တောင်ကြီးဈေးကွက်မှာ ဒီတစ်ပတ်ဈေးကွက်ထဲ ဝင်လာတဲ့ ရေသွင်းပြောင်းသစ်တွေက အစိုဓာတ်အနည်းငယ်ရှိသေးတာကြောင့် ရန်ကုန်-မန္တလေးဝယ်လက်က ဝယ်အားခပ်ပါးပါးသာရှိခဲ့ပြီး အသစ်နဲ့ စာရင် လက်ကျန်ပြောင်းအဟောင်းကိုသာ အဆွဲများခဲ့တယ်လို့ သိရ ပါတယ်။ အရောင်းအဝယ်ဖြစ်မှုက ရေသွင်းပြောင်းသစ်တစ်ပိဿာ ၄၅၀ ကျပ်ဈေးနဲ့ ပိဿာချိန်အနည်းငယ်ခန့်ဖြစ်ခဲ့သလို လက်ကျန် ပြောင်း(ဟောင်း) တစ်ပိဿာ ၅၁၀ ကျပ်ဈေးနဲ့ တစ်ပတ်အတွင်း ပိဿာချိန် ၁၀၀၀၀၀ ခန့် အရောင်းအဝယ်ဖြစ်ခဲ့တယ်လို့ ဒေသခံ ပြောင်းကုန်သည်တစ်ဦးက ဆိုပါတယ်။

ပခုက္ကူဈေးကွက်မှာ ဒီတစ်ပတ် ပဲစင်းငုံနီတစ်မျိုးတည်းသာ  အောက်ဈေးနဲ့ အရောင်းအဝယ်ပုံမှန်ဖြစ်ခဲ့ပြီး ကျန်ပဲမျိုးစုံကဈေးသာ ရှိပြီး အရောင်းအဝယ်မဖြစ်ဘူးလို့ သိရပါတယ်။ ယခင်အပတ်က တစ်ပိဿာ ၁၁၀၀ ကျပ် (တစ်တန်ကို ၆၇၃၆၂၉ ကျပ်)ဈေးနဲ့ အ ရောင်းအဝယ်ဖြစ်ခဲ့တဲ့ ပဲစင်းငုံနီက ဒီတစ်ပတ်မှာ ရန်ကုန်ဝယ်လက် ကဈေးနှိမ်ပြီး အဝယ်ရှိသလို ဝယ်အားပါနည်းလာတာကြောင့် တစ် ပိဿာကို ၁၀၆၀ ကျပ်(တစ်တန်ကို ၆၄၉၁၃၃ ကျပ်)ဈေးနဲ့ တစ်ရက် ကိုအိတ် ၁၀၀၀ ခန့်ဖြစ်ခဲ့ကြောင်း သိရပါတယ်။

မြင်းခြံဈေးကွက်မှာ ဒီတစ်ပတ်ပဲစင်းငုံနီကို ရန်ကုန်ဝယ်လက် ကအောက်ဈေးနဲ့ ပုံမှန်အဝယ်ရှိနေ သလို ရောင်းသူကုန်သည်များ ကလည်း ဈေးကွက်မျှော်လင့်ချက်နဲ့ အရောင်းနည်းနေတယ်လို့ဆိုပါ တယ်။ အရောင်းအဝယ်ဖြစ်မှုက တစ်ပိဿာ ၁၀၄၀ ကျပ်(တစ်တန် ကို ၆၃၆၈၈၅ ကျပ်)ဈေးနဲ့ တစ်ရက်ကိုအိတ် ၂၀၀ ခန့်သာဖြစ်ခဲ့တယ် လို့သိရပါတယ်။ ကုလားပဲ(ထိုင်ဝမ်) ကိုရန်ကုန်အဆွဲနည်းပြီး မြို့ခံခွဲစက်တွေက ဝယ်အား အနည်းငယ်ရှိခဲ့တယ်လို့ သိရပါတယ်။ အရောင်းအဝယ်အနေနဲ့ တစ်ပိဿာ ၁၁၆၀ ကျပ် (တစ်တန်ကို ၇၁၀၃၇၂ ကျပ်)ဈေးနဲ့နေ့စဉ်အိတ် ၅၀ ခန့်သာဖြစ်ခဲ့ကြောင်း သိ ရပါတယ်။ ကုလားပဲဖြူလုံးကြီးကို  မြို့ခံပဲခွဲစက်များနဲ့ ရန်ကုန် ဝယ်လက်အချို့ ဝယ်အားအသင့်အတင့်သာရှိခဲ့တယ်လို့ဆို ပါတယ်။ ပဲတီစိမ်းကတော့ ဈေးနှုန်းသာရှိပြီး အရောင်းအဝယ်ကတော့ အေး နေဆဲဖြစ်တယ်လို့ ပွဲရုံရပ်ကွက်က ဆိုပါတယ်။

မူဆယ်ဈေးကွက်မှာ ယခင်အပတ်က အရောင်းအဝယ်သွက် ခဲ့တဲ့ပြောင်းက ဒီတစ်ပတ်မှာ တရုတ်ဝယ်လက်က အဝယ်အနည်း ငယ်လျော့သွားသလို ရောင်းသူကုန်သည်များကလည်း ပြောင်းသစ် မပေါ်မီစပ်ကြားလက်ကျန်ပြောင်း ကိုသာထုတ်ရောင်းမှုတွေရှိနေတယ် လို့ ဆိုပါတယ်။ ပြောင်းသစ်က စက်တင်ဘာလလောက်မှာ ဈေးကွက် ထဲဝင်လာမှာဖြစ်တဲ့အတွက် တရုတ်ဘက်က လက်ကျန်ပြောင်းကို ထိန်းဝယ်နေတဲ့သဘောဖြစ်လို့ အရောင်းအ၀ ယ်ဖြစ်မှုပမာဏတွေ လျော့ကျသွားတာလို့ ဒေသခံပြောင်းကုန်သည်တစ်ဦးက ဆိုပါတယ်။