Background
အွန်လိုင်းမှ ရောင်းဝယ်မှုများတွင် စားသုံး သူအခွင့်အရေးများ အပြည့်အဝ ရရှိစေရန်နှင့် အွန်လိုင်းမှ ရောင်းဝယ်မှုများတွင် စားသုံးသူ နစ်နာဆုံးရှုံးမှုများအား ကာကွယ်ဖြေရှင်း ဆောင် ရွက်ပေးနိုင်မည့် နည်းလမ်းများ ဖော်ထုတ်နိုင်ရန် ဟူသော ရည်ရွယ်ချက်ဖြင့် အလုပ်ရုံဆွေးနွေးပွဲ တစ်ရပ်ကို ရန်ကုန်မြို့ မင်းရဲကျော်စွာလမ်းမပေါ်ရှိ ပြည်ထောင်စုသမ္မတမြန်မာနိုင်ငံ ကုန်သည်များနှင့် စက်မှုလက်မှု လုပ်ငန်းရှင်များအသင်းချုပ် မင်္ဂလာ ခန်းမ၌ ဇန်နဝါရီ ၃၀ ရက် နံနက် ၉ နာရီမှ ညနေ ၅ နာရီ ၁၅ မိနစ်အထိ ကျင်းပခဲ့ကြောင်း သိရသည်။
Boeing လေကြောင်းကုမ္ပဏီသည် ရုံးပိုင်းဆိုင်ရာတွင် အလုပ် လုပ်ကိုင်နေသည့် ဝန်ထမ်းပေါင်း ၂၀ဝ၀ ခန့်ကို ယခုနှစ်အတွင်း လျှော့ချ သွားရန် စီစဉ်ထားကြောင်း သိရသည်။
Boeing လေကြောင်းကုမ္ပဏီအနေဖြင့် ထိုကဲ့သို့ လုပ်သားအင်အား လျှော့ချရန် စီစဉ်ရခြင်းမှာ ကျဆင်းလာသည့် စီးပွားရေးကို တစ်ဖက်တစ်လမ်းမှ ကုစားရန် ရည်ရွယ်ခြင်းဖြစ်သည်ဟု ဆိုသည်။ သို့သော် Boeing လေကြောင်းလိုင်းအနေဖြင့် ခရီးသွားပြည်သူများ၏ ဘေးကင်းလုံခြုံရေး နှင့် အဆင်ပြေစွာ ခရီးသွားလာနိုင်ရေးကို အလေးပေးဆောင်ရွက်သွား မည်ဖြစ်ကြောင်း ယင်းကုမ္ပဏီမှ ထိပ်တန်းအရာရှိတစ်ဦးက ပြောသည်ဟု ဘီဘီစီသတင်းတွင် ဆက်လက်ဖော်ပြထားသည်။
၂၀၂၂-၂၀၂၃ ဘဏ္ဍာနှစ် လက်ရှိအချိန်ထိ ပြည်ပသို့ ရော်ဘာတန်ချိန် နှစ်သိန်းခွဲကျော် တင်ပို့ထားပြီး တရုတ်နိုင်ငံကို အများဆုံးတင်ပို့ထားကြောင်း ရော်ဘာစိုက်ပျိုးထုတ်လုပ်သူများထံမှ သိရသည်။
ရော်ဘာတင်ပို့မှုတွင် တရုတ်နိုင်ငံအပြင် တောင်ကိုရီးယား၊ အိန္ဒိယ၊ မလေးရှား၊ အင်ဒိုနီးရှား၊ စင်ကာပူနှင့် ဂျပန်နိုင်ငံများသို့လည်း တင်ပို့ထားကြောင်းသိရသည်။ ယခုဘဏ္ဍာနှစ်ကုန်အထိ ပြည်ပနိုင်ငံများသို့ ရော်ဘာတန်ချိန် သုံးသိန်း တင်ပို့ရန် ရည်မှန်းထားပြီး ရော်ဘာပြည်ပတင်ပို့ရာတွင် နယ်စပ်လမ်းကြောင်းအပြင် ပင်လယ်ရေကြောင်းကပါ တင်ပို့နေခြင်းဖြစ်ကြောင်းသိရသည်။
ပြီးခဲ့သည့် ၂၀၂၂ ခုနှစ် တစ်နှစ်တာအတွင်း တရုတ်နိုင်ငံသို့ အမေရိကန်ဒေါ်လာ ၁ ဒသမ ၄၃ ဘီလီယံတန်ဖိုးရှိ သဘာဝဓာတ်ငွေ့များ တင်ပို့ရောင်းချခဲ့ကြောင်း သိရသည်။
မြန်မာနိုင်ငံသည် တရုတ်နိုင်ငံသို့ ဓာတ်ငွေ့တင်ပို့မှု အများဆုံးတင်ပို့သည့်နိုင်ငံများတွင် ပါဝင်ခဲ့ပြီး တာ့ခ်မင်နစ္စတန်နှင့် ရုရှားနိုင်ငံတို့ပြီးပါက တတိယအများဆုံး သဘာဝဓာတ်ငွေ့တင်ပို့ရောင်းချသည့်နိုင်ငံဖြစ်သည်။
ရန်ကုန်တိုင်းဒေသကြီးအတွင်း CMP လုပ်ငန်းများ အပါအဝင် ရင်းနှီးမြှုပ်နှံမှုလုပ်ငန်းသစ် ၁၀ ခု ခွင့်ပြုပေးခဲ့ကြောင်း တိုင်းဒေသကြီးရင်းနှီးမြှုပ်နှံမှုကော်မတီမှ သိရသည်။
ဇန်နဝါရီ ၂၅ ရက်ကပြုလုပ်ခဲ့သည့် ကော်မတီ၏ (၁/၂၀၂၃) အစည်းအဝေးတွင် ခွင့်ပြုပေးခဲ့ခြင်းဖြစ်ပြီး လျှပ်စစ်ကဏ္ဍအတွက် နိုင်ငံခြားရင်းနှီးမြှုပ်နှံမှုလုပ်ငန်း တစ်ခု၊ စက်မှုကဏ္ဍတွင် မြန်မာနိုင်ငံသား ရင်းနှီးမြှုပ်နှံမှုလုပ်ငန်းတစ်ခုနှင့် နိုင်ငံခြားရင်းနှီးမြှုပ်နှံမှု လုပ်ငန်းရှစ်ခုတို့ကို အတည်ပြုခဲ့ခြင်းဖြစ်သည်။
ဇန်နဝါရီ ၁၂ ရက်မှ ၂၅ ရက် နှစ်ပတ်တာကာလအတွင်း စာရင်းဝင်ကုမ္ပဏီ များ၏ စတော့ရှယ်ယာ အရောင်းအဝယ်ဖြစ်မှုမှာ တန်ဖိုးအားဖြင့် ကျပ်သန်းပေါင်း ၁၆၀ ကျော်ရှိခဲ့ကြောင်း ရန်ကုန်စတော့အိပ်ချိန်း (YSX) မှ သိရသည်။
အဆိုပါကာလအတွင်း အရောင်းအဝယ်ဖြစ်မြောက်သည့် ရှယ်ယာစောင်ရေ စုစုပေါင်းမှာ ၄၂၇၉၆ ဖြစ်ပြီး တန်ဖိုးအားဖြင့် ကျပ် ၁၆၃ ဒသမ ၁၂ သန်း ရှိခဲ့ခြင်း ဖြစ်သည်။
ပဲခူးတိုင်းဒေသကြီး ပြည်ခရိုင်တွင် ပဲခူးတိုင်းဒေသကြီး အစိုးရအဖွဲ့ အသေးစား၊ အငယ်စားနှင့် အလတ်စား စီးပွားရေးလုပ်ငန်းများ ဖွံ့ဖြိုးတိုးတက်ရေးအေဂျင်စီ MSMEs ဒေသထုတ်ကုန် ကုန်စည်ပြပွဲနှင့် Talk Show စကားဝိုင်းကို ဇန်နဝါရီ ၁၆ ရက် နံနက် ၉ နာရီတွင် ပြည်မြို့ သီရိခေတ္တရာရတနာမြို့တော်ခန်းမ၌ ကျင်းပခဲ့သည်။ ထို့အတူ ဒေသထုတ်ကုန် ကုန်စည်ပြပွဲအားပြည်မြို့ယဉ်ကျေးမှုကဇာတ်ရုံ၌ ဇန်နဝါရီ ၁၅ ရက်မှ ၁၇ ရက် အထိ သုံးရက်တိုင်တိုင် စည်ကားသိုက်မြိုက်စွာ ကျင်းပခဲ့သည်။
မြန်မာနိုင်ငံ၏ ဒုတိယအကြိမ် ကုန်သွယ်မှုမူဝါဒဆန်း စစ်ခြင်းလုပ်ငန်းစဉ်၏ နောက်ဆက်တွဲ အစည်းအဝေး(2nd TPR Follow Up Meeting) ကို ဇန်နဝါရီ ၂၄ ရက် နံနက် ၉ နာရီခွဲတွင် နေပြည်တော်ရှိ စီးပွားရေးနှင့် ကူးသန်းရောင်းဝယ် ရေးဝန်ကြီးဌာန အစည်းအဝေးခန်းမ(၂)တွင် ကျင်းပပြုလုပ် ခဲ့သည်။ အဆိုပါအစည်းအဝေးသို့ ကုန်သွယ်ရေးဦးစီးဌာန ညွှန်ကြားရေးမှူးချုပ်က ဦးဆောင်၍ ကုန်သွယ်မှုဆိုင်ရာ ဆက်စပ်ဌာန/အဖွဲ့အစည်း ၂၇ ခုမှ ညွှန်ကြားရေးမှူးချုပ်၊ ဒုတိယညွှန်ကြားရေးမှူးချုပ်များ၊ ညွှန်ကြားရေးမှူးများနှင့် တာဝန်ရှိသူများ အပါအဝင် ကိုယ်စားလှယ် ၅၀ ဦး တက် ရောက်ခဲ့ကြသည်။
ပြီးခဲ့သည့် ၂၀၂၂ ခုနှစ်အတွင်း ပင်လယ်ရေကြောင်းကုန်သွယ်မှုမှ နိုင်ငံတကာ ကုန်တင်သင်္ဘောအစင်းရေ ၈၀ အထိ တိုးပြီး ကုန်သွယ်နိုင်ခဲ့ကြောင်း မြန်မာ့ဆိပ်ကမ်းအာဏာပိုင်ရုံးမှ သိရသည်။
ယင်းသို့ နိုင်ငံတကာ ကုန်တင်သင်္ဘောအစင်းရေတိုးပြီး ကုန်သွယ်လာနိုင်သည့်အတွက် ယခု ၂၀၂၃ ခုနှစ်တွင်လည်း ပင်လယ်ရေကြောင်းမှနေ၍ နိုင်ငံတကာသင်္ဘောကြီးများ၏ ကုန်သွယ်မှုမှာ ပိုမိုတိုးတက်လာနိုင်ချေရှိသည်ဟု ခန့်မှန်းထားကြောင်းသိရသည်။
မူပိုင်ခွင့်ဆိုင်ရာ အသိပညာပေး ဆွေးနွေးပွဲအခမ်းအနားကို ဒီဇင်ဘာ ၂၉ ရက် နံနက် ၁၀ နာရီတွင် နေပြည်တော် ရုံးအမှတ်(၅၂)ရှိ မူပိုင်ခွင့်ဦးစီးဌာန အစည်းအဝေးခန်းမ၌ Virtual စနစ်ဖြင့် ကျင်းပခဲ့သည်။