Main menu

Background

Monday, 27 Feb 2012

အမေရိကန်နိုင်ငံ၏  ဧရာမ  နည်းပညာ ကုမ္ပဏီကြီးဖြစ်သည့် အက်ပဲလ်အဖို့  အိုင်ပက် လ  ဟူသော စကားလုံးများအတွက် တရုတ် ကုမ္ပဏီတစ်ခုနှင့်  ကုန်အမှတ်တံဆိပ် အငြင်းပွား မှုကို ရင်ဆိုင်ရလျက်ရှိသည်။ တရုတ်ကုမ္ပဏီ Proview Technology  က တရုတ်နိုင်ငံတွင် (iPad)  ကုန်အမှတ်တံဆိပ်ကို မိမိတို့ပိုင်ဆိုင်သည်ဟု ဆိုသည်။

Monday, 13 Feb 2012

               မြန်မာနိုင်ငံမှထွက်ရှိသော ပဲမျိုးစုံတင်ပို့မှုအနက် ပင်လယ်ရေ ကြောင်းမှ ပဲစင်းငုံတင်ပို့မှုအခြေအနေကို လေ့လာကြည့်လျှင် ကိန်းဂဏန်း စာရင်းဇယားများအရ အောက်ပါအတိုင်း တွေ့ရှိရမှာဖြစ်ပါတယ်-     (ကန်ဒေါ်လာသန်း)

Monday, 16 Jan 2012

ကုန်သွယ်မှုတိုးမြှင့်ရေးပြည်ပနိုင်ငံများနှင့်   ကုန်သွယ်မှု သည် နိုင်ငံ၏စီးပွားရေးဖွံ့ဖြိုးတိုးတက် မှုအတွက် အရေးပါ၍ အပေါင်းလက္ခ ဏာဆန်သည့် တွန်းအားတစ်ရပ်ဖြစ် ကြောင်းကို စီးပွားရေးပညာရှင်များက လက်ခံယုံကြည်ထားကြပါသည်။ ကုန် သွယ်မှုကို နိုင်ငံ၏ စီးပွားရေးဖွံ့ဖြိုးတိုး တက်ရန်အတွက် ထိန်းကျောင်းမောင်း နှင်ပေးသည့်အင်ဂျင်တစ်ခုအဖြစ်သတ် မှတ်တင်စားကြပါသည်။ အထူးသဖြင့် ဖွံ့ဖြိုးဆဲနိုင်ငံများ၏ စီးပွားရေးတိုးတက် မှုနှင့်ကုန်သွယ်မှုသည် တိုက်ရိုက်ဆက် စပ်နေသည့်အတွက်  အဆိုပါနိုင်ငံများ ၏ စီးပွားရေး  ဖွံ့ဖြိုးတိုးတက်မှုအား ကောင်းလာစေရန်မှာ ကုန်သွယ်မှုဖွံ့ဖြိုး တိုးတက်မှုအပေါ် များစွာမူတည်လျက် ရှိပါသည်။

Monday, 16 Jan 2012

ဈေးကွက်ကို ကျားကန်ပေးမည်လောနိုင်ငံတော်အစိုးရသစ် တာဝန်ယူချိန်ကာလ တစ်နှစ်ပါးရှိလာ ချိန်တွင် စီးပွားရေးကဏ္ဍများနှင့်ပတ်သက်၍ အပြောင်းအလဲများ ဖြစ်ထွန်းနေသည်ကို တွေ့ရှိရသည်။ လက်ခံကျင့်သုံးနေသော ဈေး ကွက်စီးပွားရေးစနစ်အောက်တွင် ကုန်သွယ်ရေးကဏ္ဍ၌ သွင်းကုန် ပို့ကုန်ပိုင်းဖြေလျော့မှုများ ပြုလုပ်ပေးခြင်း၊ ဈေးကွက်များ အလှုပ်အခါ ပြင်းထန်မှု မဖြစ်စေရေးအတွက်လည်း နည်းလမ်းများရှာဖွေကျင့်သုံး ခြင်းတို့ဖြင့် အားထုတ်ဆောင်ရွက်လျက်ရှိသည်။

Wednesday, 4 Jan 2012

တရုတ်နဲ့ ဂျပန်နိုင်ငံတို့က အမေရိကန်ဒေါ်လာကို အသုံးမပြုဘဲ တရုတ်ယွမ်ငွေနဲ့ ဂျပန်ယန်းငွေ တို့ကိုအသုံးပြုပြီး တိုက်ရိုက်ကုန်သွယ်မှုကို မြှင့်တင်တော့မှာဖြစ်တယ်။ ဒါ့ပြင် ငွေကြေးဈေးကွက်အတွင်း ပါဝင်တဲ့ ကုမ္ပဏီတွေအတွက် ဈေးကွက်ဖွံ့ဖြိုးတိုးတက်ရေးကို အားပေးမှာဖြစ်ကြောင်း ဂျပန်အစိုးရက ၂၆-၁၂-၂၀၁၁ ရက်နေ့မှာ ပြောကြားလိုက်ပါတယ်။

Wednesday, 4 Jan 2012

           တရုတ်နိုင်ငံသုံး ရန်မင်ဘီ (ယွမ်)ငွေကြေး သည် မကြာမီအတွင်းမှာ ဒေါ်လာ၊ ယူရိုတို့နှင့် အတူ နိုင်ငံတကာငွေပေးချေမှုများတွင်  ပါဝင်လာ လိမ့်မည်ဟု HSBC ဘဏ်က ထုတ်ပြန်သည့်စစ် တမ်းတွင် ဖော်ပြခဲ့သည်။ ရန်မင်ဘီကို နိုင်ငံတကာ သုံး ငွေကြေးဖြစ်လာစေရန် တရုတ်နိုင်ငံက ကြိုး ပမ်းဆောင်ရွက်နေခြင်းကို  သတိမပြုမိကြသော် လည်း တိုးတက်နေပုံရသည်။

Wednesday, 4 Jan 2012

    မြန်မာနိုင်ငံ ဆန်စပါးလုပ်ငန်း အသင်း၏ အရန်ဆန်သိုလှောင်ထား ရှိမှုအစီအစဉ်အတွက် လိုအပ်သော ဧည့်မထ ၂၅ % အဆင့် ဆန် မက်ထ ရစ် တန်ချိန် ၁၀၀၀ နှင့်ညီမျှသော အိတ်ရေ ၂၀၀၀၀ ကို ကျပ်ငွေဖြင့် ဝယ် ယူမည့် အစီအစဉ်အတွက်  စိတ်ပါဝင် စားသည့် ကုမ္ပဏီများအား တင်ဒါစနစ် ဖြင့် ရွေးချယ်ပွဲကို ၂၀၁၁ ခုနှစ် ဒီဇင် ဘာ ၃၁ ရက် နေ့လယ် ၁၅း၁၅ နာရီမှာ ရန်ကုန်တိုင်းဒေသကြီး လမ်းမတော်မြို့ နယ်ရှိ ပြည်ထောင်စုသမ္မတမြန်မာ နိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ်ရုံးရှိ မြန်မာ နိုင်ငံဆန်စပါး လုပ်ငန်းအသင်းရုံးခန်း မှာ ပြုလုပ်ခဲ့ပါတယ်။

Sunday, 18 Dec 2011

     ထိုင်းကုန်စည်ပြပွဲ ၂၀၁၁ ဖွင့်ပွဲ အခမ်းအနားကို ၂၀၁၁ ခုနှစ် ဒီဇင်ဘာ ၁၅ ရက်နံနက် ၉း၀၀ နာရီမှာ ရန်ကုန် မြို့ ဦးဝိစာရလမ်းရှိ တပ်မ တော်ခန်းမ မှာကျင်းပပြုလုပ်ခဲ့ ပါတယ်။

Wednesday, 9 Nov 2011

                 တရားဝင်မှတ်ပုံတင်ထားခြင်းမရှိသည့်ယာဉ်တင်သွင်းခွင့်အကျိုးဆောင် လုပ်ငန်းအချို့သည် ယာဉ်ဝယ်ယူရန် ကြိုပွိုင့်အဖြစ်ပေးချေထားသည့်ငွေများကို လိမ်လည်ထွက်ပြေးမှုဖြစ်ပွားခဲ့ကြောင်း ယာဉ်ဝယ်ရောင်းလုပ်ကိုင်သူတစ်ဦးက အောက်တိုဘာ ၂၆ ရက်တွင် ပြော ကြားသည်။                  ယာဉ်တစ်စီးလျှင် ကျပ်သိန်းတစ်ရာနှုန်းဖြင့် ကြိုပွိုင့်ယူထားပြီး ထွက်ပြေး သွားသည့်အကျိုးဆောင် အဖွဲ့လေးဖွဲ့ရှိကြောင်း၊ လိမ်လည်ယူသွားသည့်ယာဉ်စီးရေ ၁၈၀ စီးခန့်ရှိပြီး ငွေကြေးအား ဖြင့် ကျပ်သိန်းတစ်သောင်း ရှစ်ထောင် ခန့်ရှိကာ ရက်သတ္တပတ်နှစ်ပတ်ခန့်ကြာ မြင့်ပြီဖြစ်ကြောင်း ၎င်းင်းကပြောကြား သည်။                        (The Voice Weekly ရဲ့ Monday October 31-November 6- 2011) ရက်နေ့ထုတ် အချပ်ပိုစာမျက် နှာ 1V ပါ " ကားသွင်းပေးသောလုပ်ငန်း အချို့လိမ်လည်" ဆိုသည့်ခေါင်းစဉ်ဖြင့် သတင်းတစ်ပိုင်းတစ်စကို ဖတ်ရသော အခါ ကျွန်တော့်စိတ်ထဲတွင် " ကားသစ် တောင်မမြင်ရသေးဘူး၊ ဇာတ်လမ်းက စပြီ" ဟုကောက်ချက်ချမိသည်။ ယခုအခါ ပုံနှိပ်မီဒီယာများဖြစ်သော အပတ်စဉ်ဂျာနယ်များတွင် ကားတင်သွင်းပေးမည့် ဝန်ဆောင်မှုကုမ္ပဏီ များသည် မော်တော်ကား ဓါတ်ပုံများကို ဖော်ပြပြီး ကားတင်သွင်းခွင့်ခွင့်ပြုမိန့် (ပါမစ်)ရရှိသူများကို ၎င်းတို့ကုမ္ပဏီများ က တာဝန်ခံကား တင်သွင်းပေးမည်ဖြစ် ကြောင်း ကြော်ငြာလျက်ရှိသည်ကို တွေ့ရသည်။                     ၃၀-၁၀-၂၀၁၁ ရက်နေ့ထုတ် The Voice Weekly ဂျာနယ်ပါသတင်း အချက်အလက်အရ " ကားပါမစ်ရှိရုံဖြင့် ကားတစ်စီးတင်သွင်းပေးမည်" ''Customerများ၏ ဝယ်ယူအားပေးမှုကို အမြဲ ဦးထိပ်ပန်ဆင်လျက် " ဆိုသည့် ဆွဲဆောင်မှုများကို ယုံကြည်ရန် ခက်ခဲ ခဲ့ပြီဖြစ်သည်။                         ကျွန်တော်သည်လည်း နှစ် (၂၀) (၃၀)(၄၀) ဆိုသည့်သတ်မှတ်ချက်နှင့် အကျုံးဝင်သော ယာဉ်အိုယာဉ်ဟောင်း တစ်စီး လက်ဝယ်ပိုင်ဆိုင်ထားသည်ဖြစ်ရာ မျှော်လင့်ချက်အလင်းရောင်တချို့ တစ်ဝက်တောက်ပ လျက်ရှိသည်။ ယာဉ် အိုယာဉ်ဟောင်းများ လဲလှယ်ပေးမည့် အစီအစဉ်ကို နိုင်ငံတော်က မကြေညာ မီကကျွန်တော်သည် ကိုယ်ပိုင်ကားစုတ် ကလေးနှင့်ပတ်သက်ပြီး အလွန်ပင်ဦးနှောက်ခြောက်ခဲ့ရပါသည်။ ယာဉ်ကအို ဟောင်းနေပြီဖြစ်သဖြင့် ခရီးဝေးသွား ရန်မပြောနှင့် လမ်းပေါ်ပင်ရဲရဲတက်မ မောင်းဝံ့၊လမ်းပေါ်တက်ပြန်တော့လည်း သတိထားမောင်းရ၊ အလုပ်ရုံထိုးပြီးပြင်ဆင်ရမည်ဆိုတော့လဲ ဆေး၊ ဘော်ဒီ ပတ်ကားလုပ်မည်ဆိုလျှင် ကိုးသိန်းခန့် ကုန်မည်ဖြစ်သဖြင့် မိမိ၏လတ်တလော အခြေအနေအရမဖြစ်နိုင်။ သို့ဖြစ်ရာ အဖက်ဖက်မှ လက်မှိုင်ချထားရသော ကားအိုကလေးက နိုင်ငံတော်အစိုးရ၏ စေတနာဖြင့် မျှော်လင့်ချက်ရောင်နီသမ်း ခဲ့ရသည်။ နိုင်ငံတော်အစိုးရ၏ စေတ နာကြောင့် ရောင်နီသမ်းခဲ့ရသော မော်တော်ကားနှင့်ပတ်သက်သည့် မျှော်လင့် ချက်သည် ဝိသမလောဘသား တချို့ ၏ စဉ်းလဲကောက်ကျစ်မှုများကြောင့် စိုးရိမ်ပူပန်မှုများဖြစ်ခဲ့ရပြန်သည်။                     သို့ဖြင့်ကျွန်တော်က ယာဉ်အို ယာဉ်ဟောင်းအပ်နှံကာ သတ်မှတ်စံနှုန်း များနှင့်အညီ ကားသစ်တစ်စီး တင်သွင်း ခွင့်ဆိုင်ရာ သတင်းများကို လေ့လာခဲ့ မိပါသည်။                         ကားသစ်ပါမစ်ရသူအတွက် သက်ဆိုင်ရာဝန်ကြီးဌာနများမှ တာဝန်ရှိသူ များက မီဒီယာများမှအချိန်နှင့် တစ်ပြေး ညီသတင်းထုတ်ပြန်ခဲ့သည်ကိုလည်း တွေ့ ရသည်။ စက်တင်ဘာလ ၁၆ ရက်နေ့ ထုတ်မော်ဒန်သတင်းဂျာနယ်တွင် ပါရှိသော " ကားသစ်ပါမစ်ရသူ အရောင်းပြခန်းမှာလဲ ဝယ်ယူနိုင်ဖို့စီစဉ်" ဆိုသည့် သတင်းခေါင်းစဉ်တွင် ဖော်ပြသော သတင်းအချက်အလက်များတွင် " ကားအဟောင်းအစား ကားသစ်ဝယ် ယူခွင့် ပါမစ်ရသူတွေ ပြည်တွင်းမှာတင် နိုင်ငံ ခြားကားမျိုးစုံဝယ်ယူနိုင်အောင် ယာဉ်အရောင်းပြခန်းဖွင့်ပြီး ရောင်းချပေးဖို့ ရှိကြောင်း သိရတယ်။ ကားဝယ်ယူခွင့် ပါမစ်ရပြီး နိုင်ငံခြားက ကားဝယ်ယူတင် သွင်းဖို့ မလုပ်တတ်သူတွေ၊ ရုံး မသွား ချင်သူတွေအတွက် နိုင်ငံခြားကား ထုတ် လုပ်တဲ့ ကုမ္ပဏီတွေနဲ့ ဆက်သွယ်ပြီး မြန်မာနိုင်ငံထဲမှာတင် ကားဝယ်ယူနိုင် အောင် ယာဉ်အရောင်းပြခန်းဖွင့်လှစ် ရောင်းချနိုင်ရေး ခွင့်ပြုပေးထားတာဖြစ်တယ်လို့ စက်တင်ဘာလ ၁၁ ရက်နေ့ ပြည်ထောင်စုဝန်ကြီးတချို့နဲ့ တွေ့ဆုံ ပွဲမှာ ရထားပို့ဆောင်ရေးဝန်ကြီးဌာန ပြည်ထောင်စုဝန်ကြီး ဦးအောင်မင်းထံ ကသိရပါတယ်။ သူက " ကားဝယ်ယူခွင့် ပါမစ်ရပြီး မလုပ်တတ်သူတွေက ကား လုပ်တဲ့ကုမ္ပဏီတွေ၊ အကျိုးဆောင်လုပ် ငန်းတွေထံအပ်မယ်၊ အဲဒီမှာ လက်ဝါး ကြီးအုပ်လိုက်ရင် ကားဝယ်ယူခွင့်ပါမစ် ရသူတွေ ဒုက္ခရောက်မယ်။ အဲဒီကိစ္စမျိုး တွေပျောက်အောင် ယာဉ်အရောင်းပြ ခန်းဖွင့်ရောင်းပေးမယ်" လို့ပြောပါတယ်                    ဟုသတင်းတွင် ဖော်ပြထားရာ သက် ဆိုင်ရာတာဝန်ရှိသူများက မော်တော် ကားတင်သွင်းခွင့်ရရှိသူ ယာဉ်အိုယာဉ် ဟောင်းပိုင်ရှင်များ၏ အခွင့်အရေးမဆုံး ရှုံးစေရန် ကြိုတင်မျှော်တွေးကာ အချိန် နှင့်တစ်ပြေးညီသတင်း ထုတ်ပြန်ပေးခဲ့သည် ကို တွေ့ရှိရသည်။                    သို့ဖြစ်၍ ကျွန်တော်တို့သည် သတင်းအချက်အလက်များကို အမြဲမ ပြတ်လေ့လာနေရမည်ဖြစ်သည်။ ရုပ်မြင်သံကြားအစီအစဉ်တွင် သတင်း လွှင့်ချိန်ရောက်လျှင် ရုပ်သံပြစက်ကို ပိတ်ထားတာမျိုး၊ ဂျာနယ်စာမျက်နှာ တွင် ရုပ်ရှင်မင်းသား/မင်းသမီးသတင်း၊ အဆိုတော်/မော်ဒယ်သတင်းကလွဲပြီး ကျန်သည့်သတင်းကျော်လွှားကာဖတ် သည့်အလေ့ များကို ပယ်ဖျောက်ချိန် တန်ပြီဖြစ်သည်။                      ကားတင်သွင်းခြင်းနှင့်ပတ်သက် ၍ ကားတင်သွင်းခွင့်ပါမစ်ရရှိထားသူ များအတွက် တန်ဖိုးရှိသတင်းတစ်ပုဒ် ကို လည်း အောက်တိုဘာလ ၂၈ ရက်နေ့ ထုတ်မော်ဒန်သတင်းဂျာနယ် စာမျက် နှာ ၆ ပြည်တွင်း သတင်းကဏ္ဍတွင် "တရားဝင်အကျိုးဆောင်ကုမ္ပဏီ နဲ့ကား ဝယ်ဖို့လို" ဆိုသည့် ခေါင်းစဉ်ဖြင့် " ကားဟောင်း အပ်ပြီး ကားတင်သွင်းခွင့် ရထားသူတွေ ငွေကြေးအလိမ်မခံရဖို့၊ ဆုံးရှုံးမှုမရှိဖို့ ဥပဒေလုပ်ထုံးလုပ်နည်း တွေနဲ့အညီ တရားဝင်အကျိုးဆောင် ကုမ္ပဏီတွေ ကားအရောင်းပြခန်းဖွင့်လှစ် ရောင်းချသည်အထိ အချိန်နည်းနည်း စောင့်သင့်တယ်လို့ အချို့ကအကြံပြု တယ်။ လုပ်ငန်းမကျွမ်းကျင်မှုကြောင့် အကျိုးဆောင်ကုမ္ပဏီထံအပ်တဲ့အခါ လိမ်လည်ခံ ရတာ၊ အကျိုးဆောင်ခ ကျပ် ၁၀ သိန်းကနေ သိန်း ၅၀ အထိ အဆမတန်ပေးရတာမျိုးတွေနဲ့ ကြုံတွေ့ နေရကြောင်း ကားဟောင်းပိုင်ရှင်အချို့ ကပြောပါတယ်။                       " တရားဝင်အကျိုးဆောင်ကုမ္ပဏီ ဆိုတာက နိုင်ငံခြားကားကုမ္ပဏီကနေ တရားဝင် လုပ်ပိုင်ခွင့်ပေးအပ်ခံထားရသူ မျိုးဖြစ်တယ်။ လုပ်ပိုင်ခွင့်ရကုမ္ပဏီမှာ ဝယ်သူက အပြီးသတ်ဈေးဆစ်လို့ရတယ်။ ဈေးနှုန်းအတည်ပြုလို့ရတယ်။ ကြိုက်ရာကားရွေးချယ်နိုင်တယ်။ ငွေကိုလဲ တစ်ခါတည်းပေးချေနိုင်ပြီး အရောင်းအ ဝယ်စာချုပ်အပြီးသတ်ချုပ်ဆိုနိုင်တဲ့ အခွင့်အရေးသာတယ်။ တရားဝင်အကျိုး ဆောင်ကုမ္ပဏီတွေ ကားအရောင်းပြခန်း ဖွင့်ခွင့်ရတာနဲ့ လက်ရှိဖြစ်ပေါ်နေတဲ့ ကားသစ်ဝယ်ယူနိုင်ရေး အခက်အခဲပြေ လည်နိုင်ကြောင်း စီးပွားရေးနှင့် ကူးသန်း ရောင်းဝယ်ရေးဝန်ကြီးဌာနက သိရတယ်။ လက်ရှိကားတင်သွင်းပေးနေတဲ့ အကျိုးဆောင်ကုမ္ပဏီအချို့က စီးပွား ရေးနှင့် ကူးသန်းရောင်းဝယ်ရေးဝန်ကြီး ဌာနက သတ်မှတ်ထားတဲ့ လုပ်ထုံးလုပ် နည်းတွေနဲ့ တစ်ထပ်တည်းမဖြစ်ဘူး လို့ဆိုပါတယ်။ တရားဝင်လုပ်မယ်ဆိုရင် ဥပမာ နိုင်ငံခြားကားကုမ္ပဏီထံကနေ မြန်မာနိုင်ငံမှာ ကားရောင်းချတာနဲ့ ပတ်သက်လို့ အကျိုးဆောင်ချင်တယ် ဆိုရင် စီးပွားရေးနှင့် ကူးသန်းရောင်း ဝယ်ရေးဝန်ကြီးဌာနမှာ စီးပွားရေးအကျိုး ဆောင် မှတ်ပုံတင်လျှောက်ထားခွင့်ပြု နေတယ်လို့ သိရတယ်"။                          " ရင်းနှီးမြှုပ်နှံမှုဦးစီးဌာနမှာ လုပ် ငန်းဆောင်ရွက်မယ့် ကုမ္ပဏီက အကျိုး ဆောင်ကုမ္ပဏီအဖြစ် မှတ်ပုံတင်ရရှိပြီး ကုမ္ပဏီကပဲ စီးပွားရေးအကျိုးဆောင် မှတ်ပုံတင်လျှောက်ထားခွင့်ရှိပါတယ်။ နိုင်ငံခြားကုမ္ပဏီက ကားတွေကို မြန်မာ နိုင်ငံအတွင်း ရောင်းချခွင့်ပေးဖို့ တရား ဝင်အကျိုးဆောင်လွှဲအပ်ခံရသူဖြစ်ရ မယ်။ တရားဝင် အကျိုး ဆောင်ဖြစ်ပြီဆို တာနဲ့ နိုင်ငံခြားကုမ္ပဏီကိုယ်စားမြန်မာ ကကားဝယ်မယ့်သူတွေကို တရားဝင် ရောင်းချပေးတာမျိုးသာ ဥပဒေလုပ်ထုံး လုပ်နည်းတွေနဲ့ အညီဖြစ်ကြောင်း စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနက သိရတယ်"။                        " လက်ရှိအကျိုးဆောင်ကုမ္ပဏီနဲ့ ဝယ်သူအကြားပြဿနာက မြန်မာနိုင်ငံ ရှိ တည်ဆဲဥပဒေအရပဲ သူတို့မှာ အပြန်အလှန်တာဝန်ရှိမှာဖြစ်တယ်။ ရှေ့ ဆက်ပြီး ဌာနကတရားဝင်ရှိတဲ့ လုပ်ထုံး လုပ်နည်းနဲ့ဆောင်ရွက်မယ့် ကုမ္ပဏီဆို ရင် ပြဌာန်းထားတဲ့ စည်းမျဉ်းစည်းကမ်း တွေကို လိုက်နာဆောင်ရွက်စေမှာဖြစ် တယ်လို့ ကုန်သွယ်ရေးညွှန်ကြားမှုဦးစီး ဌာန ပို့ကုန်သွင်းကုန်မူဝါဒနှင့် ဥပဒေ လုပ်ငန်းများဆိုင်ရာ စိစစ်ဆောင်ရွက် ရေးဌာနခွဲ ညွှန်ကြားရေးမှူး ဦးသန်း အောင်က ပြောပါတယ်" ဟု ဖော်ပြ ထားသည်ကို ဖတ်ရှုရပါသည်။                         ယာဉ်ဟောင်းအပ်နှံပြီး ကားတင် သွင်းခွင့်ခွင့်ပြုမိန့် (ပါမစ်) ရရှိသူများအ တွက် မဖြစ်မနေသိသင့်သိ ထိုက်သော အချက်အလက်များဖြစ်ပါသည်။ တစ်ဆက်တည်းမှာပင် ကားအ ရောင်းစင်တာဖွင့်လှစ်ရန်အတွက် လျှောက်လွှာ နှင့် အတူ တင်ပြရမည့်အ ချက်များကိုလည်း လေ့လာတွေ့ရှိရသ ဖြင့် ဖော်ပြအပ်ပါသည်- ၁။ ကုမ္ပဏီ Letter Head ပါအရောင်းစင်တာဖွင့်လှစ်ခွင့်တင် ပြသည့်လျှောက်လွှာ။၂။ ဝန်ဆောင်မှုကုမ္ပဏီမှတ်ပုံတင် မိတ္တူ။၃။ စီးပွားရေးအကျိုးဆောင်မှတ်ပုံတင်မိတ္တူ။၄။ အရောင်းစင်တာတည်နေရာ နှင့် အကျယ်အဝန်း(ဓာတ်ပုံ ပူးတွဲ တင်ပြရမည်)။၅။ မော်တော်ကားသိုလှောင်ထား မည့် တည်နေရာနှင့် အကျယ်အဝန်း (ဓာတ်ပုံပူးတွဲတင်ပြ ရမည်)။၆။ ကုမ္ပဏီ၏ နိုင်ငံခြားငွေစာရင်း အမှတ်နှင့် နိုင်ငံခြားငွေပမာဏ၊ ဘဏ်စာအုပ်မိတ္တူ။၇။ ကုမ္ပဏီ၏ မြန်မာငွေစာရင်းအမှတ်နှင့် မြန်မာကျပ်ငွေပမာ ဏ၊ ဘဏ်စာအုပ်မိတ္တူတို့ဖြစ်ပါသည်။               တင်ပြရမည့်အချက် (၇) ချက်ရှိ ပြီး အမှတ်စဉ် (၂) အချက်ဖြစ်သော ဝန်ဆောင်မှုကုမ္ပဏီမှတ်ပုံတင်ခြင်းလုပ် ငန်းကို အမျိုးသားစီမံကိန်းနှင့် စီးပွားရေး ဖွံ့ဖြိုးတိုးတက်မှုဝန်ကြီးဌာနတွင် ဆောင်ရွက်ရမည်ဖြစ်ပြီး အမှတ်စဉ် (၃)အချက် ဖြစ်သော စီးပွားရေးအကျိုးဆောင်မှတ် ပုံတင်ခြင်းကိစ္စရပ်ကို စီးပွားရေးနှင့် ကူးသန်းရောင်းဝယ်ရေးဝန်ကြီးဌာနတွင် ဆောင်ရွက်ရမည်ဖြစ်ကြောင်း သိရှိရပါသည်။                    သို့ဖြစ်၍ ကားတင်သွင်းခွင့်ပါမစ် ရရှိထားသူများအနေနှင့် တရားမဝင်ဝန် ဆောင်မှုကုမ္ပဏီများထံ ယုံမှတ်၍ ပုံမအပ်မိစေရန်၊ ဖတ်ရှုမှတ်သားထားသည် များမှ ထုတ်နုတ်စုစည်းကာ တင်ပြအပ် ပါသည်။                        ဆက်လက်၍ တင်ပြလိုသည်မှာ တရားဝင်မှတ်ပုံတင်ထားခြင်းမရှိသည့် ယာဉ်တင်သွင်းခွင့် အကျိုးဆောင်များ၏ စီးပွားရေးကြော်ငြာများကို လက်ခံဖော် ပြနေသည့် မီဒီယာများနှင့် ပတ်သက်၍ ဖြစ်ပါသည်။ မီဒီယာ များ၏ အသက် သွေးကြောသည် ကြော်ငြာဝင်ငွေအပေါ်မှီခိုနေရကြောင်း မှတ်သားဖူးပါ သည်။ သို့သော်လည်း နိုင်ငံတော်သည် ဖွဲ့စည်းပုံအခြေခံဥပဒေနှင့်အညီ ပြုပြင် ပြောင်းလဲကာ ဒီမိုကရေစီနိုင်ငံတော် သစ်ကို ဖော်ဆောင်နေချိန်တွင် တရားဝင်ခွင့်ပြုမိန့်မရသေးသော ဝန်ဆောင်မှု ကုမ္ပဏီများ၏ ကြော်ငြာများကို ဖော်ပြ ခြင်းဖြင့် တရားဥပဒေကိုစောင့်ထိန်းရန် ပျက်ကွက်ရာရောက်ပါသည်။ မီဒီယာ များသည် အုပ်ချုပ်ရေး၊ ဥပဒေပြုရေး၊ တရားစီရင်ရေးဆိုသည့် မဏ္ဍိုင်(၃)ခုကို တည့်မတ်ထိန်းကျောင်းပေးသည့်စတုတ္ထ မဏ္ဍိုင်ဖြစ်ပေရာ တည်ဆဲဥပဒေများ ကို မစောင့်ထိန်းရာရောက်သော တရား ဝင်မှတ်ပုံတင်ထားခြင်းမရှိသည့် ယာဉ် တင်သွင်းခွင့်အကျိုးဆောင်များ၏ စီး ပွားရေးကြော်ငြာများကို ဖော်ပြနေသည့် အပြုအမူများကို ပြုမူကျူးလွန်ရန်မှာ သင့်တော်မည်မဟုတ်သောကြောင့် အ လေးအနက်ဂရုပြုဆောင်ရွက်နိုင်ရန် ရေးသားလိုက်ရပေသည်။

Wednesday, 9 Nov 2011

 ဘယ်ဈေးကွက်ကို ဘယ်သူရွေးခဲ့သလဲ                 ဗဟိုမှချုပ်ကိုင်ခဲ့သည့် စီမံကိန်းချ စီးပွားရေး စနစ်ဖြင့် စခန်းသွားခဲ့ရသည့် ၁၉၈၈ ခုနှစ် မတိုင် ခင်ကာလ မြန်မာနိုင်ငံတွင် " သမဝါယမ"ဆိုသည့် စကားလုံးသည် အလွန်လူသိများ ရေပန်းစားခဲ့သည်။ " ဈေးကွက် "  ဆိုသည်ကို မည်သူမှ ရေးကြီး ခွင်ကျယ်ဆွေးနွေးမှုများ မရှိခဲ့။ စိတ်လည်းမဝင်စား ခဲ့ပေ။ အများပြည်သူတို့သည် ၎င်းင်းတို့၏နေ့စဉ်ဘ၀ လိုအပ်ချက်အတွက် စားသုံးကုန်မှစ၍ လူအသုံး အဆောင်ပစ္စည်းအဆုံး လိုအပ်ချက် အများစုကို အစိုးရမှထူထောင် ထားသော သမဝါယမဆိုင်များ သို့သွားရောက်၍ သတ်မှတ်ထားသော စာအုပ်ဖြင့် ကန့်သတ်ထားသော ကိုတာကို ဝယ်ယူခဲ့ကြရသည်။ ထို့အတွက်ကြောင့်လည်း ဈေးကွက်ဆို သည်ကို သတိမမူမိဘဲ သမဝါယမအဖွဲ့အစည်း၏ သဘောတရား လုပ်နည်းလုပ်ဟန်များထဲတွင်သာ နစ်မျောခဲ့ကြခြင်း ဖြစ်ပေလိမ့်မည်။                  မည်သို့ပင်ဆိုစေကာမူ စီးပွားရေး သဘော တရားအရ ရောင်းသူနှင့်ဝယ်သူရှိလျှင် "ဈေးကွက်" သည် အလိုအလျှောက် တည်ရှိနေပြီးဖြစ်သည်ဟု ဆိုသောကြောင့် ထိုစနစ်အောက်မှာပင် ဈေးကွက် ဆိုသည့်အရာ တည်ရှိနေခဲ့ပြီး ဖြစ်သည်ဟုဆိုနိုင်သည်။ ထိုဈေးကွက်ထဲတွင် ရောင်းသူမှာ တစ်ဖွဲ့ တစ်စည်းတည်းဖြစ်သော အုပ်ချုပ်သူ အစိုးရဖြစ် ပြီး ဝယ်သူမှာ တစ်နိုင်ငံလုံးရှိ အများပြည်သူ ပြည်သားစားသုံးသူများပင် ဖြစ်သည်။ အမျိုးအစားအား ဖြင့် တစ်ဦးတည်း၊ တစ်ဖွဲ့တည်းမှ ချုပ်ကိုင်ထားသော မိုနိုပိုလီဈေးကွက်ဟု ဆိုရမည်။ စီမံကိန်း စီးပွားရေးစနစ်အောက်မှ ထိုဈေးကွက်ထဲတွင် စားသုံးသူ အများပြည်သူတို့သည် အရည်အသွေး၊ဈေးနှုန်း ရွေးချယ်စရာမရှိ ချိန်ဆစရာမလိုဘဲ ရောင်းချသမျှ ဝယ်ယူရန်သာဖြစ်သည်။ သို့ရာတွင် ထိုဈေးကွက်များသည် လွတ်လပ်သောဈေးကွက် စီးပွားရေးစနစ်ထဲရှိ မိုနိုပိုလီဈေးကွက်များကဲ့သို့ ဈေးနှုန်းကစားခြင်း၊ အရည်အတွက်ပေါ် မူတည်၍ ဈေးနှုန်းပြောင်းလဲခြင်းများ မပေါ်ပေါက်တတ် ပေ။ ဆိုရှယ်လစ်စနစ်၏ အခြေခံမူအရ ပြည်သူတို့ ၏ စားဝတ်နေရေး ဖူလုံမှုကိုရှေးရှုရသောကြောင့် ဈေးနှုန်းများ သက်သာပြီး ဈေးကွက်တည်ငြိမ်သည်။                     စီမံကိန်းချ စီးပွားရေးစနစ်အောက်ရှိ ပြိုင်ဘက်ကင်း၍ အမြတ်အစွန်း မက်လုံးလှုပ်ရှားမှု မရှိသော ဈေးကွက်များကြောင့် လူအဖွဲ့အစည်း တွင် အဘက်ဘက်မှ အရည်အသွေး ကျဆင်းမှု များဖြစ်ပေါ်ခဲ့ပြီး ညံ့ဖျင်းသော ထုတ်ကုန်များကို သာ အသုံးပြုရသောကြောင့် နေထိုင်မှုဘဝများပါ အဆင့်အတန်းများ နိမ့်ကျခဲ့ရကြောင်း နိုင်ငံရေး ဘောဂဗေဒပညာရှင်တို့က အခိုင်အမာ ထောက်ပြကြသည်ကို တွေ့ရသည်။ ၁၉၈၈ ခုနှစ် ဆိုရှယ် လစ်စနစ်ပြိုလဲသောအခါ ဒီမိုကရက်တစ် လူ့အဖွဲ့အစည်းကို ဦးတည်သော နိုင်ငံရေးစနစ်သို့ ပြောင်း လဲကျင့်သုံးခဲ့ပြီး နိုင်ငံရေးစနစ်နှင့် သဟဇာတဖြစ် မည့် အောင်မြင်မှု စံနမူနာများဖြင့် လူကြိုက်များ နေသော လွတ်လပ်သောဈေးကွက်စနစ်ကိုပါ ရွေး ချယ် ကျင့်သုံးခဲ့ကြတော့သည်။ မိတ်အဆက်မှာ စိတ်ပျက်ခဲ့ရတဲ့ဈေးကွက်                       စီမံကိန်းချစီးပွားရေးစနစ်တွင် "သမဝါယမ"ဖြင့် ရင်းနှီးကျွမ်းဝင်ခဲ့ပြီးနောက် နိမ့်ဆင်းလာခဲ့ သော နိုင်ငံ့စီးပွားရေးဖွံ့ဖြိုးမှုအဆင့်၊ ချွတ်ခြုံကျလာသော ပြည်သူတို့၏ လူနေမှု အဆင့်အတန်း များကို ရင်ဆိုင်ကြုံတွေ့လာရသောကြောင့် လွတ်လပ်သောဈေးကွက်များကို အများနည်းတူ အားကိုးရကောင်းမှန်း သိလာခဲ့ခြင်းဖြစ် ပေလိမ့်မည်။ ဈေးကွက်စနစ်ကြောင့် ချက်ချင်းလက်ငင်း စီးပွားရေး ဖွံ့ဖြိုးတိုးတက်လာနိုင်သည်ဟု မပြောနိုင်သော်လည်း ဈေးကွက်စနစ်ပီပြင်မှု ရှိလာလေလေ ပြိုင်ဆိုင်မှုနှင့် ဈေးကွက်မက်လုံးများ စွမ်းအားရှိလေ လေဖြစ်လာကာ လုပ်သားအင်အားစုများ၏ ကြိုးစားလုပ်ကိုင်မှုများ တိုးတက်များပြားလာခြင်း၊ ဝင်ငွေအဆင့် မြင့်မားလာခြင်း၊ တစ်နိုင်ငံလုံးအားဖြင့် လည်း စီးပွားရေးဖွံ့ဖြိုးမှု အဆင့်အတန်း တိုးတက် လာနိုင်ခြင်း စသည့်ကောင်းကျိုးရလဒ်များရှိလာနိုင် သည်ကိုမူ တထစ်ချ သုံးသပ်နိုင်သည်။ အပြောင်းအလဲကာလတွင် မတည်ငြိမ်မှု သည် သဘာဝဖြစ်သည်။ ဈေးကွက်စနစ်သို့ ကူးပြောင်းကာစ ဈေးကွက်စနစ်ကို မိတ်ဆက်ကျင့်သုံး စကာလတွင် ဈေးကွက်ဈေးနှုန်း မတည်ငြိမ်မှုများ ကြုံတွေ့ရနိုင်သည်။ ပေါ်လစီချမှတ်ရာတွင် မကျွမ်းကျင်မှု၊ သတင်းအချက်အလက် စီးဆင်း နိုင်စွမ်း အားနည်းမှုတို့နှင့် လုပ်ထုံးလုပ်နည်းများ ထင်သာမြင်သာ ရှိနိုင်စွမ်း လျော့ပါးခဲ့ခြင်းတို့ ကြောင့် ဈေးနှုန်းမတည်ငြိမ်ဖြစ်မှုများ ဖြစ်တတ် သကဲ့သို့ အခြေအနေဖန်တီး၍ အခွင့်အရေးများ ရယူတတ်သည့် စီးပွားရေးသမားများကြောင့်လည်း ဈေးကွက်မသေချာ မရေရာခြင်းများ၊ ဈေးကွက် အခြေ အနေကမောက်ကမ ဖြစ်ခြင်းများလည်း ကြုံတွေ့ရတတ်ပြန် သည်။ ဥပမာ နိုင်ငံရပ်ခြားတွင် သာမန်ကုန်စည်ဖြစ်နေသော ဟန်းဖုန်းနှင့် မော်တော်ကားတို့မှာ မြန်မာနိုင်ငံတွင် ဇိမ်ခံပစ္စည်း ဖြစ်ကာ အံ့သြစရာကောင်းလောက်အောင် ဈေးနှုန်းများမြင့်မားနေခြင်းမျိုးဖြစ်သည်။ ဈေးကွက် စနစ်ကို စတင်မိတ်ဆက်သည့်ကာလ ဆယ်စုနှစ်များအတွင်း အခြေခံ လူတန်းစားအများစုတို့အဖို့ ဈေးကွက်များ၏ အခြေအနေမှာ စိတ်ပျက်ဖွယ် ကောင်းနေတော့သည်။ စားသောက်ကုန်ဈေးကွက် မှစ၍ ပို့ကုန်သီးနှံဈေးကွက်၊ ဟန်းဖုန်းဈေးကွက်၊အိမ်ခြံမြေနှင့် ရွှေ၊ ကားဈေးကွက် စသည်ဖြင့် ဈေးကွက်မျိုးစုံတို့မှာ မှန်းဆရခက်ခဲလောက်အောင် မတည်ငြိမ်မှုများ ရှိခဲ့လေသည်။ မိတ်ဆက်ခြင်းအလွန်                     ယခု ၂၀၁၁ ခုနှစ် ဧပြီလတွင် အစိုးရသစ် သည် နိုင်ငံတော်တာဝန်များကိုယူခဲ့ပြီး လွှတ်တော် အခင်းအကျင်းဖြင့် နိုင်ငံတော်၏ ခရီးစဉ်သစ်ကို ချီတက်နေပြီဖြစ်သည်။ မိတ်ဆက်ပေး ကျင့်သုံး လာခဲ့သည့် ဈေးကွက်စနစ်သည်လည်း ပီပြင်စွာရုပ်လုံးပေါ်လာတော့မည်။ ဤအချက်ကို အားလုံး သတိပြုမိဖို့လိုသည်။ လွန်ခဲ့သော အပြောင်းအလဲ ကာလများက ဈေးကွက်မျိုးများကိုဖန်တီး၍ ဈေး ကွက်လှုပ်ခါစေရန်၊ ကမောက်ကမဖြစ်စေရန် အား ထုတ်မည်ဟု စိတ်ကူးမယဉ်သင့်တော့ပေ။ ထိုသို့ဆို နေစဉ်မှာပင် စက်တင်ဘာလအစက ကားဟောင်း များကို ပယ်ဖျက်၍ အစားထိုးတင်သွင်းခွင့် ပြုသည့် ကြေညာချက်ပေါ်ထွက်ခဲ့ချိန်၌ ထူးခြား သော မော်တော်ကားဈေးကွက်တစ်ခု ဖြစ်ပေါ်လာ ခဲ့သည်။ ဟောင်းနွမ်းစုတ်ပြတ်နေသော (အချို့ဆို လျှင် လုံးဝသုံးမရတော့သော)ကားတစ်စီး၏ တန်ဖိုး သည် သင့်တင့်မော်ဒယ်မြင့်ကားတစ်စီး တန်ဖိုးနီး ပါးပင်ဖြစ်နေသည်။ ထိုကဲ့သို့ အခြေအနေမျိုးသည် သတင်းအချက်အလက် လွတ်လပ်စွာ စီးဆင်းမှု နှင့် ကုန်ပစ္စည်းလွတ်လပ်စွာစီးဆင်းမှု အားနည်းနေ ခြင်း၊ လုပ်ထုံးလုပ်နည်းများ ထင်သာမြင်သာရှိမှု လိုအပ်နေခြင်း၊ အခွင့်ထူးခံ စီးပွားရေးသမားများ ရှိနေသေးခြင်းတို့ကြောင့် ဖြစ်ပေါ်နေခြင်းဖြစ်သည်။ နိုင်ငံရေး အခင်းအကျင်းသစ်အောက်တွင် စီးပွားရေးဝန်းကျင်သစ် တဖြည်းဖြည်းရုပ်လုံးပေါ်လာသည့်အခါ ထိုအခြေအနေမျိုး တဖြည်းဖြည်း ကွယ်ပျောက်သွားပေလိမ့်မည်။                   ၂၀၁၅ ခုနှစ်တွင် အာဆီယံလွတ်လပ်သော ကုန်သွယ်မှုဒေသ (AFTA) လာတော့မည်။ အများ နည်းတူ ပြိုင်ဆိုင်နိုင်ရတော့မည်။ ဂွင်ဖန်တီးဈေး ကစားတတ်ရုံနှင့် အလုပ်မဖြစ်တော့၊ တကယ့် အရည်အချင်းတွေလိုလာပြီဖြစ်သည်။ အချိန်အခါ သည်လည်း ဈေးကွက်စနစ်နှင့် မိတ်ဆက်ပေးသည့် နိဒါန်းကာလ၏ နိဂုံးသို့ ချဉ်းကပ်လာနေပြီ ဖြစ်ရာ လက်ချင်းချိတ်၍ လာတတ်သော အခွင့် အလမ်းနှင့် စိန်ခေါ်မှုအတွက် အိုင်ဒီယာအသစ် များခင်းကျင်းထားရန် လိုအပ်ပြီဖြစ်ပါကြောင်း။

Pages