Main menu

Background

Tuesday, 19 Oct 2010

 မန်စီ၊ ရွှေလီ၊ ရင်ကျန်းစီးပွားရေးရာ ဖွံ့ ဖြိုးလာရန် စီမံဆောင်ရွက်မှု     နိုင်ငံတော်ဝန်ကြီးခုျပ်ရုံး၏ တရားဝင်ခွင့်ပြုချက်ဖြင့် ၂ဝ၁ဝ ခုနှစ် ဇူလိုင်လ ၁၂ ရက်နေ့တွင် ယခင် လုဆီးခရိုင် အား သြဂုတ် ၂၃ ရက်မှစတင်၍မန်စီခရိုင်လို့ အမည်ပြောင်းလဲလိုက်ပါတယ်။ အနာဂတ်ကာလတွင် မန်စီခရိုင်သည် အရေးပါသော လမ်းပန်း ဆက်သွယ်ရေးဗဟိုအချက်အချာဖြစ်လာပြီး မန်စီတွင်လေဆိပ်တစ်ခုရှိပြီး နှစ်ကုန်ချိန်တွင် လုံလင်မှ ရွှေလီသို့ အမြန်လမ်းမနှင့် တာလီမှရွှေလီသို့ မီးရထားလမ်းတည်ဆောက်မည်ဖြစ် ကြောင်း သိရပါတယ်။ ပြည်နယ်အစိုးရ အဖွဲ့က ချမှတ်သည့်နည်းဗျူဟာ တွင် ရထားလမ်းကြောင်းအား တောင်အာရှနိုင်ငံသို့ ပေါက်ရောက်ခြင်းဖြင့် လမ်းပန်းဆက် သွယ်မှု ဖွံ့ဖြိုးတိုးတက်လာပြီး မြို့ရွာဖွံ့ဖြိုးမှုအတွက် ရည်ရွယ်ပါတယ်။ မန်စီခရိုင်သည် နိုင်ငံတကာ၏ တံခါးပေါက်၊ နယ်မြေ၏ ဗဟိုစခန်း၊ သစ်သီးဝလံ မြို့တော်၊ ကော်ဖီမြို့ပြဟူသော စီမံချက်ဖြင့် သစ်သီးနှင့်ကော်ဖီတို့အဓိက စိုက်ပျိုး ထုတ်လုပ်မှု ဆောင်ရွက်သွားမှာ ဖြစ်ပါတယ်။ ကော်ဖီမှုန့်တန်ချိန် ၃ဝဝဝ ထုတ်လုပ်နိုင်မည်ဖြစ်ပြီးထပ်မံ၍ တန်ချိန် တစ်သောင်းထုတ်လုပ်နိုင်ရန် စီမံလျက်ရှိသည့်အတွက် အာရှ ဒေသ၏ အကြီးမားဆုံးကော်ဖီထုတ်လုပ်မှု စခန်းဖြစ်လာမှာ ဖြစ်ပါတယ်။ မန်စီမှ ရွှေလီသို့ ၁ဝဝ ကီလိုမီတာရှိသော စီးပွားရေးရာစြင်္ကန်လမ်းကြောင်းရောက်ရှိရေးအတွက် ရွှေလီခရိုင် တွင် လေဆိပ်တည်ဆောက်နိုင်မှု အခြေ အနေမပေး၍ မန်စီမှရွှေလီသို့ အပေါ့စားရထားလမ်းဖောက်လုပ်၍ ၁ဝ မိနစ် အတွင်း ရောက်ရှိရေးဖော် ဆောင်မည်ဖြစ်ပါသည်။ မန်စီ၊ ရွှေလီနှင့်ရင်ကျန်းနယ်မြေတို့သည် စီးပွားရေးအရ တြိဂံနယ်မြေ တည်ရှိပြီး ထိန်ခုံျးနှင့်လည်း ပြင်ပစီးပွားရေးရာ တြိဂံနယ်မြေ အဖြစ်ဖော်ဆောင်ခြင်းဖြင့် ပြည်နယ် အစိုးရ အနေဖြင့် မန်စီ၊ ရွှေလီနှင့်ထိန်ခံျုးအား ခရီးသွားလုပ်ငန်းဆောင်ရွက်လျက်ရှိပါတယ်။ မန်စီခရိုင်အား စီးပွားရေးရာမြန်ဆန်စွာ ဖွံ့ဖြိုး တိုးတက်လာရေးအတွက် စီးပွားရေးပေါ်လစီတစ်ရပ်ချမှတ်ပြီးညှိနှိုင်း ဆွေးနွေးမှုဖြင့် စီးပွားရေးပညာရှင်များ ထံမှ အကြံဉာဏ် များရရှိရေး ဆောင်ရွက်သွားမည် ဖြစ်ပါကြောင်း ရေးသားလိုက်ပါတယ်။ှ                                                                                                                                         Sourceချွန်ချိန်ဝမ်ပေါင်သတင်း၊သောင်းနိုင်

Tuesday, 19 Oct 2010

ဘင်္ဂလားဒေ့ရှ်မှာ စားနပ်ရိက္ခာပြတ်လပ်မှာ ပူပန်စရာမလိုဟုဆို    ဘင်္ဂလားဒေ့ရှ်အစိုးရလက်ထဲမှာ ယခုဆန်တန်ချိန် ၆ သောင်းနဲ့ ဂံျု တန် ချိန် ၈ သောင်းရှိနေပြီး စစ်တကောင်းဆိပ်ကမ်းမှာ ဂံျုတန်ချိန် ၄၅ဝဝဝ တင်ဆောင်လာတဲ့ သင်္ဘောလည်းဆိုက်ရောက်နေပြီဖြစ်ကြောင်းနဲ့ ဆန်တန်ချိန် ၁ဝ သိန်းနဲ့ ဂံျုတန်ချိန် ၂ သိန်းတင်သွင်းရန် စီမံနေပြီဖြစ်တဲ့အတွက် စားနပ်ရိက္ခာ ပြတ်လပ်မှာ စိုးရိမ်ပူပန်စရာမရှိကြောင်း ဘင်္ဂလားဒေ့ရှ်နေ့စဉ်ထုတ် သတင်းစာမှာ ဖော်ပြထားပါတယ်။      ဘင်္ဂလားဒေ့ရှ်နိုင်ငံမှာ လွန်ခဲ့တဲ့တစ်လအတွင်း ဆန်ဈေးမြင့်တက်လျက် ရှိပါတယ်။ လောလောဆယ်ဆယ် ရာကျော်ဆန်ဈေး ဟာ ဒက္ကားဈေးမှာ တစ်ကီလို ကို ၃၂ တာကာနဲ့ရောင်းတဲ့ဆန်ဟာ ယခင်က ၂၁ တာကာဈေး ရှိခဲ့ပြီး ဆန်လုံး သေးမျိုးဟာ ၃၈ တာကာဈေးရှိကာ ယခင်က ၂၄-၂၅ တာကာသာ ရှိခဲ့တယ်လို့ သိရပါတယ်။     ဘင်္ဂလားဒေ့ရှ်ကုန်သွယ်ရေး လုပ်ငန်းကော်ပိုရေးရှင်းသတင်းအရ အိန္ဒိယ နဲ့ မြန်မာနိုင်ငံတို့မှ ဆန်တင်သွင်းမယ်ဆိုလျှင် သယ်ယူပို့ဆောင်စရိတ် အပါအဝင် တစ်ကီလိုဂရမ်ကို ၂၇ တာကာလောက်သာကျပြီး ဒက္ကားမြို့ လက်ကားဈေးဆိုင် များမှာ အနိမ့်ဆုံးဆန်ဈေးဟာ ၃၂ တာကာနဲ့ ရောင်းချလျက် ရှိပါတယ်။ှ                                                                                                Source: ပရောထောင်းအာလော၊                                                                                                          သိန်းထွန်းဦး

Tuesday, 19 Oct 2010

အအေးပိုမဲ့ဒီနှစ်ဆောင်းရာသီမှာ လောင်စာဆီဈေးမြင့်တက်ဖွယ်ရှိ         ဒီနှစ်ဆောင်းရာသီမှာ အအေးပိုမယ်လို့ ခန့်မှန်းချက်များအရ လောင် စာဆီဈေးနှုန်းမှာ တစ်ပေပါကို ၈၃ ဒေါ်လာအထိ မြင့်တက်လာဖွယ် ရှိပါတယ်။ ကမ္ဘာလုံးဆိုင်ရာ ထိန်းသိမ်းမှုအရ အချိန်ကာလတစ်ခုထိသာ လောင်စာဆီဈေး မြင့်တက်လာ ဖွယ်ရှိတယ်လို့ ထိုင်းနိုင်ငံ၊ ထိုင်းအာဆီယံ သတင်းကွန်ရက်ဌာနက ထုတ်ပြန်ထား ပါတယ်။ ဥရောပခြောက်နိုင်ငံရဲ့ ငွေကြေးဂယက် ရိုက်ခတ်မှုကြောင့် အခုချိန်မှာ လောင်စာဆီဈေးနှုန်းမြင့်တက် ရခြင်းဖြစ်ပြီး ကမ္ဘာ့လောင်စာဆီဈေးနှုန်း တစ်ပေပါကို ဒေါ်လာ ၇ဝ မှ ၈ဝ ကြားရှိနေပြီး ထိုင်းနိုင်ငံအတွင်းမှာ တစ်လီတာကို ဘတ် ၄ဝ မှ ၄၂ ထိသာရှိနိုင်မှာဖြစ်ကြောင်း၊ ဒါဟာ ထိုင်းဘတ်ငွေ ခိုင်မာမှု ရှိနေတဲ့အတွက် လောင်စာဆီဈေးကို ထိန်းထားနိုင်ခြင်းဖြစ်တယ်လို့ ီDepartment of Alternative Energy Devolopment and Effciency  ရဲ့ ဒုတိယအထွေထွေ ဒါရိုက်တာ Thawarut Sutabut  က ပြောကြားပါတယ်။ PTT ကုမ္ပဏီကြီး က Sarut Rang Kaisirt  ကတော့ ဒီနှစ်ကုန်မှာ ထိုင်းနိုင်ငံအတွင်း လောင်စာဆီဈေးနှုန်းဟာ တစ်လီတာကို ၁ ဒသမ ၅ ဘတ်ခန့်သာ မြင့်တက်နိုင်ပြီး ကမ္ဘာ့လောင်စာဈေးအနေနဲ့တော့ တစ်ပေပါကို အမေရိကန် ၃ဒေါ်လာ မှ ၅ ဒေါ်လာ အထိ မြင့်တက်လာနိုင်တယ်လို့ သတင်းမှ ဖော်ပြထားပါတယ်။                                                                        ကျော်စိုးဝင်း၊Source:THIA- ASEAN NEWS NETWORK 

Tuesday, 19 Oct 2010

မြန်မာ့ပို့ကုန်ပစ္စည်းများ နယ်စပ်မှတင်ပို့မှု မြန်မာ-တရုတ်နယ်စပ် မူဆယ် (၁ဝ၅)မိုင် ကုန်သွယ်ရေးဇုန်မှ တစ်ဖက် တရုတ်နိုင်ငံသို့ လယ်ယာထွက်ပစ္စည်းများ၊ ရေထွက် ပစ္စည်းများ၊ သစ်တောထွက် ပစ္စည်းများ တင်ပို့လျက်ရှိရာ အဆိုပါပို့ကုန်အချို့ရဲ့ မူဆယ်၁ဝ၅မိုင် ကုန်သွယ် ရေးဇုန်နဲ့ တစ်ဖက်နိုင်ငံ ရွှေလီပေါက်ဈေးတွေကတော့ အောက်ပါအတိုင်း ဖြစ်ပါတယ် -ပစ္စည်းအမည်         ရေတွက်ပုံ    မိမိဘက်ဈေး (ကျပ်)       တစ်ဖက်နိုင်ငံဈေး (ယွမ်)ပဲပုပ်စေ့                  တန်               ၄၉၉၆၃၇                  ၃၇၁ဝပဲယင်း                   တန်               ၆၂၅၃၇ဝ                  ၃၇၉ဝပဲလွန်းဖြူ                တန်               ၈၆၄၅၉၄                  ၅ဝ၁ဝ                                                                                                                      ကေသွယ်မြန်မာ-ဘင်္ဂလားဒေ့ရှ် နယ်စပ်စစ်တွေ နယ်စပ်စခန်းမှ တစ်ဖက် ဘင်္ဂလား ဒေ့ရှ်နိုင်ငံသို့ ချင်း၊ မန်ကျည်းသီး (အစေ့ပါ) နဲ့ နနွင်းတက်တို့ တင်ပို့လျက်ရှိရာ အဆိုပါပို့ကုန်အချို့ရဲ့ စစ်တွေပေါက်ဈေးနဲ့ တစ်ဖက်နိုင်ငံ တက္ကနာဗ်ပေါက်ဈေး တွေကတော့ အောက်ပါအတိုင်းပဲဖြစ်ပါတယ်ပစ္စည်းအမည်          ရေတွက်ပုံ     မိမိဘက်ဈေး (ကျပ်)        တစ်ဖက်နိုင်ငံဈေး (တာကာ)ချင်း                        တန်             ၆၇ဝ၁၄ဝ                     ၇၅၃ဝဝမန်ကျည်းသီး (အစေ့ပါ) တန်             ၃၇၉၄၄ဝ                      ၃၁၇၅ဝနနွင်းတက်                တန်            ၁၅၂၆၉၄ဝ                     ၁၃ဝ၅ဝဝ                                                                                                                        မြတ်မြတ်ထွန်း  

Wednesday, 13 Oct 2010

တရုတ်ပဲတီစိမ်း ပါကစ္စတန် ဈေးကွက်ကို လွှမ်းမိုးလာ          ပဲတီစိမ်းဈေးမြင့်မားနေတဲ့ ပါကစ္စတန် လက်လီ၊ လက်ကားဈေးကွက်များကို ဈေးသက်သာတဲ့ တရုတ်ပဲတီစိမ်း အမြောက်အမြား ဝင်ရောက်လာတာကြောင့် စားသုံးသူများ စိတ်သက်သာရာရစေ ခဲ့ပါတယ်။ လတ်တလော တရုတ်ပြည်မှ တင်သွင်းလာတဲ့ ပဲတီစိမ်းဈေးမှာ တစ်ကီလိုဂရမ်ကို ၁၃၅ ရူပီး (ကန်ဒေါ်လာ ၁ ဒသမ ၅၇) ဈေးရှိပြီး ပြည်တွင်းထွက် ပဲတီစိမ်းဈေးထက် ရူပီး ၂၅ (ကန်ဒေါ်လာ ဝ ဒသမ ၂၉) သက်သာနေတာကြောင့် တရုတ်ပဲတီစိမ်းကို လူကြိုက်များလျက် ရှိတယ်လို့ သိရပါတယ်။             ပြည်တွင်းထွက် ပဲတီစိမ်းများ တစ်ကီလိုဂရမ်ကို ရူပီး ၁၆ဝ (ကန်ဒေါ်လာ ၁ ဒသမ ၈၆) ဖြင့် အမြင့်ဆုံး ဈေး ရောက်ရှိနေတာကြောင့် နိုင်ငံအတွင်းရှိ စားသုံးသူများအတွက် လက်လှမ်း မမှီနိုင်အောင် ဖြစ်ခဲ့ပါတယ်။ ယခင်နှစ်တွေက တစ်ကီလိုကို ရူပီး ၅ဝ-၅၅ (ကန်ဒေါ်လာ ဝ ဒသမ ၅၈-ဝ ဒသမ ၆၄) သာ ရှိခဲ့ရာ စားသုံးသူများဝယ်ယူနိုင်တဲ့ ဈေးဖြစ်ခဲ့ပေမဲ့ လွန်ခဲ့တဲ့ တစ်နှစ်အတွင်း တရားမဝင် မှောင်ခိုတင်ပို့မှုနဲ့ အထွက်နှုန်းကျဆင်းမှုတွေကြောင့် ဈေးနှုန်းအမြင့်ဆုံးကို ရောက်ရှိ လာခဲ့ပါတယ်။           ကရာချိမြို့တော်ရှိ လက်လီနဲ့ ကုန်စုံဆိုင်လုပ်ငန်းရှင်များအသင်း အတွင်းရေးမှူး ဖာရက်က လက်လီနဲ့လက်ကား ဈေးကွက်များအကြား လျင်မြန်စွာ နေရာယူလာပြီး လူကြိုက်များနေတဲ့ အတွက် တရုတ်ပဲတီစိမ်းတွေ အလုံးအရင်း ဝင်ရောက်လာတယ်လို့ အတည်ပြုပြောကြားခဲ့ပါတယ်။ လွန်ခဲ့တဲ့လ အနည်းငယ်က ပဲမျိုးစုံဈေးနှုန်းကြီးမြင့်မှုကြောင့် ဝယ်ယူစားသုံးမှု လျော့နည်းသွားခဲ့ပြီး ဝယ်လိုအား ထိုးကျသွားသဖြင့် ပဲအရောင်းအဝယ်များကျဆင်းခဲ့ရပါတယ်။         ချမ်းသာသူများ ဝယ်ယူလေ့ရှိတဲ့ အရောင်းစင်တာများမှာပင် မတန်တဆဈေးဖြစ်နေတဲ့ ပဲများကို ပုံမှန်ဝယ်ယူမှု ပမာဏထက် ထက်ဝက်ကျော်ခန့် အဝယ်လျှော့ချလိုက်တာကြောင့် ပဲစားသုံးမှု သိသိသာသာ ကျဆင်းခဲ့တယ်လို့ ဖာရက်က ပြောကြားခဲ့ပါတယ်။ တရုတ်နိုင်ငံက ဈေးသက်သာတဲ့ ပဲမိုျးစုံထပ်မံ ဝင်ရောက်လာတာနဲ့အမျှ ပြည်တွင်းထွက်ပဲများကို အမှီပြု စားသုံးနေရမှုကို လျှော့ချနိုင်မှာဖြစ်ပြီး တရုတ်မှ ပဲအမျိုးမျိုး ဈေးကွက်အသီးသီးကို အောက်ဈေးဖြင့် တိုးဝင်လာမယ့်အရေးမှာ လည်း တားဆီးနိုင်မှာမဟုတ်ဘူးလို့ ဖာရက်က ဆိုပါတယ်။                                                                                                               ယမင်းရွှေစင်၊ှ                                                                                                           Sources: daily times

Wednesday, 13 Oct 2010

ပဲမျိုးစုံစိုက်ဧရိယာနဲ့ ထုတ်လုပ်မှုတိုးတက်စေဖို့ ဆောင်းပဲများရဲ့ အနိမ့်ဆုံးထောက်ပံ့ဈေးနှုန်း သိသိသာသာ တိုးမြင့်ဖို့စီစဉ်         ကမ္ဘာမှာ ပဲအများဆုံးထုတ်လုပ်တဲ့တိုင် အိန္ဒိယနိုင်ငံဟာ ပြည်တွင်းလိုအပ်ချက် ပဲတန်ချိန် ၁၈-၁၉ သန်းကို ပြည့်မီဖို့နှစ်စဉ်တန်ချိန် ၃ သန်း-၄ သန်းတင်သွင်းနေရဆဲဖြစ်ပါတယ်။ ဒါကြောင့်လည်း စိုက်ဧရိယာနဲ့ ထုတ်လုပ်မှု တိုးမြင့်ရာမှာအားပေးတဲ့အနေနဲ့ ဆောင်းပဲမျိုးစုံ အနိမ့်ဆုံးထောက်ပံ့ဈေးနှုန်း   (MSP )  တိုးမြှင့်ဖို့ စိုက်ပျိုးရေးဝန်ကြီး ဌာနကတင်ပြထားတယ်လို့ သိရပါတယ်။ မိုးပဲမျိုးစုံအတွက် ထောက်ပံ့ဈေးနှုန်းမြင့်တင်ခဲ့ခြင်းကြောင့် စိုက်ဧရိယာ သိသိသာသာတိုးတက်ခဲ့ပြီး၂ဝ၁ဝ-၂ဝ၁၁ မိုးရာသီ ပဲမျိုးစုံထုတ်လုပ်မှုကို တန်ချိန် ၆ သန်းအထိ ထွက်ရှိမယ်လို့ ခန့်မှန်းထားကြပါတယ်။ ဆောင်းရာသီ ဂံျုအတွက် ထောက်ပံ့ဈေးနှုန်းကို တစ်တန် ရူပီး ၂ဝဝ (ကန်ဒေါ်လာ ၄ ဒသမ ၅၁) သာ တိုးမြင့် ပေးဖွယ်ရှိ ပေမဲ့ ပဲမျိုးစုံ အတွက်ကိုတော့ အစိုးရအနေနဲ့ ပြည်ပတင်သွင်းမှုအပေါ် မှီခိုနေရမှုကို လျှော့ချ လိုတာ ကြောင့်သိသိ သာသာ တိုးမြင့် ပေးနိုင်တယ်လို့ ဆိုပါတယ်။ အစိုးရအရာရှိများရဲ့ ပြောကြားချက်အရ စိုက်ပျိုးရေး ဝန်ကြီးဌာနဟာ ဂံျုအထွက် MSP  ဈေးနှုန်းကို တစ်တန် ရူပီး ၁၁၂ဝဝ (ကန်ဒေါ်လာ ၂၅၃) ကို ရူပီး ၂ဝဝ (ကန်ဒေါ်လာ ၄ ဒသမ ၅၁) တိုးမြင့်ပေးဖို့ တင်ပြထားပြီး ပဲမျိုးစုံအတွက် MSP  ဈေးနှုန်းကို တစ်တန် ရူပီး ၄၂ဝဝ (ကန်ဒေါ်လာ ၉၅) တိုးမြင့်ပေးဖို့ တင်ပြထားတယ်လို့သိရပါတယ်။         ပဲမျိုးစုံဆိုရာမှာ ပဲနီလေးရဲ့ MSP  ဈေးနှုန်းကို တစ်တန် ရူပီး ၁၈၃ဝဝ (ကန်ဒေါ်လာ ၄၁၃) ရှိရာမှ ရူပီး ၂၂၅ဝဝ(ကန်ဒေါ်လာ ၅ဝ၈)ကိုလည်းကောင်း ကုလားပဲတစ်တန် ရူပီး ၁၇၆ဝဝ(ကန်ဒေါ်လာ ၃၉၇)မှ ရူပီး ၂၁ဝဝဝ (ကန် ဒေါ်လာ၄၇၄)ကို လည်းကောင်း တိုးမြင့်သွားနိုင်တယ်လို့ ဆိုပါတယ်။ မုန်ညှင်းစေ့ဈေးကိုတော့ တစ်တန် ရူပီး ၁၈၅ဝဝ (ကန်ဒေါ်လာ ၄၁၈) ကို ရူပီး ၂ဝဝ (ကန်ဒေါ်လာ ၄ ဒသမ ၅၁) သာ ထပ်တိုးမြင့်သွားလိမ့်မယ်လို့ ဆိုပါတယ်။ ဆောင်းသီးနံှများရဲ့ ြှဏ ဈေးနှုန်းတိုးမြင့်ရေးတင်ပြချက်ကို ယခုတစ်ပတ် စီးပွားရေးဆိုင်ရာဝန်ကြီးများအဖွဲ့ ကော်မတီ (CCEA)  မှာဆုံးဖြတ်သွားဖွယ်ရှိတယ်လို့ ဆိုပါတယ်။          အိန္ဒိယအစိုးရဟာ ၂ဝ၁ဝ-၂ဝ၁၁ သီးနံှရာသီမှာ တန်ချိန် ၁၆ ဒသမ ၅ သန်းအထိ တန်ချိန် ၂ သန်း ပိုမိုထွက်ရှိဖို့ရည်မှန်းထားပါတယ်။ ယင်း ရည်မှန်းချက်အောင်မြင်ဖို့ မိုးရာသီပဲမျိုးစုံ MSP  ဈေးနှုန်းတိုးမြင့်ခဲ့ပြီးဖြစ်သလို ဆောင်းပဲများဖြစ်တဲ့ကုလားပဲနဲ့ ပဲနီလေးတို့ရဲ့ MSP ဈေးနှုန်းကိုလည်း တိုးမြင့်ဖို့ စီစဉ်ခြင်းဖြစ်ပါတယ်။ မိုးပဲမျိုးစုံ စိုက်ဧရိယာတိုးတက်ခဲ့သလိုအထွက်ကလည်း ယခင်နှစ်မိုးရာသီက တန်ချိန် ၄ ဒသမ ၃ သန်းထွက်ရှိရာမှာ ၂ဝ၁ဝ-၂ဝ၁၁ မိုးရာသီမှာ တန်ချိန် ၆သန်းအထိ မြင့်တက်မယ်လို့ခန့်မှန်းထားပါတယ်။                          ယမင်းရွှေစင်၊ Sources: thehindu businessline

Wednesday, 13 Oct 2010

လှည်းကူး ကောက်စောစပါး ထွက်ပြီ        ယခုနှစ် မိုးရာသီမှာ မိုးအဝင်နောက်ကျသလို အထွက်လည်း စောမှာဖြစ်တဲ့အတွက် တောင်သူများအနေနဲ့ သက်တမ်းတိုစပါးမျိုးများကို ရွေးချယ်စိုက်ပျိုးဖို့ သက်ဆိုင်ရာတာဝန်ရှိသူများကနှိုးဆော်ခဲ့ကြပါတယ်။ သက်ဆိုင်ရာရဲ့ သတိပေးချက် အတိုင်း လိုက်နာဆောင်ရွက်ခဲ့တဲ့အတွက် လှည်းကူးမြို့နယ် ပိုက်ကြီးဝဲကျေးရွာမှ တောင်သူကြီး ဦးမောင်ညိုဟာ လယ် ၁ဝ ဧကစိုက်ပျိုးရာမှာ သက်တမ်းတို ရက် ၁ဝဝစပါးမျိုး ၄ ဧကထည့်သွင်းစိုက်ပျိုးခဲ့တဲ့အတွက် အောက်တိုဘာ ၂ရက်က စတင်ရိတ်သိမ်းနေပြီး တစ်ဧကအထွက်နှုန်း ၆၅ တင်းခန့်ရရှိကြောင်းသိရပါတယ်။ အလားတူသက်တမ်းတိုစပါး စိုက်ပျိုးသူများ မှာလည်း စတင် ရိတ်သိမ်းနေပြီဖြစ်တာကြောင့် လှည်းကူးမြို့နယ်အတွင်း ကောက်စောစပါးများ စတင်ထွက်ရှိ လာပြီဖြစ်ပါတယ်။ သက် တမ်းတို ရက် ၁ဝဝ စပါးမျိုး စိုက်ပျိုးမှုရဲ့အကျိုးရလဒ်အဖြစ်မုတ်သုံမိုးစောစီးစွာဆုတ်ခွာခြင်း အတွက် စိုးရိမ်စရာမရှိသလို နွေစပါးစိုက် ပျိုးရန်အတွက်လည်း ပြင်ဆင်ချိန်ပိုမိုရရှိလို့ တောင်သူများဝမ်းမြောက် လျက်ရှိကြောင်းသိရပါတယ်။ ဝင်းနိုင်

Wednesday, 13 Oct 2010

ပဲဖတ်-နှမ်းဖတ်ပေါ်ချိန် အစာဈေး အနည်းငယ်ကျဆင်း       ဆီထွက်သီးနံှများ စတင်ပေါ်ကာစချိန်ဖြစ်သဖြင့် အစာဈေးနှုန်းများ အနည်းငယ်ကျဆင်းလာကြောင်း ဘုရင့်နောင်ကုန်စည်ဒိုင်က သိရသည်။ ''ငါးစာမှာဖွဲ့နုကို အဓိကထားကျွေး၍ မွေးမြူကြသော်လည်း ဖွဲနုသစ်ပေါ်ချိန် မရောက်ရှိသေးတဲ့အတွက် ဖွဲနုဈေး ကျဆင်းခြင်းမရှိသေးပါဘူး။ မနှစ်ကတော့ဒီအချိန်မှာ ဖွဲနုဈေးတက်နေပြီး ဒီနှစ်တော့ဖွဲနုဈေးက မတက်ဘဲတန့်နေပါတယ်။ အခုချိန်က ပဲဖတ်၊ နှမ်းဖတ်ပေါ်လာတဲ့အတွက် ပဲဖတ်-နှမ်းဖတ် ၁ ပိဿာကို ၅ဝကျပ်လောက် ကျလာပါတယ်''ဟု အစာအသင်းမှ တာဝန်ရှိသူတစ်ဦးက ပြောကြားသည်။       အောက်တိုဘာ ၇ ရက်နေ့တွင် ဖြစ်ပေါ်ခဲ့သော အစာဈေးနှုန်းများမှာ (၁ ပိဿာဈေး) ပဲဖတ် ၉၅ဝ ကျပ်၊နှမ်းဖတ် ၈၂၅ ကျပ်၊ ပဲပုပ်ဖတ် ၉၅ဝ ကျပ်၊ ပဲပုပ်စေ့က ၉ဝဝ ကျပ်၊ဖွဲနု ၃၈၂ ကျပ်၊ ပုစွန်ဖွဲ ၆၃ဝ ကျပ်၊ နေကြာ ၆၃ဝကျပ်၊ ပန်းနှမ်း ၆၉ဝ ကျပ်၊ ငါးဂုံးညို ၁၂၅ဝ ကျပ်၊ ငါးဝိုင်း ၁၂၅ဝ ကျပ်၊ ပဲမှုန့် ၄ဝဝ ကျပ် မုန်ညှင်း ၆၅ဝ ကျပ်၊ ပဲတီစိမ်းမှုန့်၄ဝဝ ကျပ်၊ ခရုမှုန့် ၁၅ဝ ကျပ်၊ ငါးပေါင်းမုန့် (၁တန်) ကျပ် ၉ဒသမ ၈သိန်းတို့ဖြစ်ခဲ့သည်ဟု ဆိုသည်။ခင်မျိုးသွယ်

Wednesday, 13 Oct 2010

UMFCCI တွင် ဝါကျွတ်အထူးဈေးရောင်းပွဲတော် ကျင်းပမည်      Fortune International Ltd Concordia International Co,.Ltd တို့ ပူးပေါင်းကျင်းပမယ့် ဝါကျွတ်အထူး ဈေးရောင်း ပွဲတော် ကို အောက်တိုဘာလ ၁၅ ရက်မှ ၁၈ ရက်အထိ အမှတ် ၂၉ မင်းရဲကျော်စွာလမ်း၊ လမ်းမတော် မြို့နယ်ရှိ ပြည်ထောင်စု မြန်မာနိုင်ငံ ကုန်သည်များနှင့် စက်မှုလုပ်ငန်းရှင်များ အသင်းချုပ် (UMFCCI)  ပထမထပ်၊ အစည်းအဝေး ခန်းမမှာ ကျင်းပ မယ်လို့ သိရပါတယ်။ အဆိုပါပြပွဲမှာ ယင်းကုမ္ပဏီနှစ်ခုမှ တင်သွင်းဖြန့်ဖြူးနေသော ဓာတ်လှေ ကား၊ တယ်လီဖုန်း လိုင်းခွဲ စနစ်များ၊ လျှပ်စစ်ဓာတ်အားလိုင်းသုံး ပစ္စည်းများ၊ မီးစက်များ၊ အသည်းရောဂါ ဆေးအမျိုး မျိုး၊ မွေးမြူရေးလုပ်ငန်းသုံးဆေးဝါးများ၊ တိရစ္ဆာန်အစားအစာများ၊ ရုံးလုပ်ငန်း သုံး ကာလာမိတ္တူကူးစက်၊ ကာလာလေ ဆာပရင်တာများ၊ ဖက်စ်နဲ့ ပရိုဂျက်တာ များ၊ ကျန်းမာရေးအထောက်အကူပြု ဆေးရုံသုံးပစ္စည်းများ၊ ဆေးနှင့် ဆေး ပစ္စည်းများ၊ ဓာတ်ခွဲခန်းသုံးပစ္စည်းများ၊ ကုန်းကြောင်း၊ လေကြောင်း၊ ရေ ကြောင်းသုံး GPS များ၊ Rader  နဲ့ Echo Sounder များ၊ ဆောက်လုပ်ရေး လုပ်ငန်းသုံးမြေတိုင်း ပစ္စည်းများ၊ မြေကြီး နဲ့ ကွန်ကရစ်အရည်အသွေး စမ်းသပ် စက်များ၊ ရွှေဆိုင်သုံး ဒစ်ဂျစ်တယ်ချိန် ခွင်များ၊ စက်မှုလုပ်ငန်းနဲ့ ကုန်ထုတ် လုပ်ငန်းသုံး ချိန်ခွင်များကို အထူးဈေး နှုန်းနဲ့ ရောင်းချပေးမှာ ဖြစ်ပါတယ်။                                                                                                                                လွင်လွင်မိုး

Tuesday, 12 Oct 2010

တရုတ်ပွဲတော်များကြောင့် မြန်မာရေထွက်ကုန်ပစ္စည်းအရောင်းသွက်ပြီး ဈေးကောင်းရခဲ့အောက်တိုဘာလ ၁ ရက်မှာကျရောက်တဲ့တရုတ်အမျိုးသားအောင်ပွဲနေ့နဲ့ ဆက်လက်ကျင်းပမဲ့ တရုတ် လမုန့် ပွဲတော် များကြောင့် မြန်မာ့ရေထွက်ပစ္စည်းများကို တရုတ်ဘက်မှ ပိုမိုဝယ်ယူလျက်ရှိပြီး ငါးရှဉ့် တစ်တန်လျှင် အနိမ့်ဆုံး ဈေး ကန်ဒေါ်လာ ၁၉၇ဝ မှ အမြင့်ဆုံးဈေး ၃ဝ၄ဝ ထိရရှိကြောင်းသိရပါတယ်။      မူဆယ်နယ်စပ်စခန်းမှ တစ်ဆင့် ၂ဝ၁ဝ ခုနှစ် စက်တင်ဘာလအတွင်း  ငါးရှဉ့်တန်ချိန် ၁ဝဝဝ ကျော်ကို ကန်ဒေါ်လာ ၃ သန်းနီးပါးဖိုးတင်ပို့ခဲ့သလို ကန်ပိုက်တီး နယ်စပ်ကုန်သွယ်ရေးစခန်းမှလည်း တန်ချိန် ၃၄ တန်ကျော်ကို တန်ဖိုးကန်ဒေါ်လာ ၇ သောင်းဖိုး တင်ပို့နိုင်ခဲ့ပါတယ်။      '' ကန်ပိုက်တီးဘက်ကတော့ ကချင်ပြည်နယ်ထွက် ငါးရှဉ့်တွေကို ပို့ပါတယ်။ မိုးကောင်း၊ မိုးညှင်း၊ ကာမိုင်း ဒေသထွက် ငါးရှဉ့်တွေပါ။ အခြားဒေသတွေက ထွက်ရှိတဲ့ ငါးရှဉ့်တွေကိုတော့ မူဆယ်ကနေ ပို့ပါတယ်'' ဟု နယ်စပ်ကုန်သည် အသင်းမှ သတင်းရရှိပါတယ်။                                                                                                                           မော်မော်အောင်(MIRT)

Pages