Background
လူဉီးရေ (၅၁) သန်းကျော်ရှိသော ကိုရီးယားသမ္မတနိုင်ငံတွင် ကိုဗစ်-၁၉ ကပ်ရောဂါအား (၁)နှစ်နှင့်(၉) လကြာ ရင်ဆိုင်ခဲ့ပြီးသည့်နောက်၊ မူလလျာထားချက်အတိုင်း ၂၀၂၁ ခုနှစ်၊ အောက်တိုဘာလတွင် ကိုဗစ်-၁၉ကာကွယ်ဆေး အကြိမ်အရေအတွက် အပြည့်အဝထိုးပြီးမှု (၇၀) ရာခိုင်နှုန်း ကျော်ခဲ့ပြီးဖြစ်ရာ၊ ကိုဗစ်-၁၉ ဆိုင်ရာကန့်သတ်မှုများအား အဆင့်(၃)ဆင့်ဖြင့် (၃)လအတွင်း ဖြေ လျော့၍ မူလပုံမှန်လူနေမှုဘဝအခြေအနေသို့ရောက်ရှိစေရန် ဆောင်ရွက်သွားမည်ဖြစ်ကြောင်း၊ ပထမအဆင့် (Phase I) အား ၂၀၂၁ ခုနှစ်၊ နိုဝင်ဘာလ (၁) ရက်နေ့တွင် စတင်မည်ဖြစ်ကြောင်း Korea Disease Control and Prevention Agency (KDCA) က (၂၅-၁၀-၂၀၂၁) ရက်နေ့တွင
ပစိဖိတ်ရပ်ဝန်းဒေသဆိုင်ရာ စီးပွားရေးအကျိုးအမြတ်အပေါ် သံခင်းတမန်ခင်းအရ ညှိနှိုင်းမှု သည် လတ်တလော၌ အရှိန်အဟုန်ပိုမိုမြင့်မားလာသည်ဟု သုံးသပ်နိုင်ပါသည်။ သို့ဖြစ်ရာ လာမည့် အထွေထွေရွေးကောက်ပွဲအတွက် လုံးပမ်းနေရသည့် ဂျပန်နိုင်ငံအနေဖြင့် အဆိုပါကိစ္စအပေါ် မှန်ကန်သောဦးတည်ချက်ဖြင့်သာ ရပ်တည်ဆောင်ရွက်သင့်သည်ဟု သုတေသီများက အကြံပြုသုံး သပ်ကြပါသည်။
အိန္ဒိယနိုင်ငံ၌ ရော်ဘာအများဆုံးစိုက်ပျိုးထုတ်လုပ်ရာ ကီရာလာပြည်နယ်၌ မိုးရွာသွန်းမှုများပြားလျက်ရှိခြင်းက အစေးခြစ်လုပ်ငန်းဆောင်ရွက်မှုများကို နှောင့်နှေးမှုဖြစ်ပေါ်စေပြီး ယခုနှစ် အောက်တိုဘာလနှင့်နိုဝင်ဘာလများ အတွင်း သဘာဝရော်ဘာထုတ်လုပ်မှုမှာ ကျဆင်းမည့်အခြေအနေရှိပါသည်။
တရုတ်နိုင်ငံ၏ သဘာဝရာဘာဈေးကွက်မှာ ဈေးနှုန်းအကြီးအကျယ် မြင့်တက်ခဲ့ပြီး နောက် အောက်တိုဘာလ (၁၉) ရက်နေ့တွင် တစ်တန်လျှင် ယွမ်ငွေ (၆၅၀) မှ (၇၀၀) ကြား ပြန်လည်ကျဆင်းခဲ့ပါသည်။ ၎င်းနောက် အောက်တိုဘာလ (၂၁) ရက်နေ့ရှိ ရာဘာ လက်ငင်း အဝယ်ဈေးနှုန်းများမှာ အမြင့်ဆုံး တစ်တန်လျှင် (၁၅,၄၆၅)ယွမ်မှ အနိမ့်ဆုံး တစ်တန်လျှင် (၁၄,၈၅၀) ယွမ် ရှိခဲ့ပါသည်။ ထို့နောက် ဈေးကွက်အပိတ်ဈေးနှုန်း မှာ တစ်တန်လျှင် (၁၄,၉၁၀)ယွမ် ဖြစ်ခဲ့သဖြင့် တစ်တန်လျှင် (၇၁၅) ယွမ် ကျဆင်းခဲ့ပါသည်။
တရုတ်နိုင်ငံ၏ စက်မှုကုန်ထုတ်လုပ်မှု ဗဟိုအချက်အချာနေရာလည်းဖြစ်၊ နိုင်ငံခြားနှင့် ကုန်သွယ်ရာတွင် ဉီးဆောင်နေသည့် ပြည်နယ်လည်းဖြစ်သည့် ကွမ်တုန်း ပြည်နယ်သည် ယခုနှစ် ပထမ (၉)လအတွင်း နိုင်ငံခြားကုန်သွယ်မှုအခိုင်အမာ ဖွံ့ဖြိုးခဲ့ ကြောင်း၊ တန်ဖိုးအားဖြင့် ယွမ်ငွေ (၆.၀၃) ထရီလီယံ (အမေရိကန်ဒေါ်လာ ၉၄၃ ဘီလီယံ ခန့်) ရရှိခဲ့ကာ ယခင်နှစ်ကထက် (၁၈.၆) ရာခိုင်နှုန်း တိုးလာခဲ့ကြောင်း သိရပါသည်။
အောက်တိုဘာလ (၂၃) ရက်နေ့မှစ၍ တရုတ်နိုင်ငံ၏ ဓာတ်ဆီနှင့် ဒီဇယ်ဆီ လက်လီဈေးနှုန်းများကို တိုးမြှင့်သွားမည်ဖြစ်ကြောင်း တရုတ်နိုင်ငံ၏ ထိပ်တန်း စီးပွားရေး စီမံကိန်းချမှတ်သည့် National Development and Reform Commission က အောက်တို ဘာလ (၂၂) ရက်နေ့တွင် ထုတ်ပြန်ကြေညာခဲ့ပါသည်။
မကြာသေးမီက အပြောင်းအလဲဖြစ်ခဲ့သည့် နိုင်ငံတကာလောင်စာဆီဈေးနှုန်း များအပေါ် အခြေခံ၍ ဓာတ်ဆီ လက်လီဈေးနှုန်းအား တစ်တန်လျှင် (၃၀၀) ယွမ်နှင့် ဒီဇယ် ဆီ လက်လီဈေးနှုန်းအား တစ်တန်လျှင် (၂၉၀) ယွမ် အသီးသီးတိုးမြှင့်ထားပါသည်။
(၁၄)ကြိမ်မြောက် ငါးနှစ်စီမံကိန်း (၂၀၂၁-၂၀၂၅)ကာလအတွင်း နိုင်ငံခြား တိုက်ရိုက်ရင်းနှီးမြှုပ်နှံမှုများကို အသုံးပြုရေးအတွက် အစီအမံတစ်ရပ်အား တရုတ်နိုင်ငံ၏ စီးပွားရေးနှင့် ကူးသန်းရောင်းဝယ်ရေးဝန်ကြီးဌာနက ထုတ်ပြန်လိုက်ပါသည်။
တစ်ကမ္ဘာလုံးမှ အရည်အသွေးမြင့် ရင်းမြစ်များကို ဆွဲဆောင်ရန် အဆင့်မြင့် တံခါးဖွင့် ကြိုဆိုမှုများကို တရုတ်နိုင်ငံက ဆက်လက်မြှင့်တင်ဆောင်ရွက်သွားမည်ဟု ဝန်ကြီးဌာနက ထုတ်ဖော်ပြောကြားထားပါသည်။
တရုတ်နိုင်ငံ၏ အချို့နေရာများတွင် ပစ္စည်းဆိုင်ရာဉပဒေ (property tax)ကို စမ်းသပ်ပြုပြင်ပြောင်းလဲသွားရေးအတွက် နိုင်ငံတော်ကောင်စီအား အခွင့်အာဏာပေးရန် ဆုံးဖြတ်ချက်တစ်ရပ်ကို အောက်တိုဘာလ (၂၃) ရက်နေ့၌ ထိပ်တန်းဉပဒေပြုသူများပါ ဝင်သည့် ပြည်သူ့ကွန်ဂရက် အမြဲတမ်းကော်မတီက ချမှတ်ခဲ့ပါသည်။
ယခုနှစ် ပထမ (၉)လအတွင်း ကမ္ဘာတစ်ဝှမ်း ကပ်ရောဂါဖြစ်ပွားမှုနှင့် သင်္ဘောဖြင့်ပို့ဆောင်မှု အကျပ်အတည်းများဖြစ်ခဲ့သည့်ကြားမှ အပြည်ပြည်ဆိုင်ရာ ကုန်းလမ်း - ပင်လယ်ရေကြောင်းလမ်း စင်္ကြံလမ်းအသစ်ပေါ်တွင် ပင်လယ်ရေကြောင်းနှင့် မီးရထားလမ်းတို့ဖြင့် ချိတ်ဆက်ပို့ဆောင်ပေးခဲ့သည့် ပေ (၂၀)အရွယ် ကုန်သေတ္တာအလုံးရေ ပေါင်း (၄၁၆,၉၀၀) ရှိခဲ့ကာ၊ ယခင်နှစ်ကထက် (၂၄၆.၃၄) ရာခိုင်နှုန်းပိုမိုခဲ့ကြောင်း သိရပါ သည်။
၂၀၂၁ ခုနှစ်၊ စက်တင်ဘာလတွင် ဘရာဇီးလ်နိုင်ငံမှ ပဲပုတ်စေ့တန်ချိန် ၄.၇ သန်းအား ပြည်ပသို့တင်ပို့နိုင်ခဲ့ပြီး အောက်တိုဘာလအတွင်း ပဲပုတ်စေ့တန်ချိန် ၃ သန်းမှ ၃.၄ သန်းအထိ တင်ပို့သွားနိုင်ရန် ခန့်မှန်းထားကြောင်း၊ ၂၀၂၀ ပြည့်နှစ်၊ အောက်တိုဘာလတွင် ၂.၁၇ သန်း တင်ပို့ ခဲ့ကြောင်း National Association of Cereal Exporters (ANEC)၏ အပတ်စဉ်ထုတ်ဝေသည့် လယ်ယာပို့ကုန် သုတေသနစာစောင်တွင် ဖော်ပြခဲ့သည်။