အိမ်ခြံမြေ ဈေးနှုန်းများ အမြင့်ဆုံးအနေအထားသို့ ရောက်ရှိနေ           အိမ်ခြံမြေဈေးနှုန်းများ အမြင့်ဆုံးအနေအထားသို့ ရောက်ရှိလာနေကြောင်း အိမ်ခြံမြေ အကျိုးဆောင်ကုမ္ပဏီများထံက သိရသည်။ ''လက်ရှိ အိမ်ခြံမြေတွေရဲ့ခေါ်ဈေးပေါက်ဈေးတွေက အမြင့်ဆုံးအနေအထား သို့ ရောက်ရှိနေတယ်လို့ ပြောလို့ရတယ်၊ နေရာကောင်း အကွက်ကောင်းတွေဆို လိုချင်သူတွေပဲရှိပြီး ရောင်းဖို့ပစ္စည်းမရှိသလိုဖြစ်လာတယ်။ ဒါ့ကြောင့် အိမ်ခြံမြေ ဈေးကွက် အေးသယောင်ဈေးရှိနေတယ်။ ဘာကြောင့်လဲဆိုရင် ဈေးကွက်အချို့ဟာ အမြင့်ဆုံးကို တက်သွားပြီးရင် ပြန်ဆင်းတတ်တဲ့ သဘောလေးတွေလည်း ရှိတတ် တာကြောင့် အရောင်းအဝယ်သမားတွေက ဒီအခြေအနေကို ရိပ်စားမိပြီး စောင့် ကြည့်နေကြတဲ့သူတွေလည်း ရှိတယ်။ ဆိုလိုတာက ဈေးကျမှပြန်ဝယ်မှဆိုပြီး ငွေ ထုပ်ပိုက်စောင့်ကြည့်နေသူတွေလည်း ရှိတယ်။ ဈေးနှုန်းခေါ်ဈေးတွေက အမြင့်ဆုံး အနေအထားတွေကြောင့် လန့်ပြီး မဝယ်ရဲတာလည်းပါတယ်။ ငွေမာနေတဲ့အချိန် မျိုးမှာ တန်ဖိုးကြီးတွေကို မကိုင်ချင်တာလည်းဖြစ်နိုင်တယ်။ ဝယ်လိုက်ပြီးမှ ဈေးကျ သွားမယ်ဆိုရင် နှစ်ခါနာဖြစ်မှာစိုးသူတွေလည်း ရှိတယ်''ဟု ဝါရင့်အိမ်ခြံ မြေလုပ်ငန်း ရှင်ကြီးတစ်ဦးက ဈေးကွက်ခပ်အေးအေးအနေအထားကို သုံးသပ်ပြောကြားသည်။    ခင်မျိုးသွယ်

 မန္တလေးမြို့သစ်ရှိ မြေကွက်အချို့ ဈေးမြင့ ်လာဖွယ်ရှိ                မန္တလေးမြေဈေးကွက်တွင် စက်မှုဇုန်(၂) တောင်ဘက်ရှိ လက်ကားကုန်စည် ဒိုင်နဲ့ ကားကြီးကွင်း စီမံကိန်းအနီးရှိ ''လလ''နဲ့ ''ဝဝ'' မြေကွက်များမှာ စီမံကိန်းကြောင့် ဈေးမြင့်တက်ခဲ့ရာမှ လတ်တလောမှာ ဈေးတန့်လျက်ရှိပြီး စီမံကိန်းအကောင် အထည်ဖော်ပြီးပါက ဈေးမြင့်လာဖွယ်ရှိကြောင်း သိရပါတယ်။                မြို့သစ်ရှိ မြေအကျိုးဆောင်တစ်ဦးက''မြေကွက်ဈေး အတက်အကျက ရင်းနှီး မြုပ်နံှသူနဲ့ဆိုင်တယ်။ သူကမြေဝယ်မှုမရှိရင် ဈေးကျတာပဲ။ စီမံကိန်းအနီးက ''လလ'' နဲ့''ဝဝ'' အကွက် ဆို စီမံကိန်းစမယ်ဆိုတော့ ဈေးမြင့်တက်ခဲ့တယ်။ အခု အကောင် အထည်ဖော်နေတဲ့အတွက် အမြင့်ဈေးရောက်ခဲ့လို့ ဈေးတန့်နေတာ။ စီမံကိန်း အကောင်အထည်ဖော်ပြီးရင် ဈေးပြန်တက်လာနိုင်တယ်။ အရောင်းအဝယ်တော့ ရှိနေတယ်။ မအေးဘူး။ ဇဇ၊ ညည၊ ပပ၊ မမ အကွက်တွေက ရေကြီးပြီးကတည်းက အရောင်းအဝယ် မရှိသလောက်ဘဲ ဈေးကွက်အီနေတာ''လို့ ပြောပါတယ်။ မြေကွက်ဈေးနှုန်းများမှာ ''လလ'' အရှေ့ခြမ်း ပေ ၄ဝx ၆ဝ တစ်ကွက်ကို ၅၉ လမ်း၊ လမ်း ၆ဝပေါ်မှာ သိန်း ၂ဝဝ ကျပ်ဝန်းကျင်၊ ကြားကွက် သိန်း ၁ဝဝကျပ် အထက်၊ ၅၂ လမ်း ၅၃ လမ်းမပေါ် သိန်း ၁ဝဝ ကျပ်၊ ကြားကွက်သိန်း ၆ဝ၊ ၆၅ သိန်း ဝန်းကျင်ရှိ၍ ''လလ'' အနောက်ခြမ်း ၆၆ လမ်းနှင့် ၆၇ လမ်းမပေါ် သိန်း ၅၅ဝ၊ ၆၅ဝ ဝန်းကျင်၊ ၆၄ လမ်း၊၆၅လမ်းမပေါ် သိန်း ၄ဝဝ နဲ့ ၅ဝဝ ကြားရှိပြီး ကြားကွက် သိန်း ၂ဝဝ ကျပ်ဝန်းကျင်ရှိကြောင်းသိရပါတယ်။ '' ဝဝ''အကွက်များ မှာ သိန်း ၅၅ဝ၊ သိန်း ၆ဝဝရှိပြီး ၆၇လမ်း၊ ၆၈လမ်း ကျောကပ်မှာ သိန်း ၄၅ဝကျပ်၊ ကြားကွက် သန်း၃ဝဝ ကျပ ် ဈေးရှိကြောင်းသိရပါတယ။် ဇူူးးဇူူး

 မန္တလေး အိမ်ခြံမြေဈေးကွက် အရောင်းအဝယ်ပုံမှန်ဖြစ်ပြီး အငှားဈေးကွက်သွက်            မန္တလေးမြို့ အိမ်ခြံမြေဈေးကွက် အရောင်းအဝယ်ပုံမှန်ဖြစ်ပြီး အငှားဈေးကွက်သွက်လျက်ရှိပါတယ်။ အရောင်းအဝယ်ဈေးကွက်မှာ နိုဝင်ဘာလတတိယပတ် က အေးသွားခဲ့ပြီး၊ ဒီဇင်ဘာလဆန်းက အရောင်းအဝယ် ပုံမှန်ပြန်ဖြစ်လာပါတယ်။ အငှားဈေးကွက်မှာ မြို့တွင်းရော မြို့သစ်ပါ အငှားသွက်လျက်ရှိကြောင်း အိမ်ခြံမြေ အကိုျးဆောင်များထံမှ သိရပါတယ်။ မြို့သစ်ရှိ အိမ်ခြံမြေအကိုျးဆောင်တစ်ဦးက ''နိုဝင်ဘာလဆန်းပိုင်းက အရောင်းသွက်ခဲ့တဲ့ ''လလ'' ''ဆ'' ''တတ'' အကွက်တွေအားလုံး ဈေးအေးသွားပြီး အရောင်းအဝယ် ပုံမှန်ဖြစ်နေတယ်။ ''ဝဝ'' အကွက်က အဝယ်လိုက်နေတယ်။ မြို့ထဲ အိမ်ခြံမြေကတော့ Down Town ဧရိယာအတွင်းက သိန်း ၂၅ဝဝ၊ ၃ဝဝဝ၊ ၄ဝဝဝ ကျပ်ဝန်းကျင် အရောင်းအဝယ်ဖြစ်တယ်''လို့ ပြောပါတယ်။                 မြို့တွင်းက မန္တလေးမြို့အရှေ့ခြမ်းရှိ မဟာဇေယျာဘုံရပ်၊ အောင်တော်မူရပ်၊ ရန်မိုျးလုံနဲ့ ရွှေလံှရပ်များမှာ အဝယ်လိုက်လျက်ရှိပါတယ်။ ရွှေလံှရပ်ကြားကွက်များမှာ မျက်နှာစာ တစ်ပေကို သိန်း ၇ဝ ကျပ်၊ လမ်းမတန်း သိန်း ၁ဝဝ ကျပ်ဈေးရှိပြီး၊ ရန်မိုျးလုံရပ်ကွက်မှာ ကြားကွက်မျက်နှာစာ တစ်ပေကို ကျပ် ၃၅ သိန်း၊ အောင် တော်မူရပ်မှာ ကျပ် ၄ဝ သိန်းရှိပြီး၊ လမ်းမတန်းပေါ်မှာ သိန်း ၈ဝ၊ ၉ဝ ကျပ်ဈေးဖြင့် အရောင်းအဝယ်ရှိကြောင်း သိရပါတယ်။ နေရာကောင်း အကွက်အကွင်းကောင်းရင် မျက်နှာစာ တစ်ပေကို ကျပ်သိန်း ၁ဝဝ ကျပ်ရှိကြောင်းသိရပါတယ်။                 အိမ်ခြံမြေအငှားလုပ်ကိုင်သူတစ်ဦးက 'အငှားဈေးကွက်မှာ ၈၄ လမ်း၊ လမ်း ၈ဝ ၊ ၇၃ လမ်း၊ ၃၅ လမ်း၊ ၃၆ လမ်း၊ လမ်း ၃ဝပေါ်မှာ အငှားအရမ်းဖြစ်တယ်။ မြို့သစ်ဘက်ကလည်း သူ့နေရာနဲ့သူဖြစ်နေတယ်။ ဒီလထဲမှာ အငှားသွက်တယ် ပြောရမယ်။ မြို့ထဲပိုင်းကတော့ စီးပွားရေးလုပ်ရင်းနေမယ့်သူများပြီး မြို့သစ်က သီးသန့်ခြံကျယ်၊ အိမ်ကောင်းကောင်းနဲ့နေတဲ့သူ အငှားများတယ်။ မြို့သစ်ဆို လမ်းကောင်းတဲ့ ၆၃ လမ်း၊ ၆၆ လမ်း၊ ၇၃ လမ်း၊ ၆၈ လမ်းပေါ်မှာ အငှားလိုက် နေတယ်'လို့ ပြောပါတယ်။                အငှားဈေးကွက်အနေနဲ့ မြို့တွင်းပိုင်းမှာ RC နှစ်ထပ်ကို ၃ သိန်းမှ ၇ သိန်း အတွင်း အငှားဖြစ်ပြီး၊ မြို့သစ်ပိုင်းမှာ ခြံကျယ်ကျယ် အိမ်ကောင်းကောင်း RC ၃ ထပ်ကို ၃ သိန်း၊ နှစ်ထပ်ကို ၂ သိန်းခွဲဝန်းကျင်နဲ့ အငှားသွက်ကြောင်း သိရပါတယ်။ အငှားဈေးနှုန်းများမှာ နေရာအကွက်အကွင်း၊ အိမ်ကောင်း လမ်းသာတဲ့အပေါ် မူတည်ပြီး ဈေးနှုန်းကွာခြားကြောင်းသိရပါတယ်။ ဇူူးးဇူး

မကြာမီကာလတိုအတွင်း အိမ်ခြံမြေဈေးကွက် ပြန်လှုပ်လာနိုင်         ၂ဝ၁ဝ ခုနှစ် နှစ်မကုန်ခင်ကာလအတွင်း အိမ်ခြံမြေဈေးကွက်ပြန်လှုပ်လာနိုင်ကြောင်းအိမ်ခြံမြေအကျိုး ဆောင်ကုမ္ပဏီများ က သိရသည်။ '' နိုဝင်ဘာလ ၇ ရက် ရွေးကောက်ပွဲအပြီးမှာ နေရေးထိုင်ရေးအခြေခံတွေဖြစ်တဲ့ ရောင်းဝယ်ရေးအပိုင်းတွေ က ပုံမှန်ရှိနေပါတယ်။ ပွိုင့်ကြီးတွေ ဝယ်ချင်သူရှိပေမဲ့ အရောင်းမရှိလို့ ဈေးကွက်ငြိမ်နေတဲ့သဘောရှိတယ်။ ဝယ်လက်သစ်တွေ ထူးထူးခြားခြား သိပ်ဝင်လာတာမတွေ့ရသေးဘူး။ မြန်မာ အိမ်ခြံမြေဈေးကွက်က ရွှေဈေးတက်ရင် လိုက်သွက်တဲ့ သဘော ရှိတယ်။ ပြည်ပက အဓိကဈေးကွက်တွေလှုပ်ရှားရင်လဲ အိမ်ခြံမြေက လှုပ်တတ်တယ်။ သဘာဝပဲ။ နိုဝင်ဘာ ၁၇ ရက်မှာစတဲ့ နေပြည်တော်ကျောက်ပွဲကိုလည်း အိမ်ခြံမြေသမားတွေစောင့်နေကြပါတယ်။ ကျောက်အောင်တာများရင် အိမ်ခြံမြေဈေးကွက် မြူးလာနိုင်ပါတယ်။ ဒါကြောင့် မကြာမီကာလတိုတွင်းမှာ အိမ်ခြံမြေဈေးကွက်ပြန်လှုပ်လာမယ်လို့ သုံးသပ်ပါတယ်'' ဟု မဏ္ဍိုင် အိမ်ခြံမြေကုမ္ပဏီက ဦးသန်းဦးကပြောကြားသည်။ ခင်မျိုးသွယ်