ကုန်သွယ်ရေးသတင်း

ဆန်
ဒီဇင်ဘာ ၁ ရက်မှ ၃၁ ရက်ထိ ကာလအတွင်း ပင်လယ် ရေကြောင်း ကုန်သွယ်မှုမှ အမေရိကန်ဒေါ်လာ ၅၅ဒသမ ၅၂၇ သန်းတန်ဖိုးရှိ  ဆန်တန်ချိန် ၉၈၈၀ဝ ကျော်တင်ပို့သည်။ ဆန် တင်ပို့မှုအနေဖြင့် အာရှနိုင်ငံများသို့ ၆၄၅၄၀ ကျော်၊ အီးယူအဖွဲ့ ဝင်နိုင်ငံများသို့ ၁၀၇၈၀ ကျော်၊ အာဖရိကနိုင်ငံများသို့ ၂၃၅၀ဝ နှင့်  အ ာရပ်စော်ဘွားများပြည်ထောင်စုသို့ ဆန်တန်ချိန် အနည်း ငယ်တင်ပို့သည်။ 

နေလကောင်းကင်ကုမ္ပဏီမှ      ကော့သောင်းခရိုင်အတွင်း ပုလုံးတုံးတုံးကျွန်းတွင် ၂၀၂၃-၂၀၂၄ ဘဏ္ဍာနှစ် ဧပြီလမှ စတင်၍ ဂျင်းခရု မျိုးပေါက်များ ၂၀ ကီလိုတစ် ခြင်းလျှင် ကျပ်  တစ်သိန်း (ယခု ကျပ် ငါးသိန်း) ကျပ်သိန်း ၉၀ဝ၀ ဖိုးခန့်အား ရေပြင်ပေ  ၇၀ဝ ပတ် လည်တွင် မွေးမြူထားရှိပြီး ဂျင်းခရုများအတွက် သီးသန့်တကူးတက အစာကျွေးမွေးရန်မလိုအပ်ဘဲ အစာကို သဘာဝအလျောက် ရှာဖွေ စားသောက်ကြောင်း သိရှိရပြီး ဆလက်ကလက်ကျွန်းတွင်လည်း ဂျင်းခရု ဧက ၁၅၀  ကျော် မွေးမြူထားကြောင်း စုံစမ်းသိရသည်။  

မြဝတီကုန်သွယ်ရေးဇုန်၏ ၂၀၂၃ ခုနှစ် ဒီဇင်ဘာ ၁၆ ရက်မှ ၂၂ ရက် ထိ လုပ်ငန်းဆောင်ရွက်မှုမှာ  ပို့ကုန်တန်ဖိုး အမေရိကန်ဒေါ်လာ၂ ဒသမ ၁၅၀ သန်း၊ သွင်းကုန်တန်ဖိုး အမေရိကန်ဒေါ်လာ ၁ ဒသမ ၈၃၅ သန်းဖြစ်၍ ကုန်သွယ်မှုပမာဏမှာ တန်ဖိုး အမေရိ ကန်ဒေါ်လာ ၃ ဒသမ ၉၈၅ သန်းဖြစ် သည်။
အနီးစပ်ဆုံးကာလ၏ လုပ်ငန်းဆောင်ရွက်မှုနှင့် နှိုင်းယှဉ်ပါက ပို့ကုန် ပိုင်းတွင် တန်ဖိုး အမေရိကန်ဒေါ်လာ ၁ ဒသမ ၅၁၀  သန်း၊ သွင်းကုန်ပိုင်းတွင် တန်ဖိုး အမေရိကန်ဒေါ်လာ သုည ဒသမ၃၄၄ သန်းပိုမိုခဲ့သောကြောင့် ကုန် သွယ်မှုပမာဏအနေဖြင့် တန်ဖိုး အမေရိကန်ဒေါ်လာ  ၁ဒသမ ၈၅၄ သန်း ပိုမိုခဲ့ကြောင်း သိရသည်။  

ဘင်္ဂလားဒေ့ရှ်နိုင်ငံတွင် ကြက်သွန်နီဈေးကွက်မှာ တစ် ကီလိုလျှင် တာကာ ၁၀ဝ ဝန်းကျင်ရှိရာမှ ပြီးခဲ့သည့် တစ်ပတ် အတွင်းမှစ၍ တစ်ကီလိုလျှင် တာကာ ၁၂၀ မှ ၁၈၀ အတွင်း (အရည်အသွေးပေါ်မူတည်၍) မြင့်တက်လာခဲ့သည်။ 
ဆက်လက်၍  အိန္ဒိယနိုင်ငံမှ ၂၀၂၃ ခုနှစ် ၊ အောက်တို ဘာလမှစတင်ပြီး ကြက်သွန်နီ တင်ပို့ရာတွင် ပို့ကုန်အခွန်ကို  ၄၀ ရာခိုင်နှုန်း ထိကောက်ခံခြင်းနှင့်  တစ်တန်လျှင် တင်ပို့ဈေး နှုန်းကို အနိမ့်ဆုံးဈေး အမေရိကန်ဒေါ်လာ ၈၀ဝ သတ်မှတ် သည့် ကန့်သတ်ချက်ထုတ်ပြန်သည့်  အချိန်နောက်ပိုင်းမှစတင် ၍ ဘင်္ဂလားဒေ့ရှ်နိုင်ငံအတွင်း ကြက်သွန်နီ တစ်ကီလိုလျှင် တာကာ ၂၂၀ အထိ မြင့်တက်လျက်ရှိနေသည်။   

ဓာတ်မြေသြဇာ
ဒီဇင်ဘာ ၁၆ ရက်မှ ၂၂ ရက်အထိ  ကာလအတွင်း ပင်လယ်ရေကြောင်း ကုန်သွယ်မှုမှ    အမေရိကန်ဒေါ်လာ၁၂ ဒသမ ၅၀၁  သန်းတန်ဖိုးရှိ ဓာတ်မြေသြဇာတန်ချိန် ၃၅၀ဝ၀ ကျော် တင်သွင်းခဲ့သည်။ တင်သွင်းမှုများအနေဖြင့် အိုမန် နိုင်ငံမှတန်ချိန် ၂၀ဝ၀ဝ ကျော်၊ တရုတ်ပြည်သူ့သမ္မတနိုင်ငံမှ တန်ချိန် ၁၀ဝ၀ဝ ခန့်၊  ဗီယက်နမ်နိုင်ငံမှ  တန်ချိန် ၃၂၀ဝ ကျော်၊ ဥဇဘက်ကစ္စတန်နိုင်ငံမှ တန်ချိန် ၁၅၀ဝ ကျော်၊ ဂျာမနီ နိုင်ငံမှ တန်ချိန် ၅၀ဝ ကျော် တင်သွင်းခဲ့သည်။ အနီးစပ်ဆုံး ကာလနှင့် နှိုင်းယှဉ်ပါက ပင်လယ်ရေကြောင်းမှ ဓာတ်မြေ သြဇာ တန်ချိန် ၂၀ဝ၀ ကျော် ပိုမိုတင်သွင်းခဲ့ကြောင်းသိရသည်။