ကမ္ဘာဦးမှစပြီး ယနေ့ထက်တိုင်  လူသားတို့ အတွက် အသုံးဝင်  အကျိုးပြုလျက်ရှိတဲ့ သစ်ရဲ့ အကြောင်း သတင်းကောင်းများကို လေ့လာမိပါတယ်။ ယနေ့ခေတ်မှာ ကြေးနီ၊ သံ၊ သံမဏိစတဲ့ သတ္တုမျိုးစုံနဲ့ ပလတ်စတစ်၊ ဖိုင်ဘာ၊ မယ်လမင်း အစရှိတဲ့ လူသုံး အိမ်သုံးပစ္စည်းတွေကို ထုတ်လုပ်သုံးစွဲ နေကြသော် လည်း သစ်ကိုပစ်ပယ်ပြီး မရပါ။ ကမ္ဘာမြေကြီး တည် နေသရွေ့   အမြဲရရှိနိုင်မယ့် သဘာဝအရင်းအမြစ် တစ်ခုဖြစ်တဲ့ သစ်တွေနဲ့ ကြီးမားရှည်လျားတဲ့ ယက်မ ကြီးတွေအဖြစ်မှ အလွန်ပါးလွှာတဲ့ စက္ကူအထိ အသုံး ပြုနိုင်ပါတယ်။

ကိုလာအချိုရည်  ပုံမှန်သောက်သူ တွေရဲ့ကိုယ်တွင်းအင်္ဂါပတ်ဝန်းကျင်မှာ အဆီပမာဏ ၂၅ ရာခိုင်နှုန်းတိုးလာပြီး အသည်းနဲ့ကြွက်သားအနီးတစ်ဝိုက်တွင် စုပုံလာသော အဆီပမာဏမှာအချိုရည် မသောက်ခင် အခြေအနေထက် နှစ်ဆ တိုးလာကြောင်း ဒိန်းမတ်နိုင်ငံ ဟား ဗပ်စ်တက္ကသိုလ်   ဆေးရုံအခြေစိုက် သုတေသီအဖွဲ့ ကဆိုပါတယ်။

ဟင်္သာတခရိုင် လယ်ယာထွက်ကုန်ရုံးမှာ စက်တင်ဘာ လ ၂၈ ရက်က ဟင်္သာတခရိုင်အတွင်းရှိ ဟင်္သာတ၊ ဇလွန်၊ လေးမျက်နှာ၊ မြန်အောင်၊ ကြံခင်း၊ အင်္ဂပူမြို့နယ်များမှ ဆန် စက်ပိုင်ရှင်များ၊ ဆန်ပဲကုန်သည်များနဲ့ ကုန်စည်ဒိုင် အဖွဲ့ဝင် များ၊ မြို့နယ်တာဝန်ခံများ၊ စုစုပေါင်း ၂၀ ဦးသည် စပါး၊ ဆန်၊ ပဲအရည်အသွေး သတ်မှတ်ချက် (မူကြမ်း) ဆွေးနွေးပွဲကို တက်ရောက်ကြကြောင်း သိရပါတယ်။ အဆိုပါ ဆွေးနွေးပွဲမှာ ဟင်္သာတခရိုင် တာဝန်ခံမန်နေဂျာမှ ဆန်၊ ပဲအရည်အသွေး သတ်မှတ်ချက်(မူကြမ်း)ကို ချပြပြီး၊ တက်ရောက်လာသူ ဆန်စက်ပိုင်ရှင်များ၊ ဆန်၊ ပဲကုန်သည် နဲ့ ကုန်စည်ဒိုင်အဖွဲ့ဝင် များသည် မိမိဒေသမှ ထွက်ရှိတဲ့ စပါး၊ ဆန်၊ ပဲမျိုးစုံရဲ့ အရည် အသွေးသတ်မှတ်ချက်များအား အပြန်အလှန်ဆွေးနွေးကြ ကြောင်း သိရပါတယ်။အေးအေးခိုင် - ဟင်္သာတ

မြန်မာ၊ ထိုင်းနှစ်နိုင်ငံ ကုန်သွယ်မှုနှင့် ရင်းနှီးမြုပ်နှံမှု တိုးမြှင့်ဆောင်ရွက်နိုင်ရေး အတွက် ရှမ်းပြည်နယ် တောင်ကြီးမြို့ ရှိ ကုန်သည်လုပ်ငန်းရှင်များနဲ့ ထိုင်း နိုင်ငံ ချင်းမိုင်စီးပွားရေးလုပ်ငန်းရှင်များ တွေ့ဆုံဆွေးနွေးပွဲကို  စက်တင်ဘာ ၂၆ ရက်က ရှမ်းပြည်နယ် တောင်ကြီးမြို့ ဟုတ်ကြန့်ခန်းမမှာ တွေ့ဆုံဆွေးနွေးခဲ့ ကြောင်း သိရပါတယ်။