ကုန်သွယ်ရေးသတင်း

ပြောင်း
ဇန်နဝါရီ ၂၀ ရက်မှ ၂၆ ရက်ထိကာလအတွင်း ပင်လယ်ရေ‌ကြောင်း ကုန် သွယ်မှုလမ်းကြောင်းမှ အမေရိကန်ဒေါ်လာ ၁၈ ဒသမ ၃၀၇ သန်း တန်ဖိုးရှိ ပြောင်း တန်ချိန် ၇၄၃၅၀ ကျော်တင်ပို့သည်။ ပြောင်းတင်ပို့မှုအနေဖြင့် ထိုင်းနိုင်ငံသို့ပြောင်း တန်ချိန် ၄၇၆၇၀ ကျော်တင်ပို့ပြီး ဖိလစ်ပိုင်နိုင်ငံသို့ ပြောင်းတန်ချိန်၂၆၆၇၀ ကျော် တင်ပို့သည်။

ကရင်ပြည်နယ်တွင် ၂၀၂၃ ခုနှစ် သြဂုတ်လတွင် စိုက်ပျိုးသည့်မိုးမြေပဲများ ဒီဇင်ဘာလနှောင်းပိုင်းမှ စတင်ထွက်ရှိကာ ဘားအံမြို့နယ်အတွင်းရှိ မြေပဲရောင်းဝယ်ရေးလုပ်ငန်းရှင်ပွဲရုံများသို့ နေ့စဉ်လှိုင်လှိုင်ဝင်ရောက်လျက်ရှိပြီး ဇန်နဝါရီလ စတုတ္ထပတ်တွင် မြေပဲအစိုတစ်တင်းလျှင် ပျမ်းမျှ ကျပ် ၃၀ဝ၀ဝ ဈေးနှုန်းဖြင့်  ဝယ်ယူရောင်းဝယ်လျက်ရှိကြောင်း၊ ယခု ၂၀၂၃-၂၀၂၄ ဘဏ္ဍာနှစ်တွင် စိုက်ပျိုးသော  မိုးမြေပဲမှာ တစ်ဧက ပျမ်းမျှအထွက် ၃၅ တင်းထွက်ရှိပြီး တစ်ဧက စိုက်ပျိုးထုတ်လုပ်မှု ကုန်ကျစရိတ်မှာ ကျပ် ၆၀ဝ၀ဝ၀ ခန့်ရှိသဖြင့် တစ်ဧက အကျိုးအမြတ်မှာ ကျပ် ၄၀ဝ၀ဝ၀ ခန့်ရရှိသောကြောင့် ယခုနှစ်တွင် တောင်သူများ အကျိုးအမြတ်ပိုမ

ယခု ၂၀၂၃-၂၀၂၄ဘဏ္ဍာရေးနှစ် ဧပြီ လမှ ဒီဇင်ဘာလအထိ    ကိုးလတာ ကာလ အတွင်း ပြည်ပသို့ ရေထွက်ကုန် တန်ချိန် သုံး သိန်းခွဲနီးပါး တင်ပို့ထားကြောင်း ငါးလုပ်ငန်း ဦးစီးဌာနမှ သိရသည်။
ပင်လယ်ရေကြောင်း၊  လေကြောင်းနှင့် နယ်စပ်ထွက်ပေါက်များမှတစ်ဆင့် ရေထွက် ကုန် တန်ချိန် ၃၄၅၀ဝ၀ကျော် တင်ပို့ထားခြင်း ဖြစ်ပြီး အမေရိကန်ဒေါ်လာ ၅၁၈ သန်းကျော် ရရှိထားကြောင်း သိရသည်။

ရော်ဘာ
ဒီဇင်ဘာ ၁ ရက်မှ ၃၁ ရက်ထိ ကာလအတွင်း ပင်လယ်ရေကြောင်း ကုန်သွယ်မှုမှ အမေရိကန်ဒေါ်လာ ၁၆ ဒသမ  ၁၃၀ သန်း တန်ဖိုးရှိ ရော်ဘာတန်ချိန် ၁၂၁၀ဝ ကျော် တင်ပို့ခဲ့သည်။ ရော်ဘာတင်ပို့မှုအနေဖြင့် တရုတ်နိုင်ငံသို့ ရော်ဘာ တန်ချိန်  ၈၅၇၀ ကျော်၊ မလေးရှားနိုင်ငံသို့  တန်ချိန် ၂၇၉၀ ကျော်နှင့် အိန္ဒိယနိုင်ငံသို့ ရော်ဘာ ၄၁၉ တန်၊ ကိုရီးယားနိုင်ငံ သို့ ရော်ဘာတန်ချိန် ၂၀ဝ ကျော်၊ ဂျပန်နိုင်ငံသို့ ရော်ဘာတန်ချိန် ၁၂၀ ကျော် တင်ပို့ခဲ့သည်။ 

ဓာတ်မြေသြဇာ
ဒီဇင်ဘာ ၁ ရက်မှ ၃၁ ရက်ထိကာလအတွင်း ပင်လယ် ရေကြောင်း ကုန်သွယ်မှုမှ  အမေရိကန်ဒေါ်လာ ၅၂ ဒသမ ဝ၉၃ သန်း  တန်ဖိုးရှိ ဓာတ်မြေသြဇာတန်ချိန် ၁၅၀ဝ၀ဝ ခန့် တင်သွင်းခဲ့သည်။