နှုန်းမြင့်တက်ပြီး စင်းရေ ၃၈၂ ၁၄ဝ စင်းရှိခဲ့ပါတယ်။ မော်တော်ကား ကုမ္ပဏီငါးခု စုစုပေါင်းရဲ့ မေအရောင်းက စင်းရေ ၆၃၈၁၁ဝ စင်းရှိခဲ့တယ် လို့ စောစောပိုင်းက ကြေညာခဲ့ပါတယ်။ ဒီအရေ အတွက်ထဲမှာ ပင်လယ်ရပ်ခြား ဈေးကွက်တွေ ထဲမှာ ထုတ်လုပ်ရောင်းချခဲ့တဲ့ ကားတွေလည်းပါ ဝင် ပါတယ်။ မော်တော်ကား ထုတ်လုပ်သူတွေထဲ မှာ ဂျီအမ်ကိုရီးယားကုမ္ပဏီ၊ ဂျီအမ်မော်တာ ကုမ္ပဏီရဲ့ ကိုရီးယားယူနစ်၊ ရေးနော့ ဆမ်းဆောင်း မော်တာ ကုမ္ပဏီ၊ ပြင်သစ်ရေးနော့ အက်စ်အေနဲ့ Ssamgyong Motor Co. တို့ပါဝင် ပါတယ်။ Source: yonhap.com
ငလျင်ဘေးဒဏ်ပြန်လည်တည်ဆောက်ရေးအတွက် ယန်းထရီလီယံများစွာ ကုန်မည် မတ် ၁၁ရက် မြေငလျင်နဲ့ ဆူနာမီ သဘာဝဘေးအန္တရာယ်ကြောင့် ဂျပန်နိုင်ငံမှာ ဒေဝါလီခံ သို့မဟုတ် လုံးဝပျက်စီး သွားတဲ့ ကုမ္ပဏီ ၁၄၅ ခုရှိတယ်။ ၁၉၉၅ ခုနှစ်က ဖြစ်ပွားခဲ့တဲ့ မဟာဟန်ရှင်း ငလျင်ကြီးဖြစ်ပွားပြီး နောက်ပိုင်း ကုမ္ပဏီ အပျက်အစီးအများဆုံး သဘာဝဘေးတစ်ခု ဖြစ်တယ်လို့ ပုဂ္ဂလိက သုတေသနလုပ်ငန်းဖြစ်တဲ့ တိုကျိုရှိကို သုတေသနဌာနက ပြောပါတယ်။ ငလျင်ဒဏ်ကြောင့် ဖြစ်ပေါ်ရတဲ့ အပျက်အစီးတွေကို နောင်ထပ် ၁ဝ နှစ်လောက်ပြန်လည်တည်ရမှာ ဖြစ်ပြီးဗဟိုအစိုးရနဲ့ ဒေသဆိုင်ရာအစိုးရတွေက ယန်း ၁၄ ထရီလီယံကနေ ၁၈ ထရီလီယံအထိ သုံးစွဲဖို့လိုမယ်လို့ အခြား ပုဂ္ဂလိက သုတေသနလုပ်ငန်းတစ်ခု ဖြစ်တဲ့ ဂျပန်သုတေသနသိပ္ပံက ဇွန် ၆ ရက်က ပြောပါတယ်။ ၂ဝ၁၁ ခုနှစ် ဘဏ္ဍနှစ်အတွက် အစိုးရက ယန်း ၉ ဒသမ ၁ထရီလီယံ သုံးစွဲဖို့လိုမယ့်ထဲက ၅ထရီလီယံကို အရန်အဖြစ်ဖယ်ထားပြီး ၂ဝ၁၂ ခုနှစ် မတ် ၃၁ ရက် ဘတ်ဂျက်မှာ ယန်း ၄ ထရီလီယံကို ထပ်တိုးပေးရမှာ ဖြစ်တယ်လို့ ဆိုပါတယ်။ ခန့်မှန်းခြေ အသုံးစရိတ်ကို တွက်ချက်ရာမှာ မတ်လအတွင်းက အစိုးရက ကြေညာခဲ့တဲ့ အပျက်အစီး စာရင်းခန့်မှန်းချက်ကို အခြေခံပြီး ၁၉၉၅ ခုနှစ်က ဟိုဂိုစီရင်စုမှာ ဖြစ်ပွားခဲ့တဲ့ ငလျင်တုန်းက အစိုးရက ပြည်သူတွေရဲ့ နေစဉ်ဘဝအခြေအနေတည်ငြိမ်ဖို့ ဆောင်ရွက်ပေးခဲ့တဲ့ ပမာဏနဲ့ ချိန်ဆတွက်ချက်ခဲ့တာ ဖြစ်ပါတယ်။Source: japantodays.com
ငလျင်ဒဏ်ခံရသော ကားအစိတ်အပိုင်း ထုတ်လုပ်သူတွေကို ဂျပန်ကထောက်ပံ့မည် မတ် ၁၁ရက် မြေငလျင်နဲ့ ဆူနာမီ ဒဏ်ကိုခံရတဲ့ မော်တော်ကား အစိတ် အပိုင်း ထုတ်လုပ်သူတွေကို ထောက်ပံ့ ဖို့ ယန်းဘီလီယံ ၅ဝ (ဒေါ်လာ ၆၁၇သန်း) ရှိရန်ပုံငွေကို ထူထောင်ဖို့ ဂျပန်အစိုးရဘဏ်က စီစဉ်နေတယ်လို့ အရာရှိတစ်ဦးက မေ ၃ဝရက်နေ့က ပြောပါတယ်။ ဂျပန်ဖွံ့ဖြိုးရေးဘဏ်က အဓိက ဘဏ်ကြီးတွေဆီကနေ ရင်းနှီးမြှုပ်နံှမှု တွေကို ရယူပြီး ရန်ပုံငွေအဖွဲ့ကို ဇွန်မှာ ထူထောင်မယ်လို့ ဘဏ်အရာရှိ တစ်ဦး က ပြောပါတယ်။ ဒီကိစ္စနှင့် ပတ်သက် ပြီး မကြာမီမှာ တရားဝင်ကြေညာချက် ထုတ်ပြန်မယ်လို့ ပြောပါတယ်။ အစီအစဉ်အရ လိုအပ်တဲ့ ရင်းနှီး မြှုပ်နံှမှုတွေကို ဘဏ်ကတစ်ဆင့် ဂျပန် မော်တော်ကား အစိတ်အပိုင်းထုတ်လုပ်ရေးလုပ်ငန်း အသင်းကိုပေးပါမယ်။ အသင်းကတစ်ဆင့် အဖွဲ့ဝင်တွေနဲ့ သူတို့ရဲ့ လက်ခွဲကန်ထရိုက်တွေကို ငွေ သား ထုတ်ပေးသွားပါမယ်။ ဂျပန်နိုင်ငံရှိ မော်တော်ကား ထုတ် လုပ်ရေး ကုမ္ပဏီတွေကို လေအေးပေး စက်လို အတွင်းပိုင်းကိရိယာ တန်ဆာ ပလာ အစိတ်အပိုင်းတွေ ပေးသွင်းတဲ့ မော်တော်ကား အစိတ်အပိုင်း ထုတ်လုပ်သူ ၈ဝဝကျော်ရှိပါတယ်။ ဒီကုမ္ပဏီတွေရဲ့ လက်ခွဲကန်ထရိုက် ၄ဝဝဝနဲ့ လက်ခွဲကန်ထရိုက်တွေကနေ တစ်ဆင့် ထပ်ယူတဲ့ ကန်ထရိုက် ၂ဝဝဝဝ လောက်ရှိတယ်လို့ မီဒီယာ တွေက ပြောပါတယ်။ ဂျပန်ကားထုတ်လုပ်ရေး ကုမ္ပဏီ ကြီးတွေဖြစ်တဲ့ တိုယိုတာနဲ့ ဟွန်ဒါတို့ရဲ့ ထုတ်လုပ်မှုက ဧပြီ သဘာဝဘေး ကြောင့် ဖြန့်ဖြူးမှုကွင်းဆက်ပြတ် တောက်လို့ ကုမ္ပဏီရဲ့ တစ်ကမ္ဘာလုံး ထုတ်လုပ်မှု ထက်ဝက်ကျဆင်း ခဲ့တယ် လို့ ကုမ္ပဏီတွေက မေ ၂၇ရက်က ပြောပါတယ်။ ဧပြီလလယ်က စက်ရုံအများစု ပြန်လည် လည်ပတ်နိုင်ခဲ့ပေမဲ့ ထုတ်လုပ်မှုတွေက ပုံမှန်အနေအထား အောက် ရောက်နေပြီး အစိတ်အပိုင်း တွေ ပြတ်လပ်မှုက လချီကြာနိုင်သေးတယ်လို့ ဝေဖန်ဆန်းစစ်သူတွေက ခန့်မှန်ထားပါတယ်။ Source:AFP
ကနဦးပြဿနာတွေရှိခဲ့ပေမဲ့ နာနိုကားတွေ ကမ္ဘာ့ဈေးကွက် ဝင်ဖို့ပြင် ကမ္ဘာ့ဈေးအသက်သာဆုံး ကားအဖြစ် နာနိုကားပွဲ ထွက်လာစဉ်က လှုပ်လှုပ်ရွရွ ဖြစ်ခဲ့ပါတယ်။ ဒါပေမဲ့ ထုတ် လုပ်မှု ပြဿနာတွေနဲ့ ရောင်းအားက စိတ်ပျက်စရာ ဖြစ်ခဲ့တဲ့ အတွက် ဈေးနှုန်းထပ်ချပေးနိုင်ဖို့အတွက် အပြင်းအထန် ကြိုးစားခဲ့ရပါတယ်။ ဒီနောက်ပိုင်း တာတာကုမ္ပဏီ အစု အဖွဲ့က ခိုင်ခိုင်မာမာ ကျောထောက်နောက်ခံပေးတဲ့အတွက် အရောင်းက လျင်မြန်စွာ တိုးတက်လာပြီး ကုမ္ပဏီက တိုးတက်ထုတ်လုပ်ဖို့ နည်းလမ်းတွေ ရှာဖွေနေတဲ့ အပြင် အာရှနိုင်ငံတွေလည်း တင်ပို့ဖို့ စီစဉ် နေပါတယ်။ နာနိုကားကို မွန်ဘိုင်းဈေးကွက်မှာ ရူပီတစ်သိန်းခွဲ (ဒေါ်လာ ၃၃ဝဝ)နဲ့ ရောင်းချပါတယ်။ ဆူဇူကီး မော်တာ ကော်ပိုရေးရှင်းက ထုတ်တဲ့ အိန္ဒိယ မှာ အရောင်းရဆုံး အော်လ်တို ထက် ရူပီး ၉ဝဝဝဝ သက်သာပါ တယ်။ နာနိုကားက တစ်နှစ်ဝင်ငွေ ရူပီး ၆ဝဝဝဝဝ ရှိတဲ့ အလယ် အလတ်တန်းစားတွေ တတ်နိုင်တဲ့ ကား အမျိုးအစား ဖြစ်ပါတယ်။ မော်တော်ကားများကို ရောင်း ဝယ်ရေးအတွက် အိန္ဒိယနိုင်ငံမှာ လက်လီလုပ်ငန်း ကို အကြီးအကျယ် ဆောင်ရွက်နေတဲ့ Future Group က ဆောင်ရွက်ပါတယ်။ Future Group ဟာ ဖေဖော်ဝါရီ အတွင်းက တာတာ မော်တာနဲ့ အစုအစပ်လုပ်ငန်း ထူထောင် ပြီး စူပါမားကက်များမှ တစ်ဆင့် ရောင်းဝယ်မှုလုပ်ငန်းထဲကို ဝင်ရောက်လာတာ ဖြစ်ပါတယ်။ နိုင်ငံအတွင်းမှာ အရောင်း ဆိုင် ၁၂၅ ခုကို တည်ထောင်ခဲ့၍ ဤဖြန့်ဖြူးရေး ကွင်းဆက်မှ ဧပြီအတွင်း အမှာစာ စင်းရေ ၉ဝဝ ရခဲ့ပါတယ်။ စူပါမားကက်ကွင်းဆက်တွေက မော်တော်ကား ဝယ်ရောင်းသမားတွေဆီကို သွားရောက်ဖို့ အခွင့်မသာတဲ့ ဝယ်သူတွေကို စည်းရုံးနိုင်ခဲ့ပါတယ်။ ှSource:asahi.com