အလုပ်အကိုင်သစ် ဖန်တီးမှု မြင့် မားလာခြင်းနဲ့ အမျိုးသမီးတွေနဲ့ အ သက်အရွယ်ကြီးရင့်တဲ့လုပ်သားတွေ လုပ်ငန်းခွင်ပြန်ဝင်တဲ့နှုန်းမြင့်မားလာတဲ့ အတွက် ယခုနှစ်အတွင်းမှာစင်ကာပူ နိုင်ငံသားအလုပ်သမားတွေအလုပ် အကိုင်ရရှိမှုစံချိန်သစ် တင်ကြောင်း AFP သတင်းတစ်ရပ်မှာ ဖော်ပြထား ပါတယ်။

အပြည်ပြည်ဆိုင်ရာ ငွေလွှဲလုပ်ငန်း ဆောင်ရွက်နေသူတွေအတွက် ဝန် ဆောင်မှုအဖြစ် ရွှေ့ပြောင်းလုပ်သားများရဲ့ လုပ်ငန်းများချဲ့ထွင်သွားဖို့   CIMB Thai Bank  က စီစဉ်ဆောင်ရွက်လျက်ရှိကြောင်း ထိုင်းနိုင်ငံ သတင်းဌာန The Nation  မှာဖော်ပြထားပါတယ်။

နိုင်ငံခြားတိုက်ရိုက်ရင်းနှီးမြှုပ်နှံမှု (FDI)  စီးပွားရေးလုပ်ငန်းအတော်များ များက ရင်းနှီးမြှုပ်နှံမှုကိုတိုးမြှင့်ဆောင် ရွက်နေပြီး ဗီယက်နမ်နိုင်ငံ၏ ပို့ကုန် ကဏ္ဍအတော်များများတွင်ပြည်တွင်း စီး ပွားရေးလုပ်ငန်းတွေထက် သာလွန်နေ ကြောင်းဗီယက်နမ်သတင်းတစ်ခုတွင်ဖော် ပြထားတာကိုတွေ့ရပါတယ်။ ဂျပန်နိုင်ငံ ကအပြည့်အဝရင်းနှီးမြှုပ်နှံထားတဲ့ Sai Gon Precision  ကုမ္ပဏီက စက်ရုံသစ် တစ်ရုံတည်ဆောက်ရန်အတွက် အမေ ရိကန်ဒေါ်လာ ၂၅ သန်းထပ်မံရင်းနှီး မြှုပ်နှံပြီးအမှာစာသစ်တွေဖြည့်ဆည်းနိုင် ဖို့အတွက်လုပ်သားများပိုမိုခန့်ထားဖို့ စီစဉ်ဆောင်ရွက်နေပါတယ်။ တောင်ကို ရီးယားကုမ္ပဏီ  Nonland Viet Nam  ကုမ္ပဏီက ဒေါ်လာ ၁၇ သန်းထပ်မံ ရင်းနှီးမြှုပ်နှံပြီး ဟိုချီမင်းစီးတီမှာရှိတဲ့ Thoi Hiep  စက်မှုဇုန်မှာရှိတဲ့ စက်ရုံကို ကုဗမီတာ ၁၁၀၀၀ ထပ်မံ တိုးချဲ့ပြီးအ ထည်ချုပ်စက်ရုံတည်ဆောက်ဖို့စီစဉ်နေ ပါတယ်။

ယူရိုဇုန်အကျပ်အတည်းက လာ မဲ့ အချိန်တိုအတွင်းမှာလျင်လျင်မြန်မြန် ဖြေရှင်းပေးနိုင်မယ့် လမ်းစမမြင်သေး တဲ့အတွက်လာမဲ့နှစ်မှာအာရှဒေသရှိ ခရီးသည်တွေကို အဓိက ရည်မှန်းချက် ထားပြီးခရီးသွားလုပ်ငန်းမြှင့်တင်ရေး အသုံးစရိတ်ကိုဆောင်ရွက်ဖို့ အင်ဒိုနီး ရှားခရီးသွားလုပ်ငန်းနဲ့ ဖန်တီးမှုစီးပွား ရေးဝန်ကြီးဌာနကစီစဉ်ဆောင်ရွက်နေ ပါတယ်။