မြန်မာ-တရုတ်နယ်စပ်ရှိ မူဆယ် နယ်စပ်မှ ဖေဖော်ဝါရီ ၈ ရက်မှ ၁၄ ရက်ထိကာလအတွင်း ကန်ဒေါ်လာ ၀ ဒသမ ၃၀၄ သန်းတန်ဖိုးရှိ ကဏန်း ၆၆ တန်ခန့် အပို့ရှိခဲ့ရာ ယခင်အပတ်က ၃၃ တန်သာ အပို့ရှိခဲ့တာမို့ ၅၀ ရာခိုင် နှုန်းနီးပါးတင်ပို့မှုပိုမိုခဲ့ပါတယ်။ ယခင် အပတ်က အပို့မရှိခဲ့ပေမဲ့ ချင်းရွှေဟော် နယ်စပ်က ယခုအပတ်မှာ ငါးရှဉ့် တန် ၃၀ ကျော် ကန်ဒေါ်လာ သုည ဒသမ ၁၅၂သန်းဖိုးတင်ပို့နိုင်ခဲ့ပါတယ်။ မူဆယ် မှ ကဏန်းနဲ့ ချင်းရွှေဟော်မှ ငါးရှဉ့်အပို့ ပိုမိုအောင် ဆောင်ရွက်နိုင်သော်လည်း မူဆယ်မှ ငါးရှဉ့် ၁၁ တန်ကျော်နဲ့ ရေ ငန်ငါးမျိုးစုံ တန် ၁၃၀ နီးပါး ယခင် အပတ်ကထက် လျော့နည်းတင်ပို့ခဲ့ တယ်လို့ သိရပါတယ်။ MIRT(DOBT)

မြန်မာ-တရုတ်နယ်စပ်ရှိ မူဆယ် ၁၀၅ မိုင်နဲ့ မြန်မာ -အိန္ဒိယနယ်စပ်ရှိ တမူးနယ်စပ်တို့မှ ယခုအပတ်မှာ ပရဆေး ကုန်သွယ်မှုများ ဆောင်ရွက်နိုင်မှုများကို ကြည့်တဲ့အခါ မူဆယ် နယ်စပ်မှ ယခင်အပတ်ကထက် တန် ၅၀၀ ကျော် တန်ဖိုး အားဖြင့် ကန်ဒေါ်လာ သုည ဒသမ ၆၈၇ သန်း ပိုမိုတင်ပို့နိုင် ခဲ့ပါတယ်။

           ဟိုပုံးနနွင်းလည်း ဈေးကွက်ကိုအများကြီး မဝင်လာသေးပါဘူး။ မတ်လလောက်မှသာ အဝင်လှိုင်လာနိုင် ပါတယ်။ နမ့်ခုတ်မြို့နယ်ကထွက်တဲ့ နနွင်းတွေကိုတော့ဝယ်ယူပြီး အခြောက်ပြုလုပ်နေတယ်လို့လည်းသိရပါတယ်။ ဒီအချိန်က အစိုဓာတ် လည်းနည်းပြီး ခြောက်သွေ့လာပြီဖြစ်တာကြောင့် လှောင်လက်သမားတွေကတော့ ဝယ်လှောင်ဖို့ အတွက် ပြင်ဆင်နေကြပါပြီ။ ဟိုပုံးနနွင်းက တစ်ပိဿာ ၆၀၀ ကျပ်ဈေးပေါက်ပါတယ်။

ပြည်ပကို ပင်လယ်ရေကြောင်း ကုန်သွယ်မှုလမ်းမှ ဖေဖော်ဝါရီ ၅ ရက်မှ ၁၁ ရက်နေ့တာ ကာလအတွင်း နနွင်း ၁၅ တန်ကို တင်ပို့ခဲ့ပါတယ်။ တင်ပို့ခဲ့တဲ့ နိုင်ငံက မလေးရှားနိုင်ငံပဲ ဖြစ်ပါတယ်။ ယခင်သီတင်းပတ် ၁၆ တန်တင်ပို့နိုင်ခဲ့လို့ ဒီတစ်ပတ်တင်ပို့နိုင်မှုနဲ့ကြည့်ရင် ယခင်တစ်ပတ်တင်ပို့မှုကို မီခဲ့တယ်လို့ ဆိုရပါမယ်။ တစ်တန်ကို ၤဥြ ဈေးကန်ဒေါ်လာ ၁၆၀၀ ဝန်းကျင်ရရှိခဲ့လို့ စုစုပေါင်းပို့ကုန်ဝင်ငွေ ကန် ဒေါ်လာတစ်သောင်းရှစ်ထောင်ရရှိခဲ့ပါတယ်။           MIRT (DOT)