Background
ကမ္ဘာ့ စမတ်ဖုန်းထုတ်လုပ်ရာမှာ အကြီးမားဆုံးဖြစ်တဲ့ အက်ပဲကုမ္ပဏီ မပါဝင်တဲ့အတွက် စပိန်နိုင်ငံဘာစီလိုနာမှာ ကျင်းပခဲ့တဲ့ မိုဘိုင်းဖုန်းကမ္ဘာ့ ကွန်ဂရက်( MWC )မှာနံပါတ်၂ နဲ့ နံပါတ် ၃ အဆင့်နေရာမှာရှိတဲ့ ကိုရီးယား ဆမ်ဆောင်းနဲ့ အယ်လ်ဂျီတို့က လွှမ်းမိုးထားပါတယ်။ ဒါပေမဲ့ ယခုနှစ်မှာ ကျင်းပတဲ့ကမ္ဘာ့ အကြီးဆုံးစက်မှုကုန်စည်ပြပွဲကြီးမှာ ထင်ပေါ်လာသူတွေက တော့ တရုတ်ဟန်းဆက်ထုတ်လုပ်ရေးလုပ်ငန်းတွေဖြစ်တဲ့ ZTE နဲ့ ဟွာဝေး တို့ဖြစ်ပါတယ်။
လောင်စာဆီ ဈေးနှုန်းများ အဆက်မပြတ် တက်နေတဲ့အတွက် မတ် ၈ ရက်ကစပြီး ရောင်းချမဲ့ လေယာဉ်လက်မှတ်တွေကို လောင်စာ ဆီ အပိုကြေးတိုးမြှင့် ကောက်ခံတော့ မယ်လို့ စင်ကာပူအဲလိုင်းက မတ် ၂ ရက်က ကြေညာပါတယ်။
ကမ္ဘာ့တဲဘလက်ပီစီဈေးကွက်မှာ အက်ပဲနဲ့ အမေဇုန် တို့ကကျော်တက်တာကိုခံရပြီး တတိယနေရာကို ရောက်ရှိခဲ့ ပြီးတဲ့နောက် ဆမ်ဆောင်းကုမ္ပဏီက သူရဲ့ပြိုင်ဆိုင်မှုစွမ်းရည် ထက်မြက်လာစေဖို့အတွက် တန်ဖိုးနည်းထုတ်ကုန်တွေကို အသုံးပြုပြီး ယှဉ်ပြိုင်ဖို့ပြင်ဆင် ဆောင်ရွက်လျက်ရှိပါတယ်။ပီစီမိုဒယ်လ်သစ်တွေ ထုတ်လုပ်ဖို့အတွက် ကုမ္ပဏီရဲ့အနာဂတ် စီမံကိန်းကို ဖေဖော်ဝါရီ ၂၆ ရက်က ကျင်းပတဲ့ သတင်းစာ ရှင်းလင်းပွဲမှာ ဆမ်ဆောင်းမိုဘိုင်း ဆက်သွယ်ရေးလုပ်ငန်း အကြီးအကဲ ရှင်းဂျွန်ကျွန်းက ဖော်ထုတ်တင်ပြခဲ့ပါတယ်။
မြို့ကြီးများတွင် အခွင့်အလမ်း မရနိုင်တော့တဲ့ ဗီယက်နမ်ရှိ ချည်မျှင်၊ အထည်ချုပ်နဲ့ ဆေးဆိုးလုပ်ငန်းများကို နယ်များဘက်သို့ ပြောင်းရွှေ့ပြီး အသုံး စရိတ်များကို လျှော့ချလျက်ရှိပါတယ်။ စက်မှုဇုန်များ၊ ပို့ကုန်လုပ်ငန်း ဆောင်ရွက်တဲ့ ဇုန်တွေမှာ လိုင်စင် ချထားမှုကို တင်းကျပ်သည့် မူဝါဒ များကို ဟနွိုင်းနဲ့ ဟိုချီမင်းစီးတီးတို့က ကျင့်သုံးလျက်ရှိပြီး လုပ်သား အင်အား အနည်းကိုသာ အသုံးပြုရတဲ့ စီမံကိန်း များကိုသာ အာမခံချက် ပေးထားပါ တယ်။
အစိုးရကဦးဆောင်တဲ့ ရှေ့ပြေးစမ်းသပ်အစီအစဉ်တွေကြောင့် ရင်းနှီးမြှုပ်နှံ မှုနဲ့ ပို့ကုန်လုပ်ငန်းတွေတိုးတက် လာစေတဲ့အတွက် ကိုရီးယားစက်ရုပ်လုပ်ငန်း က အရှိန်ရလာပါတယ်။ ၂၀၁၁ ခုနှစ်က ပြည်တွင်းစက်ရုပ်လုပ်ငန်း ၂၀၀ က ကုန်ထုတ်လုပ်မှုတန်ဖိုး ဝမ် ၂ ထရီလီယံ (ဒေါ်လာ ၁ ဒသမ ၇၇ ဘီလီယံ) ဖိုး ထွက်ရှိခဲ့တယ်လို့ အသိပညာ စီးပွားရေးဝန်ကြီးဌာနက အရာရှိတစ်ဦးက ပမာဏကိန်းဂဏန်းများကို ကိုးကားပြီး ဖေဖော်ဝါရီ ၂၇ ရက်က ပြောပါတယ်။ နောက်ဆုံးအတည်ပြုပြီးကိန်းဂဏန်းများကို ဝန်ကြီးဌာနက ဇွန်မှာ ထုတ်ပြန်မှာ ဖြစ်ပါတယ်။
တရုတ်နိုင်ငံက နှစ်နှစ်ဆယ် အတွင်း စီးပွားရေး တိုးတက်နှုန်းက ခေါက်ချိုးကျဆင်းပြီး စီးပွားရေးဖွံ့ဖြိုးတိုး တက်မှုမှာ အလှည့်အပြောင်း တစ်ခုကို ရောက်ရှိနိုင်လိမ့်မယ်လို့ ကမ္ဘာ့ဘဏ်နဲ့ တရုတ် အစိုးရ သုတေသီတွေက ဖေဖော်ဝါရီ ၂၇ ရက်က ပြောပါတယ်။ တရုတ်နိုင်ငံက စီးပွားရေး တိုးတက်မှု ရုတ်တရက်ကျဆင်းမှု မဖြစ်စေဖို့ ကြီး မားတဲ့နိုင်ငံပိုင်စီးပွားရေးလုပ်ငန်းများကို ပြန်လည်လျှော့ချခြင်းနဲ့ မဟာဗျူဟာ ကျတဲ့ ကဏ္ဍတွေမှာလက်ဝါး ကြီးအုပ်မှု ကို ပယ်ဖျက်ခြင်းစတဲ့ ပြုပြင်ပြောင်းလဲမှု တွေကို ပြုလုပ်ရမှာဖြစ်ကြောင်း အစီ ရင်ခံစာမှာ ဖော်ပြထားပါ တယ်။
ဗီယက်နမ်အဲလိုင်းကုမ္ပဏီက သြစတြေးလျနိုင်ငံ ကွမ် တပ်ဂရုနှင့် ပူးပေါင်းပြီး ဂျက်စတားပစိဖိတ်(JPA) ကို ဗီယက်နမ်မှာ ပထမဆုံးစရိတ်နည်း လေကြောင်းလိုင်းအဖြစ် ထူထောင်မှာဖြစ်ကြောင်း ဖေဖော်ဝါရီ ၂၁ ရက်က ပြုလုပ်တဲ့ သဘောတူညီချက်အရသိရပါတယ်။
တောင်ကိုရီးယား ကုမ္ပဏီတွေက ရုရှားနိုင်ငံကိုဈေးကွက်ချဲ့ထွင်ဖို့အတွက် မဟာဗျူဟာကို ချမှတ် ဆောင်ရွက်သင့် ကြောင်း ပြည်တွင်းဉာဏ်ကြီးရှင်များ အဖွဲ့က ဖေဖော်ဝါရီ ၂၂ ရက်က ပြော ပါတယ်။လာမဲ့အနာဂတ်ကာလအတွင်း မှာ ရုရှားနိုင်ငံဟာ ရှေ့တန်းရောက် စီးပွားရေး
ယခုဘဏ္ဍာရေးနှစ်ကုန်ဆုံးချိန်မှာ အိန္ဒိယဝန်ထမ်းများအတွက် လစာများ ၁၁ ဒသမ ၉ ရာခိုင်နှုန်း ရရှိနိုင်မည်ဟု ခန့်မှန်းထားကြောင်း ဖေဖော်ဝါရီ ၂၁ ရက်က ထုတ်ပြန်ထားတဲ့ စစ်တမ်းတစ်ခုမှာ ဖော်ပြထားပါတယ်။ ဆေးဝါးနဲ့ အင်ဂျင်နီယာလုပ်ငန်းများက လစာအမြင့်ဆုံးရကြမယ်လို့ ခန့်မှန်း ထားကြပါ တယ်။
ပြင်းထန်တဲ့ နိုင်ငံခြားကုန်သွယ်မှု အခြေအနေနဲ့ တရုတ်နိုင်ငံ ရင်ဆိုင် ခဲ့ရတဲ့အတွက် ယခုနှစ်မှာ နိုင်ငံခြား ကုန်သွယ်မှု မူဝါဒများကို တည်ငြိမ် အောင်ထိန်းသိမ်းသွားမှာ ဖြစ်ကြောင်း တရုတ်စီးပွားရေးနှင့်ကူးသန်းရောင်းဝယ် ရေး ဒုတိယဝန်ကြီး Zhong Shanm ဖေဖော်ဝါရီ ၂၀ ရက်က ပြောပါတယ်။