Background
ယခင်က ပခုက္ကူမှာ ရက်ကန်းလုပ်ငန်းဆိုတာ အဓိက လုပ်ငန်းတစ်ခုပါ။ ပခုက္ကူရက်ကန်းလုပ်ငန်းကထွက်တဲ့ ပခုက္ကူဝါဒ စောင်၊ ချင်းပုလဲစောင်နဲ့ မုဒုံစောင်ဆိုတာတွေဟာ နာမည်ကြီးပါ။ နေရာဒေသစုံက တည်းခိုခန်းတွေနဲ့ ရုပ်ရှင်၊ ဗွီဒီယိုဇာတ်ကားစတာ တွေမှာ မပါမပြီးအသုံးပြုခဲ့ကြတာပါ။ ဝင်းမြန်မာရက်ကန်းလုပ်ငန်း က ထုတ်တဲ့ စားပွဲခင်း၊ လက်သုတ်ပုဝါဆိုတာတွေဟာ အိမ်သုံးဖို့၊ လက်ဆောင်ပေးဖို့ အကောင်းဆုံးဒေသထွက်ကုန်တွေ ပါ။ နိုင်ငံ ခြားသားတွေဆိုရင် ချည်သားစစ်စစ်နဲ့ ရက်လုပ်ထားတဲ့ ပစ္စည်း တွေဆိုပြီး နွေမှာအေး၊ မိုးမှာနွေး၊ ဆောင်းမှာ လုံခြုံလို့ဆိုပြီး မက် မက်မောမောဝယ်ခဲ့ကြတဲ့ ပစ္စည်းတွေပါ။ ဈေးကွက်တစ်ခုအနေနဲ့ တန်းဝင်ပစ္စည်းအဖြစ် ရပ်တည်ခဲ့တာပါ။ ဒါပေမဲ့ နောက်ပိုင်း တရုတ်စောင်တွေဟာ ဈေးပေါပေါနဲ့ လှပစွာထုပ်ပိုး၊ ပစ္စည်း ကောင်းကောင်းနဲ့ ဈေးကွက်ကို ဖောက်ထွင်းဝင်ရောက်လာတော့ ပခုက္ကူစောင်ဈေးကွက်ပျက်လို့ ရက်ကန်းလုပ်ငန်းများ ရပ်တန့် သွားသလောက် နီးပါးဖြစ်သွားပါတယ်။ တစ်ဦးစ၊ နှစ်ဦးစ လောက်သာ ခိုင်ခိုင်မာမာရပ်တည်ပြီး ဆက်လက်လုပ်ကိုင်နေတာ ကို တွေ့ရပါတယ်။ တော်တော်များများဟာ မိမိတို့မှာရှိတဲ့ ရက် ကန်းစင်တွေကိုဖြုတ်လို့ ရေနံချေးသုတ်ကာ သိမ်းထားကြရတဲ့ အဖြစ်ကို ရောက်နေကြတာကြာပါပြီ။ ယခုတလော ပခုက္ကူမြို့ ပေါ်နဲ့ နယ်ထဲက ရက်ကန်းစင်တွေကို တစ်စင် ၂၀၀၀၀ ကျပ်နှုန်းနဲ့ ဝယ်ယူနေတာတွေ့ရပါတယ်။ ဖြုတ်သိမ်းထားတဲ့ ရက်ကန်းစင် တွေကို ကားတွေနဲ့လိုက်ဝယ် စုစည်းနေတာကိုတွေ့ရပါတယ်။ လေ့ လာ စုံစမ်းကြည့်တော့ ဖြုတ်သိမ်းထားတဲ့ ရက်ကန်းစင်တွေကို ဝယ်ပြီး ရွှေဘိုနားက ဆိပ်ခွန်ရွာကို ပို့နေတာလို့ သိရပါတယ်။ ၆ ဘီးကားတစ်စီးရင် အဆန့်တင်ပြီး တစ်ခေါက်ကို ၄၅၀၀၀၀ ကျပ်နှုန်းဖြင့် ၅ ခေါက်ပို့ပြီးပြီလို့ သိရပါတယ်။ ရွှေဘိုဆိပ်ခွန်မှာ ဘာဆက်လုပ်မှာလဲ။ ဘာပဲပြောပြော ပခုက္ကူရက်ကန်းလုပ်ငန်း ဟာ အနိစ္စသဘောလို့ ပြောရပြီဖြစ်ပါတယ်။ ဖြစ်စဉ်တစ်ခု အကြောင်းတရားကို ပြန်လည်သုံးသပ်ကြည့်ရင် ဖြစ်ပျက် သဘော ဆိုရပေမဲ့ ကိုယ့်ကျတောပျက်တယ်။ သူ့ကျတော့ဖြစ်လာပါတယ်။ အကြောင်းရင်းကိုပြန်ကြည့်ရင် ပခုက္ကူကထွက်တဲ့ ဝါဒစောင်၊ ချင်းပုလဲစောင်၊ မုဒုံစောင်ဆိုတာတွေကို ဝါဂွမ်း၊ ချည်မျှင်ကနေ ဆေးဆိုးရက်လုပ်တယ်။ ကိုယ့်ဈေးကွက်ကို ဖောက်ထွင်းဝင်ရောက် လာတဲ့ တရုတ်စောင်၊ သူလည်းဘဲ ဝါဂွမ်းချည်မျှင်ကနေ ထုတ် ကြတာပါပဲ။ ကိုယ့်ဈေးကွက်ပျက်လောက်အောင် သူဘာပါနေ သလဲ၊ ကိုယ်ဘာလိုနေသလဲ၊ နည်းပညာလား၊ စက်ကိရိယာလား၊ လေ့လာဆန်းစစ်ရှာဖွေဖို့ လိုနေပြီဖြစ်ပါတယ်။ မကြာသော ကာလတစ်ခုမှာ အာဆီယံလွတ်လပ်သော ရောင်းဝယ်မှုဧရိယာ တစ်ခုဖြစ်ပေါ်လာတော့မှာပါ။ ရင်းနှီးပွင့်လင်းလွတ်လပ်စွာ ရောင်းကြ၊ ဝယ်ကြ၊ တင်သွင်းကြ၊ တင်ပို့ကြပြီဆိုရင် ကိုယ့်ပစ္စည်း ကညံ့လို့၊ သူ့ပစ္စည်းကသာရင် ပစ္စည်းချင်းတူလို့၊ ကိုယ့်ပစ္စည်းဈေး က ပိုကြီးနေရင် အရည်အသွေးဆိုတာတွေယှဉ်လာရင် ယှဉ် လည်းယှဉ်ရ၊ ပြိုင်လည်းပြိုင်ကြရတော့မှာပါ။ ပခုက္ကူရက်ကန်း လုပ်ငန်း တစ်ခုရဲ့ အဖြစ်အပျက်ကိုနမူနာထားပြီး၊ အခြားအခြား သောလုပ်ငန်းများကိုပါ မိမိတို့အနေနဲ့ ဘာတွေကြိုတင် ပြင်ဆင် ကြရမလဲဆိုတာကို စဉ်းစားကြရတော့မှာဖြစ်ကြောင်းပါ။ မြင့်ဦး-ပခုက္ကူ
ရှမ်းပြည်နယ်(မြောက်ပိုင်း) လားရှိုးခရိုင် အထွေထွေအုပ်ချုပ်ရေး ဦးစီးဌာနရုံး အစည်းအဝေးခန်းမတွင် အောက်တိုဘာလ ၁၅ ရက်က လားရှိုးခရိုင်အုပ်ချုပ်ရေးမှူး ဦးကျော်ခိုင်စိုး ဦးဆောင်တဲ့ တွဲဘက် ပြည်နယ်၊ ခရိုင်အဆင့် ဌာနဆိုင်ရာ တာဝန်ရှိသူပုဂ္ဂိုလ်များ၊ လားရှိုးမြို့ နယ် အုပ်ချုပ်ရေးမှူးနဲ့ ရှမ်းပြည်နယ်(မြောက်ပိုင်း) ကုန်သည်များနဲ့ စက်မှုလက်မှုလုပ်ငန်းရှင်များအသင်း ဥက္ကဌ၊ အလုပ်အမှုဆောင်တို့ ပါဝင်တဲ့ အဖွဲ့ဝင် ၁၇ ဦးတို့မှ တရုတ်ပြည်သူ့ သမ္မတနိုင်ငံ၊ ယူနန် ပြည်နယ်လင်ချန်းမြို့မှ ကွန်မြူနစ်ပါတီအတွင်းရေးမှူး မစ္စတာရန်ဟုန်း ပေါ် ဦးဆောင်တဲ့ ပါတီအတွင်းရေးမှူးများ၊ လင်ချန်းမြို့မှ အစိုးရ ဌာနဆိုင်ရာ တာဝန်ရှိသူများနဲ့ ကုန်သည်လုပ်ငန်းရှင်များ ၁၀ ဦးပါဝင် သော လေ့လာရေး ကိုယ်စားလှယ်အဖွဲ့နဲ့ စီးပွားရေးနဲ့သက်ဆိုင်တဲ့ တွေ့ဆုံ ဆွေးနွေးပွဲကို ကျင်းပပြုလုပ်ခဲ့ပါတယ်။ တရုတ်လေ့လာရေး အဖွဲ့မှာ လေ့လာရေး ကိုယ်စားလှယ် ၁၀ ဦးအပါအဝင် စုစု ပေါင်း ၂၂ ဦးတို့ လိုက်ပါလာခဲ့ ပါတယ်။
စပါးသစ်ပေါ်ကာနီးတာရယ်၊ ပဲခူးတိုင်း ဒေသကြီးတို့မှာ ကောက်စောစတင်ထွက် ပေါ်နေပြီဖြစ်လို့ အညာရဲ့ စပါးဈေးလဲ ကျရိပ် သန်းလာပါပြီ။ မတ္တရာနယ်မှာ မနောသုခ စပါးဈေးက ၄၀၀၀၀၀ ကျပ်အောက်ကို စတင် ဆင်းလာနေပါပြီ။ မိုးစပါးဈေးပါ။ နွေစပါးက ၃၅၀၀၀၀ ကျပ်က ၃၈၀၀၀၀ ကျပ်အောက်ပဲရှိ ပါတယ်။ လက်ရှိ စိုက်နေတဲ့ မိုးစပါးတွေရဲ့ အမျိုးအစားကိုကြည့်ရင် မတ္တရာတစ်နယ်လုံး မှာ ရွှေသွယ်ရင်စပါးကို ၆၀ ရာခိုင်နှုန်းလောက် စိုက်ထားတာတွေ့ရတယ်။ မဂျမ်းတောတို့၊ မနောသုခတို့ စိုက်ဧကရဲ့အထက်ကို ရောက် သွားတာပါ။ တောင်သူတွေရဲ့ ရည်မှန်းချက်က တရုတ်ဘက်ကို ရောင်းမဲ့သူအတွက် ရည်ရွယ် တာ ဖြစ်နိုင်ပါတယ်။ မန္တလေးဈေးကွက်က ဆန်ဈေး အတက်အကျကို အဓိက လွှမ်းမိုး ထားတာက တရုတ်ဘက်က ဈေးကွက်အခြေ အနေပါပဲ။ ယခုလတ်တလော တရုတ်ကို တင်ပို့ နေတာမှာ တရုတ်ဘက်က တော်တော်များများ ဖမ်းဆီးတာ ခံရပါတယ်။ မန္တလေးကုန်သည်တွေ ရဲ့အသံက " ဒီဘက်နိုင်ငံက တရားဝင် တင်ပို့နေ တာကို တရုတ်ဘက်ကလည်း တရားဝင် ဝယ်ယူ စေချင်တယ်။ အခွန်လျှော့ပေးစေချင်တယ်"၊ "ခိုး ကြောင်ခိုးဝှက် ရောင်းနေတာက မကောင်းပါဘူး" လို့ ပြောကြပါတယ်။
ပြန်ပြည့်မြဲစွမ်းအင် အရင်းအမြစ်တွေ ဖြစ် တဲ့ နေစွမ်းအင်နဲ့ လေစွမ်းအင်တွေဟာ တစ်ဆက် တည်း အပြည့်အ၀ မရရှိနိုင်တဲ့ပြဿနာ ရှိနေပါ တယ်။ နေရောင်ခြည်ပုံမှန်မရှိရင်၊ လေတိုက်ခတ် နှုန်း အပြည့်အဝမရရှိခဲ့ရင် လျှပ်စစ်ဓာတ်အား ဆက်တိုက်ထုတ်ယူရရှိဖို့ အခက်အခဲ တွေ့နိုင်ပါ တယ်။ ဒါကြောင့် မာဆာချူးဆက်နည်းပညာတက္က သိုလ(MIT) မှ အင်ဂျင်နီယာတစ်ဦးဖြစ်သူ ဒိုနယ် ဆာဒိုးဝေး (Donald Sadoway) က တစ်ပေါင်း တစ်စည်းဖြစ်တဲ့ လျှပ်စစ်ဓာတ်အားလိုင်းကြီး အဆင့်၊ ဂရစ်လယ်ဗယ်(grid-level) အတွင်း လျှပ် စစ်ဓာတ်အား တိုက်ရိုက် ဆက်တိုက်ပေးသွင်းနိုင် တဲ့ ဧရာမဘက်ထရီကြီးတွေ လိုအပ်တယ်လို့ ထောက်ပြခဲ့ပါတယ်။ အဲဒီဘက်ထရီတွေဟာ ကြီး မားရမယ့်အပြင် ဈေးနှုန်းလဲသက်သာဖို့ လိုတယ်လို့ သူကပြောပါတယ်။ သူဟာအဲဒီဘက်ထရီကြီးတွေ ပြုလုပ်ပုံကိုလဲ ညွှန်ပြခဲ့ပါတယ်။ အပူရှိန် ပြင်းထန် စွာနဲ့ ကျိုချက်ထားတဲ့ဆားအစိုင်အခဲတွေနဲ့ အရည် ကျိုထားတဲ့ သတ္တုတွေကိုအသုံးပြုပြီး အဲဒီဘက် ထရီကြီးတွေကို ပြုလုပ်ပြသခဲ့ပါတယ်။ ယခုအခါ စမ်းသပ်တဲ့အဆင့်မှာ အောင်မြင်ခဲ့တဲ့အတွက် ဂရစ်လယ်ဗယ်အဆင့်အထိ အသုံးပြုနိုင်အောင် ဆာဒိုးဝေးနဲ့ သူရဲ့တပည့်တွေက ကြိုးပမ်းထုတ် လုပ်နေပါတယ်။ သူက" အဲဒီ ဘက်ထရီကြီးတွေ ထဲမှာ လျှပ်စစ်ဓာတ်အားအမြင့်မားဆုံး ထွက်ရှိ လာအောင် ကြိုးစားနေပါတယ်။ ဒါ့အပြင်အသုံးပြု သူတွေအတွက် အကျိုးရှိဆုံးဖြစ်အောင်လဲရည်မှန်း ထုတ်လုပ်နေတယ်" လို့ ပြောပါတယ်။
လွန်ခဲ့သော တစ်လကျော်ခန့်က စားသုံးသူကာကွယ်ရေးနှင့် ဆိုင်သောဆောင်းပါးတစ်ပုဒ် ကျွန်တော် Commerce Journal မှာ ရေးသားခဲ့ပါတယ်။ ဆောင်းပါးမှာ စားသုံးသူများရဲ့ ရွေးချယ်ပိုင်ခွင့်၊ အမှတ်မထင် ကြုံတွေ့ရတတ်တဲ့ အန္တရာယ်ရှိ ကုန်ပစ္စည်းများ အကြောင်းနဲ့ ထုတ်လုပ်သူများရဲ့ အနေအထားများအား စာဖတ်သူ ပရိတ်သတ်နဲ့ မိတ်ဆက်သဘောဖြင့် ရေးသားဖော်ပြခဲ့တာ ဖြစ်ပါ တယ်။ ဆောင်းပါးမှာ စားသုံးသူများအတွက် အကြံပြုချက်ခြောက်ခု အားတင်ပြခဲ့ပါတယ်။ အကြံပြုချက်များထဲမှ ပထမအချက်ဖြစ်တဲ့ အရည်အသွေးမမီတဲ့ ကုန်ပစ္စည်းများ တင်သွင်းရောင်းချခြင်းမပြု ကြရန် မေတ္တာရပ်ခံခြင်းအကြောင်းကို ယခုဆက်ဆွေးနွေးလိုပါတယ်။ကျွန်တော်ရဲ့ လုပ်ဖော်ကိုင်ဖက်တစ်ဦးမှ ကုန်ပစ္စည်းတစ်ခု အရည်အသွေး စံချိန်မီ မမီကို ဘယ်လိုသိရမလဲလို့ ကျွန်တော့်ကို မေးခွန်းမေးခဲ့ဖူးပါတယ်။ မေးထိုက်သောမေးခွန်းတစ်ခုဖြစ်ပါတယ်။ ဒီမေးခွန်ကို အလွယ်ကူ ဆုံးဖြင့် ဖြေဆိုခဲ့ပါတယ်။ စားသောက်ကုန် ပစ္စည်းများဖြစ်ပါက အရောင်၊ အနံ့၊ အရသာနဲ့ မူလဖြစ်အင်အခြေ အနေမှ သွေဖည်သွားခြင်းရှိမရှိတို့ကို မျက်မြင်စစ်ဆေးခြင်းနဲ့ ဓာတ်ခွဲ ခြင်းအရည်အသွေး စစ်ဆေးနိုင်ကြောင်း ရှင်းပြခဲ့ပါတယ်။ အလားတူ လူသုံးကုန်ပစ္စည်းများကိုလည်း မျက်မြင်အခြေအနေနဲ့ စစ်ဆေးခြင်း၊ နိုင်ငံတကာ မှသတ်မှတ်ထားတဲ့ စံတန်ဖိုး ကိန်းဂဏန်းများ အသုံးပြု တိုင်းတာစစ်ဆေးခြင်း၊ ဓာတ်ခွဲခန်းမှာ စမ်းသပ်စစ်ဆေးခြင်းဖြင့် စံချိန်စံညွှန်း မီ မမီသိရှိနိုင်ကြောင်း ရှင်းပြခဲ့ရပါတယ်။
ဗိုလ်ဇော်တစ်ယောက် စာမရေး ဖြစ်တာ ကြာနေ ပြီ...တော်တော်ကို ကြာသွားခဲ့ပြီ။ အခုတော့ အချိန် လေးကလဲ ရလာပြန်တာရယ် ရေးချင်တဲ့စိတ်ကူးရယ် ကြောင့် ကလောင်ကိုကိုင်ကာ စွဲမိတယ်လို့ ပြောရမှာ ပေ့ါ။
ဗိုလ်ဇော်တစ်ယောက် ပြည်ပခရီး ထွက်လာခဲ့ တယ်။ မထွက်ဖြစ်တာတောင် ကြာသွားပြီ။ ထွက်လာ ရတာကတစ်ယောက်တည်း၊တက်ရမှာကတစ်ကမ္ဘာလုံး နဲ့ဆိုင်တဲ့ကိစ္စ၊ လာကြမဲ့သူတွေကလဲ တကယ့်ပညာ ရှင် တွေ..ဒါကြောင့် စိတ်တော့လေးတယ်။ မထွက်ခင်မှာ ကြိုတင်ပြင်ဆင်မှုတွေ တစ်ပတ်လောက် အချိန်ယူလုပ် ခဲ့တယ်။ အသေးစိတ်တတ်နိုင်သမျှ အဘက်ဘက်က ပြင်ဆင်လာခဲ့တာပါပဲ။ ဒီတစ်ခေါက် ခရီးကတော့ တော်တော်အဆင်ပြေစွာနဲ့ ရောက်လာခဲ့တယ်။ ည ရောက် နောက်မနက်မှာအစည်းအဝေး စတက်ရတော့ တာပါပဲ။ အခု လောလောဆယ်က အစည်းအဝေး ကြောင်းကို အဓိကပြောချင်တာမဟုတ်ပါဘူး။ အတွေ့ အကြုံလေးတစ်ခုကို အဓိကပြောချင်တာပေ့ါ။ အရင် ကလဲ နိုင်ငံခြားကို အမျိုးစုံသော အကြောင်းတရားတွေနဲ့ သွားခဲ့ဖူးတယ်။ မြန်မာကို ဘယ်သူမှ ဂရုမပြုကြပါဘူး။ ဂရုမစိုက်ကြပါဘူး။ သာမန်ပါပဲ...ဒီတစ်ခေါက်လာရ တာမှာတော့ သူတို့ဂရုပြု ပြောဆိုမေးမြန်းတာက ဗိုလ်ဇော်တစ်ယောက်စိတ်ညစ်ရတဲ့အထိအောင်ပါပဲ။ အရင် အစည်းအဝေးတွေဆို ညနေ ၆ နာရီနောက် ပိုင်း အေးအေးဆေးဆေးပါပဲ။ ရောက်တုန်းရောက်ခိုက် လည်ပတ်လေ့လာကြည့်ရှုမှုတွေ အများကြီးလုပ်တယ်။ ညအိပ်ချိန်လျှော့ မနက်စောစောတောင် ထလမ်း လျှောက်လိုက်သေးတယ်။အခုတော့မြန်မာတစ်ယောက်တည်းလာပါတယ်ဆို ကာမှ ဟိုနိုင်ငံ၊ ဒီနိုင်ငံ၊ ဟိုအပြည်ပြည်ဆိုင်ရာအဖွဲ့ အစည်း၊ ဒီအပြည်ပြည်ဆိုင်ရာအဖွဲ့အစည်း၊ ဟိုကုန် သည်၊ ဒီကုန်သည် လာဆွေးနွေးတာတွေကများသလို လာနှုတ်ဆက်ကြ မိတ်ဖွဲ့ကြတာတွေက အများကြီး ဖြစ်ပြီး အချိန်တောင်မအားဘူး ဖြစ်ခဲ့ရပါတယ်။ ထမင်းစားရင်ေ တာင် စားရင်း အနားကပ် မေး၊ ကပ်ပြောနေကြသေးတယ်။ အခုတော့ မြန်မာကို ကမ္ဘာက အာရုံစိုက်ေ နကြပြီ နေရာပေးနေကြပြီ။ အရေးပါလာပြီဆိုတာ ကိုယ်တွေ့လေးတွေ့လိုက်ရပါတယ်။ ဒါဟာ မြန်မာနိုင်ငံရဲ့ ကောင်းမွန်သောကျင့်စဉ်နဲ့ ပြောင်းလဲနေတဲ့ အကြောင်းတရားေ တွကြောင့် ပေ့ါ။အော်ဒီလိုဆိုတော့လဲ ဟိုးအရင်ကတည်းက မြန်မာရယ်လို့ လက်မထောင်ဂုဏ်ယူခဲ့တဲ့ ဗိုလ်ဇော်တစ်ယောက် အခုတော့ ပိုလို့တောင် ဂုဏ်ယူဝင့် ကြွားခဲ့ရပါတယ်။ (မြန်မာကိုနှိမ့်ချတာ Online ပေါ်က တချို့သော မနာလိုတဲ့ မြန်မာတွေပဲ ရှိတယ်ထင်ပါတယ်)အစည်းအဝေးအတွက်အသေးစိတ်ကြိုတင်ပြင်ဆင် လာပေမယ့် လာရောက်တွေ့ဆုံ မေးမြန်းဆွေးနွေးကြတာ က အကြောင်းစုံ၊ နေရာစုံ ပို့ကုန်၊ သွင်းကုန် အို...အမျိုး ကို စုံနေတာပဲ။ သူတို့မေးသမျှ ဆွေးနွေးသမျှကို ကိန်း ဂဏန်း အချက်အလက်တွေနဲ့ သေသေချာချာ ကျေနပ် အောင် ပြောပြရှင်းပြနိုင်ခဲ့တယ်။ အာဆီယံနဲ့ပတ်သက် တာတွေလဲ အလွတ်မရတော့ တချို့ကြည့်ဖတ် ပြောနိုင်ခဲ့ တယ်။ ဘာကြောင့်လဲသိလား၊ ဘယ်လိုကိန်းဂဏန်းတွေရ၊ အချက် အလက်တွေရလဲသိလား။ အပြန်ပြန် အလှန်လှန် ဖတ်ထားဖူးတဲ့ Commerce Journal ကြောင့်ပေါ့။ အင် တာနက်http://www.commercejournal.com.mm/administrator/index.php?option=com_con...ကနေ သူ့ဝက်ဘ်ဆိုက်ကို ဖွင့်ထားပြီး အချက် အလက်လေးတွေရယူကာ လာတွေ့သမျှ နိုင်ငံခြားသား ကို အကောင်းဆုံးအဖြေပေးနိုင်ခဲ့တယ်။ ဒါကြောင့် သူတို့ တွေကျေနပ်လို့ မြန်မာပြည်ကို လာရောက်လည်ပတ်တာ။ ကုန်သွယ်မှုပြုတာ။ ရင်းနှီးမြှုပ်နှံတာတွေလုပ်ရင် နိုင်ငံ အတွက် အကျိုးရှိပြီပေ့ါ။ ပြည်သူအတွက်အကျိုးရှိပြီပေ့ါ။ အလုပ်အကိုင်အခွင့်အလမ်းတွေပိုများလာမှာပေ့ါ။ အတွေ့ အကြုံ နည်းပညာမျိုးစုံရမှာပေ့ါ။ သူတို့တွေကိုလဲ မြန်မာ လူမျိုးတစ်ယောက်က မြန်မာနိုင်ငံနဲ့ ပတ်သက်တာကို အသေးစိတ် ပြောပြနိုင်တယ်ဆိုတော့ ပိုအဆင်ပြေတာ ပေ့ါ။ သူတို့တွေကလဲ မြန်မာကိုဝိုင်းကူဖို့ စဉ်းစားနေကြ တာလေ။ ဒါကြောင့် ပြည်ပရောက်နေတဲ့ အချိန်မှာ အထောက်အကူပြုခဲ့တဲ့ Commerce Journal လေးကို ကျေးဇူးတင်မိတယ်။ အားလဲကိုးမိတယ်။ International Trade Centre ကိုလဲ ဒီအကြောင်းလေး သေချာပြောပြ လိုက်တယ်။ အဲဒါကြောင့်မို့လဲ ကျေးဇူးတင်လိုက်တာ "Commerce Journal " ရယ်လို့...။(တကယ်ကိုယ်တွေ့ပေါ် အခြေခံရေးထားတာ ဖြစ်ပါကြောင်း)
ဆွေးနွေးချက် ဘယ်သူတွေ အတွက်လဲအက်(ဖ)ဒီအိုင်အကြောင်း ပြောကြ ဆိုကြ ဆွေးနွေးကြနှင့် အတော်လေး လှုပ်လှုပ်ရှားရှား ပူပူညံညံဖြစ်သည်မှာ သည်နှစ်အစော ပိုင်းကာလများကတည်းကဖြစ်သည်။ နိုင်ငံခြား တိုက်ရိုက်ရင်းနှီးမြှုပ် နှံမှုဟုခေါ်သည့် ထို အက်(ဖ)ဒီအိုင်ဆိုသည့်အရာသည် နိုင်ငံရေး၊ စီးပွားရေး ပြုပြင်ပြောင်းလဲရေးလုပ်ငန်းစဉ်တွင် အလွန်အရှိန် ရနေ သော မြန်မာနိုင်ငံအဖို့ အလွန်လိုအပ်သော အရာဖြစ်နေခဲ့သည်။ သို့သော် ထိုအရာသည် လက်ယပ်ခေါ်လိုက် ရုံနှင့် မလာနိုင်သလို လာမည်ဟု ခေါင်းညိတ်ဆိုလိုက်ရုံနှင့်လည်း မခေါ်နိုင်ပေ။ နိုင်ငံရပ် ခြားရင်းနှီးမြှုပ်နှံ သူများကလည်း ၎င်း တို့အကျိုးစီးပွားအတွက် လာ ရောက်စီးပွားရေး လုပ်ကိုင်ခြင်းဖြစ်သကဲ့သို့ သက်ဆိုင်ရာ နိုင်ငံ က လည်း နိုင်ငံ့အကျိုးစီးပွားအတွက် နိုင်ငံတွင်း လာရောက်ရင်းနှီးမြှုပ် နှံလုပ်ကိုင်ပါ ရန် ပေးဆပ်မှုများ စွာဖြင့် ခေါ်ယူရခြင်းဖြစ်သည်။ ချမ်း သာကြွယ်ဝသော တိုင်းပြည်များမှ စီးပွားရေးလုပ်ငန်းရှင်များ၊ ရင်းနှီး မြှုပ်နှံသူများ၊ နိုင်ငံများစွာတွင် ရင်းနှီးမြှုပ်နှံလုပ်ကိုင်နေကြသော နိုင်ငံ စုံကော် ပိုရေးရှင်းကြီးများ လာရောက်ရင်းနှီးမြှုပ်နှံလုပ်ကိုင်ခဲ့ပါလျှင် ၎င်း တို့နှင့်အတူ များပြားလှသောရင်းနှီးငွေများ၊ အဆင့်မြင့် နည်း ပညာများ၊ စီမံခန့်ခွဲမှုအပါအဝင် ထုတ်လုပ်မှု၊ ဖြန့်ဖြူးမှု၊ ဈေးကွက် ရှာဖွေ ထိုးဖောက်မှု၊ အလုပ်အကိုင် အခွင့်အလမ်းများ ပိုမိုရရှိလာ နိုင်မှုစသဖြင့် အကျိုးဆက်ဖြစ်ပေါ်လာမည့် ကောင်းကျိုးများက များ လှသည်။ သို့သော် လောကဓမ္မတာအရ အဆိုးများလည်း ပါလာ တတ်သည်။ ချင့်ချိန်ဆောင်ရွက်ရမည်မှာ အက်(ဖ)ဒီအိုင်ကို လက်ခံ မည့် သက်ဆိုင်ရာနိုင်ငံသာလျှင်ဖြစ်၏။
လွန်ခဲ့သော ခုနစ်နှစ်ကျော်က စတင်ညှိနှိုင်း လာခဲ့ရသည့် အမေရိကန်နှင့် ကိုလမ်ဘီယာနိုင်ငံ တို့အကြား လွတ်လပ်စွာကုန်သွယ်ရေး သဘောတူ စာချုပ် (Free-trade agreement,FTA) မှာ လွန်ခဲ့သည့် အောက်တိုဘာလ ၂၁ ရက်နေ့ရောက် မှ အောင်မြင်ထမြောက်သွား တော့သည်။ ကိုလမ် ဘီယာအစိုးရအဖွဲ့မှာ သြဇာကြီးမားသော မူးယစ် ဆေးဝါးဂိုဏ်းများနှင့် လက်ဝဲသူပုန် ပြောက်ကျား တပ်များက ဝိုင်းပတ်ပိတ်ဆို့ထားသဖြင့် မလှုပ်နိုင် ခဲ့ပေ။ အမေရိကန်၏ စစ်ရေးအကူအညီ ရရှိခဲ့သ ဖြင့်သာ ကိုလမ်ဘီယာစီးပွားရေးမှာ ယခုမှ တစ် ခေတ်ဆန်းနိုင်တော့မှာဖြစ်သည်။
သဘာဝဓာတ်ငွေ့အရည် (Liquefied natural gas-LNG) ထုတ်လုပ်မှုနည်းပညာဟာ ၁၉၆၀ ပြည့်နှစ်လောက် အထိ ထွန်းကားခဲ့ခြင်း မရှိတာ တွေ့ရပါတယ်။ ယခုအခါမှတော့ LNG တင်ပို့ရောင်းချနေတဲ့ နိုင်ငံပေါင်း ၁၉ နိုင်ငံအထိ ရှိလာပါတယ်။ LNG ကုန်သွယ်မှု ပမာဏဟာ ၁၉၇၀ ပြည့်နှစ်က ကုဗမီတာ ၃ ဘီလီယံသာ ရှိခဲ့ပေမယ့် ၂၀၁၁ ခုနှစ်ရောက်တော့ ကုဗမီတာ ၃၃၁ ဘီလီယံအထိ ရှိလာပါတယ်။ သဘာဝဓာတ် ငွေ့တွင်းပေါင်း မြောက်မြားစွာရှိတဲ့ ကာတာနိုင်ငံ ငယ်လေးက ၁၉၉၇ ခုနှစ်မှာ သူရဲ့ပထမဆုံးသော LNG တင်ဆောင်တဲ့ကုန်တင်သင်္ဘောကြီးကို ဆိပ် ကမ်းကနေ ထွက်ခွာနိုင်အောင် ဆောင်ရွက်နိုင် ခဲ့ပါတယ်။ ၂၀၀၆ ခုနှစ်ရောက်တော့ ကာတာနိုင်ငံ ဟာ ကမ္ဘာမှာအင်ဒိုနီးရှား၊ မလေးရှားနဲ့ အယ်ဂျီး ရီးယားနိုင်ငံတွေကို ကျော်ဖြတ်ပြီး ကမ္ဘာမှာ LNG အများဆုံး တင်ပို့ရောင်းချတဲ့နိုင်ငံ ဖြစ်လာပါ တယ်။ လောလောဆယ် ကမ္ဘာ့ LNG ပို့ကုန် လေးပုံတစ်ပုံဟာ ကာတာနိုင်ငံက တင်ပို့နေတာ တွေ့ရပါတယ်။
နိုင်ငံတော် အစိုးရသစ်တက်လာပြီးနောက် မြန်မာနိုင်ငံ၏ ကုန်သွယ်မှုမူဝါဒများသည် ပိုမိုသိသာထင်ရှား စွာ ပြောင်းလဲလာ ခဲ့ပြီး ဈေးကွက်စီးပွားရေးစနစ်ကို အထောက်အကူပြုမည့် မူဝါဒ များကို ပြောင်းလဲချမှတ် ကျင့်သုံးခဲ့ပါသည်။ နိုင်ငံတော်သမ္မတကြီး နှင့် အစိုးရသစ်၏ ပြုပြင်ပြောင်းလဲမှု မူဝါဒများအရ မြန်မာနိုင်ငံ အပေါ် စီးပွားရေးအရပိတ်ဆို့ထားခဲ့သော အမေရိကန်နှင့် ဥရောပ တို့ကလည်း စီးပွားရေးပိတ်ဆို့မှုများကို ဖြေလျော့မှုများ၊ ရုပ်သိမ်း မှုများ ပြုလုပ်လာပြီဖြစ်ကြောင်း တွေ့ရှိရပါသည်။ ထိုသို့သော အချိန်ကာလတွင် အဆိုပါ အမေရိကန်၊ ဥရောပ အစရှိသည့် အနောက်နိုင်ငံ ဈေးကွက်ကြီးများသို့ တရားဝင် ကုန်သွယ်တင်ပို့မှု အခွင့်အရေးများ ဆုံးရှုံးခဲ့သော မြန်မာ့ပို့ကုန် လုပ်ငန်းရှင်များ အတွက် ဈေးကွက်ပြန်လည်ရရှိရေးမှာ အထူးအရေးကြီးသော အချက်တစ်ရပ်ဖြစ်ပေသည်။ ယခုအခါ ပုဂ္ဂလိကပို့ကုန်လုပ်ငန်း အသီးသီးကလည်း စီးပွားရေးပိတ်ဆို့မှုများ ရုပ်သိမ်းခဲ့ပါက လက် တွေ့စတင်တင်ပို့ ရောင်းချနိုင်ရေးအတွက် ဆောင်ရွက်လိုကြ ပြီဖြစ်ပါသည်။ ထို့ကြောင့် ထိုနိုင်ငံများသို့ မြန်မာ့ပို့ကုန်များ အမှန် တကယ် တင်ပို့ရောင်းချ ရ/မရလည်း သိလိုလျက်ရှိကြပါသည်။ အထက်ပါ ပုဂ္ဂလိက ကဏ္ဍ၏ တောင်းဆိုသံများကို ထိရောက်စွာ ဖြည့်စွမ်းပေးနိုင်ရေးအတွက် စီးပွားရေးနှင့်ကူးသန်းရောင်းဝယ်ရေး ဝန်ကြီးဌာနမှ တာဝန်ရှိသူများသည် အမေရိကန်၊ ဥရောပနိုင်ငံ များမှ တာဝန်ရှိသူများကို ၂၀၁၂ ခုနှစ်၊ အောက်တိုဘာလ ပထမ ပတ်အတွင်း စတင်တွေ့ဆုံဆွေးနွေးညှိနှိုင်း ကာ မြန်မာ့ပို့ကုန်များ ဈေးကွက် ဝင်ရောက်နိုင်ရေးအတွက် ဆောင်ရွက်လျက်ရှိပြီဖြစ် ကြောင်း သတင်းရရှိပါသည်။စီးပွားရေးနှင့် ကူးသန်းရောင်းဝယ်ရေးဝန်ကြီးဌာန၊ ကုန် သွယ်ရေးညွှန်ကြားမှုဦးစီးဌာနမှ ဒုတိယညွှန်ကြားရေးမှူး ချုပ် ဦးဆောင်သော အပြည်ပြည်ဆိုင်ရာ ကုန်သွယ်မှုမြှင့်တင်ရေးအဖွဲ့ သည် ၂၀၁၂ ခုနှစ်၊ မတ်လ ၇ ရက်နေ့က အမေရိကန် ပြည် ထောင်စု စိုက်ပျိုးရေးဌာနမှ Agricultural Counselor Mr. John Wade ဦးဆောင်သော အဖွဲ့နှင့် မြန်မာနိုင်ငံမှ အမေရိကန် နိုင်ငံသို့ မြန်မာ့ငါးပုစွန်များ တင်ပို့နိုင်ရေး အမေရိကန်နိုင်ငံ၏ ရေထွက်ကုန်များအပေါ် သတ်မှတ်ထားရှိသော စစ်ဆေးမှုပုံစံကိစ္စ ရပ်များနှင့် လိုအပ်သည့် အထောက်အထား စာရွက်စာတမ်းများ ဆိုင်ရာ ကိစ္စရပ်များကို အသေးစိတ်ဆွေးနွေးခဲ့ကြောင်း သတင်းရရှိ ပါသည်။ အလားတူ ကုန်သွယ်ရေးညွှန်ကြားမှုဦးစီးဌာနမှ ဒုတိယ ညွှန်ကြားရေးမှူးချုပ်နှင့်အဖွဲ့သည် ရန်ကုန်မြို့ရှိ အမေရိကန်သံရုံး မှ စီးပွားရေးကောင်စစ်ဝန်တစ်ဦးဖြစ်သူ Mr. Machut A. Shishak နှင့် မတ်လ ၁၁ ရက်နေ့ကတွေ့ဆုံကာ မြန်မာ့ပို့ကုန် များ အမေရိကန်ပြည်ထောင်စုသို့ တင်ပို့နိုင်ရေးအတွက် လိုအပ် သော ကုန်သွယ်မှုဆိုင်ရာ စေ့စပ်ညှိနှိုင်းဆွေးနွေးမှုများကို နှစ်နိုင်ငံ အကြား စတင်ပြုလုပ်ရန်အတွက် ကနဦးဆွေးနွေးခြင်းကို ပြုလုပ်ခဲ့ ကြောင်း၊ အမေရိကန်နိုင်ငံမှ ဖွံ့ဖြိုးမှု အနည်းဆုံးနိုင်ငံများသို့ ကိုတာနှင့် အကောက်ခွန်ကန့်သတ်ချက်မရှိဘဲ လွတ်လပ်စွာ တင် သွင်းနိုင်ခွင့် အခွင့်အရေးအား ပေးအပ်ရာ တွင် မြန်မာနိုင်ငံကို ထည့်သွင်းသတ်မှတ်အတည်ပြုရေး၊ မြန်မာနိုင်ငံနှင့် အမေရိကန် နိုင်ငံအကြား သီးခြားကုန်သွယ်မှုဆိုင်ရာ သက်သာသော အခွင့် အလမ်းများပေးအပ်ရေး၊ အမေရိကန်နိုင်ငံ၏ ပို့ကုန်သွင်းကုန် ဆိုင်ရာ လုပ်ထုံးလုပ်နည်းများနှင့် အကောက်ခွန်မဟုတ်သော ကုန်သွယ်မှုဆိုင်ရာ အတားအဆီးများ ညှိနှိုင်းဖြေရှင်းရေးကိစ္စရပ် များကို အလွတ်သဘော ဆွေးနွေးခဲ့ကြောင်း သိရှိရပါသည်။ အထက်ပါ အမေရိကန်မှ တာဝန်ရှိ အရာထမ်း နှစ်ဦး၏ သုံးသပ် ပြောကြားချက်များအရ နိုင်ငံရေးအရ မြန်မာ့ပို့ကုန်များကို အမေရိ ကန်သို့ တင်ပို့ခွင့်ပိတ်ပင်ထားခြင်းအား ရုပ်သိမ်းလိုက်ခြင်းမှာ မှန်ကန်သော်လည်း လက်တွေ့အမေရိကန်သို့ မြန်မာ့ကုန်ပစ္စည်း များ အမှန်တကယ် တင်ပို့နိုင်ရေးအတွက် ၎င်း တို့ကွန်ဂရက် အတွင်း အတည်ပြုချက်ရရှိရန် လိုအပ်နေသေးကြောင်း၊ ၎င်း တို့၏ အတွေ့အကြုံအရ ကွန်ဂရက်အတွင်း ဆုံးဖြတ်ချက်ကို နိုဝင်ဘာ လအတွင်း ရရှိနိုင်ဖွယ်ရှိပြီး၊ ၎င်း အတည်ပြုချက်ရရှိပြီးမှသာ မြန်မာ နိုင်ငံအပေါ် ဥပဒေပြဋ္ဌာန်း ထုတ်ပြန်ထားရှိသော စီးပွားရေးပိတ်ဆို့ မှုများကို တရားဝင် ဖယ်ရှားနိုင်မည်ဖြစ်ပြီး ထိုအချိန်မှသာလျှင် သက်ဆိုင်ရာ ဌာနအသီးသီးကလည်း မြန်မာ့ပို့ကုန်များကို အခြားနိုင်ငံ များနည်းတူ စစ်ဆေးခွင့်ပြုခြင်းများ ဆောင်ရွက်နိုင်မည်ဖြစ်ကြောင်း၊ သို့ရာတွင် ၂၀၁၃ ခုနှစ်တွင်မူ အမေရိကန်-မြန်မာ ကုန်သွယ်မှုများ နှစ်ဖက်ချောမောစွာ ဆောင်ရွက်နိုင်လိမ့်မည်ဖြစ်ပါကြောင်း၊ အမေရိ ကန်မှလည်း မြန်မာနိုင်ငံသို့ မျိုးရိုးဗီဇနည်းဖြင့် ပြုပြင်ထားသော စိုက်ပျိုးထွက်ကုန်များ၊ အေးခဲထားသော အသားများ၊ ဝိုင်နှင့် အဖျော် ယမကာများတင်သွင်းရန် စိတ်ဝင်စားမှုရှိပါကြောင်းနှင့် အခြား ဝန်ဆောင်မှုဆိုင်ရာ ကုန်သွယ်မှုလုပ်ငန်း အများအပြားကိုလည်း အမေရိကန်နိုင်ငံလုပ်ငန်းရှင်များက အထူးစိတ်ဝင်စားကြကြောင်း သိရှိရပါသည်။အလားတူ ဥရောပသမဂ္ဂရုံး ကုန်သွယ်ရေးနှင့် စီးပွားရေးဌာန မှ Mr. Antonio Berenguer ဦးဆောင်သောအဖွဲ့နှင့် တွေ့ဆုံ ဆွေးနွေးပြီး မြန်မာ့ပို့ကုန်များ ဥရောပသို့တင်ပို့ရာတွင် ဥရောပသမဂ္ဂ မှ ဖွံ့ဖြိုးမှုအနည်းဆုံးနိုင်ငံများသို့ပေးအပ်သည့် လက်နက်ခဲယမ်းမှ အပ ကျန်ကုန်ပစ္စည်းများအတွက် အထူးသက်သာခွင့် အခွင့်အရေး များ၊ ကမ္ဘာလုံးဆိုင်ရာ အထူးအခွင့်အရေးများ ခံစားခွင့်ရရှိရေး ညှိနှိုင်း ဆွေးနွေးလိုကြောင်းနှင့် မြန်မာနိုင်ငံ၏ရေထွက်ကုန်များနှင့် သစ်တော ထွက်ကုန်များ အဝတ်အထည်များ ဥရောပဈေးကွက်သို့ လွယ်ကူ ချောမွေ့စွာ ဝင်ရောက်နိုင်ရေး အခက်အခဲ အတားအဆီးများကို ဌာနဆိုင်ရာချင်း ညှိနှိုင်းဆွေးနွေးလိုကြောင်း မေတ္တာရပ်ခံဆွေးနွေးခဲ့ ကြောင်း သိရှိရပါသည်။ ဥရောပသမဂ္ဂမှ တာဝန်ရှိပုဂ္ဂိုလ်က မြန်မာ နိုင်ငံအပေါ် ကုန်သွယ်ရေးနှင့် ရင်းနှီးမြှုပ်နှံမှုဆိုင်ရာ ပိတ်ဆို့မှုများမှာ အစိုးရသစ် စတင်တာဝန်ယူပြီးနောက် ဥရောပသမဂ္ဂအနေဖြင့် အပြု သဘော မြန်မာနိုင်ငံအပေါ် ရပ်တည်လာပါကြောင်း၊ ယခင်က ILO တွင် အတင်းအဓမ္မ အလုပ်သမားစေခိုင်းမှုများကြောင့် မြန်မာနိုင်ငံ အပေါ် ချမှတ်ထားသော ပိတ်ဆို့မှုများကိုလည်း ILO မှ ပယ်ဖျက် ခဲ့ပြီးဖြစ်သဖြင့် ဥရောပအနေဖြင့်လည်း မြန်မာနိုင်ငံအပေါ် ဂျီ အက်(စ်)ပီအခွင့်အရေး ပြန်လည်ပေးအပ်ရန် ဆောင်ရွက်ခဲ့ပါ ကြောင်း၊ ထို့ကြောင့် ယခုနှစ် စက်တင်ဘာလအတွင်း ဥရောပ ကော်မရှင် အစည်းအဝေးတွင် မြန်မာနိုင်ငံကို ဂျီအက်(စ်)ပီ အခွင့် အရေး ပြန်လည်ပေးအပ်ရန် သဘောတူဆုံးဖြတ်ခဲ့ပြီး ဥရောပပါလီ မန်သို့ ဆက်လက်တင်ပြ အတည်ပြုချက်ရယူရန်သာ ကျန်ပါ ကြောင်း၊ ထို့ကြောင့် ၎င်းင်းလုပ်ငန်းအစီအစဉ်များ ပြီးဆုံးပါက ၂၀၁၃ ခုနှစ်အစတွင်ပင် မြန်မာ့ပို့ကုန်များ အခွင့်အရေး စတင်ခံစားနိုင် မည်ဟု မျှော်လင့်ယုံကြည်ပါကြောင်း၊ ဥရောပပါလီမန်ကအတည် ပြုခဲ့လျှင် မြန်မာနိုင်ငံအနေဖြင့် ဂျီအက်(စ်)ပီ သက်သာခွင့်အခွင့် အရေးများကို ၂၀၁၂ ခုနှစ်၊ ဇွန်လလယ်မှစ၍ နောက် ကြောင်းပြန် အကျိုးခံစားခွင့် ရရှိနိုင်မည်ဖြစ်ကြောင်း၊ ထို့ကြောင့် မြန်မာပို့ကုန် များအနေဖြင့် လိုအပ်သည့် ဂျီအက်(စ်)ပီ ပင်ရင်း သက်သေခံ လက်မှတ်တင်ပြနိုင်ပါက အကောက်ခွန်ငွေများ ပြန်အမ်း မည်ဖြစ် ပါကြောင်း၊ ထိုအခွင့်အရေးကို အသုံးချရ၍ ဈေးကွက်ထိုးဖောက် ဝင်ရောက်ခြင်းအတွက် ကုန်ဝယ်သူများ တိုးချဲ့ရှာဖွေနိုင်မည်ဖြစ် ကြောင်းတို့ကို အကြံပြုဆွေးနွေးခဲ့ကြောင်း ဝမ်းမြောက်ဖွယ် သိရှိရပါ သည်။ မြန်မာ့ပို့ကုန်များမှာ အမေရိကန်၊ ဥရောပဈေးကွက်သို့ အနာဂတ်တွင် ဝင်ရောက်နိုင်ရေး မျှော်မှန်းကြိုးစားေ နသည့်နည်း တူ လက်ရှိတွင် တရုတ်နိုင်ငံဈေးကွက်သို့ အများအပြား တင်ပို့ ရောင်းချလျက်ရှိရာ တရုတ်ဈေးကွက်သို့ ဝင်ရောက်နိုင်ရေးအတွက် လည်း ရန်ကုန်မြို့ရှိ တရုတ်ပြည်သူ့သမ္မတနိုင်ငံ စီးပွားရေးသံရုံးမှ Attache' Mr.Zhang Kan နှင့်လည်း မတ်လ ၁၁ ရက်နေ့က အလားတူ တွေ့ဆုံဆွေးနွေးခဲ့ကြောင်း သိရှိရပါသည်။ မြန်မာနိုင်ငံမှ တရုတ်နိုင်ငံသို့ တင်ပို့လျက်ရှိသော ဆန်များ၊ ပြောင်းများနှင့် ပတ် သက်၍ ဈေးကွက်ဝင်ရောက်ခွင့်ရရှိရေး မြင့်မားသောအခွန်နှုန်းဖြင့် ကာကွယ် တားဆီးထားေ သာ မြန်မာ့ကျောက်မျက်ရတနာများနှင့် ရေထွက်ကုန်ပစ္စည်းအချို့တို့အပေါ် ပိုမိုအကောက်ခွန်နှုန်း ထား ဖြေလျော့ရေး၊ မြန်မာနှင့်တရုတ်အကြား စိုက်ပျိုးရေးထွက်ကုန်များ ဆိုင်ရာ ကုန်သွယ်မှု သဘောတူစာချုပ် ချုပ်ဆိုနိုင်ရေး ကိစ္စရပ် များကို ဆွေးနွေးခဲ့ရာ တရုတ်နိုင်ငံတာဝန်ရှိသူက တရုတ်နိုင်ငံသည် ဖွံ့ဖြိုးမှု အနည်းဆုံးနိုင်ငံများ၏ ပို့ကုန်ပစ္စည်း ၇၇၈၇ မျိုးအတွက် အကောက်ခွန် ဖြေလျော့မှုများ ယခုနှစ် စက်တင်ဘာလက ဖြေ လျော့ပေးခဲ့ပြီးဖြစ်ပါကြောင်း၊ ၎င်း ခံစားခွင့်ကို ၂၀၁၃ ခုနှစ်တွင် စတင်ခံစားနိုင်မည် ဖြစ်ပါကြောင်း၊ အဆိုပါစာရင်းတွင် မြန်မာနိုင်ငံ ဘက်မှတောင်းဆိုသော ဆန်နှင့် ပြောင်းများ ပါဝင်ခြင်း မရှိသော် လည်း ရေထွက်ကုန်ပစ္စည်းများနှင့် သစ်တောထွက်ကုန်များ၊ စက်မှု ထွက်ကုန်များ လက်ဝတ်ရတနာများ ပါဝင်ခြင်းကြောင့် မြန်မာ့ပို့ ကုန်လုပ်ငန်းရှင်များအနေဖြင့် အကျိုးကျေးဇူးများ ခံစားရမည်ဟု ယုံကြည်ပါကြောင်း၊ မြန်မာ-တရုတ် ကုန်သွယ်ရာတွင် နှစ်ဖက် အပြန်အလှန်ကုန်သွယ်မှုညီမျှမှုရှိရေးနှင့် တရားမဝင်ကုန်သွယ်မှုများ ပပျောက်ရေးအတွက် တရုတ်နိုင်ငံမှ ပူးပေါင်းဆောင်ရွက်သွား မည်ဖြစ်ပါကြောင်း၊ မြန်မာ့ပို့ကုန်များ ဈေးကွက်ဝင်ရောက်နိုင်ရေး အပါအဝင် ကုန်သွယ်မှုဆိုင်ရာ ကိစ္စရပ်များကို အသေးစိတ်ညှိနှိုင်း ပေါင်းစပ်ဆွေးနွေးရန်အတွက် တရုတ်နိုင်ငံမှ ကုန်သွယ်ရေးဆိုင်ရာ အဆင့်မြင့် ကိုယ်စားလှယ်အဖွဲ့တစ်ဖွဲ့ လာရောက်ရန် ရှိပါကြောင်း များ ပြန်လည်ဆွေးနွေးခဲ့ကြောင်း သိရှိရပါသည်။မြန်မာနိုင်ငံတော်သစ်သည် နိုင်ငံတော်သမ္မတကြီး၏ ဦးဆောင်မှုနှင့်အညီ ဘက်စုံပြုပြင်ပြောင်းလဲရေးများကို အရှိန် အဟုန်ဖြင့် ဆောင်ရွက်လျက်ရှိရာ ပုဂ္ဂလိက ကဏ္ဍဖွံ့ဖြိုးတိုးတက် ရေးမှာလည်း အထူးအရေးကြီးကြောင်း တွေ့ရှိမည်ဖြစ်ပါသည်။ ပုဂ္ဂလိက ကဏ္ဍ ဖွံ့ဖြိုးတိုးတက်ရေးတွင် စီးပွားရေးနှင့် ကုန်သွယ်မှု ဖွံ့ဖြိုးတိုးတက်ရေးမှာလည်း မလွဲမသွေ လိုအပ်ချက်တစ်ရပ် ဖြစ် လေရာ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနအနေဖြင့် ကုန်သွယ်မှုမြှင့်တင်ရေးကိစ္စရပ်များကို မျက်ခြည်မပြတ် အစဉ် တစိုက် ကြိုးပမ်းဆောင်ရွက်လျက်ရှိကြောင်း သိရှိရသည့် သတင်း အချက်အလက်များကို ဖော်ပြအပ်ပါသည်။