ရေထွက်ကုန်တင်ပို့မှုက ဒေါ်လာ ၄၈၄ သန်းကျော်ရရှိပြီ           မြန်မာနိုင်ငံက ထွက်ရှိသည့် ရေထွက်ကုန်များကို ပြည်ပနိုင်ငံများသို့ တင်ပို့ရောင်းချလျက်ရှိရာ ဘဏ္ဍာနှစ်အတွင်း ဖေဖော်ဝါရီလ ၁၃ ရက်နေ့အထိ ရရှိငွေမှာ ဒေါ်လာ ၄၈၄ သန်းကျော်ရှိလာပြီဖြစ်သည်။              ''ရေထွက်ကုန်ပစ္စည်းတွေတင်ပို့ရာမှာ ပင်လယ်ရေကြောင်းက ဒေါ်လာ ၂၉၈ ဒသမ ၃၁၃ သန်း၊ မူဆယ်က ဒေါ်လာ ၆၅ ဒသမ ၆၂၄ သန်း၊ ကော့သောင်းက ၁၉ ဒသမ ၂၃၄ သန်း၊ စစ်တွေက ဒေါ်လာ ၇ ဒသမ ၁၅၉ သန်း၊ မြိတ်က ဒေါ်လာ ၈၄ ဒသမ ၃၉၆ သန်း၊ မောင်တောက ဒေါ်လာ ၄ ဒသမ ၁၄၁ သန်းနဲ့ တမူးက ဒေါ်လာ ဝ ဒသမ ၁၅၇ သန်း၊ စုစုပေါင်း ဒေါ်လာ ၄၈၄ ဒသမ ၂၃၇ သန်းရှိနေပြီဖြစ်ပါတယ်။ စခန်းတွေအလိုက် ကော့သောင်းက တန် ၁၈၂၄ လျော့ပေမယ့် ဒေါ်လာ ၁ ဒသမ ၈၈ သန်းပိုပြီး တင်ပို့နိုင်ခဲ့ပါတယ်။ အလားတူမြိတ်ကလည်း တန်ချိန်လျော့ပေမဲ့ ငွေရပိုခဲ့ပါ တယ်။စစ်တွေကတော့ တန်ချိန်ရော၊ ငွေရောလျော့နည်း တာတွေ့ရပါတယ်'' ဟု ငါးလုပ်ငန်းဦးစီးဌာန၊FIQC  ကတာဝန်ရှိသူ တစ်ဦးက ပြောကြားသည်။            အဆိုပါရရှိငွေများအနက် ကဏန်းတင်ပို့မှုက ဒေါ်လာ ၃၁ ဒသမ ဝဝ၅ သန်း၊ ငါးရှဉ့်တင်ပို့မှုက ဒေါ်လာ ၂ဝ ဒသမ ၆၄၈ သန်း၊ ရေချိုငါးတင်ပို့မှုက ဒေါ်လာ ၉၆ ဒသမ ၉၂၁ သန်းပါဝင်ခဲ့ကြောင်း သိရသည်။                                 MN 

 ကဏန်းတင်ပို့မှုက ဒေါ်လာ သန်း ၃ဝ ကျော်ရရှိ                    မြန်မာနိုင်ငံက ဖမ်းဆီးထုတ်လုပ်သည့်ကဏန်းများကို ပြည်ပနိုင်ငံများသို့ ဒေါ်လာ သန်း၃ဝ ကျော်ရရှိထားပြီဖြစ် ကြောင်းငါးလုပ်ငန်းဦးစီးဌာနက ထုတ်ပြန်ချက်အရသိရသည်။ ''ကဏန်းတွေကို ပြည်ပနိုင်ငံတွေကို တင်ပို့ရာမှာမူဆယ် နယ်စပ်စခန်းကနေ ဒေါ်လာ ၉ သန်းခန့်၊ မြဝတီကနေ ဒေါ်လာ သုည ဒသမ ၅၄၄ သန်းခန့် မြိတ်နယ်စပ် ကုန်သွယ်ရေးကနေ ဒေါ်လာ သုည ဒသမ ၁၂၂ သန်းခန့်၊ ကော့သောင်း ကနေ ဒေါ်လာ သုည ဒသမ ၃၉၆ သန်းခန့်၊လေကြောင်းလိုင်း ကနေ ဒေါ်လာ ၁၂ သန်းခန့်တင်ပို့ ရောင်းချခဲ့ရာ စုစုပေါင်း ဒေါ်လာ ၂၂ သန်းခန့်ရရှိခဲ့ပါတယ်။ ဒါ့အပြင် ရန်ကုန် တိုင်း ဒေသကြီးနဲ့ တနင်္သာရီတိုင်းဒေသ ကြီး ၂ ခုကနေ ကဏန်း ပျော့မွေးမြူ ထုတ်လုပ်တင်ပို့ရောင်းချမှုက ဒေါ်လာ ၉ သန်း ခန့်ရရှိထားပြီးဖြစ်ပါတယ်'' ဟု ယင်းဌာနက တာဝန်ရှိသူတစ်ဦး က ပြောကြားသည်။                    မြန်မာနိုင်ငံက ဖမ်းဆီးရရှိသည့် ကဏန်းများကို တရုတ် နိုင်ငံနှင့် ထိုင်း နိုင်ငံတို့သို့ နယ်စပ်ကုန်သွယ်ရေးဖြင့် လည်း ကောင်း၊ လေကြောင်းလိုင်းဖြင့်လည်းကောင်း အဓိက တင်ပို့ ရောင်းချလျက်ရှိသည်ဟု ဆိုသည်။ ခင်မျိုးသွယ်

မြန်မာနိုင်ငံရေထွက်ကုန်များကို ထိုင်းက တန်ချိန် အများဆုံးဝယ်ယူ                 မြန်မာနိုင်ငံက ရေထွက်ကုန်များကို ပြည်ပနိုင်ငံများက ဝယ်ယူလျက်ရှိရာတွင် ၂ဝဝ၉-၂ဝ၁ဝ ဘဏ္ဍာနှစ် အတွင်း ထိုင်းနိုင်ငံက တန်ချိန်အများဆုံးဝယ်ယူခဲ့ကြောင်း ငါးလုပ်ငန်းဦးစီးဌာနက ထုတ်ပြန်သည့် စာရင်းဇယားများအရ သိရသည်။ ''မြန်မာ့ရေထွက်ကုန်တွေကို တရုတ်၊ ထိုင်း၊ စင်္ကာပူ၊ ကူဝိတ်၊ မလေးရှား၊ ဆော်ဒီ၊ ဂျပန်၊ ယူအေအီး၊ ဘင်္ဂလားဒေ့ရှ်နဲ့ ယူနိုက်တက်ကင်းဒမ်နိုင်ငံတို့က အများဆုံးဝယ်ယူမှုရှိခဲ့ပါတယ်။ အဲဒီနိုင်ငံတွေက အများဆုံး ဝယ်ယူခဲ့တဲ့ ရေထွက်ပစ္စည်းတွေ ကတော့ ငါးမြစ်ချင်း၊ ငါးသလောက်၊ တိုက်ဂါးပုစွန်၊ ကဏန်း၊ ငါးရှဉ့်၊ ပုစွန်ခြောက် တို့ပါ''ဟု ယင်းဌာနက တာဝန်ရှိသူတစ်ဦးက ပြောကြားသည်။                  အဆိုပါနိုင်ငံများအပြင် မြန်မာနိုင်ငံက ရေထွက်ကုန်များကို ယူကေ၊ နယ်သာလန်၊ ဆွီဒင်၊ ဘယ်လ်ဂျီယံ၊ ပြင်သစ်၊ ဂျာမနီ နိုင်ငံများစသည်ဖြင့် နိုင်ငံပေါင်း ၂၇ နိုင်ငံတို့ကလည်း ဝယ်ယူမှုရှိခဲ့သည်ဟုဆိုသည်။               MN

 နာဂါစကီ သမဝါယမအသင်းက အသည်းပုံကမာကောင်များထုတ်လုပ်                  မွေးမြူရေးဌာန များတွင် အသည်းပုံ ကမာကောင်များကို စတင်ထုတ်လုပ်နေပြီဖြစ်ကြောင်း ဂျပန် နိုင်ငံနာဂါစကီခရိုင်အတွင်းရှိ ဆာဆဲဘိုငါးမွေးမြူရေး သမဝါယမအသင်းက ဖေဖော်ဝါရီ ၁ ရက်နေ့က ပြောကြားပါ တယ်။ ယခုကြေညာချက်မှာ ဂျပန်အမျိုးသမီးတို့က သူတို့ ချစ်သူများအား ချော့ကလက် သို့မဟုတ်အခြားလက်ဆောင် များကို ပေးလေ့ရှိသော ဖေဖော်ဝါရီ ၁၄ ရက်မှာ ကျရောက်တဲ့ချစ်သူများနေ့မတိုင်မီ ထွက်ပေါ်လာခြင်းဖြစ်သည်။ သို့သော်လည်း ကမာကောင်များကို ထုတ်လုပ် ရန်အတွက် အချိန်သုံးလကြာမြင့်မည်ဖြစ်တဲ့အတွက် ယခုနှစ်မှာ ကျရောက်မယ့် ချစ်သူများနေ့မှာ အသည်းပုံ ကမာကောင်များကို ထုတ်လုပ်နိုင်ဦးမှာ မဟုတ်ကြောင်း သမဝါယမအသင်းက ပြော ကြားပါတယ်။ ကမာကောင် များကို အသည်းပုံရရှိရန် သတ္တုပုံစံခွက်များကိုလည်း အသုံးပြုပုံဖော်မှာဖြစ်ပြီး ဆာဆဲဘိုရှိ ကူပွန်ကူရှီးမားကျွန်း တွင် သုံးလခန့်မွေးမြူရဦးမှာ ဖြစ်ပါတယ်။ ကမ္ဘာမှာကမာကောင်များကို အသည်းပုံနဲ့ အလုံးအရင်းဖြင့် ထုတ်လုပ်ရာမှာ ယခုအကြိမ်က ပထမအကြိမ်ဖြစ်တယ်လို့ သမဝါယမအသင်း ရဲ့ တာဝန်ရှိသူ ဘူချီက ပြောကြားပါတယ်။ Source: japantoday.com