လာမဲ့ရိတ်သိမ်းရာသီအမီ စပါးတောင်သူတွေအတွက် အပေါင်ထားစနစ် သစ်ကို စတင်နိုင်ဖို့အတွက် လာမဲ့လကစပြီး အစိုးရကစတင်ဆောင်ရွက်နေ ကြောင်း ထိုင်းနိုင်ငံနေးရှင်းသတင်းမှာ ဖော်ပြထားပါတယ်။

ဈေးနှုန်းလျှော့ချတာကို ဆင်းရဲတဲ့ လယ်သမားတွေမခံစားရအောင် အစီ အစဉ်သစ်အရ ဈေးနှုန်းတွေသတ်မှတ် တဲ့အခါ စပါးစိုက်ဧရိယာအရွယ်အစား အပေါ် မူတည်သတ်မှတ်သွားမှာဖြစ်ပါတယ်။ အစီအစဉ်သစ်ကိစ္စဆွေးနွေးဖို့ လယ်သမားများနဲ့သက်ဆိုင်ရာအေဂျင်စီ တွေကို ခေါ်ယူပြီး ဇူလိုင် ၁၀ ရက်နေ့မှာ စီးပွားရေးနှင့်ကူးသန်းရောင်းဝယ် ရေးဝန်ကြီး ယန်ယောင်ဖူအန်ဂရပ်က အစည်းအဝေးကျင်းပမှာ ဖြစ်ပါတယ်။ "အပေါင်ထားဈေးနှုန်းသစ်ကတကယ်ဈေးကွက်အခြေအနေကို ရောင်ပြန် ဟပ်ထားမှာဖြစ်ပါ တယ်။ ဈေးနှုန်းသစ်တွေ က ကျဆင်းသွားပေမဲ့ ဆင်းရဲတဲ့ လယ်သမားတွေရဲ့ဝင်ငွေကို ထိခိုက်စေမှာမဟုတ်ပါဘူး။ ဒီအစီအစဉ်သစ်အရ ဆန်တင်ပို့မှုတိုးတက်လာ အောင် အားပေးနိုင်ပါလိမ့်မယ်" လို့ ယန်ယောင်က ပြောပါတယ်။ အစီအစဉ်သစ်ကို အားလုံးက လက်ခံနိုင်မှာဖြစ်ကြောင်း၊ ဈေးနှုန်းတွေ ကို ယခုလထဲမှာတွက်ချက်ပြီး လယ် သမားတွေက ညှိနှိုင်းမှုတွေဆောင်ရွက် နိုင်အောင် လာမဲ့လထဲမှာကြေညာသွားမှာဖြစ်ကြောင်း သူကပြောပါတယ်။ အပေါင်ထားတဲ့ဈေးနှုန်းသစ်တွေကိုသတ်မှတ်ရာမှာ လယ်သမားတစ်ဦး ချင်းစီရဲ့ စပါးစိုက်ဧရိယာအရွယ်အစားအရ သတ်မှတ်သွားမှာဖြစ်ကြောင်း ပြည်တွင်းကုန်သွယ်မှုဌာန ညွှန်ကြားရေးမှူးချုပ်ဒီဘွန်းလာဆာနာရူအန်ရာဆာ က ပြောပါတယ်။ ဒီအစီအစဉ်က ဆင်းရဲတဲ့လယ်သမားတွေကိုအကူအညီပေးဖို့ဖြစ်ကြောင်း နဲ့ လယ်သမားတွေရဲ့ ကုန်ထုတ်လုပ်မှုစရိတ် ကျဆင်းသွားအောင်အစိုးရက အကူအညီပေးသွားမှာဖြစ်ကြောင်း သူမကပြောပါတယ်။
 

ဇွန်လမှာ ဗီယက်နမ်ရဲ့ ငွေကြေး ဖောင်းပွနှုန်းမြင့်တက်လာတာကို ဇွန် ၂၅ ရက်က တရားဝင်ထုတ်ပြန်တဲ့ စာရင်းတွေမှာ တွေ့ရပါတယ်။ အစိုးရ က အတိုးနှုန်းတွေလျှော့ချလိုက်ပြီး နောက်ပိုင်း ရှစ်လအတွင်း ပထမဆုံး အကြိမ်မြင့်တက်ခဲ့တာဖြစ်ကြောင်း အေ အက်ဖ်ပီသတင်းမှာဖော်ပြထားပါတယ်။

အီလက်ထရွန်းနစ်ပို့ကုန်တွေ ကျ ဆင်းတဲ့အတွက် စင်ကာပူနိုင်ငံရဲ့ ရေနံ မှ အပဖြစ်တဲ့ပို့ကုန်တွေ(NODX) က နှစ်အလိုက် အခြေခံနဲ့တွက်ချက်ရင် မေလမှာ ၄ ဒသမ ၆ ရာခိုင်နှုန်းကျဆင်း ခဲ့ကြောင်း ချန်နယ်နယူးအေးရှ သတင်း မှာ ဖေါ်ပြ ထားပါတယ်။ ယခင်လက ၁ ဒသမ ၀ ရာခိုင်နှုန်းကျဆင်းခဲ့ပြီး နောက် ဆက်လက်ကျ ဆင်းခဲ့တာ ဖြစ် ပါတယ်။

မကြာသေးမီကဖြစ်ပွားခဲ့တဲ့ လူ သေမှုအတွက် စုံစမ်းစစ်ဆေးမှုပြုလုပ် နေတဲ့ကာလအတွင်း အမေရိ ကန်ပြည် ထောင်စုပိုင်ရွှေနဲ့ကြေးနီသတ္တုတွင်းရဲ့ ထုတ်လုပ်မှုကို ရပ်ဆိုင်းထားဖို့ အင်ဒိုနီး ရှားအစိုးရက အမိန့်ထုတ်ပြန်ခဲ့ကြောင်း အဆင့်မြင့်အရာရှိကြီးတွေက ဇွန် ၃ ရက်ကပြောပါတယ်။ လွတ်လပ်တဲ့အဖွဲ့ က ပြုလုပ်တဲ့စုံစမ်းစစ်ဆေးမှုကာလက နှစ်လ၊ သုံးလလောက်ကြာမြင့်မယ်လို့ ခန့်မှန်းထားပြီး ဒီကာလအတွင်း မှာ ပြု ပြင်ထိန်းသိမ်းရေး လုပ်ငန်းတွေကိုသာ ဆောင်ရွက်ခွင့်ပြုမယ်လို့ သတ္တုတွင်းနဲ့ စွမ်းအင်ဝန်ကြီး ဂျယ်ဂိုဝါဆစ် က ပြော ပါတယ်။

အရှေ့ပိုင်းဒေသပါပူအာ ပြည်နယ် ရှိ ဂရပ်စဘတ်သတ္တုတွင်းရှိ မြေအောက် လေ့ကျင့်ရေးစခန်းမှာ မေ ၁၄ ရက်က မြေပြိုပြီး အလုပ်သမား ၂၈ ဦးသေဆုံး ခဲ့ပါတယ်။ သတ္တုတွင်းကို အရီးဇိုနား အခြေစိုက် ဖရီးပိုးမက် မိုရန်ကြေးနီနဲ့ ရွှေလုပ်ငန်းကုမ္ပဏီလက်အောက်ခံ ဖီး နစ်ကပိုင်ဆိုင်ပြီး တစ်ရက်ကိုသတ္တုရိုင်း တန် ၂၂၀၀၀၀ ထုတ်လုပ်လျက်ရှိရာ ပွင့် လင်းသတ္တုမိုင်းမှ တန် ၁၄၀၀၀၀ နဲ့ မြေအောက်သတ္တုတွင်းက တန် ၈၀၀၀၀ ထုတ်လုပ်ပါတယ်။ ကုမ္ပဏီရဲ့သတ္တုမိုင်းတွေကို ပမာဏ ဘေးအန္တရာယ် ကင်းရှင်းမှု စစ်ဆေးရေး လုပ်ငန်းတွေဆောင်ရွက် ပြီဖြစ်ကြောင်းနဲ့ သတ္တုတွင်းပြိုကျမှုကို စစ်ဆေးမဲ့ကုမ္ပဏီ ရဲ့ ကိုယ်ပိုင်အဖွဲ့ကို ဖွဲ့ပြီးဖြစ်ကြောင်း ဖလီးပို့က ကုမ္ပဏီက ပြောပါတယ်။ သတ္တုတွင်းတူးဖော်ရေးလုပ်ငန်းတွေကို ပြန်လည်စတင်ဖို့ကြိုးပမ်းဆောင်ရွက် ရာမှာ ကုမ္ပဏီက ပူးပေါင်းဆောင်ရွက် မှာဖြစ်ကြောင်း ဖရီးပို့အင်ဒိုနီးရှားရဲ့ ပြောရေးဆိုခွင့်ရှိသူ ဒေစီပရိုင်မာယန်တီ ကပြောပါတယ်။ ဘေးအန္တရာယ် ကင်းရှင်းရေးနဲ့ ပတ်သက်ပြီး နိုင်ငံအတွင်းမှာရှိတဲ့ သတ္တု တွင်းကုမ္ပဏီအားလုံးကို စေ့စေ့စပ်စပ် စစ်ဆေးအကဲဖြတ်ဖို့ သမ္မတ ဆူဆီလို ဘမ်ဘန်းယူဒိုယိုနိုက အရာရှိတွေကို အမိန့်ပေးထားပါတယ်။ ဥမင် လိုဏ် ခေါင်းပြိုကျပြီးနောက် ဂရက်စဘတ်ရှိ လုပ်ငန်းရပ်များကို မေ ၂၈ ရက်ထိရက် သတ္တ ပတ် နှစ်ပတ်ရပ်ဆိုင်းထားပါတယ်။ ၁၉၇၀ ပြည့်လွန်နှစ်များက လုပ်ငန်းစ တင်ခဲ့သောဤသတ္တုတွင်းတွင် လုပ် သား ၂၀၀၀၀ ကျော်လုပ်ကိုင်လျက်ရှိပါ တယ်။