Background
ယခင်သုံးလပတ်က စင်ကာပူရဲ့ ဝန်ဆောင်မှုကဏ္ဍက စင်ကာပူစီးပွား ရေးတိုးတက်မှုကိုခန့်မှန်းထားတာထက် ပိုမိုအထောက်အကူဖြစ်ခဲ့ပေမဲ့ တရုတ် ပြည်ရဲ့ စီးပွားရေး နှေးကွေးမှုက စင်ကာပူကုန်ပစ္စည်းတွေရဲ့ ဝယ်လို အားကျဆင်းစေခဲ့တဲ့အတွက် စင်ကာပူ နိုင်ငံရဲ့ ယခုနှစ်ပို့ကုန်ခန့်မှန်းချက်ကို လျှော့ချထားကြောင်း ဘလွမ်းဘတ် သတင်းမှာ ဖော်ပြထားပါတယ်။
သူတို့ထုတ်ကုန်တွေရဲ့ တန်ဖိုးကို မြှင့်တင်ဖို့နဲ့ အမြတ်နှုန်းကိုပိုမိုရရှိ အောင်ဆောင်ရွက်နိုင်ဖို့အတွက် ဗီယက်နမ်စီးပွားရေးလုပ်ငန်းတွေက ကုန်အမှတ်တံဆိပ်ထူထောင်မှုကို ပိုမို ဂရုစိုက်ဖို့လိုတယ်လို့ ကျွမ်းကျင်သူများ ကပြောကြောင်း VNS သတင်းဌာနက ဖော်ပြထားပါတယ်။
၁၉၇၀ ပြည့်လွန်နှစ်တွေနဲ့ ၁၉၈၀ ပြည့်လွန်နှစ်တွေရဲ့ ခံစားမှုဖီလင်တွေ ကို ပြန်လည်ပေးစွမ်းနိုင်မဲ့ ဖက်ရှင်ဒီဇိုင်း ဟောင်းကိုပြန်ဖော်ထားတဲ့ Classic TV ဒီဇိုင်းကို အယ်လ်ဂျီအီလက်ထရွန်း နစ်က သြဂုတ် ၁၂ ရက်ကစတင်ဖြန့်ချိ ခဲ့ကြောင်း ကိုရီးယား ဟာရယ်သတင်း မှာဖော်ပြပါတယ်။
အများပြည်သူဈေးကွက်မှာ ရွှေကို အရောင်းအဝယ်ပြုလုပ်နိုင်ဖို့အတွက် လာမဲ့ ၂၀၁၄ ခုနှစ်မှာ တောင်ကိုရီးယား နိုင်ငံက ရွှေအရောင်းအဝယ် စင်တာ တစ်ခုကို ဖွင့်လှစ်မယ်လို့ ဇူလိုင် ၂၂ ရက်နေ့ က တောင်ကိုရီးယားဘဏ္ဍာရေး ကြီးကြပ်ရေး အဖွဲ့က ပြောကြောင်း ကိုရီးယား ဟာရယ်သတင်းမှာ ဖော်ပြ ပါတယ်။
အာရှ ဒေသတွင်းမှာရှိတဲ့ စီးပွား ရေးလုပ်ငန်းတွေက ချမှတ်ကျင့်သုံးနေ တဲ့ နည်းပညာဝယ် ယူရေးမဟာဗျူဟာ တွေရဲ့ အလားအလာနဲ့အကျိုးကျေးဇူး တွေဖော်ထုတ်နိုင်ဖို့အတွက် ဆောင် ရွက်ခဲ့တဲ့ စစ်တမ်းကောက်ယူတွေ့ရှိချက် တွေကို Cisco System ကုမ္ပဏီရဲ့ လက်အောက်ခံ အေဂျင်စီက Cisco Capital ကိုယ်စား Forrester Consulting အတိုင်ပင်ခံအဖွဲ့က ထုတ်ပြန် ခဲ့ကြောင်းInfotechlead ဝက်ဘ်ဆိုက် သတင်းမှာ ဖော်ပြထားပါတယ်။
ဖုန်းကွန်ရက်အတွက် ပစ္စည်းကိရိ ယာတွေထုတ်လုပ်ရာမှာ တရုတ်နိုင်ငံ ရဲ့ ဒုတိယအကြီးဆုံးကုမ္ပဏီဖြစ်တဲ့ ZTE ကော်ပိုရေးရှင်းက ပထမ နှစ်ဝက် အတွင်း ဝင်ငွေမြင့်တက်လာခဲ့ပြီးနောက် ဟောင်ကောင်ဈေးကွက်မှာ ငါးနှစ်အ တွင်းအမြင့်ဆုံးအခြေအနေသို့ရောက်ရှိ ခဲ့ကြောင်း ဘလွမ်းဘတ် သတင်းမှာ ဖော်ပြ ထားပါတယ်။
ပြည်တွင်းဈေးကွက်မှာ ပညာသင် ကြားရေးအထောက်အကူပြုရိုဘော့စက် ရုပ်တွေရဲ့ ဝယ်လိုအားမရှိတဲ့အတွက် တောင်ကိုရီးယားရဲ့ မိုဘိုင်းဖုန်းနဲ့မိုဘိုင်း စမတ်ရိုဘော့ ထုတ်လုပ်ရေး လုပ်ငန်း နှစ်ခုက ပြည်ပဈေးကွက်တွေဘက်ကို မျက်နှာမူလာကြောင်း ကိုရီးယားဟာ ရယ်သတင်းမှာဖော်ပြထားပါတယ်။
အာဆီယံဒေသတွင်းမှာ ထိုင်းနိုင် ငံက လုပ်ငန်းခွဲဝေလုပ်ပိုင်ခွင့်ပေးတဲ့ စီးပွားရေး (Franchise Business) လုပ်ငန်းတွေ ယခုနှစ်အတွင်းမှာ ၂၀ ရာခိုင်နှုန်းကနေ ၃၀ ရာခိုင်နှုန်းအထိ တိုးတက်လာမယ်လို့ ထိုင်းနိုင်ငံရဲ့ အပြည်ပြည်ဆိုင်ရာကုန်သွယ်ရေးမြှင့် တင်မှုအဖွဲ့ (DITP) ကခန့်မှန်းထား ကြောင်း ထိုင်းနယူးစ်သတင်းမှာ ဖော် ပြထားပါတယ်။
တီထွင်ဖန်တီးမှုရှိတဲ့ ခရီးသွား လုပ်ငန်း “Experiental and Creative Tourism” ဆိုတဲ့အချက်ကို ဦး စားပေးပြီး နိုင်ငံစုံခရီးသွားအစီအစဉ် တွေဖော်ဆောင်ကြဖို့ အဖွဲ့ဝင်၁၀ နိုင်ငံ က ခရီးသွား လုပ်ငန်းအော်ပရေတာ တွေကို အရှေ့တောင်အာရှနိုင်ငံများ အသင်း (အာဆီယံ) က တိုက်တွန်းထားကြောင်း ဂျာကာတာပိုစ့်သတင်းမှာ ဖော်ပြထားပါတယ်။
သူတို့ရဲ့ရင်းနှီးမြှုပ်နှံမှုပတ်ဝန်း ကျင်ကို တိုးတက်ကောင်းမွန်အောင် ပြု ပြင်ပေးခြင်းအားဖြင့် အရှေ့တောင် အာရှနိုင်ငံများအသင်း (အာဆီယံ) အဖွဲ့ဝင်နိုင်ငံများက လွန်ခဲ့တဲ့နှစ်နှစ် အတွင်း ဂျပန်စီးပွားရေးလုပ်ငန်းတွေကို အောင်မြင်စွာဆွဲဆောင်နိုင်ခဲ့ကြောင်း ဗီယက်နမ်သတင်းဌာန VNS မှာ ဖော် ပြထားပါတယ်။