ပေကျင်း ဖေဖော်ဝါရီအတွင်းက အတိုး နှုန်း ကျဆင်းနေရာမှလျင်မြန်စွာ တိုးတက်လာပြီးနောက်တရုတ်နိုင်ငံရဲ့ ကုန်ထုတ် လုပ်ငန်းတွေ မတ်လမှာ ပြန်လည် တိုးတက်လာကြောင်း ဟောင်ကောင်ရှန်ဟဲ ဘဏ်လုပ်ငန်း ကော်ပိုရေးရှင်း(HSBC)  က မတ် ၂၁ ရက်နေ့က ပြောပါတယ်။(HSBC) ရဲ့ ဝယ်ယူသူမန်နေဂျာများ အညွှန်းကိန်းက မတ်လမှာ ၅၁ ဒသမ ၇ မှတ်ရှိခဲ့ပါတယ်။ ဖေဖော် ဝါရီက ၅၀ ဒသမ ၄ ရှိရာမှ မြင့် တက်လာတာ ဖြစ်ပါတယ်။

ဝါရှင်တန် လေကြောင်းလိုင်းရဲ့  ဘိုရင်း ၇၈၇ ခြောက်စီးကိုမေ ၁၂ ရက်အထိ အသုံးမပြုဘဲ ထားရမှာဖြစ်ကြောင်း ယူနိုက်တက် အဲလိုင်းက ဖေဖော်ဝါရီ ၂၁ ရက်ကပြောပါတယ်။ ၇၈၇ ဒရင်းလိုင်နာတွေ ပိုင်ဆိုင်ထားတဲ့ အမေရိကန် လေကြောင်းလိုင်းက ယခုလို ဆုံးဖြတ်ရတာက ဘက်ထရီ ပြဿနာကို တစ်ကမ္ဘာလုံးက မဖြေ ရှင်းနိုင်သေးလို့ဖြစ်ကြောင်း AFP သတင်းမှာဖော်ပြပါတယ်။

ဝါရှင်တန် အပြည်ပြည်ဆိုင်ရာ ငွေကြေး ရန်ပုံငွေအဖွဲ့ (အိုင်အမ်အက်ဖ်) ရဲ့ လုပ်ငန်းဆောင်တာတွေပိုမိုထိရောက် မှုရှိစေဖို့က သက်ဆိုင်ရာ ပြုပြင် ပြောင်းလဲမှုတွေကို ဆောင်ရွက် ရေးက အရေးကြီးတဲ့အတွက် ၂၀၁၀ ပြည့်နှစ်က သတ်မှတ်ထားတဲ့ခွဲတမ်း နဲ့ စီမံအုပ်ချုပ်မှု ပြောင်းလဲရေးလုပ် ငန်းတွေကို အဖွဲ့ဝင်အားလုံးက အတည်ပြုပေးဖို့ အိုင်အမ်အက်ဖ် က ဇန်နဝါရီ ၃၁ ရက်နေ့က တိုက်တွန်း ထားကြောင်း ရှင်ဝှာ သတင်းမှာ ဖော် ပြထားပါတယ်။
ဘန်ကောက် ဒွန်မောင်း အပြည်ပြည်ဆိုင်ရာ လေဆိပ်နဲ့သုဝဏ္ဏဘူမိလေဆိပ်တို့ကဲ့ သို့အူတာပေါင်းလေဆိပ်ကို ကူးသန်း ရောင်းဝယ်ရေးလေဆိပ်ကြီးအဖြစ်ပြောင်း လဲမဲ့အစီအစဉ်အရ အူတာပေါင်းလေ ဆိပ်တွင်ပြေးလမ်း အသစ်တစ်ခုတည် ဆောက်ရေးဖြစ်မြောက်နိုင်စွမ်းလေ့လာ ချက်အစီရင်ခံစာပြုစုဖို့ သယ်ယူပို့ ဆောင်ရေးဝန်ကြီး ချတ်ချတ်ဆီသီပန်က မြို့ပြလေကြောင်းဌာနအားညွှန်ကြား ထားကြောင်း nation multimedia သတင်းမှာ ဖော်ပြ ထားပါတယ်။
မက်ဒရစ် စပိန် နိုင်ငံက  နိုဝင်ဘာမှာ မတည် ရင်းနှီးငွေစီးဝင်မှု သုံးလဆက် တိုက်ရရှိခဲ့တဲ့အတွက် ကြွေးမြီဝန်ပိ နေတဲ့ စီးပွားရေးမှာ အပြုသဘော အလားအလာတွေရှိလာကြောင်းစပိန် ဗဟိုဘဏ်က ဇန်နဝါရီ ၃၁ ရက်က ထုတ်ပြန်ချက်အရ တွေ့ရပါတယ်။ နိုဝင်ဘာမှာ ပြည်ပ ငွေကြေး စီး ဝင်မှုက ယူရို ၁၃ ဒသမ ၁ ဘီလီယံ (ဒေါ်လာ ၁၇ ဒသမ ၉ ဘီလီ ယံ) ထိရှိခဲ့တဲ့အတွက် ၂၀၁၂ ခုနှစ် ဇန် နဝါရီမှနိုဝင်ဘာထိ စီးဝင်ငွေစုစု ပေါင်းယူရို ၁၉၇ ဒသမ ၉ ဘီလီယံ (ဒေါ်လာ ၂၆၈ ဒသမ ၈ ဘီလီယံ)ရှိခဲ့ ကြောင်း ရှင်ဝှာသတင်းမှာ ဖော် ပြထားပါတယ်။
တိုကျို ဂျပန်အလုပ်လက်မဲ့နှုန်းက နိုဝင် ဘာက ၄ ဒသမ ၁ ရာခိုင်နှုန်းရှိရာမှ ဒီဇင်ဘာမှာ ၄ ဒသမ ၂ ရာခိုင်နှုန်းထိ ရောက်ရှိခဲ့ကြောင်း ဖေဖော်ဝါရီ ၁ ရက်ကအစိုးရမှထုတ်ပြန်ပါတယ်။ ၂၀၁၂ ခုနှစ် တစ်နှစ်လုံးကို ခြုံငုံကြည့် ပါကအလုပ်လက်မဲ့နှုန်းနှစ်အလိုက်  သုည ဒသမ ၃ ရာခိုင်နှုန်းကျဆင်းပြီ ၄ ဒသမ ၃ ရာခိုင်နှုန်းရှိခဲ့ ပါတယ်။ နှစ်နှစ်ဆက်တိုက် အခြေအနေ တိုး တက်ခဲ့ကြောင်းပြည်ထဲရေးဝန်ကြီး ဌာနက ထုတ်ပြန်ပါတယ်။

တိုကျို ကာလရှည်ကြာစွာ နှိပ်စက် နေတဲ့ ငွေကြုံ့မှုနဲ့ ယန်းငွေတန်ဖိုး မြင့် တက်နေတာကို ဖြေရှင်းပြီး တိုးတက် မှု တန့်နေတဲ့ ဂျပန်စီးပွားရေးကို ကျား ကန်ပေးနိုင်ဖို့ အတွက် ရည်ရွယ်ပြီး ယန်းထရီလီယံ ၂၀ (ဒေါ်လာ ၂၂၄ ဘီလီယံ)ရှိ တွန်းအားပေးအစီ အစဉ် ကို ဇန်နဝါရီ ၁၁ ရက်နေ့က ဂျပန် ဝန်ကြီးအဖွဲ့က အတည်ပြုခဲ့ကြောင်း ဂျပန်ဝန်ကြီးချုပ် ရှင်ဇိုအာဘေးက သတင်းစာ ရှင်းလင်းပွဲမှာ ပြောပါ တယ်။