ပြည်တွင်း၌ စပါးရိတ်သိမ်းထွက်ရှိမှု ကြီးမားစွာ လျော့နည်း ကျဆင်းဖွယ်ရှိသည့် အခြေအနေတွင် ဖိလစ်ပိုင်နိုင်ငံသည် ကမ္ဘာ့ ဈေးကွက်၌ ဆန်အများဆုံး ဝယ်ယူသည့်နိုင်ငံအဖြစ် ဆက်လက် တည်ရှိပြီး ယခုနှစ်အစောပိုင်းတွင် ခန့်မှန်းထားသည့် ပမာဏ ထက်ပိုမို၍ ဆန်တင်သွင်းရနိုင်ကြောင်း သိရှိရသည်။

သြစတြေးလျနိုင်ငံ မဲလ်ဘုန်းမြို့တွင် ကျင်းပခဲ့သည့် Special Summit to Commenmorate the 50th Anniversary of ASEAN-Australia Dialogue သို့ တက်ရောက်ခဲ့သော ဖိလစ်ပိုင်သမ္မတမား ကို့စ်နှင့် ကမ္ဘောဒီးယားဝန်ကြီးချုပ် ဟွန် မာနက်တို့ နှစ်နိုင်ငံဆွေးနွေးပွဲကျင်းပ၍ ဖိလစ်ပိုင်နိုင်ငံနှင့် ကမ္ဘောဒီးယားနိုင်ငံတို့ အကြား  ဆန်ကုန်သွယ်မှုနှင့် ခရီးသွားလုပ်ငန်းကဏ္ဍတို့အား  တိုးမြှင့်ဆောင်ရွက် သွားရန် သဘောတူညီခဲ့ကြပြီး လက်ရှိကြုံတွေ့နေရသည့် အယ်နီညို၏ သက် ရောက်မှုများကြား ဆန်တိုးမြှင့်ထုတ်လုပ်နိုင်မည့် နည်းလမ်းများကို ရှာဖွေသွားရန် လည်းဖြစ်ကြောင်း ပြောကြားခဲ့သည်။ 

တောင်ကိုရီးယားနိုင်ငံ၌    ၂၀၂၄ခုနှစ်အတွင်း ဆန် ရောင်းလိုအားကို အသင့်လျော်ဆုံးအနေအထားဖြင့် ဈေးနှုန်း များကို ထိန်းသိမ်းနိုင်ရန်အတွက် ဒေသစပါးများအား ဟက် တာ ၂၆၀ဝ၀ ခန့် လျှော့ချ စိုက်ပျိုးရန် စီစဉ်လျက်ရှိကြောင်း သိရှိရသည်။
၂၀၂၄ ခုနှစ်အတွက် စံသတ်မှတ်ထားရှိသင့်သည့် စပါး စိုက် ဧရိယာ ပမာဏသည်  ဟက်တာ ၆၉၉၀ဝ၀ ခန့်ရှိကြောင်း အစိုးရ၏ ဆန်းစစ်လေ့လာတွေ့ရှိချက်အရ  ယခုကဲ့သို့ စပါး စိုက်ဧရိယာ လျှော့ချရန်  ဆုံးဖြတ်ခဲ့ခြင်းဖြစ်ကြောင်း ကိုရီး ယား စိုက်ပျိုးရေး၊ စားနပ်ရိက္ခာနှင့် ကျေးလက်ရေးရာ ဝန်ကြီး ဌာနက ဖေဖော်ဝါရီ ၇ ရက်က ပြောကြားခဲ့သည်။

တောင်ကိုရီးယားနိုင်ငံအား     ရင်းနှီး မြှုပ်နှံသူများအတွက် အထူးသင့်လျော် ကောင်း မွန်သည့်    နိုင်ငံတစ်ခုဖြစ်လာစေရေးအတွက် ရင်းနှီးမြှုပ်နှံမှုဆိုင်ရာ  စည်းမျဉ်းများနှင့်မူဝါဒ များကို ဖြေလျှော့ပေးသွားမည့်အပြင် မက်လုံး များ ပိုမိုပေးသွားမည်ဟု သမ္မတယွန်းဆုခ်ယော် က ဖေဖော်ဝါရီ ၁၄ ရက်တွင်   ကျင်းပခဲ့သည့် ပြည်ပမှ လာရောက်ရင်းနှီးမြှုပ်နှံသည့်ကုမ္ပဏီများ၏    ကိုယ်စားလှယ်များနှင့်   တွေ့ဆုံ၍ နေ့လယ်စာဖြင့် တည်ခင်းဧည့်ခံသည့် အခမ်း အနားတွင် ပြောကြားခဲ့သည်။ အဆိုပါ အခမ်း အနားကို တောင်ကိုရီးယားနိုင်ငံ၊ ဆိုးလ်မြို့ရှိ ကုန်သည်များနှင့် စက်မှုလက်မှုလုပ်ငန်းရှင်များ အသင်းချုပ်ရုံးတွင် ကျင်းပခဲ့ကြောင်းသိရသည်။