အွန်လိုင်းစနစ်ဖြင့် ရောင်းချခြင်းလုပ်ငန်းနှင့် ဆက်စပ်  နေသော   အရေးကြီးကုန်စည်နှင့် ဝန်ဆောင်မှုဥပဒေကို ၂၀၁၂ ခုနှစ် သြဂုတ်လ ၁၀ ရက် ပြည်ထောင်စုလွှတ်တော် ဥပဒေအမှတ်(၁၃)ဖြင့်ပြဋ္ဌာန်းခဲ့ရာ အခန်း  ငါးခန်းနှင့် ပုဒ်မ- ၁၂ ခုပါရှိပြီး  အခန်း (၁) အမည်နှင့် အဓိပ္ပာယ် ဖော်ပြချက်တွင် အရေးကြီးကုန်စည်ဆိုသည်မှာ ဤဥပဒေအရ ဝန်ကြီးဌာန တစ်ခုခုက အခါအားလျော်စွာ သတ်မှတ်သော သက်ရှိကုန် စည်တစ်မျိုးမျိုးကို ဆိုလိုကြောင်း အဓိပ္ပာယ်ဖွင့်ဆိုထားသည်။ 

စီးပွားရေးနှင့်ကူးသန်းရောင်းဝယ်ရေးဝန်ကြီးဌာန၊ မူပိုင်ခွင့် ဦးစီးဌာနမှ  အကောင်အထည်ဖော် ဆောင်ရွက်နေသာ စာပေနှင့် အနုပညာမူပိုင်ခွင့်မှတ်ပုံတင်စနစ် (CRFile System) https://crfile. ipd.gov.mm ကို စာပေနှင့်အနုပညာ မူပိုင်ခွင့်လျှောက်ထားသူ Applicant)) မှ လည်းကောင်း၊ ကိုယ်စားလှယ်(Agent) မှလည်း ကောင်း အွန်လိုင်း မှတစ်ဆင့် အကောင့်မှတ်ပုံတင်ခြင်း Registration) ပြုလုပ်၍ လျှောက်ထားနိုင်သည်။ ထို့အပြင် မူပိုင်ခွင့်  မှတ်ပုံတင်ရုံးခွဲများမှ တစ်ဆင့်လည်း လျှောက်ထား ဆောင် ရွက်နိုင်သည်။

ကမ္ဘာ့လောင်စာဆီ ဈေးကွက်အနေဖြင့် ဓာတ်ဆီဈေးနှုန်းသည် စက်တင်ဘာ ၃၀ ရက် Global Petrol Prices Website  တွင် ဖော်ပြ ထားရှိသည့် ဈေးနှုန်းများအရ ကမ္ဘာ့နိုင်ငံပေါင်း ၁၂၃ နိုင်ငံအနက် ဗီယက်နမ်နိုင်ငံသည် ယခုတစ်ပတ်တွင် ၃ ဒသမ ၈၀ ရာခိုင်နှုန်းဖြင့် ဈေးနှုန်းမြင့်တက်မှု အမြင့်ဆုံးနိုင်ငံဖြစ်ခဲ့ပြီး အာဂျင်တီးနားနှင့် ဥဇ ဘတ်ကစ္စတန်နိုင်ငံတို့တွင် ၃ ဒသမ ၂၀ ရာခိုင်နှုန်း၊ မြန်မာနိုင်ငံတွင် ၂ ဒသမ ၃၀ ရာခိုင်နှုန်းဖြင့် ဈေးနှုန်းများ မြင့်တက်ခဲ့ပြီး ဈေးနှုန်းမြင့် တက်ခဲ့သည့် နိုင်ငံပေါင်း ၁၆ နိုင်ငံရှိကြောင်း တွေ့ရသည်။

ကမ္ဘာ့ရွှေဈေးသည် စက်တင်ဘာ ၂၆ ရက်တွင် ရွှေတစ် အောင်စလျှင် အမေရိကန်ဒေါ်လာ ၂၆၆၀ ဒေါ်လာ ပေါက်ဈေး ရှိခဲ့ရာမှ အောက်တိုဘာ ၂ ရက်တွင် ရွှေတစ်အောင်စလျှင် အမေ ရိကန်ဒေါ်လာ ၂၆၅၄ ဒေါ်လာ ဖြစ်ခဲ့သည်ကို တွေ့ရှိရသည်။ ပြည်တွင်းရွှေဈေးသည်လည်း စက်တင်ဘာ ၂၆ ရက်တွင် အခေါက်ရွှေ တစ်ကျပ်သားလျှင်  ကျပ် ၆၇၀ဝ၀ဝ၀ ပေါက်ဈေး ရှိခဲ့ရာမှ အောက်တိုဘာ ၂ ရက်တွင် ကျပ် ၆၁၀ဝ၀ဝ၀ သို့အတက် အကျ ဖြစ်ပေါ်ခဲ့ကြောင်းကို ရွှေဈေးကွက်အတွင်းမှ သိရသည်။