၂၀၂၂ ခုနှစ်အတွင်း တရုတ်-အလယ်အာရှ ဓာတ်ငွေ့ပိုက်လိုင်းမှတစ်ဆင့် တရုတ်နိုင်ငံသို့ သဘာဝဓာတ်ငွေ့ဘီလီယံ ၄၀ ကုဗမီတာ သယ်ယူပို့ဆောင်ပေးနိုင်ခဲ့ကြောင်း PipeChina West Pipeline  ကုမ္ပဏီ၏ထုတ်ပြန်ချက်အရ သိရသည်ဟု ဆင်ဟွာသတင်းတစ်ရပ်တွင် ရေးသားဖော်ပြထားသည်။ 

ဗြိတိန်တွင် လတ်တလောကာလ၌ တစ်ဦးချင်းဝင်ငွေ ကျဆင်းမှုများနှင့် ရင်ဆိုင်နေရပြီး လူနေမှုအဆင့်အတန်းများလည်း နိမ့်ကျမှုရှိလာနိုင်ကြောင်း ဘီဘီစီသတင်းတွင် ဖော်ပြထားသည်။
ဗြိတိန်တွင် ကုန်ဈေးနှုန်းများ စံချိန်တင်မြင့်တက်လာမှုနှင့်အတူ လူ တစ်ဦးချင်း၏ ဝင်ငွေမှာလည်း လာမည့်နှစ်အနည်းငယ်အတွင်း ၇ ရာခိုင်နှုန်း အထိ ကျဆင်းလာနိုင်ကြောင်း ဗြိတိန်အစိုးရ၏ ခန့်မှန်းချက်အရ သိရသည်။ ထို့ပြင် ဗြိတိန်တွင် အလုပ်လက်မဲ့ဦးရေသည်လည်း တိုးလာဖွယ်ရှိနေသည်ဟု ဆိုသည်။

တရုတ်သိပ္ပံပညာရှင်များသည် ဂျယ်လီကဲ့ သို့ အရည်ဖြည့်ရသည့်  လစ်သီယမ်ဘက်ထရီ တစ်မျိုးကို တီထွင်ခဲ့ရာ လက်ရှိအချိန်၌ အောင်မြင် ခဲ့ပြီဖြစ်ကြောင်း   ဆင်ဟွာသတင်းတစ်ရပ်တွင် နိုဝင်ဘာ ၄ ရက်က ရေးသားဖော်ပြထားသည်။
ပုံမှန်သုံးနေကြဖြစ်သည့် လစ်သီယမ်အိုင်းယွန်း ဘက်ထရီများသည် ပေါက်ကွဲမှုဖြစ်ပေါ်ကာ မီးလောင်မည့်အန္တရာယ်ရှိနေခြင်းကို ယခုအသစ် တီထွင်လိုက်သည့် လစ်သီယမ်ဘက်ထရီက ကောင်းမွန်စွာ ဖြေရှင်းပေးနိုင်မည်ဖြစ်ကြောင်း သိရသည်။

အရှေ့တောင်အာရှနိုင်ငံများထဲတွင် ဖွံ့ဖြိုး တိုးတက်မှု အားကောင်းသည့် စင်ကာပူနိုင်ငံသည် ၂၀၂၃ ခုနှစ်တွင် သုခဘုံငှက်ဥယျာဉ်အသစ်တစ်ခု ဖွင့်လှစ်သွားရန်   အဆင်သင့်ရှိနေပြီဖြစ်ကြောင်း သိရသည်။အဆိုပါ  အသစ်ဖွင့်လှစ်မည့် သုခဘုံငှက် ဥယျာဉ်ကို စင်ကာပူနိုင်ငံ မန်ဒိုင်း၌ ဖွင့်လှစ်သွား မည်ဟု သိရသည်။ အာရှတိုက်တွင် အကြီးဆုံးဖြစ် သည့် စင်ကာပူနိုင်ငံ၏  လူသိများ ထင်ရှားသော ငှက်ဥယျာဉ်တစ်ခုဖြစ်သည့် ဂျူရွန်ငှက်ဥယျာဉ်ကို ၂၀၂၂ ခုနှစ် ဇန်နဝါရီ လဆန်းပိုင်းတွင် ပိတ်သိမ်းခဲ့ ပြီးနောက် မန်ဒိုင်းတောရိုင်းတိရစ္ဆာန် ဘေးမဲ့တော ရှိ သုခဘုံဟု နာမည်ပေးထားသည့် ငှက်ဥယျာဉ် အသစ်တစ်ခုကို ၂၀၂၃ ခုနှစ်တွင်  ဖွင့်လှစ်ရန် စီစဉ်ထားပြီဖြစ်ကြော