လယ်ယာထွက်ကုန်ပစ္စည်းသတင်း

ပခုက္ကူခရိုင်  ကြက်သွန်နီ စိုက်ပျိုးရာဒေသများဖြစ်သော ပေါက်၊ ဆိပ်ဖြူ၊ ရေစကြို၊ ကမ္မ၊ ရေပြာနယ်များတွင် ဆောင်းစိုက်(ပင်စိုက်) ကြက်သွန်နီများနှင့် မိုးစိုက်(ဥစိုက်) ကြက်သွန်နီများ စိုက်ပျိုးထုတ် လုပ်လျက်ရှိသည်။ ယခုအချိန်တွင် ဆောင်းစိုက် (ပင်စိုက်) ကြက် သွန်နီမှာ လက်ကျန် နည်းနေပြီး မိုးစိုက်(ဥစိုက်)များ စတင်စိုက်ပျိုး လျက်ရှိသည်။ ပခုက္ကူကြက်သွန်နီ ကုန်စည်ဒိုင်သို့ ပခုက္ကူမြို့နယ် သာမက အခြားမြို့နယ်များဖြစ်သော စစ်ကိုင်းတိုင်းဒေသကြီးအတွင်း ရှိ   ပုလဲ၊  မန္တလေးတိုင်းဒေသကြီးအတွင်းရှိ တောင်သာနယ်ထွက် ကြက်သွန်နီများလည်း  ဝင်ရောက် အရောင်းအဝယ်ဖြစ်လျက်ရှိ သည်။ 

ပြည်ခရိုင်အနေဖြင့် စက်တင်ဘာလ နောက်ဆုံးပတ် တွင် ဧည့်မထဆန် ၂၄ ပြည် တစ်အိတ်လျှင် ကျပ် ၇၅၀ဝ၀ ဈေးရှိပြီး တစ်ပြည်လျှင် ကျပ် ၃၀ဝ၀ နှုန်းဖြင့် ဆန်ဆိုင်နှင့် ဆန်ပွဲရုံများတွင် နေ့စဉ်ရောင်းချပေးလျက်ရှိသည်။ ဆီဈေး နှုန်းအနေဖြင့် ပဲဆီတစ်ပိဿာလျှင် ကျပ် ၁၆၀ဝ၀ ၊ နှမ်းဆီ တစ်ပိဿာလျှင် ကျပ် ၁၆၅၀ဝ နှင့် စားအုန်းဆီ ဈေးနှုန်းမှာ တစ်ပိဿာလျှင် ကျပ် ၇၅၀ဝ ဈေးရှိသည်။ 

သန်လျင်မြို့နယ်၌ အခြေခံစားသောက်ကုန်များဖြစ်သော ဆန်ကြမ်း၊ ဆန်ချောအမျိုးအစား အလိုက် အောက်တိုဘာလ ပထမပတ်တွင် ဧည့်မထတစ်ပြည်လျှင် ကျပ် ၃၅၀ဝ-၄၀ဝ၀ ထိ၊ ဧရာဝတီ ပေါ်ဆန်းတစ်ပြည်လျှင် ကျပ် ၅၃၀ဝ-၅၅၀ဝ၊ ငစိန်အုပ်စု ပုသိမ်ရာကျော် တစ်ပြည်လျှင် ကျပ် ၃၀ဝ၀-၃၂၀ဝ၊ စားအုန်းဆီတစ်ပိဿာလျှင် ယခင်ပတ်တွင် ကျပ် ၇၀၅၀၊ ယခုတစ်ပတ်တွင် ကျပ် ၆၉၂၀ ဖြင့် ဈေးနှုန်း  အနည်းကျဆင်းလျက်ရှိပြီး၊ ပဲဆီတစ်ပိဿာလျှင် ကျပ် ၂၀ဝ၀ဝ ဖြင့် လည်းကောင်း၊ ကြက် သွန်နီ အသစ်ဆိုဒ်စုံ တစ်ပိဿာလျှင် ကျပ် ၂၅၀ဝ-၃၃၀ဝ၊ ကြက်သွန် ဖြူ(ကြက်ကုတ်) တစ်ပိဿာလျှင် ကျပ် ၂၁၀ဝ၀ ၊ ရိုးရိုးဆားတစ်ပိဿာလျှင် ကျပ် ၁၀ဝ၀၊ ငရုတ်တောင့်(အပု) တစ်ပိဿာလျှင် ကျပ် ၂၀ဝ၀၊

ဇူလိုင်လအတွင်း ပြည်ဈေးကွက်တွင် ဆီထွက်သီးနှံများဖြစ်သော နှမ်းနှင့် မြေပဲဆန်ဈေးများ မြင့် တက်လာခဲ့သည်။ မိုးနှမ်းနှင့် မိုးမြေပဲများ စိုက်ပျိုးချိန်ဖြစ်၍ ဝင်ရောက်မှုမရှိခြင်း၊ ဒေသတွင်းလည်း လာ ရောက် ရောင်းချခြင်းမရှိ၍ ယခင်လက်ကျန်များဖြင့်သာ အရောင်းအဝယ်ဖြစ်လျက်ရှိသည်။ 

ယခုအချိန်တွင် မိုးရာသီ  ရောက်ရှိနေပြီဖြစ်သည့် အတွက် ရာသီစာဖြစ်သော မန်ကျည်းသီး စိမ်းများ ဈေးကွက် သို့  ဝင်ရောက်နေပြီဖြစ်သည်။   မန်ကျည်းသီးစိမ်းများကို ပြည်မြို့နယ် အနီးတစ်ဝိုက်ဖြစ်သော ရွှေတောင်၊ ပေါက်ခေါင်း၊ သဲကုန်း၊ ပြည်တစ်ဖက်ကမ်းရှိ ရွှေဘုံသာ၊ ငွေဘုံသာကျေးရွာ များမှ ပြည်ဈေးကွက်အတွင်းသို့ လာရောက်ရောင်းချကြသည်။ 
ပြည်ဈေးကွက်အတွင်းတွင် ရောင်းချသော မန်ကျည်း သီးစိမ်းဈေးများမှာ ယခင်နှစ်တွင် ၁၀ ကျပ်သားလျှင် ကျပ် ၆၀ဝ-၇၀ဝ ဖြင့်ရောင်းချခဲ့ပြီး ယခုနှစ် ဇူလိုင်လနောက်ဆုံး ပတ်တွင် ၁၀ ကျပ်သားလျှင်  ကျပ် ၁၂၀ဝ ဖြင့်ရောင်းချနေ ကြောင်း သိရသည်။