ဘဏ်ဖြစ်ပေါ်လာပုံအိန္ဒိယနိုင်ငံ ပို့ကုန်သွင်းကုန်ဘဏ် (Export -Import Bank of India) သည် နိုင်ငံ၏ ပို့ကုန်ကိုငွေကြေးဖြည့်ဆည်း ထောက်ကူ ပေးလျက်ရှိသော ပထမတန်းအဖွဲ့အစည်းဖြစ်ပါသည်။ အိန္ဒိယပို့ကုန် သွင်းကုန်ဘဏ်ကို "၁၉၈၁ ခုနှစ် အိန္ဒိယနိုင်ငံ ပို့ကုန်သွင်းကုန်ဘဏ် အက်ဥပဒေ"(Export-Import Bank of India Act 1981) အရ ၁၉၈၂ ခုနှစ်တွင် စတင်တည်ထောင်ခဲ့သည်။  အိန္ဒိယအစိုးရသည် အိန္ဒိယမှတင်ပို့သော ပို့ကုန်များကို မြှင့်တင်ရန်သာမက အထွေထွေ စီးပွားရေးတိုးတက်မှုနှင့်အတူ နိုင်ငံ၏ ပြည်ပကုန်သွယ်မှုနှင့် ရင်းနှီး မြှုပ်နှံမှုတို့ကိုလည်း တိုးမြှင့်ရန်အတွက် ပို့ကုန် သွင်းကုန်ဘဏ်ကို စတင်တည်ထောင်ခဲ့ခြင်းဖြစ်ပါသည်။အိန္ဒိယပို့ကုန်သွင်းကုန်ဘဏ် (Exim Bank of India) သည် နိုင်ငံဖြတ်ကျော်ကုန်သွယ်မှုနှင့် ရင်းနှီးမြှုပ်နှံမှုကို မြှင့်တင်ရာတွင် တွန်းအားတစ်ရပ်ဖြစ်သည့်အပြင် သော့ချက်ကျသော အဖွဲ့အစည်း တစ်ခုလည်းဖြစ်သည်။ ကမ္ဘာပေါ်တွင်ရှိသော အခြားပို့ကုန်ချေးငွေ အေဂျင်စီများ (Export Credit Agencies) ကဲ့သို့ပင် ပို့ကုန်ချေးငွေ ထုတ်ချေးသူအဖြစ် စတင်ဆောင်ရွက်ခဲ့သော အိန္ဒိယပို့ကုန်သွင်းကုန် ဘဏ်သည် ကာလရှည်ကြာလာသည်နှင့်အမျှ ဖွံ့ဖြိုးတိုးတက်လာခဲ့ သည်။ တစ်နည်းအားဖြင့် အိန္ဒိယနိုင်ငံရှိ စီးပွားရေးလုပ်ငန်းများ ရှင် သန်တိုးတက်ရေးအတွက် အဓိကအခန်းကဏ္ဍမှ ပါဝင်ဆောင်ရွက် သော အဖွဲ့အစည်းဖြစ်လာခဲ့ပါသည်။ အထူးသဖြင့် အသေးစားနှင့် အလတ်စားစီးပွားရေးလုပ်ငန်းများ (Small and Medium Enter- prises-SMEs)ရှင်သန်ကြီးထွားရေးကို ပံ့ပိုးကူညီနိုင်ခဲ့သည်။ ထိုကဲ့သို့ပံ့ပိုးကူညီရာတွင် စီးပွားရေးလုပ်ငန်း၏ အဆင့်တိုင်းတွင်ရှိ သော ထုတ်ကုန်နှင့် ဝန်ဆောင်မှုအမျိုးမျိုးကို ပံ့ပိုးကူညီခဲ့ပါသည်။ တစ်နည်းအားဖြင့် နည်းပညာတင်သွင်းခြင်းနှင့် ပို့ကုန်အမျိုးအမယ် များပြားရေးမှသည် ပို့ကုန်ထုတ်လုပ်ခြင်း (Export production)  ၊ ပို့ကုန်ဈေးကွက်ဖော်ဆောင်ခြင်း (Export marketing)၊ သင်္ဘော မတင်မီနှင့် သင်္ဘောတင်ပြီးနောက်ပိုင်း ရင်းနှီးမြှုပ်နှံခြင်းနှင့် ပြည်ပ ရင်းနှီးမြှုပ်နှံမှုတို့အထိ ပံ့ပိုးကူညီခဲ့ပါသည်။

စားသုံးသူအကာအကွယ်ပေးရေးနဲ့ တရားမဝင်ကုန်စည်စီးဆင်းမှုကို တားဆီးနိုင်ရန်အတွက် မြဝတီ-ရန်ကုန် ကုန်သွယ်မှုလမ်းကြောင်းပေါ်မှာ လှုပ်ရှားစစ်ဆေးရေးအဖွဲ့ (၂) ဖွဲ့ကို တာဝန်ချထားဆောင်ရွက်လျက်ရှိရာမှာ အများဆုံးစစ်ဆေးတွေ့ရှိနေရတာတွေကတော့ လိုင်စင်မဲ့သယ်ဆောင်လာသောပစ္စည်းများ (ဥပမာ-သကြားလုံး၊ ချည်ထည်၊ ပေါ်လီယက်စတာ၊ မျက်နှာသုတ်ပုဝါ၊ ဟင်းချိုမှုန့်၊ မုန့်မျိုးစုံ၊ အလှကုန်) လိုင်စင်အလွဲ (ဂျူတီ သက်သာ သောပစ္စည်းအမယ်နဲ့ ဂျူတီမြင့်တန်ဖိုးကြီးပစ္စည်းများ လွှဲပြောင်းတင်ဆောင်လာမှု၊ ဆီးသီးလိုင်စင်နဲ့ ဒူးရင်းသီး တင်သွင်းလာခြင်းမျိုး၊ model, country origin အလွဲအမှားများ) လိုင်စင်ပါ အရေအတွက်ထက် ပိုမိုတင်ဆောင် လာခြင်း၊ ကန့်သတ်ကုန်များ (အရက်၊ ဘီယာ၊ ဝိုင်၊ ပီကေ၊ ကိတ်မုန့်) များပဲဖြစ်ပါတယ်။

ပဲခူးတိုင်းဒေသကြီး၊ ပြည်မြို့မှာ လယ်ယာကဏ္ဍဖွံ့ဖြိုးတိုးတက် ရေးအတွက် ပိုးသတ်ဆေး ဥပဒေ၊ မြေသြဇာ ဥပဒေတို့နဲ့အညီ သိရှိ လိုက်နာသင့်တဲ့ အချက်အလက်များ ရှင်းလင်းဆွေးနွေးပွဲ အခမ်း အနားကို ၂၀၁၃ ခုနှစ် ဇန်နဝါရီ ၈ ရက် နံနက်ပိုင်းမှာ သီရိခေတ္တရာ ရတနာမြို့တော်ခန်းမမှာ ကျင်းပပြုလုပ်ခဲ့ရာ လွှတ်တော် ကိုယ်စား လှယ်များ၊ တိုင်းအဆင့်၊ ခရိုင်အဆင့် ဌာနဆိုင်ရာအကြီးအကဲများ၊ မြို့နယ်အုပ်ချုပ်ရေးမှူးနဲ့ စိုက်ပျိုးရေး ဆေးကုမ္ပဏီများမှ တာဝန်ရှိ သူများ၊ ဆန်စပါး၊ ပဲအထူးပြုကုမ္ပဏီများမှ တာဝန်ရှိသူများ၊ စီးပွား ရေးလုပ်ငန်း ရှင်များ၊ ပြည်ခရိုင်အတွင်းမှ တောင်သူကိုယ်စားလှယ် များ၊ မြန်မာ့စိုက်ပျိုးရေးမှ ဝန်ထမ်းများနဲ့ လယ်ယာထွက်ကုန်မှ TPIS ဝန်ထမ်းများ တက်ရောက်ခဲ့ကြောင်း သိရပါတယ်။

ဖျာပုံခရိုင်မှာ နိုဝင်ဘာလနောက်ဆုံး အပတ်က အချိန်အခါမဟုတ် မိုးရွာ သွန်းမှုကြောင့် ရိတ်သိမ်းပြီး၊ ရိတ်သိမ်း ဆဲစပါးများ ထိခိုက်မှုအပေါ် မြန်မာ နိုင်ငံ တောင်သူလယ်သမားအသင်းနဲ့ MAPCO တို့ပူးပေါင်းပြီး ဒေးဒရဲမြို့ နယ်အတွက် ကျေးရွာ ၁၃ အုပ်စုမှ လယ်သမားခေါင်းဆောင် ၁၃ ဦးရွေး ချယ်ပြီး ေ>ခလှေ့စက် ၃ လုံး၊ ကျပ်သိန်း ၃၀ ဖိုးနဲ့ အမိုးအကာဖျင်လိတ် ၁၀၀၊ ကျပ်သိန်း ၇၀၊ စုစုပေါင်း ကျပ်သိန်း ၁၀၀ ဖိုးခန့်ပံ့ပိုးခဲ့ကြောင်း သိရပါတယ်။ ထိုငွေများအား ၂၀၁၃ ခုနှစ်၊ နိုဝင်ဘာ လကုန်မှာ ဘဏ်တိုး ၁၀ ရာခိုင်နှုန်းနဲ့ အပြည့်အ၀ အကြေပြန် လည်ပေးဆပ်ဖို့ ရွေးချယ်ထားတဲ့ ခေါင်းဆောင် ၁၃ ဦး နဲ့ သဘောတူစာချုပ် ချုပ်ဆိုခဲ့ကြတယ် လို့ သိရပါတယ်။