Background
၁၂ ဦးပါ ထိုင်းကိုယ်စားလှယ်အဖွဲ့ဟာ စက်တင်ဘာလနောက်ဆုံးပတ်မှာ မြန်မာနဲ့အိန္ဒိယနယ်စပ်ရှိ မိုရေးမြို့သို့ သွားရောက် ခဲ့ပါတယ်။ အိန္ဒိယနဲ့ထိုင်းနှစ်နိုင်ငံအကြား မြန်မာနိုင်ငံမှတစ်ဆင့် ကုန်သွယ်မှုလုပ်ဆောင်ရန် အသင့်တော်ဆုံးလို့ ခံယူလျက်ရှိကြ ပါတယ်။
ထိုင်းကိုယ်စားလှယ်အဖွဲ့ကို ထိုင်းအပြည်ပြည်ဆိုင်ရာကုန်သွယ်မှုဌာနမှ ဒါရိုက်တာ Net Priuya Kate Choom Khyion ကခေါင်းဆောင်ပြီး စီးပွားရေးလုပ်ငန်းရှင်များနဲ့ ကျွမ်းကျင်ပညာရှင်များ အဖွဲ့ဝင်အဖြစ် လိုက်ပါလာခဲ့ကြပါတယ်။ ထိုင်း ကိုယ်စားလှယ်အဖွဲ့ဟာ အင်ဖာမှာတစ်ပတ်ကြာနေထိုင်ခဲ့ကြပြီး မိုရေးနဲ့ကုန်သွယ်မှု အလားအလာများနဲ့စပ်လျဉ်းပြီး လေ့လာခဲ့ ကြပါတယ်။ မိုရေးနဲ့တမူးမြို့များကိုသွားရောက်ခဲ့ပြီး လက်ရှိနယ် စပ် ဖြတ်ကျော်ကုန်သွယ်မှုအခြေအနေများကိုလည်း လေ့လာခဲ့ ကြပါတယ်။ မိုရေးကို စံနမူနာပြမြို့ အဖြစ်လက်ခံကြပြီးနောက် ထိုင်းထုတ်ကုန်များမိုရေးသို့ပို့ရန် သဘောတူညီခဲ့ကြတယ်လို့ သိရပါတယ်။ ထိုင်းကိုယ်စားလှယ်အဖွဲ့ဟာ မိုရေးကုန်သွယ်ရေးနဲ့ စက်မှုဝန်ကြီး K-Govindas နဲ့တွေ့ဆုံပြီး မိုရေးဒေသထွက် လက်ရက်ထည်များကို ထိုင်းဈေးကွက်မှာနေရာရရှိနိုင်စေမယ်လို့ အခိုင်အမာပြောကြားခဲ့ကြပါတယ်။ ကလေးဝ-မုံရွာလမ်းပန်းဆက်သွယ်ရေးကောင်းမွန်မှုရှိခဲ့လျှင် အိန္ဒိယ-ထိုင်းကုန်သွယ်ရေးအတွက် အသာစီးရရှိစေမယ်လို့ နှစ်ဖက်စလုံးက ကောက်ချက်ချခဲ့ကြပါတယ်။ အိန္ဒိယကုန်သွယ်ရေးနဲ့စက်မှုဝန်ကြီး K-Govindas က ကလေးဝ-မုံရွာအဝေးပြေး လမ်းမပိုင်း ဖွံ့ဖြိုးရေးအတွက် အိန္ဒိယအစိုးရမှပြုပြင်ပေးနေပြီဖြစ်ကြောင်း ထိုင်းကိုယ်စားလှယ်အဖွဲ့ကို အသိပေးပြောကြားခဲ့ပါ တယ်။ အိန္ဒိယကုန်သွယ်ရေးနဲ့စက်မှုအတွင်းရေးမှူးချုပ် O Nabakishore ဟာ ထိုင်းကိုယ်စားလှယ်အဖွဲ့နဲ့တွေ့ဆုံပြီး အိန္ဒိယနဲ့ထိုင်း နှစ်နိုင်ငံအကြား ကုန်သွယ်မှု ကို မြန်မာ နိုင်ငံကတစ်ဆင့်ဖြတ်သန်း ဆောင်ရွက်ရေး တွေ့ဆုံဆွေးနွေးခဲ့ကြပါတယ်။ ပြည်နယ် အစိုးရ အနေနဲ့ မိုရေးအား စံပြမြို့အဖြစ် ဖွံ့ဖြိုးတိုးတက်စေရေး လုပ်ဆောင်သွားရန် ဆုံးဖြတ်ခဲ့ကြပါတယ်။ှSource:The Sangai Express ,CMK
စင်ကာပူနိုင်ငံ လယ်ယာထွက်ကုန် စားသောက်ကုန်နဲ့ တိရစ္ဆာန်ရောဂါကာကွယ်ရေးအာဏာပိုင်အဖွဲ့(AVA) အမှုဆောင်အရာရှိ ဦးဆောင်တဲ့ သစ်သီးဝလံ၊ ဟင်းသီး ဟင်းရွက်နဲ့ ရေထွက်ကုန်များဝယ်ယူလိုတဲ့အဖွဲ့ဝင် ၄၆ ဦးဟာ အောက်တိုဘာလ ၈ ရက်မှ ၁၂ ရက်အတွင်း မြန်မာနိုင်ငံသို့ လာရောက်ပြီး၊ မြန်မာနိုင်ငံ ဟင်းသီးဟင်းရွက်နဲ့ သစ်သီးဝလံ၊ ပန်းမန်စိုက်ပျိုးထုတ်လုပ်သူများနဲ့ တွေ့ဆုံခဲ့ကြောင်း သိရပါတယ်။
မုံရွာမြို့နယ်၊ ကျေးလက်ဒေသဖွံ့ဖြိုးရေးနဲ့ဆင်းရဲမှုလျှော့ချရေးလုပ်ငန်းရဲ့ ကော်မတီတစ်ခုဖြစ်တဲ့ အသေးစား ကုန်ထုတ်လုပ်ငန်းများ ဖွံ့ဖြိုးတိုးတက်ရေး အတွက် မုံရွာမြို့နယ် ကျေးရွာအုပ်စု ၈ ခုရှိ အသေးစား ကုန်ထုတ် လုပ်ငန်းများ ဖြစ်ကြတဲ့ ယွန်းလုပ်ငန်း၊ ဝါးဖောင်လုပ်ငန်း၊ ကြေးပုတီး၊ ရက်ကန်း၊ ဂွမ်းစောင်ချုပ်၊ ခမောက်၊ တောင်း၊ တံမြက်စည်း၊ မုန့်မျိုးစုံ၊ ယိုစုံ၊ ထွန်၊ သံ၊ ပန်းပဲ၊ အမှုန့်ကြိတ်စက်၊ ဆိုင်ကယ်၊ဝပ်ရှော့စတဲ့လုပ်ငန်းဆောင်ရွက်သူကျေး လက်နေပြည်သူတို့အား စစ်ကိုင်း တိုင်းဒေသကြီးအစိုးရဇေယျာပဒေသာဖောင်ဒေးရှင်းမှ ၂၀၁၁-၁၂ ဘဏ္ဍာနှစ်က စပြီး ပံ့ပိုးချေးငွေများ ထုတ်ပေးခဲ့ပါတယ်။
ကချင်ပြည်နယ် ပြည်တွင်းကုန် သွယ်မှု လုပ်ငန်းများ ဖွံ့ဖြိုးတိုးတက်ဖို့ မြစ်ကြီးနားမြို့နယ်မှာ ကုန်စည်ဒိုင် ဖွင့် လှစ်နိုင်ရေး ၂၀၁၂ ခုနှစ်၊ အောက်တို ဘာလ ၁၃ ရက်က မြန်မာ့လယ်ယာ ထွက်ကုန်ပစ္စည်းရောင်းဝယ်ရေး၊ ပြည် နယ်ရုံးမှာ အကြိုညှိနှိုင်းအစည်းအဝေး ကျင်းပခဲ့ပါတယ်။
အိန္ဒိယနိုင်ငံ Indo Myanmar Chamber of Commerce and Industry မှ Mr. G.L ဂိုအင်ကာ ဦးဆောင်တဲ့ စီးပွားရေးလုပ်ငန်းရှင် ၁၃ ဦးပါ ကိုယ်စား လှယ်အဖွဲ့ဟာ အောက်တိုဘာ ၂၉ ရက် တနင်္လာနေ့ ၁၄း၀၀ အချိန်မှာ မြန်မာနိုင်ငံ မှ စီးပွားရေးလုပ်ငန်းရှင်များနဲ့ "Buyer - Seller Meet " တွေ့ဆုံပွဲတစ်ရပ်ကို ရန်ကုန်တိုင်းဒေသကြီး မင်းရဲကျော်စွာလမ်းရှိ RUMFCCI ပထမထပ်အစည်းအဝေး ခန်းမမှာ ကျင်းပသွားမယ်လို့ သတင်းရရှိပါတယ်။
ပြည်ထောင်စုသမ္မတမြန်မာနိုင်ငံ၊ နိုင်ငံတော်သမ္မတရုံး ပြည်ထောင်စုဝန်ကြီး ဦးတင်နိုင်သိန်းရဲ့ လမ်းညွှန်မှုအရ ရှမ်းပြည် နယ်အစိုးရက ကြီးမှူးဖွင့်လှစ်သော ပြည်တွင်းပြည်ပရင်းနှီးမြှုပ်နှံမှုဆိုင်ရာ အခြေခံလုပ်ငန်းသင်တန်းဖွင့်ပွဲ အခမ်းအနားကို ၂၀၁၂ ခုနှစ် အောက်တိုဘာလ ၁၈ ရက်က တောင်ကြီးမြို့နယ်၊ အထွေထွေအုပ်ချုပ်ရေးဦးစီးဌာန အစည်းအဝေးခန်းမမှာ ကျင်းပပြုလုပ်ခဲ့ကြောင်း သိရပါတယ်။
ဗီယက်နမ်နိုင်ငံ ဖူရင်န်ပြည်နယ် (Phu Yen Province) မှ စီးပွားရေးလုပ်ငန်းရှင်များနဲ့ မြန်မာစီးပွားရေး လုပ်ငန်း ရှင်များတွေ့ဆုံပွဲကို အောက်တိုဘာလ ၁၈ ရက်နေ့ ၁၅း၀၀ နာရီမှာ ရန်ကုန်တိုင်းဒေသကြီး မင်းရဲကျော်စွာလမ်းရှိ RUMFCCI ဒုတိယထပ်အစည်းအဝေးခန်းမမှာ ကျင်းပခဲ့ တယ်လို့ သတင်းရရှိပါတယ်။ ဗီယက်နမ်စီးပွားရေးကိုယ်စားလှယ်အဖွဲ့ကို ဖူရင်န်ပြည် နယ် ပြည်သူ့ကော်မတီဒုတိယဥက္ကဌ Mr. Nguyen Ngoe An မှ ဦးဆောင်ပြီး အဖွဲ့ဝင် ၁၃ ဦး လိုက်ပါလာတာဖြစ်ပါ တယ်။ မြန်မာစီးပွားရေး လုပ်ငန်းရှင်များဘက်မှလည်း ၁၃ ဦးခန့် တက်ရောက်ခဲ့ကြပါတယ်။
ပဲခူးတိုင်းဒေသကြီး သာယာဝတီခရိုင်မှာ မိုးစပါးစိုက် ဧက ၆ ဒသမ ၆ သိန်းကျော်ရှိရာ ကောက်စောစပါးများ စတင်ရိတ်သိမ်းစပြုပြီဖြစ်လို့ ရိတ်သိမ်းပြီးစပါးများ ချက်ချင်း ခြွေလှေ့ခြင်းရဲ့ အားသာချက်များကို တောင်သူများ ကြိုတင် သိရှိနိုင်ဖို့ ကျယ်ကျယ်ပြန့်ပြန့် ပညာပေးဆွေးနွေးမှုများကို သက်ဆိုင်ရာမြို့နယ် ရှိ မြန်မာ့လယ်ယာထွက်ကုန်ပစ္စည်း ရောင်းဝယ်ရေးဝန်ထမ်းများက သာယာဝတီမြို့နယ် ဂုံမင် မြောင်ရွာ၊ သစ်တောရိုးရွာ၊ လက်ပံတန်းမြို့နယ် မကျီးကင်းရွာ၊ သိုက်ဝါးချောင်းရွာ၊ ကညင်တကိုင်ရွာ၊ မင်းလှမြို့နယ်ကိုင်းပြင် ကြီးရွာ၊ ထန်းပင်ကုန်းရွာ၊ ဝက်လှကြီးရွာ၊ အုတ်ဖိုမြို့နယ် မတောင့်တရွာ၊ သရက်ပင်ဆိပ်ရွာနဲ့ ကြို့ပင်ကောက်မြို့နယ် လက်ပံပင်စုရွာ၊ မကျီးကုန်းရွာတို့ရှိ တောင်သူများနဲ့ အောက်တို ဘာလ ဒုတိတပတ်အတွင်း မှာ တွေ့ဆုံပညာပေး ဆွေးနွေး မှုများ ပြုခဲ့ကြပါတယ်။
မလေးရှား-မြန်မာ စီးပွားရေးလုပ်ငန်းရှင်များတွေ့ဆုံပွဲကို အောက်တိုဘာလ ၁၉ ရက် နံနက် ၁၀နာရီခွဲမှာ ရန်ကုန်တိုင်းဒေသကြီး၊ မင်းရဲကျော်စွာလမ်းရှိ RUMFCCI ပထမထပ် အစည်းအဝေး ခန်းမမှာ ကျင်းပခဲ့ ပါတယ်။ဖွင့်ပွဲအခမ်းအနားမှာ ပြည်ထောင်စုသမ္မတမြန်မာနိုင်ငံကုန်သည်များနှင့် စက်မှုလက်မှုလုပ်ငန်းရှင်များအသင်း ချုပ် ဒုတိယဥက္ကဌ ဦးဇော်မင်းဝင်းနဲ့ မလေးရှားကုန်ထုတ်လုပ်သူ များအသင်းဥက္ကဋ္ဌ မလေးရှားကိုယ်စားလှယ်အဖွဲ့ ခေါင်းဆောင် Tan Sri Dato' Soong Slew Hoong တို့မှ အဖွင့်အမှာစကားများ အသီးသီးပြောကြားခဲ့ကြပါတယ်။ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်မှ ဦးအောင်ခင်မြင့်က Trade & Investment Environment in Myanmar ခေါင်းစဉ်နဲ့ Power Point Presentation ဖြင့် ဆွေးနွေးရှင်းလင်းခဲ့တယ်လို့ သိရပါတယ်။
ပင်လယ်ရေကြောင်းမှ မြန်မာ့ငါးသလောက်တင်ပို့မှုအနေဖြင့် ၂၀၁၁-၂၀၁၂ ဘဏ္ဍာနှစ်တွင် တန်ချိန် တစ်သောင်းလေးထောင်ကျော်၊ တန်ဖိုး အမေရိကန်ဒေါ်လာ ၅၃ သန်းကျော်၊ ၂၀၁၂-၂၀၁၃ဘဏ္ဍာနှစ် (စက် တင် ဘာလအထိ) တွင်တန်ချိန်လေးထောင် ကျော်၊ တန်ဖိုးအမေရိကန်ဒေါ်လာ ၁၆ သန်းကျော် အသီးသီးတင်ပို့ နိုင်ခဲ့ကြောင်းသိရှိရပါတယ်။ အဓိကဈေးကွက်နိုင်ငံများကတော့ တရုတ်၊ ဘင်္ဂလားဒေ့ရှ်၊ မလေးရှားနဲ့ စင်ကာပူ နိုင်ငံတို့ဖြစ်ကြောင်းနဲ့ အိန္ဒိယနိုင်ငံကိုတော့ ၂၀၀၉-၂၀၁၀ မှာ တန်ချိန် တစ်ရာ့ခုနစ်ဆယ်ကျော်နဲ့ ၂၀၁၁-၂၀၁၂ ဘဏ္ဍာနှစ်မှာ တန်ချိန် ငါးဆယ်ကျော်သာ တင်ပို့ထားတာကို တွေ့ရှိရ ပါတယ်။ ယခုလက်ရှိအချိန်တွင် လည်း မြန်မာ့ငါးသလောက် အဓိကဈေးကွက် နိုင်ငံဖြစ်သည့် တရုတ်နိုင်ငံမှလည်း ဈေးနှုန်းအား သုံးပုံတစ်ပုံခန့် လျော့နည်းပေးနေသည့် အခြေအနေနှင့် ရင်ဆိုင် နေရကြောင်း ငါးသလောက် တင်ပို့နေ သည့် လုပ်ငန်းရှင်များ ထံမှ စုံစမ်းသိရှိရပါတယ်။