Background
အလုပ်အကိုင်ဖန်းတီမှုတိုးမြှင့်ဖို့ လိုကြောင်းနဲ့ တောင်ကိုရီးယားဘဏ္ဍာ ရေးဝန်ကြီးက ဇွန် ၆ ရက်ကပြောကြား ပြီး စီးပွားရေးလုပ်ငန်းတွေမှာ အမျိုး သမီးတွေပိုမိုပါဝင်ဖို့ အားပေးခဲ့ပါတယ်။
မေလထဲမှာ စင်ကာပူဒေါ်လာရဲ့ တန်ဖိုးကျဆင်းမှုက အာရှဒေသရှိ ငွေ ကြေးတွေရဲ့အကြားမှာ စွမ်းဆောင်ရည် အဆိုးဝါးဆုံးငွေကြေးအဖြစ်ကို ရောက် ရှိစေခဲ့ပါတယ်။ အမေရိကန်ဒေါ်လာနဲ့ ဖလှယ်ရာမှာ ယခုအချိန်ထိ ၃ ဒသမ ၅ ရာခိုင်နှုန်း ကျဆင်းခဲ့ပါတယ်။
လယ်ယာ ထွက်ကုန်ပစ္စည်းတွေ ဈေးနှုန်းမြင့်တက်မှာကို ထိန်းချုပ်နိုင်ဖို့ အတွက် အစီအမံတွေကိုတောင်ကိုရီး ယားအစိုးရက မေ ၂၇ ရက်ကကြေညာ ခဲ့ပါတယ်။ ဒီအစီအမံတွေထဲမှာ ထုတ် လုပ်သူနဲ့စားသုံးသူတွေ အချင်းချင်း တိုက်ရိုက်ဆက်သွယ်မှုတွေပိုမိုတိုးချဲ့ ဆောင်ရွက်သွားမဲ့ အစီအမံတွေလည်း ပါဝင်ပါတယ်။
လယ်ယာထွက်ကုန်ထုတ်လုပ်မှုနဲ့ သယ်ယူပို့ဆောင်ရေးကဏ္ဍက လုပ်ငန်း အားလုံးအတွက်လျှပ်စစ်ဓါတ်အားခတွေ က ယခုဇွန် ၁ရက်မှစပြီးလျှော့ချပေးမယ် လို့ အမျိုးသားဖွံ့ဖြိုးရေးနဲ့ ပြန် လည်ပြု ပြင်ရေးကော်မရှင် ကကြေညာလိုက်ပါတယ်။
အာဆီယံဈေးကွက်ထဲကို ဝင်ဖို့ ထုတ်ကုန်တွေ ထုတ်လုပ်နိုင်ဖို့ အတွက် ထိုင်း လုပ်ဖေါ်ကိုင်ဖက်တွေနဲ့ လက်တွဲ ချင်တဲ့ ဂျပန်အသေးစားနဲ့ အလတ်စား စီးပွားရေးလုပ်ငန်းတွေရဲ့ အရေအတွက် အထူးသဖြင့် မော်တော်ကား အစိတ် အပိုင်း ထုတ်လုပ်ရေးအပိုင်းက အရေ အတွက် ပိုမို များလာပါတယ်။ ထိုင်းနိုင်ငံ က ဂျပန်ရင်းနှီးမြှုပ်နှံ သူတွေ အတွက် နှစ်သက်စရာ ဒေသဖြစ်လာရာ အဲဒီ အထဲ မှာ၂၀၁၆ခုနှစ်မှာအာဆီယံ စီးပွား ရေးအသိုက်အဝန်းပေါ် လာရင် ဖြစ်ပေါ် လာမဲ့အခွင့်အလမ်းကို ရယူလိုတဲ့ SME တွေတစ်စစပိုများလာကြောင်း VBM Asia (Thai) Co., ရဲ့ စီမံကိန်းဒါရိုက်တာ ဆန်ချိုင်းနွမ်းဘွန်နမ်က ပြောပါတယ်။ ဂျပန် SME တွေ အထူးသဖြင့်မော်တော် ကားအစိတ်အပိုင်း ထုတ်တဲ့ ကုမ္ပဏီတွေ ကဒီကုမ္ပဏီငယ်ကလေးတွေက ဂျပန်မှာ ရှိတဲ့ နစ်ဆန်း၊ တိုယိုတာနဲ့ ဟွန်ဒါတို့ကို မော်တော် ကား ထုတ်လုပ်ရေးလုပ်ငန်း တွေကို ပစ္စည်းပေးသွင်းနေတာ ဖြစ်တဲ့ အတွက် ဒီကုမ္ပဏီတွေနဲ့ အတူနည်း အတတ်ပညာနဲ့ဖေါက်သည်တွေပါတစ် ပါတည်း ပါလာမှာဖြစ်ပါတယ်။
သူတို့ ထိုင်းနိုင်ငံကိုရေရှည် စီးပွား ဖက်လိုသဘောထားပါတယ်လို့သူက ပြောပါတယ်။ ဒီလိုပူးပေါင်း ဆောင်ရွက် မှုကသူတို့စီးပွားဖက်တွေကတစ်ဆင့် ထိုင်း စီးပွားရေးလုပ်ငန်းတွေက အလို အလျှောက်စနစ်သို့မဟုတ်တစ်ဝက်တစ် ပျက်အလိုအလျှောက်စနစ်တွေကို လေ့လာခွင့်ရမှာဖြစ်တဲ့အတွက်ထုတ်လုပ်မှုကုန် ကျစရိတ်ကို လျှော့ချနိုင် မှာ ဖြစ်ပါတယ်။
ဂျပန်နိုင်ငံ နဲ့ ဥရောပသမဂ္ဂ (အီးယူ)တို့လွတ်လပ်စွာကုန်သွယ်မှုသဘော တူစာချုပ်ချုပ်ဆိုနိုင်ဖို့ အတွက် ဆွေးနွေးမှုများကို မတ် ၂၃ ရက်ကစတင်ခဲ့ ကြပါတယ်။ ဂျပန်နဲ့အီးယူမှပါဝင်တဲ့နယ်မြေက ကမ္ဘာ့စီးပွားရေးရဲ့ သုံးပုံတစ်ပုံ နီးပါး ပါဝင်တဲ့ဒေသလည်း ဖြစ်ပါတယ်။
စီးပွားရေးရှင်သန်ဖို့ အလူးအလဲ ရုန်းကန်နေရတဲ့ ဂျပန်အီလက်ထရွန် နစ်ကုမ္ပဏီကြီးပင်နာဆိုးနစ်က သူရဲ့ တယ်လီဗွီးရှင်းထုတ်လုပ်မှုကိုလျှော့ချပြီး ပလာစမာတီဗွီထုတ်လုပ်မှုလုပ်ငန်းကို ရပ်ဆိုင်းထားတော့မှာဖြစ်ကြောင်း မတ် ၁၈ ရက်ကထုတ်ဝေတဲ့သတင်းတစ်ခုမှာ ဖေါ်ပြထားပါတယ်။ ကုမ္ပဏီရဲ့ နှစ် လည်စီးပွားရေး စီမံချက်ကို မတ် ၂၈ ရက်မှာ ထုတ်ပြန်ဖို့ ရှိပါတယ်။ လာမဲ့ ဘဏ္ဍာနှစ် ဧပြီကစပြီး သုံးနှစ်တာကာ လအတွင်းတီလီဗွီးရှင်းထုတ်လုပ်တာကို သိသိသာသာလျှော့ချသွားဖို့ စီစဉ်ထား ကြောင်း စီးပွားရေးနေ့စဉ်သတင်းစာ နီကေးမှာဖေါ်ပြထားပါတယ်။ ဂျပန် နိုင်ငံအနောက်ပိုင်း အမာဂါဆာကီမှာ ရှိတဲ့ ပင်မစက်ရုံမှာ ပလာစမာတီဗွီထုတ် လုပ်တာကို ၂၀၁၄ ခုနှစ်လောက်မှာ ပင်နာဆိုးနစ်ကရပ်ဆိုင်းထားဖို့ ရည်ရွယ် ကြောင်းသတင်းမှာဖော်ပြထားပါတယ်။ အဲဒီစက်ရုံမှာရှိတဲ့ အဆောက်အအုံသုံး ခုထဲကကုန်ထုတ်လုပ်မှုယန္တရားတွေကို ၂၀၁၁ ခုနှစ်ဘဏ္ဍာရေးနှစ်ကတည်းက စာရင်းကနေပယ် ဖျက်ထားပြီးဖြစ်ပါတယ်။
ပြည်တွင်းငွေကြေးခိုင်မာမှုက ကုန် ကျ စရိတ်ကို သက်သာစေတဲ့အတွက် တောင်ကိုရီးယားမှာရှိတဲ့ ပြည်တွင်းဈေး ကွက် အခြေပြုကုမ္ပဏီတွေရဲ့ အကျိုး အမြတ် ဖြစ်ထွန်းနှုန်းက လက်ရှိအချိန် မှာ ပို့ကုန်လုပ်ငန်းရှင်တွေရဲ့ အကျိုး အမြတ်ကို ကျော်လွန်နေတာကို မတ် ၄ ရက်က ထုတ်ပြန်တဲ့ စာရင်းများအရ တွေ့ရကြောင်း ယွန်းဟပ်သတင်းစဉ် မှာ ဖော်ပြထားပါတယ်။ပြည်တွင်းအခြေပြု ကုမ္ပဏီကြီး ၂၅ ခုရဲ့အသားတင် အမြတ် စုစုပေါင်းက ၂၀၁၂ ခုနှစ် စတုတ္ထ သုံးလပတ်မှာ ဝမ် ၁ ဒသမ ၈၁ ထရီ လီယံ (ဒေါ်လာ ၁ ဒသမ ၆၇ ဘီလီယံ) ရှိခဲ့ပါတယ်။ ၂၀၁၁ ခုနှစ် အလားတူ ကာလကရှိခဲ့တဲ့ ဝမ် ၈၈၈ ဒသမ ၅ ဘီလီယံထက် ၁၀၄ ဒသမ ၃ ရာခိုင် နှုန်းမြင့်တက်ခဲ့တာဖြစ်ကြောင်း ပြည် တွင်းမှ ဘဏ္ဍာရေးအချက်အလက်ပြန် ကြားရေးအေဂျင်စီ FnGuide ကုမ္ပဏီ ရဲ့ ထုတ်ပြန်ချက်အရ သိရပါတယ်။
လွန်ခဲ့တဲ့ ၁၀ နှစ်အတွင်းတွေ့ကြုံ ခဲ့ရတဲ့လုပ်ငန်းများကိုအခြေခံပြီး တရုတ် ဝန်ကြီးချုပ်အဖြစ် နောက်ဆုံးတင်သွင်း တဲ့ လုပ်ငန်းအစီရင်ခံစာမှာ ဝမ်ကျား ပေါင်က ပြည်တွင်း ဝယ်လိုအားက အဓိ က ကျတဲ့နေရာမှာရှိပြီး အလားအလာ ကောင်းတွေ တည်ရှိတဲ့ နေရာလည်း ဖြစ်ပါကြောင်း(၁၂) ကြိမ်မြောက် အမျိုး သား ပြည်သူ့ကွန်ဂရက် (NPC) ကို တက်ရောက်လာတဲ့ အမျိုးသား ညီလာခံကိုယ်စားလှယ် ၃၀၀၀ ကို သူက ပြောပါတယ်။
အကြီးစား အော်ဂဲနစ် အလင်း ထုတ်လွှတ်မှုဒိုင်အုပ် (OLED) တယ်လီ ဗီးရှင်းမော်နီတာများကို ထုတ်လုပ်မဲ့ စက်ရုံအတွက် ဝမ် ၇၀၆ ဒသမ ၃ ဘီ လီယံ(ဒေါ်လာ ၆၅၅ သန်း) ကိုရင်းနှီး မြှုပ်နှံမှာဖြစ်ကြောင်း အယ်လ်ဂျီကုမ္ပဏီ ကဖေဖော်ဝါရီ ၁၈ ရက်ကပြောပါ တယ်။ အသစ် တည်ဆောက်မဲ့ တပ် ဆင်ရေး စက်ရုံကို M2 လို့ အမည်ပေး ထားပြီး ဂီယောင်ဂျီးပြည်နယ် ပါဂျူးမှာ တည်ရှိပါတယ်။ လစဉ် ထုတ်လုပ်မှု အင်အားက ယူနစ် ၂၆၀၀၀ ရှိပါတယ်။ လာမဲ့နှစ်အနည်းငယ်အတွင်းမှာ OLED ဈေးကွက်ကို လွှမ်းမိုးထားနိုင်ဖို့ အတွက်ဆောင်ရွက်နေတဲ့စီမံကိန်းတွေ ရဲ့အစိတ်အပိုင်းတစ်ရပ်အဖြစ် လာမဲ့ နှစ်ပထမနှစ်ဝက်မှာ အစုလိုက် အပြုံ လိုက်ပုံအောထုတ်လုပ် ဖို့ရည်ရွယ် ထား ကြောင်း LD Display ကပြောပါတယ်။