ဇွန် ၂၈ ရက်က တမူးနယ်စပ်ကုန်သွယ်ရေးရုံးအစည်းအဝေးခန်းမမှာ ကျင်းပတဲ့ ကုန်သွယ်မှုမြှင့် တင်ရေးအစည်းအဝေးမှာ တမူးမြို့နယ် အုပ်ချုပ်ရေးမှူး ဦးခင်မောင်ဇော်က ၎င်းတို့အနေဖြင့် ကုန်သည် များအား ဌာနဆိုင်ရာများနဲ့ ပူးပေါင်းညှိနှိုင်း ဆက်စပ်ပေး ရန် တာဝန်ရှိကြောင်း၊ ကုန်သည်များအနေနဲ့ အခက်အခဲများရှိပါက တင်ပြပေးရန် နဲ့ ဖြေရှင်းပေးမည်ဖြစ်ကြောင်း၊

    ဧရာဝတီတိုင်းဒေသကြီး၊ မြောင်းမြခရိုင် မြောင်းမြမြို့နယ်အတွင်းရှိ စက်သုံးဆီ တင်သွင်းရောင်းချသူ လုပ်ငန်းရှင် များနဲ့ တွေ့ဆုံဆွေးနွေးပွဲကို ဇွန် ၃၀ ရက်က မြောင်းမြမြို့ မြရွှေဝါခန်းမမှာ ကျင်းပပြုလုပ်ခဲ့ပါတယ်။ အခမ်းအနားကို ဌာနဆိုင်ရာ တာဝန်ရှိသူ ၈ ဦး၊ စက်သုံးဆီလုပ်ငန်းရှင် ၃၃ ဦး တက်ရောက်ခဲ့ပြီး၊ မြို့နယ်အုပ်ချုပ် ရေးမှူး မှ ခရိုင်၊ မြို့နယ်များ မှာ ရေနံထွက်ပစ္စည်းများ တင်သွင်းသိုလှောင်သယ်ယူ ဖြန့်ဖြူး ရောင်းချခြင်းလုပ်ငန်းကော်မတီ  ဖွဲ့စည်းထားရှိမှုနဲ့ တရားမဝင် စက်သုံးဆီ အရောင်းဆိုင်များ ပပျောက်ရေး၊ တရားဝင်လိုင်စင်ရရှိရေး၊ အသင်းဖွဲ့ရခြင်း များကို ရှင်းလင်းခဲ့ပါတယ်။ မြို့နယ်အခွန်ဦးစီးမှဝင်ငွေခွန်နဲ့ ပတ်သက်၍ ရှင်းလင်းပြီး၊ မြန်မာ့ လယ်ယာထွက်ကုန် ပစ္စည်းရောင်းဝယ်ရေးခရိုင် မန်နေဂျာမှ အသင်းဖွဲ့ စည်း ရခြင်းရဲ့ ရည်ရွယ်ချက်၊ လုပ်ငန်းတာဝန်များကို ဆွေးနွေးခဲ့ပါတယ်။    ဆက်လက်ပြီး မြောင်းမြမြို့နယ် စက်သုံးဆီ တင်သွင်းရောင်းချဖြန့်ဖြူးရေး အသင်းခွဲ အလုပ်အမှုဆောင် ၉ ဦးနဲ့ တိုင်းအလုပ်အမှုဆောင် EC  (၁) ဦးအား ရွေးချယ်ဖွဲ့စည်းနိုင်ခဲ့ကြောင်း သိရပါတယ်။                          စိုးဝင်း

        ဧရာဝတီတိုင်းဒေသကြီး၊ ဖျာပုံခရိုင်၊ ဖျာပုံမြို့နယ်နဲ့ ဒေးဒရဲမြို့နယ်တို့မှာ ဇွန် ၃၀ ရက် မွန်းလွဲပိုင်းအချိန်မှာ မိမိတို့မြို့နယ်ရှိ အထွေထွေ အုပ်ချုပ်ရေးမှူးရုံး အစည်းအဝေးခန်းမမှာ မြန်မာနိုင်ငံစက်သုံးဆီတင်သွင်း၊ ရောင်းချဖြန့်ဖြူး ရေးအသင်းခွဲများအား တရားဝင်ဖွဲ့စည်းခဲ့ကြတယ်လို့ သတင်းရရှိပါတယ်။

         မြန်မာ့လယ်ယာထွက်ကုန်ပစ္စည်းရောင်းဝယ်ရေး  တိုင်းဒေသကြီး၊ ပြည်နယ်၊ မြို့နယ်မန်နေဂျာရုံးများမှာ ကုန်သွယ်မှုမြှင့်တင်ရေးသတင်း အချက်အလက်ဌာနခွဲရုံး (Trade Promotion & Information Service)  များဖွင့်လှစ်ပြီး ကုမ္ပဏီများ၊ ကုန်သည်အသင်းအဖွဲ့များနဲ့ စိုက်ပျိုးထုတ် လုပ်သူတောင်သူများအား ဈေးကွက်ဝင်သီးနှံများ စိုက်ပျိုးထုတ်လုပ်ရေး၊ ဈေးကွက်ရှာဖွေချိတ်ဆက်ပေးခြင်း နဲ့ ဒေသထွက်ကုန်စိုက်ပျိုးတဲ့ ကျေးရွာ များအရောက် ကူညီဆောင်ရွက်ပေးလျက် ရှိပါတယ်။