ယခုတစ်ပတ်တွင် အမေရိကန် ဒေါ်လာနှင့်မြန်မာငွေလဲလှယ်နှုန်းများ မြင့်တက်လာခဲ့ကြောင်း သိရသည်။ဗဟိုဘဏ်၏ငွေလဲနှုန်းမှာ ယခင် တစ်ပတ်ကအတိုင်း မြင့်တက်ခဲ့ခြင်း မရှိ သော်လည်း ငွေလဲစင်တာများတွင် ငွေ လဲနှုန်းများ အနည်းငယ်မြင့်တက်လာ ခဲ့ကြောင်း သိရသည်။

ပြင်ပဈေးကွက်တွင်မူ စင်တာများ  တရားဝင်ဖွင့်လှစ်ထားသည့်ငွေလဲကောင် တာများတွင် လဲလှယ်ပေးသည့်နှုန်းထား ထက် အနည်းငယ်ပိုပေး၍ ဝယ်ယူနေ ကြောင်း သိရသည်။"ဒီရက်ထဲမှာ အက်ဖ်အီးစီနဲ့ ဒေါ် လာနဲ့ လဲပေးရတာတွေ များတယ်။ အဲ ဒါကြောင့် ငွေလဲနှုန်းကနည်းနည်းတက် လာတာလို့ ထင်တယ်။ သိပ်အများကြီး တော့မတက်ပါဘူး။ ဗဟိုဘဏ်က သတ်မှတ်ထားတဲ့ပမာဏအပေါ်မှာပဲ နည်းနည်းကစားပြီးတော့ ဈေးကို သတ် မှတ်ပြီး အရောင်းအဝယ်လုပ်တာပါ။ ဗဟိုဘဏ်က ၈၉၀ ပဲသတ်မှတ်ထား တယ်။ အရင်အပတ်ကလည်း ဒီပမာဏ ပဲ။ အခုလည်း ဒီအတိုင်းပဲ။ ဒါပေမယ့် အဲဒီအပေါ်မှာ ကစားကြတာပေါ့။ တစ် နေ့ကို တစ်ကျပ်တစ်ကျပ်နဲ့ တက်လာ တာ ဒီနေ့ဆိုရင် ဝယ်ဈေးက ၈၈၈ ကျပ်၊ ရောင်းဈေးက ၈၉၈ကျပ် ဖြစ်လာ တယ်။ ဝယ်ဈေးနဲ့ရောင်းဈေးက ၁၀ လောက်ကွာလာတယ်။ အပြင်ဈေးနဲ့ ဆိုရင်လည်း လေးကျပ်လောက်ကွာ တယ်။ လေးကျပ်ကွာဟတဲ့ပမာဏဟာ သိပ်မသိသာဘူးထင်ရပေမယ့် ပမာဏ များရင်တော့ အရမ်းကို သိသာသွား တယ်။ အပြင်ကဈေးက နေ့တိုင်းတက် နေတာ။ အဲဒါက ဒေါ်လာဈေးတက် တော့မယ်လို့ ပြောနေသလိုပဲ"ဟု သိမ် ဖြူငွေလဲစင်တာမှ တာဝန်ရှိသူတစ်ဦးက ဆိုသည်။ဧပြီလ ၂၉ရက်နေ့ကအမေရိကန် တစ်ဒေါ်လာလျှင် ဝယ်ဈေး ၈၈၆ကျပ်၊ ရောင်းဈေး ၈၉၆ကျပ် ရှိခဲ့ရာမှ မေလ ၃ရက်နေ့တွင် ရောင်းဈေး ၈၉၈ကျပ်၊ ဝယ်ဈေး ၈၈၈ကျပ်ဖြစ်ခဲ့သည်။ပြင်ပငွေကြေးဈေးကွက်တွင် မေ လ ၃ရက်နေ့က ရောင်းဈေး ၈၉၄ ကျပ်၊ ဝယ်ဈေး ၈၉၂ ကျပ်ရှိခဲ့သည်။မယ်သီတာ
 

လွန်ခဲ့တဲ့ လအနည်းငယ်အတွင်း ဘတ်ငွေတန်ဖိုးတရိပ်ရိပ်တက်နေတဲ့ အတွက် ထိုင်းစီးပွားရေးလုပ်ငန်းအသိုက် အဝန်းက စိုးရိမ်သံတွေထွက်ပေါ် နေပြီး ကြားဝင် ဆောင်ရွက်ပေးဖို့ အစိုးရကို တိုက်တွန်းကြပါတယ်။ နိုင် ငံ ခြားငွေတွေလှိမ့်ဝင်လာတာကို ထိန်းချုပ် ဖို့နဲ့ ဘတ်ငွေ တန်ဖိုးတက်နေတာကို သက်သာအောင်ေ ဆာင်ရွက်ဖို့ အစိုးရ ကအစီအမံတွေထပ်မံဆောင်ရွက်ပေးစေ လိုကြောင်း ထိုင်းစက်မှုလုပ်ငန်းဖက်ဒ ရေးရှင်း (FTI)  က ဧပြီ ၂၂ ရက်က တိုက်တွန်းခဲ့ပါတယ်။

ယခုနှစ်စပိုင်းကစပြီး ဘတ်ငွေတန် ဖိုးက ၇ ရာခိုင်နှုန်းကနေ ၈ ရာခိုင်နှုန်း ထိမြင့်တက်ခဲ့ပါတယ်။ ဒေါ်လာနဲ့  ဖလှယ်ရာမှာဘတ်ငွေတန်ဖိုးက တစ် ဒေါ်လာကို ၂၈ ဘတ်နဲ့ ၂၉ ဘတ်ထိ တန်ဖိုးမြင့်တက်နေပါတယ်။ ဘတ်ငွေ တန်ဖိုးမြင့်တက်နေတဲ့အတွက် အထူး သဖြင့်ပြည်တွင်းကုန်ကြမ်းကိုသုံးနေရ တဲ့ အသေးစားနဲ့အလတ်စားစက်မှုလုပ် ငန်းတွေအပြင်လယ်ယာစိုက်ပျိုးရေး အခြေပြုတဲ့ စက်မှုကဏ္ဍတွေကိုထိခိုက် မှုရှိခဲ့ကြောင်း (FTI) ရဲ့ အထွေထွေအုပ် ချုပ်ရေးမှူးနဲ့ ယာယီဥက္ကဌ သာနစ်ဆို ရက် ကပြောပါတယ်။ တစ်နေ့ လုပ်ခဘတ် ၃၀၀ (၁၀ ဒေါ်လာ) မူဝါဒဆက်လက်တည်ရှိနေ တဲ့ဂယက်ကြောင့် ဘတ်ငွေတန်ဖိုးဆက် လက်မြင့်တက်နေတာကိုတွေ့ရကြောင်း သူကပြောပါတယ်။ ယခုအခါ တစ်ဒေါ် လာကို ၂၈ ဒသမ ၆၇ ဘတ်နှုန်းရှိနေ တဲ့ပြည်တွင်းငွေကြေးရဲ့ တန်ဖိုးကိုတည် ငြိမ်သွားအောင် ထိုင်းဗဟိုဘဏ်နဲ့ ဘဏ္ဍာရေးဝန်ကြီးဌာနတို့ ပူးပေါင်း ဆောင်ရွက်ပေးဖို့(FTI) က တိုက်တွန်း ပြောကြားလျက်ရှိပါတယ်။ ငွေကြေး စီးဝင်မှုတွေကိုထိန်းချုပ်နိုင်မဲ့ အစီအမံ တွေဆောင်ရွက်ပေးဖို့ စီးပွားရေးလုပ် ငန်းတွေကို ကွပ်ကဲနေတဲ့ ဒုတိယဝန်ကြီး ချုပ်နဲ့ ဗဟိုဘဏ် အုပ်ချုပ်ရေးမှူးကို သူ တရားဝင် စာရေးမယ်လို့ သာနစ်က ပြောပါတယ်။ ဒေါ်လာနဲ့ ဖလှယ်ရာမှာတစ်ဒေါ် လာကို ၂၇ ဘတ်နဲ့ ၂၇ ဒသမ ၉၀ ဘတ်နှုန်းထိ ဘတ်တန်ဖိုး တက်လာရင် အလုပ်သမားတွေ ထုတ်ပစ်ရမှာကို ထိုင်း လုပ်ငန်းရှင်တွေက စိုးရိမ်နေ ကြောင်းထိုင်းကုန်သည်ကြီးများ အသင်း တက္ကသိုလ်က ပြုလုပ်တဲ့ စစ်တမ်းမှာ တွေ့ရပါတယ်။ စစ်တမ်းအရ ယခုနှုန်း ထားကသင့်တော်တယ်လို့ ပြောသူ ၃၈ ဒသမ ၁ ရာခိုင်နှုန်းရှိပြီး သင့်တင့်မျှတမှု မရှိဘူးလို့ပြောသူက သုံး ပုံတစ်ပုံရှိပါ တယ်။ သူတို့ လုပ်ငန်းနဲ့ ပို့ ကုန်တွေရဲ့ ယှဉ်ပြိုင်နိုင်မှုစွမ်းရည် ကျဆင်းစေမယ် လို့ ပြောသူက ၄၂ ဒသမ ၁ ရာခိုင်နှုန်း ရှိပါတယ်။ ၂၇ ဒသမ ၈ ရာခိုင်နှုန်းက ပို့ကုန်ကျဆင်းမယ်လို့ သဘောထား ပေးပါတယ်။
 

အမေရိကန် ပြည်ထောင်စု  စီးပွား ရေးနာလန်ထူလာတာက အာရှဒေသရဲ့ ပို့ကုန်အတွက်ဝယ်လို အားတိုးမြှင့်လာလိမ့် မယ်လို့ တွက်ဆကြပါတယ်။ဒါကြောင့် မလေးရှား ရင်းဂစ်က ဦးဆောင်ပြီး အာရှ ငွေကြေးတွေ ကနှစ်လအတွင်းရက်သတ္တ ပတ်အလိုက် တိုးတက်မှု ရှိခဲ့ပါတယ်။

ထိုင်းနိုင်ငံအစိုးရကို ငွေကြေးကုန် သည်တွေကအယုံအကြည်ရှိလာတာက ဝန်ကြီးချုပ် ယင်လတ်ရှင်နာဝပ်ရဲ့အစ်ကို ဝန်ကြီးချုပ်အဖြစ်က ဖြုတ်ချ ခံခဲ့ရတဲ့ ၂၀၀၆ ခုလောက်ကထက် ပိုမိုလာတာ ကိုတွေ့ရပါတယ်။ ငွေကြေးအဆင့် သတ်မှတ်ရေးအေဂျင်စီ Fitch Rating  ကလည်းထိုင်းနိုင်ငံရဲ့ အဆင့်သတ်မှတ် ချက်ကို ယခုလမှာမြှင့်တင်ခဲ့ပါတယ်။ အဓိကအားဖြင့် စီးပွားရေးခိုင်မာတောင့် တင်းလာတာနဲ့ နိုင်ငံရေး ပတ်ဝန်းကျင် ပိုမိုတည်ငြိမ်လာတာကိုအကြောင်းပြု ပြီးတိုးမြှင့်ပေးခဲ့တာ ဖြစ်ပါတယ်။ ဒါ ကြောင့် အာရှငွေကြေးတွေထဲမှာ ဘတ် ငွေကစွမ်းဆောင်ရည်ကောင်းတဲ့ငွေ ကြေးတစ်ခုဖြစ်လာခဲ့ပါတယ်။ ယခုနှစ် အတွင်း ဘတ်တန်ဖိုးကလည်း ဒေါ်လာ နဲ့ဖလှယ်ရာမှာ ၄ ဒသမ ၆ ရာခိုင်နှုန်း ထိမြင့်တက်ခဲ့ပါတယ်။ ၁၉၉၇ ခုနှစ် ဘဏ္ဍာရေးနောက်ပိုင်းမှာ အခိုင်မာဆုံး အနေအထားဖြစ်ပါတယ်။