ငလျင်ဘေးအန္တရာယ် ကျရောက်နိုင်သည့် အာဆီယံဒေသတစ်ဝန်းတွင် အဆောက်အအုံများ၏ ဘေးကင်းလုံခြုံမှုကို မြှင့်တင်နိုင်ရေးအတွက် အရည်အသွေးမြင့် သံမဏိများအသုံးပြုရန် အလွန်အရေးကြီးကြောင်း အာဆီယံ သံနှင့်သံမဏိကောင်စီASEAN Iron & Steel Council – AISC)  က အစီရင်ခံစာတစ်စောင် ထုတ်ပြန် တိုက်တွန်းထားကြောင်း သိရသည်။
ယင်းအစီရင်ခံစာတွင် အာဆီယံနိုင်ငံများ၌ ဆောက်လုပ်ရေး လုပ်ငန်းသုံးသံမဏိများ၏အရည်အသွေးနှင့်ဘေးကင်းလုံခြုံရေးဆိုင်ရာကိစ္စရပ်များကို သုံးသပ်ထားပြီးInduction Furnace (IF) စနစ်ဖြင့် ထုတ်လုပ်သည့် သံမဏိများ၏ အရည်အသွေးဆိုင်ရာ အန္တရာယ်များကို အဓိကထည့်သွင်း ဖော်ပြထားသည်။

မြန်မာ့ဒေသထွက် မိုးစီးဖိနပ်များသည် ရေစိုခံနိုင်ပြီး ချော်လဲမှုမရှိအောင်  အထူးထုတ်လုပ်ထားသောကြောင့် မိုးရာသီအတွက် အထူးသင့်လျော်လှပသော ပြည်တွင်းဖြစ် ဖိနပ်များဖြစ်သည်။ 
အရည်အသွေးမြင့် ရော်ဘာအသားများကို အသုံးပြု ထားသောကြောင့် ရေစိုခံနိုင်ပြီး ရေစက်များ၊ ရွှံ့များပေကျံပါကလည်း ရေဆေးချရုံဖြင့် အလွယ်တကူ သန့်စင်နိုင်သည်။ မိုးစီးဖိနပ် အောက်ခြေကို အထူးဒီဇိုင်းဖော်ထားသဖြင့် ကြွေပြားများ၊ ရေညှိများ သို့မဟုတ် စိုစွတ်နေသောလမ်းများပေါ်တွင် စိတ်ချလက်ချ လမ်းလျှောက်နိုင်သည်။ အကြမ်းခံကာ သက်သောင့်သက်သာဖြစ်စေရန် ပြုလုပ်ထားသည်။

လက်ရှိ မြန်မာနိုင်ငံ၏ စီးပွားရေးနှင့် ဈေးကွက်အခြေအနေတွင် ပြည်တွင်းဖြစ် (MSME) ကုန်ထုတ်လုပ်မှုကဏ္ဍကို အားပေးမြှင့်တင်နေသကဲ့သို့ တစ်ဖက်တွင်လည်း စားသုံးသူများ ဘေးအန္တရာယ် ကင်းရှင်းရေးအတွက် စီးပွားရေးနှင့်ကူးသန်းရောင်းဝယ်ရေးဝန်ကြီးဌာန စားသုံးသူရေးရာဦးစီးဌာန (DOCA) မှ ဈေးကွက်အတွင်းရှိ ကုန်ပစ္စည်းများကို စနစ်တကျ စောင့်ကြည့်စစ်ဆေးလျက်ရှိသည်။

တာချီလိတ်ကုန်သွယ်ရေးခန်းမှ တိရစ္ဆာန်အရှင်တင်ပို့မှုအနေဖြင့် မကွေးတိုင်းဒေသကြီးနှင့် မန္တလေးတိုင်းဒေသကြီးဘက်မှ ဆိတ်၊ နွားများကို မွေးမြူစုဆောင်းပြီး  မွေးမြူရေးနှင့်ကုသရေးဦးစီးဌာန တိရစ္ဆာန်ကျန်းမာရေး ထောက်ခံချက်များ၊ ကာကွယ်‌ဆေးထိုးပြီးကြောင်း စစ်ဆေးခြင်းများ၊ ကာကွယ်ဆေးထိုးပြီးကြောင်း  ထောက်ခံချက်လက်မှတ်၊ တိရစ္ဆာန်သယ်ဆောင်ခွင့်လက်မှတ်နှင့် သယ်ဆောင်ခွင့်အထောက်အထားများရရှိပါက ပို့ကုန်လိုင်စင်အား  မွေးမြူရေးနှင့် ကုသရေးဦးစီးဌာန၏ ဈေးနှုန်းထောက်ခံချက်ဖြင့် လိုင်စင်ရယူပြီး လာအိုနိုင်ငံသို့  တင်ပို့လျက်ရှိသည်။