Background
စင်ကာပူနိုင်ငံသို့ သွားရောက်၍ ပညာသင်လိုသူများအနေဖြင့် အစိုးရပိုင်ကျောင်းများကို ရွေးချယ်တက် ရောက်သင့်ပြီး ပုဂ္ဂလိကကျောင်းများအား ရွေးချယ်ပါကလည်း မိဘများမှ ပညာသင်ကျောင်းသား၏ ပညာ သင်စရိတ် အပြည့်အဝရှိမှသာ ရွေးချယ်သင့်ကြောင်း စင်ကာပူပညာရေးလေ့လာသူ တစ်ဦးက ပြောကြား သည်။
အသက်မွေးဝမ်းကျောင်းဆိုင်ရာ ပညာရပ်များကို အဓိကသင်ယူလိုသူများအတွက် ဟိုတယ်အသက် မွေး ဝမ်းကျောင်းဆိုင်ရာ သင်တန်းများ၊ ကုန်ပစ္စည်းရောင်းချရေးသင်တန်းများ၊ ကုန်သွယ်လေကြောင်း ဆိုင်ရာ သင်တန်းများ၊ အခမ်းအနားအမျိုးမျိုးအတွက် အစားအသောက်များဧည့် ခံကျွေးမွေးရေး သင်တန်းများ၊ ကွန်ပျူတာသင်တန်းများကို Panache Services Company Limited မှ Santini International Training Academy ကျောင်း အသစ်ကိုမြန်မာနိုင်ငံ စတင်ဖွင့်လှစ် ပြီဖြစ်ကြောင်းသိရသည်။
၂ဝ၁ဝ ပွင့်လင်းရာသီတွင် မြန်မာ နိုင်ငံသို့ အပျော်စီးခရီးသည်တင် ပင်လယ်ကူးသင်္ဘောသုံးစီး၊ ၂ဝ၁၁တွင် လေးစီးလာရောက် ရန်ရှိပြီး ၂ဝ၁၂ အတွက် ကြိုတင်ပြင်ဆင်မှုများ ပြုလုပ် နေကြောင်း Myanmar Voyages International Tourism Co,Ltd. မှ Managing Director ဦးသက်လွင်တိုးကပြော သည်။
အင်္ဂလန်သို့သွားရောက်ပညာသင်ယူသည့် ကျောင်းသားများအား အင်္ဂလန်ရှိတက္ကသိုလ်၊ ကောလိပ်များမှ အချိန်ပိုင်းအလုပ် လုပ်ခွင့်များ ခွင့်ပြုပေးလျက်ရှိပြီး လုပ်ခမှာသတ်မှတ်လစာဝင် ငွေထက်ပိုပါက Tax (ဝင်ငွေခွန်) ပေးရ သော်လည်း ယင်း Tax (ဝင်ငွေခွန်) ကို တစ်နှစ်ပြည့်သည်နှင့် သက်ဆိုင်ရာမြို့နယ်ကောင်စီ (Council) တွင် မိမိကျောင်းသားဖြစ်ကြောင်း အထောက် အထားများနှင့် ပြန်လည်တောင်းခွင့်ရှိ ကြောင်း နဝရတ်ပညာရေးစင်တာမှ သိရသည်။
ပြည်ပနိုင်ငံများသို့ ပညာသွားရောက်သင်ယူမည့်မြန်မာကျောင်းသားများအနေဖြင့် တက္ကသိုလ်ဝင်တန်းစာမေးပွဲကို ဂရုတစိုက် ဖြေဆိုသင့်ပြီး၊ တက္ကသိုလ်ဝင်တန်းအောင်ကျောင်းသားများ ကိုလည်းနိုင်ငံတော်တော်များများ တက္ကသိုလ်များမှ အသိအမှတ်ပြု ကြောင်း၊ Myanmar Search International (MSI) မှမန်နေဂျင်းဒါရိုက်တာ ဒေါ်စုစုလှိုင်ကပြောကြားသည်။
လေယာဉ်မှူးဖြစ်ချင်ကြသူများ အတွက် အလုပ်အကိုင်အခွင့်အလမ်းများကို အွန်လိုင်းမှတစ်ဆင့် ရှာဖွေနိုင် ကြောင်း Myanmar International Education Consultants Association , MIECA မှမန်းနေဂျင်းဒါရိုက်တာ ဦးကျော်သူကပြောကြားသည်။
မုံရွာမြို့၊ ကျောက္ကာလမ်းရှိ MCG Computer Centre သင်တန်းခန်းမမှာ ၁ဝ.၁.၂ဝ၁ဝ နေ့တွင် Internet & E.mail Course သင်တန်း ဆင်းပွဲပြုလုပ်ခဲ့ကြောင်းသိရပါတယ်။
ပြည်ပနိုင်ငံများသို့ သွားရောက်ပညာသင်ကြားလိုသော ကျောင်းသားများအနေဖြင့် မိမိတက်ရောက်မည့် ကျောင်းနှင့်ယင်း ကျောင်းမှချီးမြှင့်သော ဘွဲ့လက်မှတ်မှာနိုင်ငံတကာအဖွဲ့အစည်းများ၏ အသိအမှတ်ပြုလက်မှတ်ဖြစ်၊ မဖြစ်ကိုကြိုတင်လေ့လာ သင့်ကြောင်း မလေးရှားနိုင်ငံ Curtin ကျောင်းမှဆရာ တစ်ဦးဖြစ်သူဦးဇေယျာဦးကပြောကြား သည်။
ဟောင်ကောင်နှင့် တရုတ် နိုင်ငံတို့ရှိ ယူရှီဒိုးဆံပင်အလှပြင် သင်တန်းများသို့တက်ရောက်လိုသူများ အား RDC Co မှ အခမဲ့ စေလွှတ်ရန် စီစဉ်နေပြီဖြစ်သည်။
မြန်မာကျောင်းသူ၊ကျောင်းသား များအတွက် UK မှချီးမြှင့်သောနိုင်ငံ တကာအသိအမှတ်ပြု UK တက္ကသိုလ် ပထမနှစ်ဖြစ်သည့် International Diploma in Business နှင့် ဒုတိယနှစ်ဖြစ် သည့် International Advanced Diploma in Businessစီးပွားရေးသင်တန်းများကို Regent Business Academy မှဖွင့်လှစ်သင်ကြားပေးမည်ဖြစ်ပြီး Advanced Diploma အောင်မြင် ပြီးသူများအနေဖြင့်လည်း UK,Australlia နှင့် Singapore စသည့်နိုင်ငံများတွင် ၁ နှစ် (သို့မဟုတ်) ၁ နှစ်ခွဲခန့် တက်ရောက်၍ BA (Hons),BCom,BBus စသည့်စီးပွား ရေးဘွဲ့များကိုရယူနိုင်ကြောင်းသိရသည်။