Background
သဘာဝပတ်ဝန်းကျင်ကို ထိန်းသိမ်းနိုင်မည့် လောင်စာဆီကို အသုံးပြုသောမျိုးစပ်ကားများ ကို ဈေးကွက်သို့ တင်ပို့နိုင်ရန်ရည်ရွက်ချက်ဖြင့် တိုယိုတာမော်တာကော်ပိုရေးရှင်းက စီးပွား ရေးလုပ်ငန်းသုံးအထိ အသုံးပြုနိုင်မဲ့ မော်တော်ကားများကို ထုတ်လုပ်ရန်ကြိုးပမ်းမှာဖြစ်ကြောင်း ပြောကြားပါတယ်။ လူတို့စားသုံးခြင်းမပြုနိုင်သော အပူပိုင်း မြက်အမျိုးအစား တစ်ခုမှ ထုတ် လုပ်တဲ့သကြားကို အချဉ်ဖောက်ယူပြီး အီသနောကိုထုတ်လုပ် ရန် တိုယိုတာက စမ်းသပ်ထားပြီး ဖြစ်ပါတယ်။ ၂၀၂၀ ပြည့်နှစ်မှာ လက်တွေ့အသုံးပြုနိုင်ရန်အတွက် ကြိုးပမ်းသည့်အနေဖြင့် ၂၀၁၅ ခုနှစ်တွင် ဇီဝလောင် စာဆီကို ဈေးနှုန်းသက်သာစွာထုတ်လုပ်နိုင်မည့်နည်းကို တိုယိုတာက ရှာဖွေဖော်ထုတ်ပေးမှာဖြစ်ပါတယ်။ Source.asahi.com
ယူရိုဇုန်ကြွေးမြီအကျပ်အတည်းဖြေရှင်းဖို့ ကြိုးပမ်းဆောင်ရွက်မှုတွေကို ပိုမိုပွင့်လင်းမြင်သာအောင် ဆောင်ရွက်ဖို့နဲ့ ငွေကြေးဈေးကွက်တွေမတည်မငြိမ် ပိုမိုဖြစ်ပွား နေတာကို ထိန်းချုပ်ဖို့ ဥရောပနိုင်ငံတွေကို ဂျပန်ဘဏ္ဍာ ရေးဝန်ကြီးဂျန်အဇူမိက ထပ်မံတိုက်တွန်းနှိုးဆော်ပါတယ်။ ဘုံငွေကြေးသုံးစွဲတဲ့ အုပ်စုရဲ့အဖွဲ့ဝင် ဂရိနိုင်ငံမှာ ဘဏ္ဍာ ရေး ပြဿနာတွေဖြစ်ပွားနေတာကို စိုးရိမ်မှုတွေရှိနေပါတယ်။ နယူးယောက်မှာ ညတွင်းချင်းဥရောပငွေကြေး က တစ်ယူရိုကို ၁၀၀ ဒသမ ၉၆ ယန်းနှုန်းအထိ ကျဆင်းခဲ့ရာ တစ်ခဏအတွင်းမှာ ၁၀ နှစ်အတွင်း အနိမ့်ဆုံးနှုန်းထားကို ထိုးဆင်းခဲ့ပါတယ်။ ဒါကြောင့် ယန်းငွေကြးဟာယူရို ၊ ဒေါ်လာတွေနဲ့ ဖလှယ်ရာမှာ တန်ဖိုး မြင့်တက်လာခဲ့ပါတယ်။ ''ဒီကိစ္စကစီးပွားရေး ပြဿနာ ထက် နိုင်ငံရေးပြဿနာ အသွင်ဆောင်လာပါတယ်။ သူတို့ရဲ့ စောစောပိုင်း သဘောတူညီချက်ကို အကောင်အထည်ဖော်ဖို့ လုပ်ငန်း စဉ်ကို ဥရောပခေါင်းဆောင်တွေက ထုတ်ဖော်ပြသခြင်း မရှိခဲ့ရင် မရေရာမှုတွေကို ဖြေရှင်းနိုင်မှာမဟုတ်ပါဘူး''လို့ အဇူမိက ပြောပါတယ်။ ဥရောပပါလီမန်က ဇူလိုင် ၂၁ ရက် သဘောတူညီ ချက်အရ ဂရိနိုင်ငံအတွက် ဒုတိယကယ်တင်ရေး စီမံကိန်း ကိုကြေညာခဲ့ပြီး ဥရောပဘဏ္ဍာရေးတည်ငြိမ်မှု အစီအစဉ် ( EFSF ) ဖြစ်တဲ့ ယူရိုဇုန်ဘဏ္ဍာရေးကယ်တင်မှုကို ဆောင်ရွက်ဖို့ အခွင့်အာဏာတွေကို ပိုမိုပေးအပ်ခဲ့ပါတယ်။ ဒီလုပ်ငန်းစဉ်တွေကို နိုင်ငံအလိုက် အလျင်အမြန် အကောင် အထည်ဖော်ဖို့လည်း သူက နှိုးဆော်ခဲ့ပါတယ်။ တချို့နိုင်ငံ တွေက ယခုအချိန်ထိ ပါလီမန်မှာမဲခွဲဆုံးဖြတ်တာကို မဆောင်ရွက်ရသေးပါဘူး။ ယခုနှစ်စောစောပိုင်းက ( EFSF ) ကထုတ်ဝေထား တဲ့ ဘွန်းစာချုပ်တွေရဲ့ ၂၀ ရာခိုင်နှုန်းကို ဂျပန်နိုင်ငံက ဝယ်ယူထားပါတယ်။ အဲဒီအစီအစဉ်ကို အိုင်ယာလန်နဲ့ ပေါ်တူဂီနိုင်ငံတို့အတွက်ဖြစ်ပြီး ယခုတစ်ခါ ဂရိနိုင်ငံ အတွက် ဝယ်ယူဖို့ဂျပန်က ကတိပြုထားပါတယ်။ အထူးသဖြင့် အာရှဒေသမှာ ဂျပန်ထုတ်ကုန်တွေဟာ ပြိုင်ဘက်နိုင်ငံ တွေထက် ပိုမိုဈေးကြီးနေတဲ့အတွက် ယန်းငွေတန်ဖိုးမြင့်တက်နေမှုကြောင့် ဂျပန်ပို့ကုန်လုပ်ငန်းတွေက ကမ္ဘာ့ဈေးကွက်မှာ ယှဉ်ပြိုင်နိုင်မှုကို ကျဆင်းစေခဲ့ပါတယ်။ Source.minichijapan.com
ဟွန်ဒါက မော်တော်ဆိုင်ကယ် အသေးစားများကို ပြည်ပတွင်ပြောင်းရွှေ့ ထုတ်လုပ်မည် ယန်းငွေတန်ဖိုးမြင့်တက်တဲ့အတွက် စီးပွားရေးအရ ရပ်တည်နိုင်ဖို့ ကုန်ကျစရိတ်လျှော့ချရေး အစီအမံအရ ဟွန်ဒါမော်တာကုမ္ပဏီက တန်ဖိုးနည်းမော်တော်ဆိုင်ကယ် အသေးစား ထုတ်လုပ်မှုကို ပြည်ပသို့ပြောင်းရွှေ့ ထုတ်လုပ်မယ်လို့ သက်ဆိုင်ရာသတင်းရပ်ကွက်မှ သတင်းရရှိပါ တယ်။ တစ်ချိန်တည်းတွင် လက်ရှိထုတ်လုပ်မှုကို ထိန်းသိမ်းထားတဲ့အနေနဲ့ ဈေးကြီးတဲ့ အကြီးစားနဲ့ အလတ်စား မော်တော်ဆိုင်ကယ်တွေကို ပြည်တွင်းမှာ ထုတ်လုပ် ပါမယ်။ ဒီမိုဒယ်တွေရဲ့ ဈေးနှုန်းကိုယှဉ်ပြိုင်နိုင်ဖို့အတွက် အလတ်စားနဲ့ အကြီးစား မော်တော် ဆိုင်ကယ်တွေကို ထုတ်လုပ်ရာမှာ အာရှနိုင်ငံတွေကထုတ်လုပ်တဲ့ ဈေးသက်သာ တဲ့ စက်အစိတ်ပိုင်းတွေကို သုံးသွားမှာဖြစ်ပါတယ်။ ဟွန်ဒါရဲ့ နှစ်စဉ်ထုတ်လုပ်မှုကစီးရေ ၁၉၀ ၀၀၀ ရှိပြီး ကမ္ဘာ့ ထုတ်လုပ်မှုဖြစ်တဲ့ ၁၈ သန်းရဲ့ ၁ ရာခိုင်နှုန်း ရှိပါ တယ်။ကူမာမိုတိုမှာရှိတဲ့ ဟွန်ဒါစက်ရုံဟာ ဂျပန်မှာကုမ္ပဏီရဲ့ တစ်ခုတည်းသောထုတ်လုပ်ရေး အခြေစိုက် စခန်းဖြစ်ပါ တယ်။ အင်ဂျင်စွမ်းအား ၆၀၀-၁၀၀၀ CC ရှိ စူပါကက်လို အသေးစားမော်တော်ဆိုင်ကယ်တွေကိုလည်း ထုတ်လုပ်ပါ တယ်။ လောလောဆယ်မှာ ဟွန်ဒါက စူပါကက်တွေကို ထုတ်လုပ်ရာမှာ ထိုင်းနိုင်ငံကအင်ဂျင်နဲ့ စက်အစိတ်အပိုင်း တွေကို အသုံးပြုပါတယ်။ ဒါပေမဲ့ အလုပ်သမားခ ဈေးသက်သာတဲ့ တရုတ်နိုင်ငံနဲ့ တခြားအာရှနိုင်ငံတွေကို ထုတ် လုပ်ရေးလုပ်ငန်းတွေရွှေ့ပြောင်းပြီး နောက်ပိုင်းပြည်ပ ကနေ တင်သွင်းယူဖို့စဉ်းစားနေပါတယ်။ အလတ်စားနဲ့ အကြီးစားတွေအတွက် လောလောဆယ်မှာ ဟွန်ဒါက ပြည်တွင်းထုတ်စက်အပိုင်းတွေကို သုံး နေပါတယ်။ ဒါပေမဲ့ နောက်ပိုင်းမှာ ဈေးချိုတဲ့အခြားအာရှ နိုင်ငံတွေက တင်သွင်းတဲ့စက်အစိတ်အပိုင်းတွေကို အသုံး ပြုဖို့ စီစဉ်နေပါတယ်။ Source.asahi.com
တရုတ်နိုင်ငံတွင် အလိုအလျောက် ရွှေထုတ်စက် စတင်ဖွင့်လှစ် ကမ္ဘာမှာရွှေကိုဒုတိယအများဆုံးသုံးစွဲလျက်ရှိတဲ့ တရုတ်နိုင်ငံက ပေကျင်းမြို့ ဈေးဝယ်စည်ကားနေရာမှာ နိုင်ငံတွင်ပထမဆုံးဖြစ်သော ရွှေထုတ်စက်ကို စတင် တပ်ဆင်ပေးခဲ့တယ်လို့ စက်တင်ဘာ ၂၆ ရက်က နိုင်ငံပိုင်မီဒီယာများရဲ့သတင်းတွေမှာ ဖော်ပြထားပါတယ်။ ဈေးဝယ်သူတွေက နာမည်ကျော်ဝန်ဖူကျွမ်းလမ်းပေါ်မှာရှိတဲ့ ရွှေ ထုတ်စက်မှာ ငွေသားသို့မဟုတ် ဘဏ်ကတ်ကိုအသုံးပြုပြီး ရွှေတုံးရွှေပြားများကို ထုတ်ယူနိုင်ပါတယ်။ ဈေးကွက် ပေါက်ဈေးပေါ်မှာ မူတည်ပြီးအလေးချိန်အမျိုးမျိုးရှိတဲ့ ရွှေကို ထုတ်ယူနိုင်တယ်လို့ ပြည်သူ့နေစဉ်သတင်းစာရဲ့ ဝက်ဘ်ဆိုက်မှာဖော်ပြထားပါတယ်။ ဒါပေမဲ့ တစ်ကြိမ်ထုတ်ရင်အများဆုံးရွှေယွမ်တစ်သန်း (ဒေါ်လာ ၁၅၆၅၀၀) ခန့် ထုတ်ယူနိုင်မယ်လို့ သတင်းမှာဖော်ပြထားပါတယ်။ ရွှေထုတ်စက်တွေဟာ ဗြိတိန်၊ အမေရိကန်ပြည်ထောင်စု၊ အရှေ့အလယ်ပိုင်းဒေသနဲ့ ဥရောပဒေသတွေမှာ သုံးစွဲနေပြီဖြစ်ပါတယ်။ ရွှေထုတ်စက်ကို ပေကျင်းလယ်ယာစိုက်ပျိုးရေး ကူးသန်းရောင်းဝယ်မှု ဘဏ်နဲ့ ရွှေ ရောင်းဝယ်ရေး ကုမ္ပဏီတို့ ပူးတွဲပြီး စက်တင်ဘာ ၂၄ ရက်က စတင်တပ်ဆင်ခဲ့တာ ဖြစ်ပါတယ်။ ဒီကုမ္ပဏီကြီးနှစ်ခုက ရွှေဆိုင်တွေနဲ့ ဈေးကွက် ပုဂ္ဂလိက ကလပ်တွေမှာ စက်တွေ တပ်ဆင်သွားဖို့ စီစဉ်လျက်ရှိပါတယ်။ တရုတ်နိုင်ငံမှာ ရွှေဝယ်လိုအားက ၂၀၁၀ ပြည့်နှစ်မှာ နှစ်အလိုက်တိုးနှုန်း ၂၇ ရာခိုင်နှုန်းရှိပြီး ၅၇၉ ဒသမ ၅ တန် ရှိခဲ့တယ်လို့ ကမ္ဘာ့ရွှေကောင်စီက ပြောပါတယ်။ ကမ္ဘာမှာရွှေအများဆုံးသုံးစွဲတဲ့ အိန္ဒိယနိုင်ငံက ၆၆ ရာခိုင်နှုန်း တိုးတက်ပြီး ၉၆၃ ဒသမ ၁ တန်ရှိခဲ့ပါတယ်။ Source. koreaherald.com
တရုတ်ကား ထုတ်လုပ်သူတွေက ထိုင်းနိုင်ငံကို ပြောင်းရွှေ့ရန် စီစဉ် ထိုင်းနိုင်ငံမှ ကားကိုတင်သွင်းနေရာကနေ ထိုင်းနိုင်ငံမှာ သွားရောက်ထုတ်လုပ်ဖို့အတွက် တရုတ်နိုင်ငံ အခြေစိုက်မော်တော်ကားထုတ်လုပ်သူ အများစုကပြင်ဆင်နေ ကြသလို အချို့ကလည်းစဉ်းစားလျက် ရှိပါတယ်။ ယခုလို ပြောင်းရွှေ့ထုတ်လုပ်ခြင်းအားဖြင့် သွင်းကုန်ခွန်ကိုရှောင်ရှားနိုင်မှာ ဖြစ်သလိုယှဉ်ပြိုင်နိုင်မှု စွမ်းရည်ကိုလည်း မြှင့်တင်နိုင် မယ်။ စည်ပင်ဖွံ့ဖြိုးနေတဲ့ အရှေ့တောင်အာရှဈေးကွက် နဲ့လည်း ပိုမိုနီးကပ်သွားပါတယ်။ ထိုင်းနိုင်ငံမြို့ တော် ဗန် ကောက်အရှေ့ဘက်ကီလိုမီတာ ၁၀၀ အကွာအခွန်ကင်း လွတ်ခွင့်ဇုန်မှာ DFM မီနီထရပ်ထိုင်းလင်းကုမ္ပဏီက စက်ရုံကိုတည်ဆောက်လျက်ရှိပါတယ်။ ထိုင်းကုမ္ပဏီနဲ့ တရုတ်မှဒေါင်ဖန်းမော်တာကုမ္ပဏီတို့ ဖက်စပ်တည်ထောင် ထားတဲ့ ဒီတပ်ဆင်ရေး စက်ရုံကို အောက်တိုဘာက စပြီးလုပ်ငန်းလည်ပတ်မယ်၊ ခြောက်လအတွင်းမှာ စွမ်း အား ပြည့်လည်ပတ်နိုင်မယ်လို့ DFM မီနီထရပ်ထိုင်းလင်း ကုမ္ပဏီ ဥက္ကဌ ချန်ရွန်းဂျူးက ပြောပါတယ်။ ထိုင်းနိုင်ငံတွင် မီနီထရပ်ကားများ ထုတ်လုပ်ရာတွင် နာမည်ရနေတဲ့ Dongfeng Xiaokang ကုမ္ပဏီရဲ့ ထုတ်လုပ်မှုများကို တစ်စိတ်တစ်ပိုင်းထုတ်လုပ်ရာမှ အပြည့်အ၀ တပ်ဆင်ထုတ်လုပ်သွားမှာ ဖြစ်ပြီး ထုတ်လုပ်မှုလုပ်ငန်းစဉ် ရဲ့ ၄၀ ရာခိုင်နှုန်းကို ထိုင်းနိုင်ငံမှာပင် ထုတ်လုပ်သွားမှာ ဖြစ်ပါတယ်။ ထိုင်းနိုင်ငံမှာတစ်နှစ် ကို မီနီထရပ်ကားစင်းရေ ၃၀၀၀ ထုတ်လုပ်ရောင်းချနေတယ်လို့ ချန်ကပြောပါတယ်။ ထို့ကြောင့် ထိုင်းနိုင်ငံ မီနီထရပ်ဈေးကွက်ဝေစုရဲ့ ထက်ဝက်ကိုရယူထားပါတယ်။ ရောင်းချပြီးနောက်ပိုင်း ဝန်ဆောင်မှုပေးတဲ့ဌာနပေါင်း ထိုင်းနိုင်ငံတစ်ဝန်းမှာ ၃၉ ခုကို ထူထောင်ပြီးဖြစ်ပါတယ်။ ဒါကြောင့် ကုမ္ပဏီက ဒေသတွင်း ထုတ်လုပ်မှုကို အရှိန်မြှင့် ဆောင်ရွက်သွားနိုင်မဲ့ အခြေအနေရှိပါတယ်။ ထိုင်းနိုင်ငံဥပဒေအရ အပြည့်အ၀ တပ်ဆင်ထားပြီး တင်သွင်းလာတဲ့ ထရပ်ကားများအတွက် သွင်းကုန်ခွန်ကို ၄၀ ရာခိုင်နှုန်းကောက်ခံပြီး လူစီးကားများ အတွက် တင်သွင်းခွန်ကဒီထက် များပါတယ်။ သွင်းကုန် ခွန်ဝန်ထုပ်ဝန်ပိုးကြောင့် ကားဈေးနှုန်းမြင့်တက်ပြီး ဒေသ တွင်း ထုတ်လုပ်တဲ့ သို့မဟုတ်တပ်ဆင်ထားတဲ့ကားတွေနဲ့ ယှဉ်ပြိုင်တဲ့အခါ ယှဉ်ပြိုင်နိုင်မှုစွမ်းရည် ကျဆင်းစေပါတယ်။ Source.chinacartimes.com
၂ဝ၁၅ ခုနှစ်တွင် ဗီယက်နမ် စီးပွားရေးလုပ်ငန်းများက e- Customs ကို အသုံးပြုမည် ၂ဝ၁၅ ခုနှစ်မှာ ဗီယက်နမ် စီးပွားရေးလုပ်ငန်း အားလုံးရဲ့ ၆ဝ ရာခိုင်နှုန်း e- Customs ကို အသုံးပြု နိုင်အောင် ဗီယက်နမ် အထွေထွေ အကောက် ခွန် ဦးစီးဌာနက ဆောင်ရွက်ပေးမှာ ဖြစ်ပါတယ်။ ဦးစီးဌာနက ကောက်ခံငွေအားလုံးရဲ့ ၉ဝ ရာခိုင်နှုန်းက ၉၅ ရာခိုင်နှုန်း အထိကို အွန်လိုင်းကနေ ကောက်ခံမှာဖြစ်ပါတယ်။ ကုန်သေတ္တာတွေကို စစ်ဆေးတဲ့အခါ စကင်နာများကို အသုံးပြုမှာ ဖြစ်တဲ့အတွက် ကုန်သေတ္တာ တစ်လုံးကို ၃ မိနစ်က ၅ မိနစ်ထိသာ ကြာမှာဖြစ်လို့ စစ်ဆေးချိန်ကိုလျှော့ချ နိုင်တော့မှာ ဖြစ်ပါတယ်။ အဓိကကျတဲ့ နယ်စပ် ဝင်ပေါက်တွေနဲ့ သယ်ယူ ပို့ဆောင်ရေးလမ်းကြောင်းတွေကိုလည်း ကင်မရာတွေနဲ့ နေရာပြဂြိုဟ်တုတွေ ကနေ တစ်ဆင့် ထောက်လှမ်းသွားမှာ ဖြစ်ပါတယ်။ အစိုးရက ချမှတ်ထားတဲ့ ရည်းမှန်းချက်ကို ပြည်မီဖို့အတွက် ဗီယက်နမ် အကောက်ခွန်ဌာနက e- Customs စနစ်ကိုသုံးသွားပြီး ဒစ်ဂျစ်တယ် လက်မှတ် တွေသုံးပြီး အွန်လိုင်းမှာ မှတ်ပုံတင်ထားတဲ့ သတင်းအချက်အလက် တွေရဲ့ လုံခြုံရေးကို ပိုမိုကောင်းမွန်အောင် ထိန်းသိမ်းသွားမှာ ဖြစ်ပါတယ်။ သတင်းအချက်အလက်တွေ ကောက်ယူ၊ စိစစ်၊ ပြုစုရေးအတွက် နည်းဥပဒေများကို ထုတ်ပြန်သွားမှာ ဖြစ်ပါတယ်။ Source: Vovnews.vn
၂ဝ၁ဝ ပြည့်မှာ ဟွန်ဒိုင်း-ကီးယားရဲ့ ကားထုတ်လုပ်မှုက ကမ္ဘာမှာ စတုတ္ထနေရာရလာ အမေရိကန် ပြည်ထောင်စုနဲ့ တရုတ်နိုင်ငံမှာ ရောင်းအားခိုင်မာလာတဲ့အတွက် တောင်ကို ရီးယား နိုင်ငံရဲ့ ဟွန်ဒိုင်းမော်တာ ကုမ္ပဏီနဲ့ သူရဲ့ ညီနောင်ကုမ္ပဏီ ကီးယားမော်တာကော်ပိုရေးရှင်း တို့ဟာ ကမ္ဘာ့ ကားထုတ်လုပ်မှုမှာ စတုတ္ထနေရာကို ရလာကြတယ်လို့ ဂျပန် ဈေးကွက်သုတေသနအဖွဲ့ တစ်ခုက ဇူလိုင် ၁၁ ရက်နေ့က ပြောပါတယ်။ ကုမ္ပဏီ နှစ်ခုရဲ့ စုစုပေါင်းထုတ်လုပ်မှုက ၂ဝဝ၉ ခုနှစ်က ၅ ဒသမ ၃၄ သန်း ရှိခဲ့ပြီး ၂ဝ၁ဝ ပြည့်နှစ်မှာ ၆ ဒသမ ၆ဝ သန်း ရှိခဲ့တဲ့ အတွက် ၂၃ ဒသမ ၆ ရာခိုင်နှုန်း တိုးတက်ခဲ့ပါတယ်။ ဟွန်ဒိုင်းနဲ့ ကီးယားကုမ္ပဏီတို့ဟာ ဟွန်းဒိုင်း မော်တာအစုအဖွဲ့ရဲ့ ရှေ့ဆောင်ကုမ္ပဏီတွေ ဖြစ် ကြပါတယ်။ ၂ဝ၁ဝပြည့်နှစ်က ဂျင်နရယ် မော်တာကုမ္ပဏီ ဟာ ကမ္ဘာ့ ကားထုတ်လုပ်မှုမှာ အကြီးဆုံး ကုမ္ပဏီ ဖြစ်ပြီး သူ့နောက်က တိုယိုတာမော်တာ ကုမ္ပဏီ နှင့် ဗောက်စ်ဝက်ဂင် ကုမ္ပဏီတို့ ရှိနေပါတယ်။ ကားထုတ်လုပ်မှု အရေအတွက် မြင့်တက်ရတာ အဓိကအားဖြင့်တရုတ်နဲ့ အမေရိကန် ပြည်ထောင် စုမှာ အဝယ်လိုက်လာပြီး ချက်ပြည်ထောင်စုနဲ့ ဆလိုဗေးကီးယား နိုင်ငံတွေက စက်ရုံတွေမှာ စွမ်းအားပြည့် ထုတ်လုပ်နိုင်ခဲ့လို့ ဖြစ်တယ်လို့ ဂျပန် သုတေသနအဖွဲ့က ပြောပါတယ်။ Source: yonhapnews.com
အယ်လ်ဂျီ အီလက်ထရွန်းနစ်နဲ့ ဟီတာချီတို့ ရေသန့်စင်ရေးလုပ်ငန်း ဖက်စပ်ထူထောင် ရေသန့်စင်ရေး (Water Treatment Equipment ) ကိရိယာများ ထုတ်လုပ်ရောင်းချခြင်း အပါအဝင် ရေနဲ့ သက်ဆိုင်တဲ့ လုပ်ငန်းတွေ ဆောင်ရွက်ဖို့ ဖက်စပ်လုပ်ငန်းတစ်ခုကို ထူထောင်ကြောင်း အယ်လ်ဂျီ အီလက်ထရွန်း ( LGE ) နဲ့ Hitachi Plant Technologies Ltd. တို့က ဇူလိုင် ၁၁ ရက်နေ့က ကြေညာပါတယ်။ ဖက်စပ်ကုမ္ပဏီကို ၂ဝ၁၁ ခုနှစ် အောက်တိုဘာ ကစပြီး ဖွဲ့စည်းထူထောင်မှာ ဖြစ်ပြီးLG- Hitachi Water Solutions Co. လို့ အမည်ပေးထားပါတယ်။ ကုမ္ပဏီမှာLGE က ၅၁ ရာခိုင်နှုန်း နဲ့ Hatachi Plant Technologies Ltd. က ၄၉ ရာခိုင်နှုန်း ရှယ်ယာပါဝင်မှာ ဖြစ်ပါတယ်။ ကုမ္ပဏီအသစ်က ကနဦးအနေနဲ့ ရေသန့်စင်ရေး ကိရိယာတွေကို ထုတ် လုပ်ရောင်းချမှာ ဖြစ်ပြီး အဓိကအားဖြင့် ကိုရီးယားနိုင်ငံမှာ ရေသန့်စင်ရေး အထောက်အကူပြု ပစ္စည်းတွေနဲ့ သောက်ရေနဲ့ ရေဆိုးသန့်စင်ရေး အထောက်ကူပြု ပစ္စည်းတွေထုတ်လုပ်မှုအပြင် ရေသန့်စင်ရေး နည်းပညာသုတေသနနဲ့ ဖွံ့ဖြိုးရေးလုပ်ငန်းတွေ ဆောင်ရွက်မှာ ဖြစ်ပါတယ်။ ဖက်စပ်ကုမ္ပဏီက နောက်ပိုင်းမှာ တခြားနိုင်ငံတွေမှာလည်း ရေသန့်စင်ရေး လုပ်ငန်းတွေ ဆောင်ရွက်မှာ ဖြစ်ပါတယ်။ လုပ်ငန်းမတည်ရင်းနှီးငွေက တောင်ကိုရီးယား ဝမ် ၁၈ ဘီလီယံ (ဒေါ်လာ ၁၇ သန်း) ရှိပါမယ်။ ှSource: asahi.com
စားသုံးသူဈေးနှုန်းတွေ မြင့်တက်လာလို့ တောင်ကိုရီးယားမှာ လက်ထပ်ဖို့ နှောင့်နှေး တောင်ကိုရီးယားမှာ လက်ထပ်တဲ့ အရေအတွက်ဟာ ယခင်နှစ်အလားတူ ကာလနဲ့ နှိုင်းယှဉ်ရင် ယခုနှစ် ဧပြီလမှာ ၅ ဒသမ ၅ ရာခိုင်နှုန်း ကျဆင်းပြီး ၂၅၇ဝဝ သာ ရှိခဲ့တယ်လို့ တောင်ကိုရီးယား စာရင်းရုံးက ကြေညာပါတယ်။ ယခုလို လက်ထပ်တဲ့အရေအတွက် ကျဆင်းရတာဟာ စားသုံးသူ ဈေးနှုန်းတွေ မြင့်တက်လာလို့ ဖြစ်တယ် လို့ အများစုက ယုံကြည်ထားပါတယ်။ လူပျိုလူလွတ်အဖြစ်နေလိုသူ များလာခြင်း စတဲ့ အခြားလူမှုရေး အကြောင်းတရားတွေက လည်း အရေးပါတဲ့ အခန်းကဏ္ဍမှာ ရှိနေပေမဲ့ လက်ထပ်သူဦးရေ ကျဆင်းရတာမှာ စားသုံးသူ ဈေးနှုန်းမြင့်တက်လာတာက အဓိကလက်သည် ဖြစ်တယ်လို့ ကျွမ်းကျင်သူတွေက ပြောပါတယ်။ လက်ထပ်စ ဇနီးမောင်နံှတွေ သဘောကျတဲ့ အိမ်သစ်၊ ပရိဘောဂနဲ့ အိမ်အသုံးအဆောင်စတဲ့ ဈေးနှုန်းတွေကိုလက်ထပ်ရေးကိစ္စစီစဉ်ဆောင်ရွက်သူ တွေနဲ့ အခြားကျွမ်းကျင်သူတွေဆီမှာChosun Ilbo သတင်းဌာန စစ်တမ်း ကောက်ယူခဲ့ပါတယ်။ စုစုပေါင်း ပစ္စည်းအမယ် ၃ဝ ပါဝင်ပါတယ်။ စစ်တမ်းကောက်ယူချက်အရ ဇွန် လအတွင်း က ပျမ်းမျှဈေးနှုန်းက လွန်ခဲ့တဲ့ နှစ်နှစ်နဲ့ နှိုင်းယှဉ်ရင် ၁၈ ဒသမ ၉ ရာခိုင်နှုန်း မြင့်တက်ပါတယ်။ စုစုပေါင်း စားသုံးဈေးနှုန်းရဲ့ ပျမ်းမျှတိုးတက်မှုက ၆ ဒသမ ၉ ရာခိုင်နှုန်း ရှိတဲ့အတွက် ဒီနှုန်းရဲ့ သုံးဆနီးပါး မြင့်မားနေတာတွေ့ ရပါတယ်။ အဓိက ဖြစ်နေတဲ့ ဝန်ထုပ်ဝန်ပိုးက Jeonse လို့ ခေါ်တဲ့ အိမ်ငှားခကို နှစ်နှစ်စာပေးရတာ ဖြစ်ပါတယ်။ ဒီကုန်ကျငွေပမာဏက ယခင်နှစ်ကနဲ့ နှိုင်းယှဉ်ရင် ၆၅ ဒသမ ၇ ရာခိုင်နှုန်း မြင့်တက်လာပြီး ဇနီး မောင်နံှသစ်ရဲ့ စုစုပေါင်း ကုန်ကျစရိတ်ရဲ့ ၇၄ ရာခိုင်နှုန်း ရှိနေပါတယ်။ Jeonse ဆိုတာက အိမ်ငှားတဲ့သူက သတ် မှတ်ကာလတစ်ခုအတွက် အိမ်ငှားခကို တစ်လုံး တည်းပေးချေရတာ ဖြစ်ပါတယ်။ ၂ဝ၁၁ ခုနှစ်က ဈေးနှုန်းတွေနဲ့ နှိုင်းယှဉ်ရင် အဝတ်ဗီရိုက ၇၁ ဒသမ ၆ ရာခိုင်နှုန်း၊ စားပွဲက ၇၁ ရာခိုင်နှုန်း ဆိုဖာက ၆၂ ရာခိုင်နှုန်းနဲ့ လေအေးစက်က ၆၄ ရာခိုင်နှုန်း အသီးသီး တိုးမြင့် လျက် ရှိနေပါတယ်။ တောင်ကိုရီးယားဗဟိုဘဏ်က လူပျိုလူလွတ် ၁၄၆ဝ ကို စစ်တမ်းကောက်ယူခဲ့ရာ လက်ထပ်ဖို့ ဆိုင်းငံ့ထားသူ အရေအတွက်က ၁ဝ ရာခိုင်နှုန်း ရှိပြီး ငွေကြေးအခက်အခဲက အဓိက အကြောင်း အရင်း ဖြစ်တယ်လို့ ပြောပါတယ်။ Source: chosum.com
ဆူနာမီထောက်လှမ်းရေးကိရိယာကို ဟိတာချီဇိုဆင်း က တီထွင် ဟိတာချီ ဇိုဆင်းကော်ပိုရေးရှင်း က တီထွင်ထုတ်လုပ်တဲ့ ပင်လယ်လှိုင်း တိုင်းတာရေး ကိရိယာက လက်ရှိ တိုင်း တာရေး ကိရိယာတွေထက် ပိုမို ဝေးလံ တဲ့နေရာအထိတိုင်းတာပေးနိုင်ပါတယ်။ ဟိတာချီ ဇိုဆင်း ကော်ပိုရေးရှင်း ကအမေရိကန် ဆော့ဖ်ဝဲကုမ္ပဏီတစ်ခု နဲ့ ပူးတွဲထုတ်လုပ်လိုက်တဲ့ ကိရိယာက ပင်လယ်ပြင်အတွင်း ကီလိုမီတာ ၁ဝဝဝ မှာ ဖြစ်ပေါ်နေတဲ့ ဆူနာမီရေလှိုင်း တွေကို ထောက်လှမ်းနိုင်ပါတယ်။ လက်ရှိ အသုံးပြုနေတဲ့ ကိရိယာတွေက ကမ်းခြေကနေ ကီလိုမီတာ ၂ဝ ထိသာ ထောက်လှမ်းနိုင်ပါတယ်။ သူတို့ ထုတ်လုပ်တဲ့ ကိရိယာဟာ ၂ဝ၁၂ ခုနှစ်မှာ ဈေးကွက်ကို တင်နိုင်လိမ့်မယ်။ အဲဒီအခါမှာ မတ်လ ၁၁ ရက် မြေငလျင်ကြောင့် ဖြစ်ခဲ့တဲ့ ဆူနာမီလို ရေလှိုင်းမျိုးတွေကို ကြိုတင် အချက်ပေးစနစ်အဖြစ် အသုံးပြနိုင် လိမ့်မယ်လို့ ကုမ္ပဏီအရာရှိတွေက ပြောပါတယ်။ ဒီကိရိယာက လှိုင်းတိုင်း ကိရိယာတွေကို ပင်လယ်ထဲမှာ ဘောယာ တွေနဲ့ ချထားပြီး တိုင်းတာပေးမှာ ဖြစ်ပါတယ်။ ဂြိုဟ်တုမှာ ရှိတဲ့ GPS စနစ်တွေက ပင်လယ်ပြင်ကတိုင်းတာ ချက်တွေကို စုစည်းပြီး မြေပြင်ရှိ အခြေ စိုက်စခန်းတွေကို ရရှိထားတဲ့ အချက် အလက်တွေကို ပြန်ပို့ပေးမှာ ဖြစ်ပါတယ်။ Source: asahi.com