Background
ကြက်သွန်နီ
မကွေးတိုင်းဒေသကြီး၊ ဆိပ်ဖြူမြို့နယ်အတွင်းရှိ ဆိပ်ဖြူမြို့ ကြက်သွန်နီ ဈေးကွက်သို့ ဒေသတွင်း ကြက်သွန်နီစိုက်ပျိုးထွက်ရှိသော ကျေးရွာများအပြင် အခြားမြို့နယ်များဖြစ်သော ပွင့်ဖြူ၊ စလင်း၊ ချောက်၊ ပခုက္ကူဒေသထွက် ကြက်သွန်နီများလည်း ဝင်ရောက် အရောင်းအဝယ်ဖြစ်လျက်ရှိသည်။ ဧပြီလအတွင်း တစ်ရက်လျှင် ကုန်ချိန် ပိဿာငါးသောင်းမှ ခုနစ်သောင်း၊ တစ်လအတွင်း ကုန်ချိန် ပိဿာ ၁၁ သိန်းခန့် ဝင်ရောက်ခဲ့ကြောင်း ဈေးကွက်မှ သိရသည်။
မတ်ပဲ
စစ်ကိုင်းတိုင်းဒေသကြီး ကန့်ဘလူခရိုင် ကန့်ဘလူ မြို့နယ်တွင် စပါးနှင့်ဆီထွက်သီးနှံများအပြင် ပဲမျိုးစုံကိုလည်း စိုက်ပျိုးကြသည်။ ဆောင်းမတ်ပဲ ၅၀၂၇၁ ဧက စိုက်ပျိုးရိတ် သိမ်းနိုင်ခဲ့သည်။ မတ်ပဲသီးနှံသည် ကန့်ဘလူမြို့နယ် မြေထူး ကျေးရွာ တောက္ကရှပ်ကျေးရွာ၊ ညောင်ဇင်ကျေးရွာများမှ အဓိက ဝင်ရောက်လျက်ရှိကြောင်း သိရသည်။
ဟင်္သာတခရိုင်တွင် အစေ့ထုတ် ပြောင်းကို ဆောင်းသီးနှံအဖြစ် စိုက်ပျိုး ပြီး မြေနုကျွန်းများ၊ သဲဆန်သော ကိုင်း မြေများ၊ မြစ်ကမ်းပါးများတွင် စိုက်ပျိုး ကြသည်။ ၂၀၂၄ -၂၀၂၅ ခုနှစ်တွင် ဟင်္သာတခရိုင်၌ အစေ့ထုတ်ပြောင်း စိုက်ဧက ၁၅၃၈၃ ဧက စိုက်ပျိုးပြီး ယခင်နှစ်ကထက် ဧက သုံးထောင်ကျော် လျော့နည်း စိုက်ပျိုးခဲ့သည်။
မကွေးတိုင်းဒေသကြီးသည် ဆီထွက်သီးနှံ နှမ်း၊ မြေပဲ တို့အား အဓိက စိုက်ပျိုးကြပြီး ဆန်လိုအပ်ချက်ရှိသည့် တိုင်း ဒေသကြီးဖြစ်၍ စပါးအဓိက စိုက်ပျိုးထွက်ရှိရာ အခြား တိုင်းဒေသကြီးနှင့် ပြည်နယ်များမှ တင်သွင်းရသည်။
မန္တလေး
မန္တလေးဈေးကွက်အတွင်းသို့ ကျောက်ဆည်၊ မြစ်သား၊ စဉ့်ကိုင်၊ တံတားဦး၊ မြင်းခြံ၊ တောင်သာ၊ နွားထိုးကြီး၊ ပျော်ဘွယ်၊ ရမည်းသင်း စသည့် ဒေသများနှင့် အခြားဒေသများမှ ထွက်ရှိသည့် ကြက်သွန်နီများ မတ်လကုန်ပိုင်းတွင် ဖြိုင်ဖြိုင်ဝင်ရောက်လျက်ရှိသည်။ ဆောင်းကြက်သွန်နီသည် ကြက်သွန်မျိုးစေ့ကို ပျိုးထောင်၍ အပင် ကလေးများ တစ်လခွဲသားအရွယ်တွင် ပျိုးပင်ကိုနုတ်၍ နေရာရွှေ့ ပြောင်း စိုက်ပျိုးကြရသည်။
ကျောက်ဆည်ခရိုင် စဉ့်ကိုင်မြို့နယ်သည် ဆည်ရေသောက် ဒေသဖြစ်သည့်အလျောက် သီးနှံမျိုးစုံ စိုက်ပျိုးဖြစ်ထွန်းလျက်ရှိရာ ဖူးစားပြောင်းသီးနှံကို ၅၂၄ ဧက စိုက်ပျိုးနိုင်ခဲ့ပြီး ယခုအချိန်တွင် စဉ့်ကိုင်မြို့နယ်၌ စိုက်ပျိုးပြီးဧကအားလုံးရိတ်သိမ်းပြီးဖြစ်ကြောင်း သိရသည်။
မွန်ပြည်နယ်သည် ယခုနှစ်အတွင်း ပဲအထွက်နှုန်းကောင်းပြီး ဈေးနှုန်းဈေးကွက်ကောင်းများလည်း ရရှိနေသည်။ မော်လမြိုင်ရှိ ကုန်စည်ဒိုင်တွင် နေ့စဉ်အရောင်းအဝယ် ပြုလုပ်လျက်ရှိသည်။
၂၀၂၄-၂၀၂၅ ခုနှစ်တွင် အထွက်နှုန်းကောင်း၍ လာမည့် ၂၀၂၆-၂၀၂၇ ခုနှစ်တို့တွင်လည်း ပဲစိုက်ပျိုးမှုကို ပိုမိုတိုးချဲ့လုပ် ကိုင်သွားမည်ဖြစ်ကြောင်း ပဲနှမ်းစိုက်ပျိုးသူတောင်သူများ၏ ပြောကြားချက်အရ သိရသည်။
အစေ့ထုတ်ပြောင်း
မိုးစပါး
မြင်းခြံခရိုင်တွင် မိုးစပါးစိုက်ဧက ၁၉၈၃၃ ဧကအနက် ၁၃၃၅၅ ဧက ရိတ်သိမ်းခဲ့ပြီး တစ်ဧက အထွက်နှုန်း ၆၇ တင်းနှုန်းဖြင့် အထွက်တင်းပေါင်း ၈၉၄၇၈၅ တင်းထွက်ရှိကာ ကျန်ဧကများကို ဆက် လက်ရိတ်သိမ်းဆဲဖြစ်သည်။ မနောသုခ မိုးစပါးအသစ် တစ်တင်းလျှင် ကျပ် ၂၂၀ဝ၀ ဈေးဖြင့် ဒေသတွင်းရှိ ကျေးရွာများတွင် အရောင်းအဝယ်ဖြစ်လျက်ရှိကြောင်းသိရသည်။ မနောသုခ စပါး အဟောင်း တစ်တင်း လျှင် ကျပ် ၂၄၀ဝ၀ ဖြစ်ပြီး မနောသုခဆန် (ဟောင်း) တစ်အိတ်လျှင် ကျပ် ၈၅၀ဝ၀ မှ ၉၅၀ဝ၀ ထိရှိ ကြောင်း သိရသည်။
မြေပဲ
ဧရာဝတီတိုင်းဒေသကြီးသည် မြန်မာနိုင်ငံ၏ ဆန်အိုးကြီး ဖြစ်သလို မိုးစပါးစိုက်ပျိုးပြီးချိန်တွင် သီးထပ်အဖြစ် ပဲမျိုးစုံ၊ အစေ့ ထုတ်ပြောင်းနှင့် နွေစပါးတိုကို့လည်းစိုက်ပျိုးထုတ်လုပ်သည်။ ပဲမျိုးစုံ စိုက်ဧကသည် စပါးပြီးလျှင် အများဆုံးစိုက်ပျိုးသော သီးနှံလည်းဖြစ် သည်။ ပဲမျိုးစုံသည် နှံစားသီးနှံများထက် စိုက်ပျိုးရလွယ်ကူပြီး အရေး ပါသည့် အသားဓာတ်များ ပြွေါကယ်ဝကာ နိုင်ငံခြားဝင်ငွေ ရှာဖွေပေး နိုင်သော ပြည်ပပို့ကုန်လည်းဖြစ်သည်။ ဧရာဝတီတိုင်းဒေသကြီးတွင် ၂၀၂၄-၂၀၂၅ ဘဏ္ဍာနှစ်တွင် ပဲမျိုးစုံ စိုက်ဧက ၁၅ သိန်းကျော်ရှိပြီး ပဲပုပ်စိုက်ဧက ၂၇၄၉၉ ဧက စိုက်ပျိုးသည်။
