Background
ရီပတ်ဘလီကင်အမတ်များနဲ့ အကြီးအကျယ်အငြင်းပွားနေချိန်မှာ အမေရိကန်သမ္မတဘားရက်အိုဘားမား ကသူရဲ့ဘတ်ဂျက်အကြီးအကဲသစ် အဖြစ်ဝေါလ်မတ်ဖေါင်ဒေးရှင်းအကြီး အကဲဆယ်လ်ဗီယာမက်သရူးဘာဝဲကို မတ် ၄ ရက်ကအမည်စာရင်းတင်သွင်း ဖို့ဆုံးဖြတ်ထားကြောင်း AFP သတင်း တစ်ရပ်မှာဖေါ်ပြထားပါတယ်။
ပို့ကုန်နဲ့ ပြည်တွင်းစားသုံးမှု မြင့်တက်လာမှုပြီးတဲ့နောက် အတိုးနှုန်းတွေ လျှော့ချ ဖို့ ဗဟိုဘဏ်အပေါ်ဖိအားပေးမှု ကျဆင်းလာတဲ့အတွက် ထိုင်းနိုင်ငံရဲ့ စီးပွားရေးဖွံ့ဖြိုးမှုစတုတ္ထသုံးလပတ်မှာ မြင့်တက်လာပါတယ်။ ထိုင်းနိုင်ငံ ရဲ့ ငွေ ကြေး မူဝါဒကော်မတီအစည်းအဝေးကို ဖေဖော်ဝါရီ ၂၀ ရက်မှာ ကျင်းပဖို့ရှိပါ တယ်။
အကြီးစား အော်ဂဲနစ် အလင်း ထုတ်လွှတ်မှုဒိုင်အုပ် (OLED) တယ်လီ ဗီးရှင်းမော်နီတာများကို ထုတ်လုပ်မဲ့ စက်ရုံအတွက် ဝမ် ၇၀၆ ဒသမ ၃ ဘီ လီယံ(ဒေါ်လာ ၆၅၅ သန်း) ကိုရင်းနှီး မြှုပ်နှံမှာဖြစ်ကြောင်း အယ်လ်ဂျီကုမ္ပဏီ ကဖေဖော်ဝါရီ ၁၈ ရက်ကပြောပါ တယ်။ အသစ် တည်ဆောက်မဲ့ တပ် ဆင်ရေး စက်ရုံကို M2 လို့ အမည်ပေး ထားပြီး ဂီယောင်ဂျီးပြည်နယ် ပါဂျူးမှာ တည်ရှိပါတယ်။ လစဉ် ထုတ်လုပ်မှု အင်အားက ယူနစ် ၂၆၀၀၀ ရှိပါတယ်။ လာမဲ့နှစ်အနည်းငယ်အတွင်းမှာ OLED ဈေးကွက်ကို လွှမ်းမိုးထားနိုင်ဖို့ အတွက်ဆောင်ရွက်နေတဲ့စီမံကိန်းတွေ ရဲ့အစိတ်အပိုင်းတစ်ရပ်အဖြစ် လာမဲ့ နှစ်ပထမနှစ်ဝက်မှာ အစုလိုက် အပြုံ လိုက်ပုံအောထုတ်လုပ် ဖို့ရည်ရွယ် ထား ကြောင်း LD Display ကပြောပါတယ်။
စံချိန်တင်လောက်အောင် ကျ ဆင်းပြီးဖြစ်တဲ့ ဗဟိုဘဏ်အတိုးနှုန်းကို ဥရောပ ဗဟိုဘဏ် (အီးစီဘီ)က ထပ်မံ လျှော့ချတော့မှာမဟုတ်ကြောင်း ပြော ကြားရင်းကာလရှည်ကြာစွာ အတိုးနှုန်း တွေဆက်လက်လျှော့ချထားရင် အန္တရာယ် များကြောင်းအီးစီဘီအကြီးအကဲက ဖေ ဖော်ဝါရီ ၁၈ ရက်ကပြောကြားပါ တယ်။ ငွေကြေးစစ်ပွဲဖြစ်နေတယ် ဆိုတာ "ချဲ့ ကားပြောတာသက်သက်" မျှသာဖြစ် ကြောင်းပြောကြား ရင်း နိုင်ငံခြားငွေဈေး ကွက်တွေမှာယူရိုရဲ့အဆင့်နဲ့ပတ်သက် ပြီး ဗဟိုဘဏ်ရဲ့အမြင်ကို ဘရပ်ဆဲရှိ ဥရောပပါလီမန် အဖွဲ့ဝင်များကို ပြော ကြားရာမှာမာရီယိုဒရပ်ဂီကပြောကြား ခဲ့ပါတယ်။
ငွေကြေးစစ်ပွဲဖြစ်မယ်ဆိုတဲ့ စိုးရိမ် မှုတွေမဖြစ်နိုင်ကြောင်း မော်စကိုမြို့မှာ ကျင်းပနေတဲ့ဖွံ့ဖြိုးပြီးနဲ့ဖွံ့ဖြိုးဆဲနိုင်ငံ ၂၀ (ဂျီ-၂၀) မှဘဏ္ဍာရေးဝန်ကြီးများနဲ့ ဘဏ်လုပ်ငန်းရှင်များအစည်းအဝေးရဲ့ အလွတ်သဘောဆွေးနွေးပွဲမှာ အပြည် ပြည်ဆိုင်ရာငွေကြေးရန်ပုံငွေအဖွဲ့ (အိုင် အမ်အက်ဖ်) အကြီးအကဲခရစ္စတင်း လားဂတ်ကပြောပါတယ်။
အဓိကအားဖြင့် ၂၀၁၂ခုနှစ် နောက်ဆုံးသုံးလပတ်မှာအမေရိကန် စီးပွားရေးကျဆင်းခြင်း၊ ဘတ်ငွေ တန်ဖိုး မြင့်တက်ခြင်းနဲ့တစ်နိုင်ငံလုံးအတိုင်း အတာနဲ့လုပ်ခလစာမြင့်တက်မှုစတဲ့ အချက်တွေကြောင့် ယခုနှစ်ပထမသုံးလ ပတ်မှာထိုင်းနိုင်ငံရဲ့စီးပွားရေးအလား အလာအတက်ဘက်မှာရှိလိမ့်မယ်လို့ အမှုဆောင်အရာ ရှိချုပ်ဦးရေကတစ် ဝက်ပင်ကျော်လွန်ခြင်းမရှိခဲ့ကြောင်း စစ်တမ်းတစ်ခုအရသိရပါတယ်။
ဘတ်ဂျက်လိုငွေကို လျှော့ချရာမှာ ဟန်ချက်ညီညီဆောင်ရွက်သွားနိုင်မဲ့ နည်းလမ်းကိုရှာဖွေဖို့ အမေရိကန်သမ္မတ ဘားရက်အိုဘားမားက အမေရိကန် လွှတ်တော်ကိုဖေဖော်ဝါရီ ၉ ရက် တိုက်တွန်းခဲ့ပါတယ်။ ထို့အတူ ဘတ်ဂျက်ကို အဆမတန်ဖြတ်တောက်လိုက်ရင် စီးပွားရေးကို ထိခိုက်ပြီး အမေရိကန်ရှိအလုပ် အကိုင်ထောင်ပေါင်းများ စွာကိုခြိမ်း ခြောက်လာလိမ့်မယ်လို့ သတိပေးပါတယ်။
ကုန်ပစ္စည်းပို့ကုန်နဲ့သွင်းကုန်ကို စုပေါင်းတွက်ချက်မယ်ဆိုရင် တရုတ် နိုင်ငံက ၂၀၁၂ ခုနှစ်မှာ အမေရိကန် နိုင်ငံကိုကျောက်တက်ပြီးအကြီးမားဆုံး ကုန်သွယ်မှုနိုင်ငံတစ်နိုင်ငံဖြစ်လာပါတယ်။ ဒုတိယကမ္ဘာစစ်နောက် ပိုင်းကမ္ဘာ့ကူး သန်းရောင်းဝယ်ရေးမှာအမေရိကန်ရဲ့ လွှမ်းမိုးမှုကို အာရှနိုင်ငံတရုတ်က စိန် ခေါ်ရာမှာထင်ရှား တဲ့အမှတ်အသားတစ် ခုဖြစ်ပါတယ်။ အမေရိကန်ရဲ့ ၂၀၁၂ ခုနှစ်က ပို့ကုန်နဲ့သွင်းကုန်စုစုပေါင်းကို ဒေါ်လာ ၃ ဒသမ ၈၂ ထရီလီယံရှိ ကြောင်းအမေရိကန်ရဲ့ စီးပွားရေးနဲ့ကူး သန်း ရောင်းဝယ်ရေးဝန်ကြီးဌာနက ယခင်ရက်သတ္တပတ်ကကြေညာပါတယ်။ တရုတ်နိုင်ငံရဲ့ ၂၀၁၂ ခုနှစ်စုစုပေါင်း ကုန်သွယ်မှုကဒေါ်လာ ၃ ဒသမ ၈၇ ထရီလီယံရှိကြောင်း တရုတ်အကောက် ခွန်အုပ်ချုပ်ရေးဌာနက ယခင်လက ကြေညာခဲ့ပါတယ်။
အစိုးရအပေါ်ကျရောက်နေတဲ့ ဘတ်ဂျက်လိုငွေဝန်ထုပ်ဝန်ပိုးကြောင့် ငွေကြေးမူဝါဒလျှော့ချရေးကိစ္စကို အ ဟန့်အတားဖြစ်စေကြောင်းပြောဆိုနေ ပေမဲ့ အိန္ဒိယဗဟိုဘဏ်ကအတိုးနှုန်း များကို ဇန်နဝါရီ ၂၉ ရက်နေ့က ကိုးလ အတွင်းပထမဆုံးအကြိမ်အဖြစ်လျှော့ချ ပေးမယ်လို့ ခန့်မှန်းထားပါတယ်။ စီးပွား ရေးနှေးကွေးကျဆင်းနေတာကို ဆွဲတင် ပေးဖို့အတွက်တိုင်းပြည်ရဲ့ ဘဏ္ဍာရေးနဲ့ ပြည်ပငွေပေးငွေယူရှင်းတမ်းလိုငွေပြ မှု မြင့်မားနေတာ ကငွေကြေးမူဝါဒကိုလျှော့ ချရာမှာ အဓိကအခက်အခဲဖြစ်နေ ကြောင်းမူဝါဒသတ်မှတ်ရေးအစည်း အဝေးမတိုင်မီ ကပြုလုပ်တဲ့အစီရင်ခံစာ မှာဖေါ်ပြထားပါတယ်။
စီးပွားရေး တွန်းအားပေး အစီ အစဉ်အရသုံးစွဲမှုကို]]ထာဝရပြုလုပ်သွား မှာ}} မဟုတ်ကြောင်းဘတ်ဂျက်အစည်း အဝေးမတိုင်မီပြောကြားတဲ့ မူဝါဒမိန့် ခွန်းတစ်ခုမှာဂျပန်ဝန်ကြီးချုပ်ရှင်ဇိုအာ ဘေးက ဇန်နဝါရီ ၂၈ ရက်က ကတိပြု ပြောကြားခဲ့ပါတယ်။