Background
ဖို့ဒ်မော်တာကုမ္ပဏီက ထိုင်းနိုင်ငံမှာဒေါ်လာသန်း ၄၅၀ ရင်းနှီးမြှုပ်နှံတဲ့ စက်ရုံကိုဖွင့်လှစ်ခဲ့ပါတယ်။ ဒီစက်ရုံက နှစ်စဉ်ကားစီးရေ ၁၅၀၀၀၀ ကိုထုတ် လုပ်မှာ ဖြစ်ပြီး မြင့်မားလျက်ရှိတဲ့ အိမ်နီးချင်းတွေရဲ့ ဝယ်လိုအားကို ဖြည့်ဆည်း သွားမှာဖြစ်ပါတယ်။ ထိုင်းနိုင်ငံအရှေ့ပိုင်းမှာရှိတဲ့ ရနောင်းစက်ရုံကနေ ဖိုးကပ် ကားသစ်တွေကို လာမဲ့လကစပြီးထုတ်လုပ်သွားမယ်လို့ မေ ၂ ရက်ကထုတ်ပြန် တဲ့ ကုမ္ပဏီကြေညာချက်မှာ ဖော်ပြထားပါတယ်။
ကြော်ငြာလုပ်ငန်းမှာ ဂူးဂဲနဲ့ဖေ့စ်ဘုတ်တို့ရဲ့ လွှမ်းမိုးမှုက တစ်စစ ကြီးထွားနေပါတယ်။ ဒါကြောင့် ယာဟူး၊ မိုက်ကရိုဆော့ဖ် ကော်ပိုရေးရှင်းနဲ့ အေအိုအယ်လ်တို့က ကြော်ငြာလုပ်ငန်းမှာဖက်စပ်ပူးပေါင်းဆောင်ရွက် လာပါတယ်။မဟာမိတ် အဖြစ် ပူးပေါင်း မှုကို နိုဝင်ဘာ ၈ ရက်ကကြေညာခဲ့ပါတယ်။ ဒီပူးပေါင်းမှုအရ display ads လို့ခေါ်တဲ့ မရောင်းရသေးတဲ့ပရီမီယံ ကြော်ငြာလက်ကျန်တွေကို လာမဲ့နှစ်စောစောပိုင်း အချင်းချင်း ပြန်လည်ရောင်းချဖို့ ဖြစ်ပါတယ်။ Display Unit တွေက Web စာမျက်နှာ တွေပေါ် အကြီးကြီးပေါ်နေပြီး ဈေးကွက်ရှာသူတို့ရဲ့ အာရုံကို ဖမ်းစားနိုင်ပါတယ်။ ထုံးစံအားဖြင့် ဒီကြော်ငြာတွေက နှုန်းထားမြင့်ပါတယ်။ ယခုလိုပေါင်းစည်းလိုက်တဲ့ အတွက် ပြိုင်ဆိုင်မှုကိုလျော့ကျစေနိုင်မယ်။ သို့မဟုတ် ကြော်ငြာနှုန်းထားကို ထိခိုက် နိုင်တဲ့အတွက် တရားရေးဌာနက ကန့်ကွက်မှု ရှိနိုင်ပေမဲ့ ဒီကိစ္စအတွက် ပြဿနာ မရှိလောက်ဘူးလို့ ယာဟူး၊ အေအိုအယ်လ်နဲ့ မိုက်ကရိုဆော့ဖ်တို့က မျှော်လင့်ထား ပါတယ်။ ၂၀၁၁ ခုနှစ် အမေရိကန်ပြည်ထောင်စုမှာ အွန်လိုင်းကြော်ငြာတဲ့ဝေစုကို ၉ ဒသမ ၃ ရာခိုင်နှုန်းနဲ့ ၁၆ ဒသမ ၃ ရာခိုင်နှုန်း အသီးသီး တိုးမြှင့်သွားဖို့ ဖေ့စ်ဘုတ်နဲ့ ဂူးဂဲတို့ကမျှော်မှန်းထားတယ်လို့ eMarketer သုတေသနလုပ်ငန်းက ပြောပါတယ်။ တစ်ချိန်တည်းမှာ အေအိုအယ်လ်၊ မိုက်ကရိုဆော့ဖ်နဲ့ ယာဟူးတို့ရဲ့ ရှယ်ယာတွေလျော့ကျမယ်လို့ခန့်မှန်းပါတယ်။ ယခုနှစ်အတွင်းမှာ ဖေ့စ်ဘုတ်က ယာဟူးကို ပထမဆုံး အကြိမ်အဖြစ် ကျော်တက်မယ်လို့ ခန့်မှန်းပါတယ်။ Souce.economocitimes.indiatimes.com
အနောက်ဥရောပနိုင်ငံတွေနဲ့ မြောက်အမေရိကမှာ လစာအတိုးရပ်တန့်နေချိန်မှာ ထွန်းသစ်စဈေးကွက် တွေမှာ စီးပွားရေးဖွံ့ဖြိုးလျက်ရှိပါတယ်။ ဒီအခြေအနေက အာရှနိုင်ငံတွေမှာရှိတဲ့ အမှုဆောင်အရာရှိတွေရဲ့ လစာကို ဥရောပမှာ ရှိတာထက်သာလွန်အောင် တွန်းအားပေးနေပါတယ်။ ဒါပေမဲ့ ရေရှည်တည်တံ့မှုရှိမရှိက မေးခွန်းထုတ်စရာ ဖြစ်နေတယ်လို့ အတိုင်ပင်ခံလုပ်ငန်းတစ်ခုဖြစ်တဲ့ Mercer ကပြောပါတယ်။ "၂၀၁၀ ပြည့်နှစ်က အာရှဒေသမှာရှိတဲ့ အမှုဆောင် အရာရှိတွေရဲ့ လစာကဥရောပမှာရှိတဲ့ အမှုဆောင် အရာရှိတွေထက်သာလွန်ခဲ့ပါတယ်။ အမေရိကန်ပြည် ထောင်စုမှာရှိတဲ့ အမှုဆောင်အရာရှိတွေထက်တော့ ၂၀၁၃ ခုနှစ်မှသာလွန်လိမ့်မယ်" လို့ Mercer ကထုတ်ပြန် တဲ့ "ကမ္ဘာ့အမှုဆောင်အရာရှိ လစာအလားအလာ" အစီရင်ခံစာမှာ ဖော်ပြထားတယ်။ ဒါပေမဲ့ အာရှဒေသကပေးနေတဲ့ လုပ်ခလစာရဲ့ နောက်ကွယ်မှာ ငွေကြေးဖောင်းပွမှုဆိုင်ရာ စွန့်စားမှု အန္တရာယ်တွေရှိနေပြီး ပူဖောင်းသဖွယ်ဖောင်းပွလာခြင်း၊ လစာနဲ့ လုပ်ဆောင်မှုမကိုက်ညီခြင်းနဲ့ ကုမ္ပဏီလစာဖွဲ့ စည်းတည်ဆောက်မှုပုံသဏ္ဌာန်ပျက်ယွင်းခြင်းစတဲ့ ပြဿနာ တွေရှိနိုင်တယ်လို့ သတိပေးထားပါတယ်။ အမှုဆောင် အရာရှိတစ်ယောက်နှစ်စဉ်ရတဲ့ ပျမ်းမျှလစာက အာရှမှာ ၁၈၉ ၈၀၉ ဒေါ်လာ၊ အမေရိကမှာ ၂၀၂ ၀၆၇ ဒေါ်လာနဲ့ ဥရောပမှာ ၁၆၇ ၄၂၄ ဒေါ်လာ ရှိပါတယ်။ အိန္ဒိယ၊ တရုတ်၊ အင်ဒိုနီးရှား၊ ဗီယက်နမ်နဲ့ သီရိလင်္ကာတို့မှာ လစာ ၆ ရာခိုင်နှုန်းက ၇ ရာခိုင်နှုန်း မြင့်တက်နေပါတယ်။ ဒါကြောင့် ၂၀၁၁ ခုနှစ်မှာ လစာတိုးတက်နှုန်း ၃ ရာခိုင်နှုန်း ရှိတဲ့ အမေရိကန်ပြည်ထောင်စုက အမှုဆောင်တွေရဲ့ လစာကိုအမီလိုက်နိုင်မှာ ဖြစ်ပါတယ်။ Source.economictimes,indiatimes.com
အီးမေးလ်သို့မဟုတ် အင်တာနက် မေးလ်ဖြစ်တဲ့ Hotmail ရဲ့ အရည်အသွေး ပိုမိုတိုးတက်ကောင်းမွန်ဖို့ အတွက် တီထွင်ဆန်းသစ်မှုရှိတဲ့ အစီအစဉ်သစ် ငါးခုကို မိုက်ကရိုဆော့က စတင်မိတ်ဆက်ပေးခဲ့ပါတယ်။အစီအစဉ် ငါးခုအနက် Smart Letter ကသတင်းတွေကို ရွေးတန်ရွေး၊ ဖျက်တန်ဖျက် ပေးဖို့အတွက် အသုံး ပြုသူကသုံးနိုင်ပါ တယ်။ Categories နဲ့ Advanced Folder Management ကအသုံးပြုသူတွေရရှိတဲ့ သတင်း အချက်အလက် တွေကို အမျိုးအစား ခွဲပေးပါတယ်။ အစီအစဉ်ထဲမှာ အလိုလိုရှင်းပေးတဲ့ အစီအစဉ်တစ်ခုလည်း ပါရှိပါတယ်။ဒီအစီအစဉ်က တချို့အီးမေးလ် တွေကို ဖျက်ပေးပါတယ်။ဦးစားပေးရွေးချယ်မဲ့သတင်းက inbox ရဲ့ထိပ်ဆုံးမှာရှိနေပြီး ကလစ်တစ်ချက် နှိပ်ရုံနဲ့ အလို အလျောက် ဆောင်ရွက်ပေးသွားမှာ ဖြစ်ပါတယ်။ ံHotmail ရဲ့ အစီအစဉ်သစ်အရ အသုံးပြုသူရဲ့ inbox ထဲကို ဝင်လာတဲ့ အချက်အလက်တွေကို ၃၅ ရာခိုင်နှုန်းကနေ သုံးရာခိုင်နှုန်းအောက်အထိ လျှော့ချပေးနိုင်မှာ ဖြစ်တယ်လို့ မီဒီယာဝပ်ရှော့တစ်ခုမှာ မိုက်ကရို ဆော့အာရှပစိဖိတ်ဒေသရဲ့ အကြီးအကဲကပြောပါတယ်။ လူမှုမီဒီယာကွန်ရက်တွေကို စိတ်ဝင်စားသူတွေများလာ ပေမဲ့အနာဂတ်ကာလပုဂ္ဂလိကဆက်သွယ်ရေးမှာအီးမေးလ် ကအရေးပါတဲ့ ဆက်သွယ်မှုတစ်ခု ဖြစ်နေပါသေးတယ်။ Hotmail ကို ၁၉၉၅ ခုနှစ်က စတင်မိတ်ဆက်ခဲ့တာဖြစ်ပြီး တစ်လကိုအသုံးပြုသူ သန်း ၃၆၀ရှိတဲ့ ဝက်ဘ်ဆိုက်အခြေခံ အီးမေးလ်ဝန်ဆောင်မှု ဖြစ်ခဲ့ပါတယ်။တစ်ရက်အတွင်းမှာ လက်ခံရ၊ှိတဲ့ ကိုးဘီလီယံနဲ့ပေးပို့တဲ့ အီးမေးလ် သန်း ၃၀၀ ရှိပါတယ်။ Source:bernama.com
အက်ပဲက i Phone သစ်ကို အောက်တိုဘာ ၄ ရက်တွင် စတင်မိတ်ဆက်မည် ၂၀၁၁ ခုနှစ် အောက်တိုဘာ ၄ ရက်မှာ i Phone သစ်ကို စတင်မိတ်ဆက်ပေးမယ်လို့ အက်ပဲက စက်တင် ဘာ ၂၇ ရက်က ကြေညာပါတယ်။ ယခုမိတ်ဆက်ပွဲက သြဂုတ်က စတိဂျော့ထံမှအက်ပဲစီမံခန့်ခွဲမှုကို အမှုဆောင် အရာရှိချုပ် တင်ကွတ် လက်လွှဲရယူခဲ့ပြီးနောက်ပိုင်း ထုတ်ကုန်ကြီးကြီးမားမားကိုပထမဆုံးပွဲထုတ်တဲ့ အခမ်းအနား ဖြစ်ပါတယ်။ မျိုးဆက်သစ်ဖြစ်တဲ့ i Phone 5 ကို ကယ်လီဖို နီးယားပြည်နယ်၊ ကူပါတီနိုမှာရှိတဲ့ အက်ပဲရဲ့ ဝင်းအတွင်း မှာ ပွဲထုတ်မယ်ဆိုတာကို ကြိုတင်ကြေညာထားပြီးသားဖြစ်ပါတယ်။ i Phone 5 က စကရင် ဖန်သားပြင်ကြီးမယ်၊ ကင်မရာရဲ့ ရီဆိုလူးရှင်းမြင့်မယ်၊ A5 Dual-core ကို အသုံးပြုမယ်လို့ အမေရိကန်ပြည်ထောင်စု မီဒီယာတွေမှာ ဖော်ပြထားခဲ့ပါတယ်။i Phone 5 ကဈေးချိုပြီး i- Cloud ဖန်ရှင်ကို ပါပူးတွဲထည့်ပေးထားတယ်လို့ ဆိုပါတယ်။ Source. xinhua
ယာဉ်မှ သီးခြားဖြုတ်တပ်လို့ရတဲ့ ကားအမိုးတွေနဲ့ ပတ် သက်ပြီး ပြဿနာရှိနေတဲ့အတွက် ဂျင်နရယ်မော်တာ ကုမ္ပဏီက ချက်ဗလက်ကော်ဗက် ကားစီး ရေ ၂၂ဝဝဝ ကို ပြန်လည်ရုပ် သိမ်းခဲ့ရတယ်လို့ အမေရိကန် ပြည်ထောင်စုအမျိုးသား အဝေးပြေး လမ်းသွားလာမှု လုံခြုံဘေး ကင်းရေး အုပ်ချုပ်မှုဌာနက ပြောကြားပါတယ်။
စီးပွားရေးဆုတ်ကပ် အတွင်းက ဆုံးရှုံးခဲ့ရတဲ့ ဓနအင်အားကို ပြန်လည် ထူထောင်ဖို့အတွက် အမေရိကန် ပြည်ထောင်စုက အိမ်ထောင်စုတွေဟာ ၁၅ နှစ်လောက်အချိန်ပြန်ယူရနိုင်တယ်လို့ ၂၀၀၆ ခုနှစ်က ဘောဂဗေဒ နိုဘယ်ဆုရှင် ကိုလံဘီတက္ကသိုလ်ပါမောက္ခ အက်ဒမန်ဖဲလ်စ်က ဘလွမ်းဘတ် နဲ့ တွေ့ဆုံမေးမြန်းခန်းမှာ ဇွန်လ ၂၂ ရက်နေ့က ပြောကြားခဲ့ပါတယ်။